TITUS

Author: Alex. 

Middle Low German Books on
The Great Alexander

Book: Seel. 

ʽDer große Seelentrostʼ


On the basis of the edition
Der große Seelentrost
Hrsg. v. Margarete Schmitt,
Köln/Graz 1959

entered by Stefanie Heine
and edited by Ralf Schlechtweg-Jahn,
Bayreuth 1999;
TITUS version by Ralf Schlechtweg-Jahn and Jost Gippert,
Bayreuth, 3.6.1999 / Frankfurt a/M, 3.10.1999 / 1.6.2000



Chapter: PROLOG 

PROLOG


Page: 1 
Line: 1 
    Libellus iste collectus est de diuersis libris: De bybblia, de passionali, de ystoria
Line: 2 
    scolastica, de hystoria ecclesiastica, de speculo hystoriali, de decretis et decretalibus,
Line: 3 
    de koronicis diuersis, de uita patrum, de collationibus patrum, de
Line: 4 
    dyalogo, de compendio theologie, de summa reimundi, de summa gaufridi,
Line: 5 
    de summa hinrici, de summa uiciorum et uirtutum et de omnibus libris quoscumque
Line: 6 
    legere potero et audire. Intentionis mee est colligere et conscribere quidcumque
Line: 7 
    est vtilius ad docendum, quidcumque deuocius ad legendum, quidcumque
Line: 8 
    delectabilius ad audiendum, quidcumque facilius ad intelligendum. Hec prima
Line: 9 
    continet in x preceptis, secunda erit de septem sacramentis. Primum preceptum:
Line: 10 
    non adorabis etc. Secundum: non assumes nomen dei inane. Tertium: sabbata
Line: 11 
    sanctifices. Quartum: honora patrem et matrem. Quintum: non occides.
Line: 12 
    Sextum: non mechaberis. Septimum: non furaberis. Octauum: non falsum
Line: 13 
    testimonium des. Nonum: non concupisces domum etc. Decimum: non
Line: 14 
    desiderabis uxorem proximi.
Line: 15 
    Der sele trost leghet an hiliger lere vnde an betrachtunge der hilgen scrift.
Line: 16 
    Wente likerwis alse de lycham leuet van erdescher spise, also leuet de sele van
Line: 17 
    hilger lere. Wente de mynsche leuet nicht allene van dem vtwendigen brode,
Line: 18 
    sunder ock van deme worde, dat dar geyt vte deme munde godes, vnde dat
Line: 19 
    is de hilghe scrift, de god gesproken heft dor der propheten munt vnde dor der
Line: 20 
    hilgen lerer munt vnde noch alle dage spreket dor der predekere munt.
Line: 21 
    Kynt leue, darumme schaltu gerne lesen vnde horen de lere der hilgen scrift,
Line: 22 
    dar der selen trost ane licht, vp dat dyn sele gespiset werde vnde gesterket to
Line: 23 
    allen guden dingen, vnde nym eyn bilde an vnseme heren Jhesu Christo, de
Line: 24 
    sat in dem temple mangk den wysen mesteren vnde vragede vnde horde van
Line: 25 
    der hilgen scrift.


Subchapter: 1._Über_weltliche_Bücher 

1. Über weltliche Bücher


Line: 26 
    Uele lude syn, de lesen wertlike boke vnde horen dar na vnde vorlesen al ere
Line: 27 
    arbeyt, wente se ne vinden dar nicht der selen trost. Ichteswelke lude leset boke
Line: 28 
    van Persevalen vnde van Tristram vnde van hern Didericke van den Berne
Line: 29 
    vnde van den olden hunen, de der werlde denden vnde nicht gode. Vnde in
Line: 30 
    den boken en ys neyn nut, wente men en vint dar nicht der sele trost. Dat en

Page: 2 
Line: 1 
    ys nicht wen tijd vorlus, vnde vor alle de tijd, de wij vnnutliken tobringen,
Line: 2 
    dar mote wij gode rede vore geuen.
Line: 3 
    Uele wunderliker lude hebben gewesen, de de werlt vmme voren beyde ouer
Line: 4 
    water vnde ouer lant, dat se auenture beyagen wolden vnde wunder beschauwen
Line: 5 
    vnde nige mere horen, vnde vorloren al ere arbeyt, wente se vunden dar nicht
Line: 6 
    der selen trost.
Line: 7 
    Uele vorsten vnde heren, ryddere vnde knapen sochten ouer vere lant konningk
Line: 8 
    Artus hoff vnde vorloren al ere arbeyt, wente se en vunden dar nicht der selen
Line: 9 
    trost.
Line: 10 
    De wunderlike koningk Allexander de leyt sijk de gryphen voren in de lucht,
Line: 11 
    vmme dat he wunder mochte schowen, vnde vorlos al sin arbeit, wente he en
Line: 12 
    vant dar nicht der selen trost.
Line: 13 
    De hoge wise meyster Appolonius vor ouer mannich koningkrijke vnde wart
Line: 14 
    gevangen vnde hadde groten yamer, vppe dat he sege den guldenen disch, de
Line: 15 
    vt deme mere gevischert wart, vnde vorlos al syn arbeit, wente he nevant
Line: 16 
    dar nicht der selen trost. -- Van deme guldenen dische vint men aldus
Line: 17 
    gescreuen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.