TITUS
Alexanderroman (Der Grosse Seelentrost): Part No. 47
Subchapter: 13._Verspottung_Marias
13. Verspottung Marias
Line: 31
Dat was eyn dobelere, de sad to eyner tijd vnde spelede vnde vorlos syn gud.
Line: 32
Do beghan he to schympen vp vnsen heren god, wurumme he eme neyn gud
Page: 44
Line: 1
gelucke geue, vnde vlokede vnde sprak bose wort. Dat vordroch vnse leue
Line: 2
here duldichliken. Darna beghan jenne to schympene vp vnse leuen fruwen
Line: 3
vnde sprak bose wort, wurumme se eme neyn lucke engeue. Do quam godes
Line: 4
stemme vnde sprak aldus: ʼDu heffst my vele schimpes geboden, dat hebbe ik
Line: 5
duldichliken vordragen. Nu genoget dij dar nicht an, du en wolt ock myner
Line: 6
leuen moder schymp beden, des en mach ik nicht vordragen.ʼ In der suluen
Line: 7
stunde starff de jenne des gheyen dodes. -- Kint leue, darumme neschaltu nicht
Line: 8
schympen vp vnse leuen fruwen vnde vppe godes hilgen.
Copyright
TITUS Project
Frankfurt a/M 1999-2000. No parts of this document may be republished in any form without prior permission by the copyright holder.
