TITUS
Sachsenspiegel
Part No. 277
Previous part

Chapter: XVIII 
XVIII. Waz der herre sinem manne binnen sinen teidingen antwerten solle.


Paragraph: 1.     Ab ein herre sinem manne zu lenrechte teidinget, binnen deme teidinge en iz her nicht phlichtig, deme manne zu antwertene, ab her in under des ichtes schuldiget, de wile sin sache ungeendet iz. Wirt abir des herren lenrecht gevrist mit orteilen, unde irstirbit deme manne ein gut an, ez si gedinge ader len, des her an den herren sinnet ader sich biut zu behaldene mit rechte, der herre sal im lenrecht thun zu rechte binnen sinen teidingen, alleine sie des herren beschuldegunge unverendet. Der herre mochte anders an siner unde mit siner beschuldegunge den man zogen also lange, biz daz her sich veriarete an siner sinnunge.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.