TITUS Texts: Sachsenspiegel

Chapter: (22)
Paragraph: 221     Groz angest get mich an.
Paragraph: 222     ich forchte sere, daz manich man
Paragraph: 223     Diz buch wille meren
Paragraph: 224     unde beginne recht verkeren,
Paragraph: 225     Unde zige des an mich;
Paragraph: 226     so weiz mich got unschuldich,
Paragraph: 227     Den da nimant kan getrigen,
Paragraph: 228     der wisse daz si ligen,
Paragraph: 229     Des en kan ich nicht bewaren.
Paragraph: 230     alle die unrechte varen ,
Paragraph: 231     Unde werbin an disem buche,
Paragraph: 232     den bescheide ich dise vluche,
Paragraph: 233     Unde die valsch hir zu triben:
Paragraph: 234     die maselsucht muze in bekliben,
Paragraph: 235     Alse si Jesi tete
Paragraph: 236     von Heliseus gebete,
Paragraph: 237     Dar abe Naaman wart erlost.
Paragraph: 238     got heilant unde trost,
Paragraph: 239     Der reche ez an in also,
Paragraph: 240     daz die sele ouch unvro
Paragraph: 241     Werde mit deme libe;
Paragraph: 242     des tuvelz hantveste her blibe,
Paragraph: 243     Daz her si habe gewiz,
Paragraph: 244     die wile ire schrift unverteilet iz.
Paragraph: 245     Wer des tuvelz ane ende
Paragraph: 246     wolle sin, der sende
Paragraph: 247     Im diz orkunde
Paragraph: 248     unde vare zu der helle grunde.

This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.