TITUS
Sachsenspiegel
Part No. 152
Previous part

Chapter: LVI 
LVI. Von temmen zu vestene vor de vlut. Ab sich ein wert erhebit, wes der si.


Paragraph: 1.     Welche dorf bi wazzere legen unde einen tam haben, der se vor der vlut bewart, itlich dorf sal sin teil des tammes vesten vor der vlut. Kumt abir die vlut unde bricht den tam, unde ladet man mit deme geruchte dar zu, die binnen deme lande gesessen sin, welch ir nicht en hilft buzen den tam, der hat verwrocht sogetan erbe alse her binnen dem tamme hat.
Paragraph: 2.     Waz daz wasser abe bricht deme lande, daz hat der verlorn, der daz lant hat. Brichet ez abir einen nuwen gank, da mete en verluset her sines landes nicht.
Paragraph: 3.     Welch werder sich erhabit binnen einer vlut, welchem stade ez neher iz, zu deme gehort iz. Ist ez mitten, ez gehort beiden staden zu. Daz selbe tut der abegang, ab her vertrocknet.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.