TITUS
Vetus Testamentum graece iuxta LXX interpretes
Part No. 823
Previous part

Chapter: 34 
Verse: 1  ῾Υπολαβὼν δὲ Ελιους λέγει
Verse: 2  ᾽Ακούσατέ μου, σοϕοί·
ἐπιστάμενοι, ἐνωτίζεσθε τὸ καλόν·
Verse: 3  ὅτι οὖς λόγους δοκιμάζει,
καὶ λάρυγξ γεύεται βρῶσιν.
Verse: 4  κρίσιν ἑλώμεθα ἑαυτοῖς,
γνῶμεν ἀνὰ μέσον ἑαυτῶν ὅ τι καλόν.S
Verse: 5  ὅτι εἴρηκεν Ιωβ Δίκαιός εἰμι,
ὁ κύριος ἀπήλλαξέν μου τὸ κρίμα,
Verse: 6  ἐψεύσατο δὲ τῷ κρίματί μου,
βίαιον τὸ βέλος μου ἄνευ ἀδικίας.
Verse: 7  τίς ἀνὴρ ὥσπερ Ιωβ
πίνων μυκτηρισμὸν ὥσπερ ὕδωρS
Verse: 8  οὐχ ἁμαρτὼν οὐδὲ ἀσεβήσας
ἢ ὁδοῦ κοινωνήσας μετὰ ποιούντων τὰ ἄνομα
τοῦ πορευθῆναι μετὰ ἀσεβῶν;
Verse: 9  μὴ γὰρ εἴπῃς ὅτι Οὐκ ἔσται ἐπισκοπὴ ἀνδρός·
καὶ ἐπισκοπὴ αὐτῷ παρὰ κυρίου.
Verse: 10  διό, συνετοὶ καρδίας, ἀκούσατέ μου
Μή μοι εἴη ἔναντι κυρίου ἀσεβῆσαι
καὶ ἔναντι παντοκράτορος ταράξαι τὸ δίκαιον·
Verse: 11  ἀλλὰ ἀποδιδοῖ ἀνθρώπῳ καθὰ ποιεῖ ἕκαστος αὐτῶν,
καὶ ἐν τρίβῳ ἀνδρὸς εὑρήσει αὐτόν.S
Verse: 12  οἴῃ δὲ τὸν κύριον ἄτοπα ποιήσειν;
ἢ ὁ παντοκράτωρ ταράξει κρίσιν;
Verse: 13  ὃς ἐποίησεν τὴν γῆν·
τίς δέ ἐστιν ὁ ποιῶν τὴν ὑπ' οὐρανὸν καὶ τὰ ἐνόντα πάντα;
Verse: 14  εἰ γὰρ βούλοιτο συνέχειν
καὶ τὸ πνεῦμα παρ' αὐτῷ κατασχεῖν,
Verse: 15  τελευτήσει πᾶσα σὰρξ ὁμοθυμαδόν,
πᾶς δὲ βροτὸς εἰς γῆν ἀπελεύσεται, ὅθεν καὶ ἐπλάσθη.
Verse: 16  εἰ δὲ μὴ νουθετῇ, ἄκουε ταῦτα,
ἐνωτίζου ϕωνὴν ῥημάτων.
Verse: 17  ἰδὲ σὺ τὸν μισοῦντα ἄνομα
καὶ τὸν ὀλλύντα τοὺς πονηροὺς
ὄντα αἰώνιον δίκαιον.
Verse: 18  ἀσεβὴς ὁ λέγων βασιλεῖ Παρανομεῖς,
ἀσεβέστατε τοῖς ἄρχουσιν·S
Verse: 19  ὃς οὐκ ἐπῃσχύνθη πρόσωπον ἐντίμου
οὐδὲ οἶδεν τιμὴν θέσθαι ἁδροῖς
θαυμασθῆναι πρόσωπα αὐτῶν.
Verse: 20  κενὰ δὲ αὐτοῖς ἀποβήσεται τὸ κεκραγέναι καὶ δεῖσθαι ἀνδρός·
ἐχρήσαντο γὰρ παρανόμως ἐκκλινομένων ἀδυνάτων.
Verse: 21  αὐτὸς γὰρ ὁρατής ἐστιν ἔργων ἀνθρώπων,
λέληθεν δὲ αὐτὸν οὐδὲν ὧν πράσσουσιν,
Verse: 22  οὐδὲ ἔσται τόπος τοῦ κρυβῆναι τοὺς ποιοῦντας τὰ ἄνομα·
Verse: 23  ὅτι οὐκ ἐπ' ἄνδρα θήσει ἔτι·S
ὁ γὰρ κύριος πάντας ἐϕορᾷ
Verse: 24  ὁ καταλαμβάνων ἀνεξιχνίαστα,
ἔνδοξά τε καὶ ἐξαίσια, ὧν οὐκ ἔστιν ἀριθμός·
Verse: 25  ὁ γνωρίζων αὐτῶν τὰ ἔργα
καὶ στρέψει νύκτα, καὶ ταπεινωθήσονται.S
Verse: 26  ἔσβεσεν δὲ ἀσεβεῖς,
ὁρατοὶ δὲ ἐναντίον αὐτοῦ,
Verse: 27  ὅτι ἐξέκλιναν ἐκ νόμου θεοῦ,
δικαιώματα δὲ αὐτοῦ οὐκ ἐπέγνωσαν
Verse: 28  τοῦ ἐπαγαγεῖν ἐπ' αὐτὸν κραυγὴν πένητος,
καὶ κραυγὴν πτωχῶν εἰσακούσεται.
Verse: 29  καὶ αὐτὸς ἡσυχίαν παρέξει, καὶ τίς καταδικάσεται;
καὶ κρύψει πρόσωπον, καὶ τίς ὄψεται αὐτόν;
καὶ κατὰ ἔθνους καὶ κατὰ ἀνθρώπου ὁμοῦ
Verse: 30  βασιλεύων ἄνθρωπον ὑποκριτὴν ἀπὸ δυσκολίας λαοῦ.
Verse: 31  ὅτι πρὸς τὸν ἰσχυρὸν ὁ λέγων Εἴληϕα, οὐκ ἐνεχυράσω·
Verse: 32  ἄνευ ἐμαυτοῦ ὄψομαι, σὺ δεῖξόν μοι·
εἰ ἀδικίαν ἠργασάμην, οὐ μὴ προσθήσω.
Verse: 33  μὴ παρὰ σοῦ ἀποτείσει αὐτήν;
ὅτι ἀπώσῃ, ὅτι σὺ ἐκλέξῃ καὶ οὐκ ἐγώ·
καὶ τί ἔγνως λάλησον.S
Verse: 34  διὸ συνετοὶ καρδίας ἐροῦσιν ταῦτα,
ἀνὴρ δὲ σοϕὸς ἀκήκοέν μου τὸ ῥῆμα.
Verse: 35  Ιωβ δὲ οὐκ ἐν συνέσει ἐλάλησεν,
τὰ δὲ ῥήματα αὐτοῦ οὐκ ἐν ἐπιστήμῃ.
Verse: 36  οὐ μὴν δὲ ἀλλὰ μάθε, Ιωβ,
μὴ δῷς ἔτι ἀνταπόκρισιν ὥσπερ οἱ ἄϕρονες,
Verse: 37  ἵνα μὴ προσθῶμεν ἐϕ' ἁμαρτίαις ἡμῶν,
ἀνομία δὲ ἐϕ' ἡμῖν λογισθήσεται
πολλὰ λαλούντων ῥήματα ἐναντίον τοῦ κυρίου.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.