TITUS
Alexanderroman (Der Grosse Seelentrost): Part No. 45

Subchapter: 11._Julius_und_Julianus 

11. Julius und Julianus


Page: 43 
Line: 1 
    Dat weren twe brodere, de eyne hette Julius, de andere Julianus, de buweden
Line: 2 
    eyne kerken. Do hadde de keyser enboden, we dar vore hen rede, vore edder
Line: 3 
    genge, de scholde en helpen eyne stunde arbeiden vnde boren to godes denste.
Line: 4 
    Do quemen dar lude varen myt eyner karen. Do sprak de eyne: ʼDesse lude
Line: 5 
    werden vns vp haldene, dat wij en helpen. Wij willen vnser eynen leggen
Line: 6 
    vppe de karen vnde spreken: Wij voren eynen doden, wij en mogen nicht
Line: 7 
    togeren.ʼ Do se dar quemen, do spreken jenne: ʼLeuen brodere, dot dat dorch
Line: 8 
    god, vnde helpet vns eyn cleyne boren.ʼ Se spreken: ʼWij en mogen nicht
Line: 9 
    togeren, wente wij voren hijr eynen doden.ʼ Do sprak Sunte Julius: ʼLeuen
Line: 10 
    kindere, enschympet nicht myt vnseme heren gode. Warumme spreke gij dat
Line: 11 
    vnde spreket vnrechte?ʼ Se spreken: ʼWerliken, wij voren eynen doden.ʼ Do
Line: 12 
    sprak he: ʼJuw gesche na juwen worden.ʼ Se voren vorder. Do se van en
Line: 13 
    quemen, do spreken se to yenneme, de dar vppe der karen lach: ʼstant vp,
Line: 14 
    du heuest nu lange noch dot gewesen.ʼ He lach all stille. Dar na, ouer eyne
Line: 15 
    wile, spreken se auer: ʼSta vp, wu lange wultu de hilgen gecken.ʼ He lach yo
Line: 16 
    stille. Do se to segen, do was he dot. -- Kint leue, dat lat dij eyn lere wesen vnde
Line: 17 
    schympe myt vnseme heren gode nicht.
Line: 18 
    Kynt leue, du en schalt ock nicht de hilgen beschimpen. De hilgen, de
Line: 19 
    god geeret heft, de schaltu ock eren vnde en schalt vppe se nicht schimpen,
Line: 20 
    wente dat plecht god gerne to wrekene. Dar van wil ik dij eyn bilde seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.