TITUS
Sachsenspiegel
Part No. 40
Previous part

Chapter: XIV 
XIV. Wes der belente son sinen bruderen phlichtig si von des vater lene.


Paragraph: 1.     Al iz daz lenrecht, daz der herre nicht en lie me den eime son sines vater len. Ez en iz nicht lantrecht doch, daz herz alleine behalde, her en erstates sinen bruderen nach deme, alse sichz geburt an der teilunge.
Paragraph: 2.     Also en iz nicht lantrecht, ab der vater den sun von sime lene sundert unde ez em zuhant uflesit, daz her daz zu vorne behalde nach sines vater tode unde in deme anderen lene gelichen teil neme sinen bruderen, aleine kunnen si ez im nicht geweigeren zu lenrechte. Klagen si ubir in zu lantrechte, se twingen in da wol mit orteiln zu rechter teilunge.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.