TITUS
Alexanderroman (Der Grosse Seelentrost): Part No. 105

Subchapter: 32e._2._Exempel_zu_Te_deum_laudamus 


32e. 2. Exempel zu Te deum laudamus


Line: 19 
   Eyn ander hillich junckfruwe sach in vnser leuen fruwen nacht, do men sangk:
Line: 20 
   Te deum laudamus dat hemelrike open vade sach vnse leuen fruwen stan, de
Line: 21 
   hadde vele guldener kronen in der hant. Do de fruwen sungen: Sanctus,
Line: 22 
   sanctus, sanctus, dominus deus Sabaoth, do quam vnse leue fruwe hir nedder
Line: 23 
   vnde satte eyner yowelken vruwen eyne guldene kronen vppe ere houet. -- Kynt
Line: 24 
   leue, hirumme schaltu Tedeum gerne horen singen, vnde wan men singet
Line: 25 
   Sanctus, sanctus, sanctus, so val vppe dyne kne.
Line: 26 
   Kint leue, Te deum laudamus dat dichteden de hilgen twe bisschoppe Sunte
Line: 27 
   Ambrosius vnde Sunte Augustinus. Sunte Augustinus was eyn heyden vnde
Line: 28 
   wart bekart van der gaue des hilgen geistes vnde quam to Sunte Ambrosius,
Line: 29 
   dat he ene dopen scholde. Do he in der dope stunt, do sangk he eyn versch
Line: 30 
   van dem Tedeum laudamus, vnde Sunte Ambrosius sangk dat andere. Also
Line: 31 
   sungen se dat all vt. Nu wil ik dij beduden, wat yd sprekt:
Line: 32 
   Tedeum laudamus dat sprekt also: Here god, wij louen dij, wij bekennen
Line: 33 
   des, dat du eyn here bist. Here ewige vader, alle ertrike eret dij. Alle de hilgen
Line: 34 
   engele vnde alle de hemele vnde hemelsche walt al gemene, de hilgen engele
Line: 35 
   van cherubyn vnde van seraphin de louet dij vnde ropet ane vnderlat: Sanctus,

Page: 101 

Line: 1 
   sanctus, sanctus, dominus dens Sabaoth -- hillich, hillich, hillich bistu here god
Line: 2 
   alweldige. Vul syn hemele vnde erde van der alweldicheit dyner gotliken ere.
Line: 3 
   Dijk louet de erlike chor der hilgen apostele. Dij louet de louelike tal der hilgen
Line: 4 
   propheten. Dij louet dat blanke her der mertelere. De hilge cristenheit ouer
Line: 5 
   all dewerlt de loutt dij, vader der vnmetigen alweldicheit, vnde dynen erliken,
Line: 6 
   waren eynigen sonen vnde den troster, den hilgen geist. Du bist eyn konningk
Line: 7 
   der ere, Criste. Du bist eyn ewich sone des hemelschen vaderes. Du ne vorsmadest
Line: 8 
   nicht eyner junckfruwen licham, do du losen woldest den mynschen.
Line: 9 
   Du heuest vorwunnen de pine des dodes vnde heuest geopenet den gelouigen
Line: 10 
   dat hemelrike. Du sittest to der vorderen hant godes in der ere des vaders.
Line: 11 
   Wij gelouen, dat du bist eyn tokomene richtere. Darumme so bidde wij dij,
Line: 12 
   wente wij din ingesinde sin, de du geloset heuest myt dynem duren blode, lat
Line: 13 
   vns delhaftich wesen der ewigen ere myt alle dynen hilgen. Make salich dyn
Line: 14 
   volk, here, vnde giff dynen erffnamen dyne benediginge vnde leyde se vnde
Line: 15 
   hoge se ewichliken. In allen dagen benedide wij dij vnde louen dynen namen to
Line: 16 
   ewen vnde to ewen. Roke vns, here, in desseme dage vor sunden to bewarene.
Line: 17 
   Irbarme dijk ouer vns, here, irbarme dijk ouer vns. Dyn barmherticheit werde
Line: 18 
   ouer vns, also wij gehopet hebben an dij. An dij hebbe ik gehopet, vp dat ik
Line: 19 
   nicht werde vorstoret ewichliken.
Line: 20 
   Dar na volget de Laudes, so machstu sitten, oftu wult, also lange, wente men
Line: 21 
   lest: Laudate dominum de celis, so schaltu vort mer stan alle de mettene ouer.
Line: 22 
   Wan men prime singet, so schaltu stan, de wile, dat men den Ymnus singet.
Line: 23 
   Wan men de salme leset, so machstu sitten edder liggen ouer de bank, oftu
Line: 24 
   wult. Wan men leset: Quicumque vult, so schaltu vpstan. Wan men singet
Line: 25 
   tercie, sexte, none, vnder den ymnus schaltu stan, vnder den salmen machstu
Line: 26 
   liggen ouer de bank edder sitten, oftu wult. Wan men singet: Salue regina,
Line: 27 
   so schaltu vallen vppe dyne kne vnde schalt wedder vpstan also lange, wente
Line: 28 
   men singet: Et Ihesum benedictum fructum ventris tui, so schaltu vallen vppe
Line: 29 
   dyne kne vnde stan wedder up. Wan men singet: O clemens, so val vppe
Line: 30 
   dyne kne. O pia, auer also. O dulcis Maria, auer also. Hir van wil ek dij eyn
Line: 31 
   bilde seggen:





Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.