TITUS
Wolfram von Eschenbach, Parzival
Part No. 756
Previous part

Chapter: 756 
756


Verse: 1    wol nâch strîtes êre.
Verse: 2    
helme und ir schilte sêre

Verse: 3    
wâren mit swerten an gerant.
Verse: 4    
ieweder wol gelêrte hant

Verse: 5    
truoc, der diu strîtes mâl entwarf.
Verse: 6    
in strîte man ouch kunst bedarf.

Verse: 7    
Artûse ringe hin
Verse: 8    
si riten. wart vil nâch in

Verse: 9    
geschouwet, der heiden reit:
Verse: 10    
der vuorte et solhe rîcheit.

Verse: 11    
wol beherberget was daz velt.
Verse: 12    
si kêrten vür daz hôchgezelt

Verse: 13    
an Gâwânes ringe.
Verse: 14    
ob man si iht innen bringe,

Verse: 15    
daz man si gerne sæhe?
Verse: 16    
ich wæne, daz geschæhe.

Verse: 17    
Gâwân kom snellîche nâch,
Verse: 18    
wande er vor Artûse sach,

Verse: 19    
daz si gein sînem gezelte riten.
Verse: 20    
der emphienc si mit vreude siten.

Verse: 21    
si hetenz harnas dennoch an:
Verse: 22    
Gâwân der hövesche man

Verse: 23    
hiez si entwâpen schiere.
Verse: 24    
ezidemôn dem tiere

Verse: 25    
was geteilet mite der strît.
Verse: 26    
der heiden truoc ein kursît,

Verse: 27    
dem was von slegen ouch worden :
Verse: 28    
daz was ein sârantasmê,

Verse: 29    
dar an stuont manec tiure stein.
Verse: 30    
dar unde ein wâpenroc erschein,




Next part



This text is part of the TITUS edition of Wolfram von Eschenbach, Parzival.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.