TITUS
Sachsenspiegel
Part No. 140
Previous part

Chapter: XLIV 
XLIV. Welch ein recht unde unrecht gewere sie. Wie man an lene, an lipgedinge eigen gezugen sal.


Paragraph: 1.     Welch gut ein man in geweren hat iar unde tag ane rechte widersprache, der hat dar an eine rechte gewere. Die wile man abir ein gut undir einem manne beklait nach rechte, wie lange her ez behelt dar ubir mit gewalt, nimmer gewinnet her da eine rechte gewere an, de wile man de rechten klage gezugen mag.
Paragraph: 2.     Wer abir ein gut in geweren hat, daz in anerstorben iz adir im gegeben adir gelegen iz, unde her ez nimande selben nimt, des en darf her nimande widir geben, daz her dar uz nimt, ab im daz gut abe gewunnen wirt, die wil her dar abe keine rechten en weigeret.
Paragraph: 3.     Wer an lene adir an lipgedinge siner muter adir niftelen im eigen zusaget, her muz die eigentlichen gewere mit schephenbaren vrien mannen gezugen adir im wirt da bruch an.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.