TITUS
Sachsenspiegel
Part No. 216
Previous part

Chapter: XLVIII 
XLVIII. Wer des anderen vie adir hunt totet oder lemet.


Paragraph: 1.     Wer des anderen vie totet, daz man ezzen muz, dankes adir undankes, der muz ez gelden mit sime gesetzten wergelde. Belemet herz, her gilt ez mit deme halben teile unde ane buze, dar zu behelt iener sin vie, des ez er waz.
Paragraph: 2.     Wer abir totet adir belemet ein vie in eime vuze willenz unde ane not, daz manz nicht ezzen muz, her sal ez gelden mit vullem wergelde unde mit buze. Belemet herz abir an eime ougen, her gilt ez mit dem halben teile.
Paragraph: 3.     Blibit abir ein vie tot von eines mannes schulden unde doch ane sinen willen, unde tut her dar sinen eit zu, her blibit ez ane buze.
Paragraph: 4.     Belemet abir ein man einen hunt adir totet her in, durch daz her en bizen wil adir daz her sin vie bizit uf der strazen ader uf deme velde, her blibit ez ane wandel, geweret herz uf den heiligen, daz her im anders nicht gesturen konde.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.