TITUS
Vetus Testamentum graece iuxta LXX interpretes
Part No. 199
Previous part

Chapter: 12 
Verse: 1    Καὶ οὗτοι οἱ βασιλεῖς τῆς γῆς, οὓς ἀνεῖλον οἱ υἱοὶ Ισραηλ καὶ κατεκληρονόμησαν τὴν γῆν αὐτῶν πέραν τοῦ Ιορδάνου ἀϕ' ἡλίου ἀνατολῶν ἀπὸ ϕάραγγος Αρνων ἕως τοῦ ὄρους Αερμων καὶ πᾶσαν τὴν γῆν Αραβα ἀπ' ἀνατολῶν·
Verse: 2    Σηων τὸν βασιλέα τῶν Αμορραίων, ὃς κατῴκει ἐν Εσεβων κυριεύων ἀπὸ Αροηρ, ἥ ἐστιν ἐν τῇ ϕάραγγι, κατὰ μέρος τῆς ϕάραγγος καὶ τὸ ἥμισυ τῆς Γαλααδ ἕως Ιαβοκ, ὅρια υἱῶν Αμμων,
Verse: 3    καὶ Αραβα ἕως τῆς θαλάσσης Χενερεθ κατ' ἀνατολὰς καὶ ἕως τῆς θαλάσσης Αραβα, θάλασσαν τῶν ἁλῶν ἀπὸ ἀνατολῶν, ὁδὸν τὴν κατὰ Ασιμωθ, ἀπὸ Θαιμαν τὴν ὑπὸ Ασηδωθ Φασγα·
Verse: 4    καὶ Ωγ βασιλεὺς Βασαν ὑπελείϕθη ἐκ τῶν γιγάντων ὁ κατοικῶν ἐν Ασταρωθ καὶ ἐν Εδραϊν
Verse: 5    ἄρχων ἀπὸ ὄρους Αερμων καὶ ἀπὸ Σελχα καὶ πᾶσαν τὴν Βασαν ἕως ὁρίων Γεσουρι καὶ τὴν Μαχατι καὶ τὸ ἥμισυ Γαλααδ, ὁρίων Σηων βασιλέως Εσεβων.
Verse: 6    Μωυσῆς ὁ παῖς κυρίου καὶ οἱ υἱοὶ Ισραηλ ἐπάταξαν αὐτούς, καὶ ἔδωκεν αὐτὴν Μωυσῆς ἐν κληρονομίᾳ Ρουβην καὶ Γαδ καὶ τῷ ἡμίσει ϕυλῆς Μανασση.
Verse: 7    Καὶ οὗτοι οἱ βασιλεῖς τῶν Αμορραίων, οὓς ἀνεῖλεν ᾽Ιησοῦς καὶ οἱ υἱοὶ Ισραηλ ἐν τῷ πέραν τοῦ Ιορδάνου παρὰ θάλασσαν Βααλγαδ ἐν τῷ πεδίῳ τοῦ Λιβάνου καὶ ἕως τοῦ ὄρους Χελχα ἀναβαινόντων εἰς Σηιρ, καὶ ἔδωκεν αὐτὴν ᾽Ιησοῦς ταῖς ϕυλαῖς Ισραηλ κληρονομεῖν κατὰ κλῆρον αὐτῶν,
Verse: 8    ἐν τῷ ὄρει καὶ ἐν τῷ πεδίῳ καὶ ἐν Αραβα καὶ ἐν Ασηδωθ καὶ ἐν τῇ ἐρήμῳ καὶ ἐν Ναγεβ, τὸν Χετταῖον καὶ τὸν Αμορραῖον καὶ τὸν Χαναναῖον καὶ τὸν Φερεζαῖον καὶ τὸν Ευαῖον καὶ τὸν Ιεβουσαῖον·
Verse: 9    τὸν βασιλέα Ιεριχω καὶ τὸν βασιλέα τῆς Γαι, ἥ ἐστιν πλησίον Βαιθηλ,
Verse: 10    βασιλέα Ιερουσαλημ, βασιλέα Χεβρων,
Verse: 11    βασιλέα Ιεριμουθ, βασιλέα Λαχις,
Verse: 12    βασιλέα Αιλαμ, βασιλέα Γαζερ,
Verse: 13    βασιλέα Δαβιρ, βασιλέα Γαδερ,
Verse: 14    βασιλέα Ερμαθ, βασιλέα Αραθ,
Verse: 15    βασιλέα Λεβνα, βασιλέα Οδολλαμ,
Verse: 16    βασιλέα Μακηδα,
Verse: 17    βασιλέα Ταϕουγ, βασιλέα Οϕερ,
Verse: 18    βασιλέα Αϕεκ τῆς Σαρων,
Verse: 19    βασιλέα Ασωρ,
Verse: 20    βασιλέα Συμοων, βασιλέα Μαρρων, βασιλέα Αζιϕ,
Verse: 21    βασιλέα Καδης, βασιλέα Ταναχ,
Verse: 22    βασιλέα Μαγεδων, βασιλέα Ιεκοναμ τοῦ Χερμελ,
Verse: 23    βασιλέα Δωρ τοῦ Ναϕεδδωρ, βασιλέα Γωιμ τῆς Γαλιλαίας,
Verse: 24    βασιλέα Θαρσα· πάντες οὗτοι βασιλεῖς εἴκοσι ἐννέα.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.