TITUS
Sachsenspiegel
Part No. 282
Previous part

Chapter: XXIII 
XXIII. Wen der herre zu manne nicht entphan (sal). Weme der herre nicht weigeren mag gut zu liene. In welcher zit unde stete der herre gut lien sal.


Paragraph: 1.     Der herre en sal nimandes manschaft versprechen ane des, der des herschildes darbet, ader des, der in des riches achte sie, ader des, der in deme selben gerichte vervest iz, ader ab in der selbe herre beclaget hat vor des landes richter umme roub ader umme ander ungerichte unde im mit orteilen geteidinget iz, binnen den teidingen en darf in der herre zu manne nicht entphan.
Paragraph: 2.     Wenne abir der herre in zu manne entphet, her en mag im nicht weigeren, gut zu lene, daz her mit rechte an in gebracht hat, und sine manschaft umme geboten hat.
Paragraph: 3.     Der herre sal sime manne zu aller zit unde in allen steten gut lien, dar mans zu rechte an im geret, sunder alene in kirchen unde uf kirchoven.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.