TITUS
Vetus Testamentum graece iuxta LXX interpretes
Part No. 810
Previous part

Chapter: 21 
Verse: 1  ῾Υπολαβὼν δὲ Ιωβ λέγει
Verse: 2  ᾽Ακούσατε ἀκούσατέ μου τῶν λόγων,
ἵνα μὴ ᾖ μοι παρ' ὑμῶν αὕτη ἡ παράκλησις.
Verse: 3  ἄρατέ με, ἐγὼ δὲ λαλήσω,
εἶτ' οὐ καταγελάσετέ μου.
Verse: 4  τί γάρ; μὴ ἀνθρώπου μου ἡ ἔλεγξις;
ἢ διὰ τί οὐ θυμωθήσομαι;
Verse: 5  εἰσβλέψαντες εἰς ἐμὲ θαυμάσατε
χεῖρα θέντες ἐπὶ σιαγόνι.
Verse: 6  ἐάν τε γὰρ μνησθῶ, ἐσπούδακα,
ἔχουσιν δέ μου τὰς σάρκας ὀδύναι.
Verse: 7  διὰ τί ἀσεβεῖς ζῶσιν,
πεπαλαίωνται δὲ καὶ ἐν πλούτῳ;
Verse: 8  ὁ σπόρος αὐτῶν κατὰ ψυχήν,
τὰ δὲ τέκνα αὐτῶν ἐν ὀϕθαλμοῖς.
Verse: 9  οἱ οἶκοι αὐτῶν εὐθηνοῦσιν, ϕόβος δὲ οὐδαμοῦ,
μάστιξ δὲ παρὰ κυρίου οὐκ ἔστιν ἐπ' αὐτοῖς.
Verse: 10  ἡ βοῦς αὐτῶν οὐκ ὠμοτόκησεν,
διεσώθη δὲ αὐτῶν ἐν γαστρὶ ἔχουσα καὶ οὐκ ἔσϕαλεν.
Verse: 11  μένουσιν δὲ ὡς πρόβατα αἰώνια,
τὰ δὲ παιδία αὐτῶν προσπαίζουσιν
Verse: 12  ἀναλαβόντες ψαλτήριον καὶ κιθάραν
καὶ εὐϕραίνονται ϕωνῇ ψαλμοῦ.
Verse: 13  συνετέλεσαν δὲ ἐν ἀγαθοῖς τὸν βίον αὐτῶν,
ἐν δὲ ἀναπαύσει ᾅδου ἐκοιμήθησαν.
Verse: 14  λέγει δὲ κυρίῳ ᾽Απόστα ἀπ' ἐμοῦ,
ὁδούς σου εἰδέναι οὐ βούλομαι·
Verse: 15  τί ἱκανός, ὅτι δουλεύσομεν αὐτῷ;
καὶ τίς ὠϕέλεια, ὅτι ἀπαντήσομεν αὐτῷ;S
Verse: 16  ἐν χερσὶν γὰρ ἦν αὐτῶν τὰ ἀγαθά,
ἔργα δὲ ἀσεβῶν οὐκ ἐϕορᾷ.
Verse: 17  οὐ μὴν δὲ ἀλλὰ καὶ ἀσεβῶν λύχνος σβεσθήσεται,
ἐπελεύσεται δὲ αὐτοῖς ἡ καταστροϕή,
ὠδῖνες δὲ αὐτοὺς ἕξουσιν ἀπὸ ὀργῆς.
Verse: 18  ἔσονται δὲ ὥσπερ ἄχυρα πρὸ ἀνέμου
ἢ ὥσπερ κονιορτός, ὃν ὑϕείλατο λαῖλαψ.
Verse: 19  ἐκλίποι υἱοὺς τὰ ὑπάρχοντα αὐτοῦ·
ἀνταποδώσει πρὸς αὐτὸν καὶ γνώσεται.S
Verse: 20  ἴδοισαν οἱ ὀϕθαλμοὶ αὐτοῦ τὴν ἑαυτοῦ σϕαγήν,
ἀπὸ δὲ κυρίου μὴ διασωθείη·
Verse: 21  ὅτι τί θέλημα αὐτοῦ ἐν οἴκῳ αὐτοῦ μετ' αὐτόν;
καὶ ἀριθμοὶ μηνῶν αὐτοῦ διῃρέθησαν.S
Verse: 22  πότερον οὐχὶ ὁ κύριός ἐστιν ὁ διδάσκων σύνεσιν καὶ ἐπιστήμην;
αὐτὸς δὲ ϕόνους διακρινεῖ.
Verse: 23  οὗτος ἀποθανεῖται ἐν κράτει ἁπλοσύνης αὐτοῦ,
ὅλος δὲ εὐπαθῶν καὶ εὐθηνῶν·S
Verse: 24  τὰ δὲ ἔγκατα αὐτοῦ πλήρη στέατος,
μυελὸς δὲ αὐτοῦ διαχεῖται.
Verse: 25  ὁ δὲ τελευτᾷ ὑπὸ πικρίας ψυχῆς
οὐ ϕαγὼν οὐδὲν ἀγαθόν.
Verse: 26  ὁμοθυμαδὸν δὲ ἐπὶ γῆς κοιμῶνται,
σαπρία δὲ αὐτοὺς ἐκάλυψεν.
Verse: 27  ὥστε οἶδα ὑμᾶς ὅτι τόλμῃ ἐπίκεισθέ μοι·
Verse: 28  ὅτι ἐρεῖτε Ποῦ ἐστιν οἶκος ἄρχοντος;
καὶ ποῦ ἐστιν ἡ σκέπη τῶν σκηνωμάτων τῶν ἀσεβῶν;
Verse: 29  ἐρωτήσατε παραπορευομένους ὁδόν,
καὶ τὰ σημεῖα αὐτῶν οὐκ ἀπαλλοτριώσετε·
Verse: 30  ὅτι εἰς ἡμέραν ἀπωλείας κουϕίζεται ὁ πονηρός,
εἰς ἡμέραν ὀργῆς αὐτοῦ ἀπαχθήσονται.
Verse: 31  τίς ἀπαγγελεῖ ἐπὶ προσώπου αὐτοῦ τὴν ὁδὸν αὐτοῦ;
καὶ αὐτὸς ἐποίησεν, τίς ἀνταποδώσει αὐτῷ;
Verse: 32  καὶ αὐτὸς εἰς τάϕους ἀπηνέχθη
καὶ ἐπὶ σορῷ ἠγρύπνησεν.
Verse: 33  ἐγλυκάνθησαν αὐτῷ χάλικες χειμάρρου,
καὶ ὀπίσω αὐτοῦ πᾶς ἄνθρωπος ἀπελεύσεται,
καὶ ἔμπροσθεν αὐτοῦ ἀναρίθμητοι.S
Verse: 34  πῶς δὲ παρακαλεῖτέ με κενά;
τὸ δὲ ἐμὲ καταπαύσασθαι ἀϕ' ὑμῶν οὐδέν.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.