TITUS
Sachsenspiegel
Part No. 64
Previous part

Chapter: XXXVIII 
XXXVIII. Wer rechtelos si. Worumme man deme manne eigen unde len vorteile. Wie der unechte man sin recht weder gewinne.


Paragraph: 1.     Kemphen unde ire kindere, spillute und alle, de unecht geboren sint, unde di dube adir roub sonen adir weder geben unde si des vor gerichte verwunden werden, adir de iren lip adir hut unde har ledigen mit phenningen, de sint alle rechtelos.
Paragraph: 2.     Die ouch iar unde tag in des riches achte sin, de teilet man rechtelos unde verteilet in eigen unde len. Daz len ist den herren ledig, daz eigen horet in de koningliche gewalt. Ab ez de erben nicht uzzin binnen iar unde tage mit irem eide, so verliesen si ez mit ieme, ez en beneme in denne echte noit, daz si nicht vor komen en mogen. Die not sal man bewisen, alse recht iz. - Dinstmanne eigen en mag in de koninclichen gewalt nicht komen, noch uz ires herren gewalt, ab si sich verwirken an irme rechte.
Paragraph: 3.     Eliche kindere en mag der unechte man sider nicht gewinnen, her en zchustire vor des keisers schar, da her einen anderen koning mit zchuste bestet, so gewinnet her sin recht wider unde nicht sin gut, daz im verteilet iz.




Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.