TITUS
Alexanderroman (Der Grosse Seelentrost): Part No. 28
Subchapter: 17b._Der_Schütze_und_die_Nachtigall
17b. Der Schütze und die Nachtigall
Line: 19
Dat was eyn schutte, de genck in den wolt vnde venck eyne nachtegalen. God
Line: 20
de gaff der nachtegalen eyne stemme, dat se sprak also eyn mynsche vnde
Line: 21
segede to deme schutten: ʼWat helpet dij, dat du my dodest? Du nemachst van
Line: 22
my nicht hebben den buk vul, ik byn cleyne. Lat my vlegen, ik wil dij leren
Line: 23
dre stucke, de dij nutte syn.ʼ Deme schutten wunderde sere darumme, dat de
Line: 24
vogel sprak alse eyn mynsche vnde louede er, dat he se wolde laten vlegen.
Line: 25
Do sprak se: ʼDat erste stucke ys: du neschalt dar nummer na stan, dat du
Line: 26
begripest eyn dingk, dat vnbegripelijk ys. Dat ander ys: Wan du eyn dingk
Line: 27
vorlusest, dat du neyne wijs wedder vinden machst, darumme en schaltu
Line: 28
dek nicht bedrouen. Dat dridde ys: eyn dingk, dat vngelouelijk ys, des neschaltu
Line: 29
nicht gelouen. Holt desse dre stucke, dat ys dij nutte.ʼ Do let he se vlegen.
Line: 30
Se vloch bouen en in de lucht vnde sprak eme to: ʼO du dore, worumme letestu
Line: 31
my vlegen! Ik hebbe in mynem magen eynen eddelen duren steyn, de ys
Line: 32
groter dan eyn grot struses ey. Heddestu den, du werest yummer mer rijke.ʼ
Line: 33
Do wart jenne sere bedrouet vnde wenede al wares vnde lep er na, wor se hen
Line: 34
vloch vnde wolde se yo gripen vnde louede er grote ere, dat se wedder queme
Line: 35
to eme. Do sprak de nachtegale to eme: ʼNu se ik wol, welk eyn recht dore
Page: 31
Line: 1
du bist! Wat ik dij geleret hebbe, des en heldestu nicht. Sint ik dij hadde geleret,
Line: 2
eyn dingk, wat vnbegripelijk were, dar en scholdestu nummer na stan, dat
Line: 3
du dat begripen woldest. Nu lopestu dore my na vnde wolt my gripen.
Line: 4
Eyn dingk, dat du vorloren heddest vnde nicht wedder krigen kundest, dar
Line: 5
ne scholdestu dijk nummer vmme bedrouen. Nu bedrouestu dijk darumme,
Line: 6
dat du my vorloren heuest vnde nicht wedderkrigen kanst. Eyn dingk, dat
Line: 7
vngelouelijk ys, des enscholdestu nicht gelouen. Nu hefstu des gelouet, dat in
Line: 8
myneme magen sij eyn steyn, also grot, alse eyn struzes ey, vnde al myn lif
Line: 9
en ys nicht half so grot.ʼ Dar na sprak Badam to deme junckheren: ʼAlso
Line: 10
dorde syn al de lude, de des menen, dat eyn bom edder eyn steen eyn god
Line: 11
sij vnde bedet den an. Du schalt vor ware weten, dat anders neyn god ys, dan
Line: 12
vnse here Ihesus Christus.ʼ Dar began he eme to predekene van der wollust
Line: 13
der wedde vnde sprak: ʼSuwe der wollust desser werlde volgen wil, dat heft
Line: 14
eynen korten lop. Eres eyn mynsche icht weyt, so kumpt de dod vnde slet en
Line: 15
dar nedder. So veret he na desser korten wollust in de ewigen pyne der helle.
Line: 16
Dar van wil ik dij eyn liknisse seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
