TITUS
Sachsenspiegel
Part No. 183
Previous part

Chapter: XV 
XV. Ab zwene man uf ein gut sprechen nach deme drisigesten. Wer gerade, hergewete weigeret zu gebene. Wer gerade, hergewete vorderen muge.


Paragraph: 1.     Sprechen zwene uf ein gut nach deme drisigesten, iener der ez under im hat, en sal ez ir keime antwerten, si en vereinen sich mit minne, adir ir ein wise den anderen abe vor gerichte.
Paragraph: 2.     Wer hergewete adir gerade adir erbe nach deme drisigesten weigert nach rechte zu gebene, schuldiget man in dar umme, her muz dar umme wetten unde buze geben.
Paragraph: 3.     Ist ein gut angesprochen von zwen mannen, unde heischit ez der richter zu rechte, man sal ez im antwerten, unde der richter sal ez under im haben, biz sie sich dar umme gescheiden nach rechte, unde iener si ledig dar abe, der ez deme richter antwerte.
Paragraph: 4.     Wer hergewete vorderet, der sal von swerthalben dar zu geboren sin. Wer gerade vorderet, de sal von wiphalben dar zu geboren sin.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.