TITUS
Divyavadana
Part No. 11
Previous part

Chapter: 11 
********** Avadāna 11 **********

Page of edition: 85 
Line of edition: 1 
11 aśokavarṇāvadānam \


Line of edition: 2    evaṃ mayā śrutam \
Line of edition: 2    ekasmin samaye bʰagavān satkr̥to gurukr̥to mānitaḥ pūjito rājabʰī rājamātrairdʰanibʰiḥ pauraiḥ śreṣṭʰibʰiḥ sārtʰavāhairdevair nāgairasurairyakṣairgauḍaiḥ kinnarairmahoragairiti devanāgayakṣāsuragaruḍakinnaramahoragābʰyarcito buddʰo bʰagavāñ jñāto mahāpuṇyo lābʰī cīvarapiṇḍapātaśayanāsanaglānapratyayabʰaiṣajyapariṣkārāṇāṃ saśrāvakasaṃgʰo vaiśālyāṃ viharati sma markaṭasahasradatīre kūṭāgāraśālāyām \
Line of edition: 6    tena kʰalu samayena vaiśālikā liccʰavaya idamevamrūpaṃ kriyākāramakārṣuḥ - pañcadaśyāṃ bʰavantaḥ pakṣasya aṣṭamyāaṃ caturdaśyāṃ ca prāṇino hantavyā yatkāraṇameyurmanuṣyā māṃsamanveṣanta iti \
Line of edition: 8    tena kʰalu samayena anyatamo gogʰātako mahāntaṃ vr̥ṣabʰamādāya nagarānniṣkramati pragʰātayitum \
Line of edition: 9    tamenaṃ mahājanakāyaḥ pr̥ṣṭʰataḥ pr̥ṣṭʰataḥ samanubaddʰo māṃsārtʰī katʰayati - śīgʰramenaṃ vr̥ṣaṃ gʰātaya, vayaṃ māṃsenārtʰina iti \
Line of edition: 10    sa katʰayati - evaṃ kariṣyāmi, kiṃ tu muhūrtamudīkṣadʰvamiti \
Line of edition: 11    tato vr̥ṣa īdr̥śamanāryaṃ vaco duruktaṃ śrutvā bʰītastrastaḥ saṃvignaḥ āhr̥ṣṭaromakūpa itaścāmutaśca saṃbʰrānto nirīkṣate, cintayati ca - ko māṃ kr̥ccʰrasaṃkaṭasambādʰaprāptamatrāṇamaśaraṇamiṣṭena jīvitenāccʰādayediti \
Line of edition: 13    sa caivaṃ vihvalavadanastrāṇānveṣī tiṣṭʰati \
Line of edition: 14    bʰagavāṃśca pūrvāhṇe nivāsya pātracīvaramādāya bʰikṣugaṇaparivr̥to bʰikṣusaṃgʰapuraskr̥to vaiśālīṃ piṇḍāya prāviśat \
Line of edition: 15    atʰāsau dadarśa buddʰaṃ bʰagavantaṃ dvātriṃśatā mahāpuruṣalakṣaṇaiḥ samalaṃkr̥tamaśītyānuvyañjanairvirājitagātraṃ vyāmaprabʰālaṃkr̥taṃ sūryasahasrātirekaprabʰaṃ jaṅgamamiva ratnaparvataṃ samantato bʰadrakamam \
Line of edition: 17    sahadarśanaiścāsya bʰagavato 'ntike cittamabʰiprasannam \
Line of edition: 17    prasannacittaśca saṃlakṣayati - prāsādiko 'yaṃ sattvaviśeṣaḥ \
Line of edition: 18    śakṣyatyeṣo mama prāṇaparitrāṇaṃ kartum \
Line of edition: 19    yannvahamenamupasaṃkrameyamiti \
Line of edition: 19    atʰa sa vr̥ṣo bʰagavatyavekṣāvān pratibaddʰacittaḥ eṣo me śaraṇamiti sahasaiva tāni dr̥ḍʰāni varatrakāṇi bandʰanāni ccʰittvā pradʰāvan yena bʰagavāṃstenopasaṃkrāntaḥ \
Line of edition: 21    upasaṃkramyobʰābʰyāṃ jānubʰyāṃ bʰagavataḥ pādayor nipatya pādau jihvayā nileḍʰumārabdʰaḥ \
Line of edition: 22    sa cāsya raudrakarmā gogʰātakaḥ pr̥ṣṭʰataḥ pr̥ṣṭʰataḥ samanubaddʰa eva śastravyagrahastaḥ \
Line of edition: 22    tato bʰagavāṃstaṃ raudrakarmāṇaṃ gogʰātakamidamavocat - kuruṣva tvaṃ bʰoḥ puruṣa anena govr̥ṣabʰeṇa sārdʰaṃ sātmyam \
Line of edition: 24    jīvitenāccʰādayeti \
Line of edition: 24    sa katʰayati - nāhaṃ bʰadanta prabʰavābʰyenaṃ jīvitenāccʰādayitum \
Line of edition: 24    tatkasya hetoh? mayā eṣa bahunā mūlyena krītaḥ \
Line of edition: 25    putradāraṃ ca me bahu poṣitavyamiti \
Line of edition: 25    bʰagavānāha - yadi mūlyaṃ dīyate, pratimuñcasīti? \
Line of edition: 26    sa katʰayati - pratimokṣyāmi bʰagavanniti \
Line of edition: 26    atʰa bʰagavāmllaukikacittamutpādayati - aho bata śakro devendrastrīṇi kārṣāpaṇasahasrāṇyādāyāgaccʰediti \
Line of edition: 28    sahacittotpādādbʰagavataḥ śakro devendraḥ kārṣāpaṇasahasratrayamādāya bʰagavataḥ purastādastʰāt \
Line of edition: 29    atʰa bʰagavāñ śakraṃ devendramidamavocat - anuprayaccʰa kauśika asya gogʰātakasya triguṇaṃ mūlyam \
Line of edition: 30    adāccʰakro devendrastasya gogʰātakasya kārṣāpaṇatrayasahasraṃ vr̥ṣamūlyam \
Line of edition: 30    atʰa gogʰātakaḥ kārṣāpaṇasahasrayaṃ vr̥ṣamūlyaṃ gr̥hītvā hr̥ṣṭastuṣṭaḥ pramudito bʰagavataḥ pādau śirasā vanditvā taṃ govr̥ṣaṃ bandʰanānmuktvā prakrāntaḥ \
Line of edition: 32    śakro devendro bʰagavataḥ pādau śirasā vanditvā tatraivāntarhitaḥ \\
Page of edition: 86  Line of edition: 1    atʰa govr̥ṣo gatapratyāgataprāṇo bʰūyasyā mātrayā bʰagavatyabʰiprasanno bʰagavantaṃ triḥ pradakṣiṇīkr̥tya pr̥ṣṭʰataḥ pr̥ṣṭʰataḥ samanubaddʰo bʰagavato mukʰaṃ vyavalokayamāno 'stʰāt \
Line of edition: 2    atʰa bʰagavān smitamakārṣīt \
Line of edition: 3    dʰarmatā kʰalu yasmin samaye buddʰā bʰagavantaḥ smitaṃ prāviṣkurvanti, tasmin samaye nīlapītalohitāvadātāḥ puṣpaparāgapadmarāgavajravaiḍūryamuasāragalvārkalohitakādakṣiṇāvartaśaṅkʰaśilāpravālajātarūparajatavarṇā arciṣo mukʰānniścārya kāścidadʰastādgaccʰanti, kāścidupariṣṭādgaccʰanti \
Line of edition: 6    yā adʰastādgaccʰanti, tāḥ saṃjīvaṃ kālasūtraṃ rauravaṃ mahārauravaṃ tapanaṃ pratāpanamavīcimarbudaṃ nirarbudamaṭaṭaṃ hahavaṃ huhuvamutpalaṃ padmaṃ mahāpadmaparyantān narakān gatvā ye uṣṇanarakāsteṣu śītībʰūtvā nipatanti, ye śītanarakāsteṣūṣṇībʰūtvā nipatanti \
Line of edition: 8    tena teṣāṃ sattvānāṃ kāraṇāviśeṣāḥ pratiprasrabʰyante \
Line of edition: 9    teṣāmevaṃ bʰavati - kiṃ nu vayaṃ bʰavanta itaścyutāḥ, āhosvidanyatropapannā iti \
Line of edition: 9    teṣāṃ prasādasaṃjananārtʰaṃ bʰagavān nirmitaṃ visarjayati \
Line of edition: 10    teṣāṃ nirmitaṃ dr̥ṣṭvā evaṃ bʰavati - na hyeva vayaṃ bʰavanta itaścyutāḥ, nāpyanyatropapannā iti \
Line of edition: 11    api tvayamapūrvadarśanaḥ sattvaḥ, asyānubʰāvenāsmākaṃ kāraṇāviśeṣāḥ pratiprasrabdʰā iti \
Line of edition: 12    te nirmite cittamabʰiprasādya tannarakavedanīyaṃ karma kṣapayitvā devamanuṣyeṣu pratisaṃdʰir gr̥hṇanti yatra satyānāṃ bʰājanabʰūtā bʰavanti \
Line of edition: 13    yā upariṣṭādgaccʰanti, tāścāturmahārājakāyikān devāṃstrāyastriṃśān yāmāṃstuṣitān nirmāṇaratīn paranirmitavaśavartino brahmakāyikān brahmapurohitān mahābrahmaṇaḥ parīttābʰānapramāṇābʰānābʰāsvarān parīttaśubʰānapramāṇaśubʰāñ śubʰakr̥tsnānanabʰrakān puṇyaprasavān br̥hatpʰalānabr̥hānatapān sudr̥śān sudarśanānakaniṣṭʰaparyantān devān gatvā anityaṃ duḥkʰaṃ śūnyamanātmetyuddʰoṣayanti \
Line of edition: 17    gātʰādvayaṃ bʰāṣante -

Line of edition: 18       ārabʰadʰvaṃ niṣkrāmata yujyadʰvaṃ buddʰaśāsane \
Line of edition: 19       dʰunīta mr̥tyunaḥ sainyaṃ naḍāgāramiva kuñjaraḥ \\ 1 \\

Line of edition: 20       yo hyasmin dʰarmavinaye apramattaścariṣyati \
Line of edition: 21       prahāya jātisaṃsāraṃ duḥkʰasyāntaṃ kariṣyati \\ 2 \\ iti \

Line of edition: 22    atʰa tā arciṣastrisāhasramahāsāhasraṃ lokadʰātumanvāhiṇḍya bʰagavantameva pr̥ṣṭʰataḥ pr̥ṣṭʰataḥ samanugaccʰanti \
Line of edition: 23    tadyadi bʰagavānatītaṃ karma vyākartukāmo bʰavati, bʰagavataḥ pr̥ṣṭʰato 'ntardʰīyante \
Line of edition: 24    anāgataṃ vyākartukāmo bʰavati, purastādantardʰīyante \
Line of edition: 24    narakopapattiṃ vyākartukāmo bʰavati, pādatale - ntardʰīyante \
Line of edition: 25    tiryagupapattiṃ vyākartukāmo bʰavati, pārṣṇyāmantardʰīyante \
Line of edition: 25    pretopapattiṃ vyākartukāmo bʰavati, pādāṅguṣṭʰe 'ntardʰīyante \
Line of edition: 26    manuṣyopapattiṃ vyākartukāmo bʰavati, jānunorantardʰīyante \
Line of edition: 27    balacakravartirājyaṃ vyākartukāmo bʰavati, vāme karatale 'ntardʰīyante \
Line of edition: 27    cakravartirājyaṃ vyākartukāmo bʰavati, dakṣiṇe karatale 'ntardʰīyante \
Line of edition: 28    devopapattiṃ vyākartukāmo bʰavati, nābʰyāmantardʰīyante \
Line of edition: 29    śrāvakabodʰiṃ vyākartukāmo bʰavati, āsye 'ntardʰīyante \
Line of edition: 29    pratyekāṃ bodʰiṃ vyākartukāmo bʰavati, ūrṇāyāmantardʰīyante \
Line of edition: 30    anuttarāṃ samyakṣambodʰiṃ vyākartukāmo bʰavati, uṣṇīṣe 'ntardʰīyante \
Line of edition: 31    atʰa tā arciṣo bʰagavantaṃ triḥ pradakṣiṇīkr̥tya bʰagavata ūrṇāyāmantarhitāḥ \\
Line of edition: 32    atʰāyuṣmānānandaḥ kr̥takarapuṭo bʰagavantaṃ papraccʰa -

Line of edition: 33       nānāvidʰo raṅgasahasracitro vaktrāntarānniṣkasitaḥ kalāpaḥ \
Page of edition: 87  Line of edition: 1       avabʰāsitā yena diśaḥ samantāddivākareṇodayatā yatʰaiva \\ 3 \\

Line of edition: 3    gātʰāṃ ca bʰāṣite -

Line of edition: 4       vigatodbʰavā dainyamadaprahīṇā buddʰā jagatyuttamahetubʰūtāḥ \
Line of edition: 6       nākāraṇaṃ śaṅkʰamr̥ṇālagauraṃ smitamupadarśayanti jinā jitārayaḥ \\ 4 \\

Line of edition: 8       tatkālaṃ svayamadʰigamya dʰīra buddʰyā śrotr̥̄ṇāṃ śramaṇa jinendra kāṅkṣitānām \
Line of edition: 10       dʰīrābʰirmunivr̥ṣa vāgbʰiruttamābʰirutpannaṃ vyapanaya saṃśayaṃ śubʰābʰiḥ \\ 5 \\

Line of edition: 12       nākasmāllavaṇajalādrirājadʰairyāḥ saṃbuddʰāḥ smitamupadarśayanti nātʰāḥ \
Line of edition: 14       yasyārtʰe smitamupadarśayanti dʰīrā staṃ śrotuṃ samabʰilaṣanti te janaugʰāḥ \\ 6 \\ iti \\

Line of edition: 16    bʰagavānāha - evametadānanda, evametat \
Line of edition: 16    nāhetvapratyayamānanda tatʰāgatā arhantaḥ samyakṣambuddʰāḥ smitaṃ prāviṣkurvanti \
Line of edition: 17    dr̥ṣṭaste ānanda ayaṃ govr̥ṣah? dr̥ṣṭo bʰadanta \
Line of edition: 17    eṣa ānanda govr̥ṣastatʰāgatasyāntike prasannacittaḥ saptame divase kālaṃ kr̥tvā cātrumahārājikeṣu deveṣūpapatsyate \
Line of edition: 19    vaiśravaṇasya mahārājasya putro bʰaviṣyati \
Line of edition: 19    tataścyutvā trāyastriṃśeṣu deveṣūpapatsyate \
Line of edition: 20    śakrasya devendrasya putro bʰaviṣyati \
Line of edition: 20    tataścyutvā yāmeṣu deveṣūpapatsyate \
Line of edition: 20    yāmasya devasya putro bʰaviṣyati \
Line of edition: 21    tataścyutvā tuṣiteṣu deveṣūpapatsyate \
Line of edition: 21    sa tuṣitasya devasya putro bʰaviṣyati \
Line of edition: 22    tataścyutvā nirmāṇaratiṣu deveṣūpapatsyate \
Line of edition: 22    sunirmitasya devaputrasya putro bʰaviṣyati \
Line of edition: 22    tataścyutvā parinirmitavaśavartiṣu deveṣūpapatsyate \
Line of edition: 23    vaśavaratino devaputrasya putro bʰaviṣyati \
Line of edition: 23    tadanayā saṃtatyā navanavatikalpasahasrāṇi vinipātaṃ na gamiṣyati \
Line of edition: 24    tataḥ kāmāvacareṣu deveṣu divyaṃ sukʰamanubʰūya paścime bʰave paścime nikete samuccʰraye paścime ātmabʰāvapratilambʰe manuṣyatvaṃ pratilabʰya rājā bʰaviṣyati aśokavarṇo nāma cakravartī caturarṇavāntavijetā dʰārmiko dʰarmarājaḥ saptaratnasamanvāgataḥ \
Line of edition: 27    tasyemānyevamrūpāṇi sapta ratnāni bʰaviṣyanti \
Line of edition: 27    tadyatʰā - cakraratnaṃ hastiratnamaśvaratnaṃ maṇiratnaṃ strīratnaṃ gr̥hapatiratnaṃ pariṇāyakaratnameva saptamam \
Line of edition: 28    pūrṇaṃ cāsya bʰaviṣyati sahasraṃ putrāṇāṃ śūrāṇāṃ vīrāṇāṃ varāṅgarūpiṇā parasainyapramardakānām \
Line of edition: 29    imāmeva samudraparyantāṃ mahāpr̥tʰivīmakʰilāmakaṇṭakāmanutpīḍāmadaṇḍenāśastreṇa dʰarmyeṇa samayenābʰinirjitya adʰyāvatsyati \
Line of edition: 31    so 'pareṇa samayena dānāni datvā cakravartirājyamapahāya keśaśmaśrūṇyavatārya kāṣāyāṇi vastrāṇi ...ṣamyageva śraddʰayā agārādanagārikāṃ pravrajya pratyekāṃ bodʰiṃ sākṣātkariṣyati, aśokavarṇo nāma pratyekabuddʰo bʰaviṣyati \
Line of edition: 33    atʰāyuṣmānānandaḥ kr̥takarapuṭo bʰagavantaṃ papraccʰa - kiṃ bʰadanta anena govr̥ṣeṇa karma kr̥tam yena tiryagyonāvupapannaḥ, kiṃ karma kr̥tam yena divyamānuṣasukʰamanubʰūya <88> pratyekāṃ bodʰimadʰigamiṣyati? bʰagavānāha - anenaiva ānanda govr̥ṣeṇa karmāṇi kr̥tānyupacitāni labdʰasambʰārāṇi pariṇatapratyayāni ogʰavatpratyupastʰitānyavaśyambʰāvīni \
Page of edition: 88  Line of edition: 2    govr̥ṣeṇa karmāṇi kr̥tānyupacitāni \
Line of edition: 3    ko 'nyaḥ pratyanubʰaviṣyati? na hyānanda karmāṇi kr̥tānyupacitāni bāhye pr̥tʰivīdʰātau vipacyante, nābdʰātau, na tejodʰātau, na vāyudʰātau, api tūpātteṣveva skandʰadʰātvāyataneṣu karmāṇi kr̥tāni vipacyante śubʰāśubʰāni ca \

Line of edition: 6       na praṇaśyanti karmāṇi api kalpaśatairapi \
Line of edition: 7       sāmagrīṃ prāpya kālaṃ ca pʰalanti kʰalu dehinām \\ 7 \\

Line of edition: 8    bʰūtapūrvamānanda atīte 'dʰvani ekanavate kalpe vipaśyī nāma samyakṣambuddʰo loka udapādi vidyācaraṇasampannaḥ sugato lokavidanuttaraḥ puruṣadamyasāratʰiḥ śāstā devamanuṣyāṇāṃ buddʰo bʰagavān \
Line of edition: 10    sa bandʰumatīṃ rājadʰānīmupaniśritya viharati, anyatamasmin vanaṣaṇḍe \
Line of edition: 10    tasya nātidūre ṣaṣṭibʰikṣavaḥ prativasantyāraṇyakāḥ piṇḍapātikāḥ \
Line of edition: 11    sarve ca vītarāgā vigatadveṣā vigatamohā yāvat pañcamātrāṇi dʰūrtakaśatāni tena tenāhiṇḍyamānāni taṃ pradeśamanuprāptāni \
Line of edition: 13    teṣāmetadabʰavat - ete hi pravrajitā mahātmānaḥ īdr̥śeṣu stʰāneṣvabʰiramante \
Line of edition: 13    yadyeṣāṃ jīvitopaccʰedaṃ na kariṣyāmaḥ, na bʰūya etasmin pradeśe svastʰairvihartavyaṃ bʰaviṣyati \
Line of edition: 14    yadyapyete mahātmānaḥ sarvasattvahitodayapravr̥ttā na pareṣāmārocayiṣyanti, tatʰāpyeṣāṃ pradʰānapuruṣā upasaṃkramiṣyanti \
Line of edition: 16    te 'smākaṃ rājñaḥ samarpayiṣyanti \
Line of edition: 16    tatrāsmābʰiścārakāvaruddʰairmartavyaṃ bʰaviṣyati \
Line of edition: 17    katʰamatra pratipattavyamiti? ekastatraiva nirgʰr̥ṇahr̥dayastyaktaparalokaḥ \
Line of edition: 17    sa katʰayati - agʰātayitvā etān kutaḥ kṣema iti? taiste jīvitādvyaparopitāḥ \
Line of edition: 18    te caitatkarma kr̥tvā pāpakamakuśalamekanavatikalpānapāyeṣūpapannāḥ \
Line of edition: 19    yadbʰūyasā tu narakeṣu tiryagyonau upapannāśca santo nityaṃ śastreṇa pragʰātitāḥ \
Line of edition: 20    tatra yo 'sau caurasteṣāṃ samādāpakaḥ, sa evāyaṃ govr̥ṣaḥ \
Line of edition: 20    tasya karmaṇo vipākena iyantaṃ kālaṃ na kadācit sugatau upapannaḥ \
Line of edition: 21    yatpunaridānīṃ mamāntike cittaṃ prasāditam, tasya karmaṇo vipākena divyaṃ mānuṣaṃ sukʰamanubʰūya pratyekāṃ bodʰimadʰigamiṣyati \
Line of edition: 23    evaṃ hi ānanda tatʰāgatānāṃ cittaprasādo 'pyacintyavipākaḥ, kiṃ punaḥ praṇidʰānam \
Line of edition: 24    tasmāttarhi ānanda evaṃ śikṣitavyam yatstokastokaṃ muhūrtamuhūrtamantato 'ccʰaṭāsaṃgʰātamātramapi tatʰāgatamākārataḥ samanusmariṣyāmītyevaṃ te ānanda śikṣitavyam \\
Line of edition: 26    atʰāyuṣmān ānando bʰagavato bʰāṣitamabʰyānandyānumodya bʰikṣūṇāṃ purastādgātʰā bʰāṣate -

Line of edition: 27       aho nātʰasya kāruṇyaṃ sarvajñasya hitaiṣiṇaḥ \
Line of edition: 28       sukr̥tenaiva vātsalyam yasyedr̥śamahodbʰutam \\ 8 \\

Line of edition: 29       āpanno hi paraṃ kr̥ccʰraṃ govr̥ṣo yena mocitaḥ \
Line of edition: 30       vyākr̥taśca bʰave divye pratyekaśca jino hyasau \\ 9 \\ iti \\

Line of edition: 31    idamavocadbʰagavān \
Line of edition: 31    āttamanasaste bʰikṣavo bʰāṣitamabʰyanandan \\

Line of edition: 32    iti śrīdivyāvadāne 'śokavarṇāvadānamekādaśamam \\




Next part


This text is part of the TITUS edition of Divyavadana.

Copyright TITUS Project, Frankfurt a/M, 5.8.2012. No parts of this document may be republished in any form without prior permission by the copyright holder.