TITUS
Divyavadana
Part No. 13
Previous part

Chapter: 13 
********** Avadāna 13 **********

Page of edition: 104 
Line of edition: 1 
13 svāgatāvadānam \


Line of edition: 2    buddʰo bʰagavāñ śrāvastyāṃ viharati sma jetavane 'nātʰapiṇḍadasyārāme \
Line of edition: 2    tena kʰalu punaḥ samayena śiśumāragirau bodʰo nāma gr̥hapatiḥ prativasati āḍʰyo mahādʰāno mahābʰogo vistīrṇaviśālaparigraho vaiśravaṇadʰanasamudito vaiśravaṇadʰanapratispardʰī \
Line of edition: 4    tena sadr̥śāt kulāt kalatramānītam \
Line of edition: 5    sa tayā sārdʰaṃ krīḍati ramate paricārayati \
Line of edition: 5    tasya krīḍato ramamāṇasya paricārayataḥ kālāntareṇa patnī āpannasattvā saṃvr̥ttā \
Line of edition: 6    sā upariprāsādatalagatā ayantritopacārā dʰāryate, kālartukaiścopakaraṇairanuvidʰīyate, vaidyaprajñaptaiścāhārair nātitiktair nātyamlair nātilavaṇair nātimadʰurair nātikaṭukair nātikaṣāyaistiktāmlalavaṇamadʰurakaṭukakaṣāyavivarjitairāhāraiḥ \
Line of edition: 8    hārārdʰahārabʰūṣitagātrā apsareva nandanavanacāriṇī mañcānmañcaṃ pīṭʰātpīṭʰamanavatarantī adʰarimāṃ bʰūmim \
Line of edition: 10    na cāsyāḥ kiṃcidamanojñaśabdaśravaṇam yāvadeva garbʰasya paripākāya \
Line of edition: 10    sā aṣṭānāṃ vā navānāṃ vā māsānāmatyayāt prasūtā \
Line of edition: 11    dārikā jātā abʰirūpā darśanīyā prādādikā sarvāṅgapratyaṅgopetā \
Line of edition: 12    tasyāstrīṇi saptakānyekaviṃśatidivasān vistareṇa jātimahaṃ kr̥tvā varṇasaṃstʰānaviśeṣānurūpaṃ nāmadʰeyaṃ vyapastʰāpitam \
Line of edition: 13    sā dʰātryaṅkagatā unnīyate vardʰyate kṣīreṇa dadʰnā navanītena sarpiṣā saripimaṇḍenānyaiśca cottaptottaptairupakaraṇaviśeṣaiḥ \
Line of edition: 14    āśu vardʰate hradastʰamiva paṅkajam \
Line of edition: 15    yadā mahatī saṃvr̥ttā, tadā rūpiṇī yauvanānurūpayā ācāravihāraceṣṭayā devakanyeva tadgr̥hamavabʰāsamānā sugr̥tsambandʰibāndʰavānāmantarjanasya ca prītimutpādayati \
Line of edition: 16    tasyāstādr̥śīṃ vibʰūtiṃ śrutvā nānādeśanivāsrājaputrā amātyaputrā gr̥hapatiputrā dʰaninaḥ śreṣṭʰiputrāḥ sārtʰavāhaputrāśca bʰāryārtʰam yācanakān preṣayanti \
Line of edition: 18    yatʰā yatʰā cāsau prātʰyate, tatʰā tatʰā bodʰo gr̥hapatiḥ sutarāṃ prītimutpādayati \
Line of edition: 19    saṃlakṣayati - mayā eṣā na kasyacidrūpeṇa deyā, na śilpena, nāpyādʰipatyena, kiṃ tu yo mama kulaśīlena vā dʰanena vā sadr̥śo bʰavati, tasya mayā dātavyeti \
Line of edition: 20    sa caivaṃ cintayati \\
Line of edition: 21    anātʰapiṇḍadena gr̥hapatinā śrutam yatʰā śiśumāragirau bodʰo gr̥hapatistasya duhitā evaṃ rūpayauvanasamuditā, sā nānādeśanivāsināṃ rājāmātyagr̥hapatidʰanināṃ śreṣṭʰisārtʰavāhaputrāṇāmartʰāya prārtʰyata iti \
Line of edition: 23    śrutvā ca punarasyaitadabʰavat - ahamapi tāvat tāṃ putrasyārtʰāya prārtʰayāmi \
Line of edition: 24    kadācid bodʰo gr̥hapatirdadyāditi viditvā tasyā yācanakāḥ preṣitāḥ \
Line of edition: 24    bodʰena gr̥hapatinā anātʰapiṇḍadasya gr̥hapateḥ samudācāradʰanasampadaṃ ca vicārya dattā \
Line of edition: 25    anātʰapiṇḍadena gr̥hapatinā mahatā śrīsamudayena putrasya pariṇītā \
Line of edition: 26    yāvat punarapi bodʰasya gr̥hapateḥ patnyā sārdʰaṃ krīḍato ramamāṇasya paricārayataḥ patnī āpannasattvā saṃvr̥ttā \
Line of edition: 27    yameva divasamāpannasattvā saṃvr̥ttā, tameva divasaṃ bodʰasya gr̥hapateranekānyanartʰaśatāni prādurbʰūtāni \
Line of edition: 28    tena naimittikā āhūya pr̥ṣṭāḥ - bʰavantaḥ, paśyata kasya prabʰāvānmamānartʰaśatāni prādurbʰūtāni \
Line of edition: 29    naimittikā vicāryaikamatenāhuḥ - gr̥hapate, ya eṣa tava patnyāḥ kukṣimavakrāntaḥ, asyaiṣa prabʰāvaḥ \
Line of edition: 30    tadasya parityāgaḥ kriyatām \
Line of edition: 31    iti śrutvā bodʰo gr̥hapatiḥ paraṃ viṣādamāpannaḥ \
Line of edition: 31    katʰayati - bʰavantaḥ, svāgataṃ na parityakṣyāmīti \
Line of edition: 32    naimittāḥ svastītyuktvā prakrāntāḥ \
Line of edition: 32    atʰa bodʰo gr̥hapatirviyogasaṃjanitadaurmanasyo 'pi <105> lokāpavādabʰayādabʰyupekṣyāvastʰitaḥ \
Page of edition: 105  Line of edition: 1    yatʰā yatʰāsau garbʰo vr̥ddʰiṃ gaccʰati, tatʰā tatʰā bodʰasya gr̥hapateruttarottarātiśayenānartʰaśatānyutpadyante \
Line of edition: 2    sa saṃlakṣayati - ka etāni śr̥ṇoti? udyānaṃ gatvā tiṣṭʰāmīti viditvā tena pauruṣeyā uktāḥ - yadi me kaścinmahānanartʰa utpadyate, sa śrāvayitavyo nānya ityuktvā udyānaṃ gatvā avastʰito yāvadasyāsau patnī prasūtā \
Line of edition: 5    dārako jātaḥ \
Line of edition: 5    anyatamaḥ puruṣastvaritaṃ tvaritaṃ bodʰasya gr̥hapateḥ sakāśaṃ gataḥ \
Line of edition: 5    tenāsau dūrata eva dr̥ṣṭaḥ \
Line of edition: 6    sa saṃlakṣayati - yatʰāyaṃ tvaritatvaritamāgaccʰati, nūnaṃ mahānanartʰaḥ prādurbʰūtaḥ \
Line of edition: 7    iti viditvā sasambʰramaḥ pr̥ccʰati - bʰoḥ puruṣa, kiṃ tvaritvaritamāgaccʰasīti? sa katʰayati - gr̥hapte, diṣṭyā vardʰase, putraste jāta iti \
Line of edition: 8    sa katʰayati - bʰoḥ puruṣa, yadyapi me putro 'narhaśatānyutpādya jātaḥ, tatʰāpi svāgatamasyeti \
Line of edition: 9    tadanantarameva dvitīyapuruṣastatʰaiva tvaritatvaritamaśruparyākulekṣaṇo bodʰasya gr̥hapateḥ sakāśaṃ gataḥ \
Line of edition: 10    so 'pi tenānartʰatayā sasambʰrameṇa pr̥ṣṭaḥ - bʰoḥ puruṣa, kiṃ tvaritatvaritamāgaccʰasīti? sa bāṣpoparudʰyamānagadgadakaṇṭʰaḥ karuṇādīnavilambitākṣaraṃ katʰayati - gr̥hapate, gr̥he 'gniruttʰitaḥ \
Line of edition: 12    sarvaṃ svāpateyaṃ dagdʰamiti \
Line of edition: 12    sa muhurmuhuranartʰaśravaṇadr̥ḍʰīkr̥tacittasaṃtatiḥ katʰayati - bʰoḥ puruṣa, prāptavyametat \
Line of edition: 13    alaṃ viṣādena, tūṣṇīṃ tiṣṭʰeti \
Line of edition: 14    atʰa tasya jñātayo lokadʰarmānuvr̥ttyā avajñāpūrvakena nāmadʰeyaṃ vyavastʰāpayitumārabdʰāḥ - kiṃ bʰavatu dārakṣya nāmeti \
Line of edition: 15    tatraike katʰayanti - yatkulasadr̥śaṃ tatkriyatāmiti \
Line of edition: 15    apare katʰayanti - yena bodʰasya gr̥hapateḥ kukṣigatenaivānekadʰanasamuditaṃ gr̥haṃ nidʰanamupanītam, tasya kīdr̥śaṃ kulasadr̥śaṃ nāma vyavastʰāpyate? api tu ayaṃ pitrā jātamātraḥ svāgatavādena samudācaritaḥ, tasmādasya svāgata iti nāma bʰavatu iti \
Line of edition: 18    tasya svāgata iti nāmadʰeyaṃ vyavastʰāpitam \
Line of edition: 18    yatʰā yatʰā svāgato vr̥ddʰimupayāti, tatʰā tatʰā bodʰasya gr̥hapaterdʰanadʰānyahiraṇyasuvarṇadāsīdāsakarmakarapauruṣeyāstanutvaṃ parikṣayaṃ paryādānaṃ gaccʰanti \
Line of edition: 20    yāvadapareṇa samayena bodʰo gr̥hapatiḥ kālagataḥ \
Line of edition: 21    sāpyasya patnī kālagatā \
Line of edition: 21    tadgr̥haṃ pratisaṃskr̥taṃ punaragninā dagdʰam \
Line of edition: 22    ye 'pyasya pauruṣeyāḥ paṇyamādāya deśāntaragatā mahāsamudram yāvattīrṇāḥ, tataḥ keṣāṃcidyānapātraṃ vipannam, keṣāṃcit paṇyamapaṇyījātam, kecit tatraivānayena vyasanamāpannāḥ, keṣāṃcit kāntāramadʰyagatānāṃ caurairdravyamapahr̥tam, keṣāṃcinnagarasamīpamanuprāptānāṃ śaulkikaśaulkikairdravyaṃ vicārayadbʰiḥ sāro gr̥hītaḥ, keṣāṃcit pattanamanuprāptānāṃ rājñā viniyuktairdoṣamutpādya sarvasvamapahr̥tam \
Line of edition: 26    kecidbodʰasya gr̥hapateḥ prāṇaviyogaṃ śrutvā tatraiva avastʰitāḥ \
Line of edition: 27    jñātīnāmapi kecit kālagatāḥ, kecinniṣpalāyitāḥ, kecit tatraivāvastʰitāḥ svāgatasya vācamapi na prayaccʰanti \
Line of edition: 28    dāsīdāsakarmakarapauruṣeyā api kecit kālagatāḥ, kecinniṣpalāyitāḥ, kecidanyāśrayeṇa tatraivāvastʰitāḥ santaḥ svāgatasya nāmāpi na gr̥hṇanti \
Line of edition: 30    kiṃ tu bodʰasyaikā purāṇavr̥ddʰā dāsī kr̥tajñatayā svāgatasyopastʰānaṃ kurvantī tiṣṭʰati \
Line of edition: 31    tayā sa lipyakṣaracāryasyākṣarāṇi śikṣayitumupanyastaḥ \
Line of edition: 31    sā saṃlakṣayati - bodʰasya gr̥hapatergr̥hamanekadʰanasamuditaṃ vistīrṇasvajanabandʰuvargaṃ prabʰūtadāsīdāsakarmakarapauruṣeyam <106> paryādānaṃ gatam \
Page of edition: 106  Line of edition: 1    svāgato 'haṃ cāvastʰitāḥ \
Line of edition: 1    tajjijñāsyāmi tāvat kasyāpuṇyenāyamupaplavaḥ, kiṃ svāgatasya āhosvinmameti \
Line of edition: 2    tayā svāgatasya nāṃnā stʰālyāṃ taṇḍulān prakṣipya bʰaktārtʰam yojitā vinaṣṭāḥ \
Line of edition: 3    tata ātmano nāṃnā tatʰaiva yojitāḥ, śobʰanaṃ bʰaktaṃ saṃpannam \
Line of edition: 4    sā saṃlakṣayati - asau mandabʰāgyaḥ \
Line of edition: 4    etamāgamya bodʰasya gr̥hapatergr̥hamanekadʰanasamuditaṃ vistīrṇasvajanabandʰuvargaṃ prabʰūtadāsīdāsakarmakarapauruṣeyaṃ parikṣayaṃ paryādānaṃ gatam \
Line of edition: 6    ahaṃ punar na yāsyāmīti \
Line of edition: 6    kr̥taḥ stʰāsyāmīti? atra prāptakālaṃ sarvatʰā yāvat prāṇaviyogo na bʰavati tāvanniṣpalāyeyem \
Line of edition: 7    iti viditvā yattatra kiṃcit sāramasti, tamādāya niṣpalāyitā \
Line of edition: 8    tasmiñ śūnye gr̥he śvānaḥ praviśya kalahaṃ kartumārabdʰāḥ \
Line of edition: 8    yāvadanyatamo dʰūrtapuruṣastena pradeśenātikrāmati \
Line of edition: 9    sa śvānakalahaṃ śrutvā saṃlakṣayati - bodʰasya gr̥hapatergr̥he śvānaḥ kaliṃ kurvanti \
Line of edition: 10    kiṃ tadanyaṃ bʰavet? paśyāmi tāvaditi \
Line of edition: 10    sa tatra praviṣṭo yāvat paśyati śūnyam \
Line of edition: 11    so 'pi tasmādyat kiṃciccʰeṣāvaśeṣamasti, tamādāya prakrāntaḥ \\
Line of edition: 12    tataḥ svāgato bʰojanavelāṃ jñātvā lekʰaśālāyāḥ svagr̥hamāgato bʰoktumiti yāvat paśyati śūnyam \
Line of edition: 13    sa bʰoktukāmāvarjitasaṃtatiḥ (?) kṣudʰāsaṃjanitadaurmanasyaḥ śabdāpayitumārabdʰaḥ - amba ambeti \
Line of edition: 14    na kaścidvacanaṃ dadāti \
Line of edition: 14    sa tadgr̥hamatiścāmutaśca vyavalokya nairāśyamāpanno niṣkrāntaḥ \
Line of edition: 15    tasya gr̥hasya nātidūre 'nyagr̥ham \
Line of edition: 15    tasmin svāgatasya jñātastiṣṭʰanti \
Line of edition: 15    sa teṣāṃ sakāśaṃ gato yāvattatra kaliḥ prādurbʰūtaḥ \
Line of edition: 16    te kalahaṃ kr̥tvā vyupaśāntāḥ parasparaṃ katʰayanti - bʰavantaḥ, pūrvamasmākamanyonyaṃ dr̥ṣṭvā sneho bʰavati, idānīṃ tu dveṣaḥ \
Line of edition: 17    paśyadʰvaṃ kaścidanya āgataḥ syāditi \
Line of edition: 18    te samanveṣitumārabdʰā yāvat paśyanti svāgatam \
Line of edition: 18    tatraike katʰayanti - bʰavantaḥ, svāgataḥ praviṣṭa iti \
Line of edition: 19    apare katʰayanti - nāyaṃ svāgatāḥ, kiṃ tu durāgataḥ, imamāgamyāsmākaṃ kaliḥ prādurbʰūta iti \
Line of edition: 20    sa tairgrīvāyāṃ gr̥hītvā niṣkāsito 'nyatra gataḥ \
Line of edition: 21    tasmādapi niṣkāsito yāvat kroḍamallānāṃ madʰye praviṣṭaḥ \
Line of edition: 21    te yatra yatra bʰaikṣārtʰikāḥ praviśanti, tatra nirbʰartsyante niṣkāsyante ca \
Line of edition: 22    te nairāśyamāpannā riktahastakā riktamallakāḥ śūnyadevakulamaṇḍapavr̥kṣamūlānyāgatāḥ \
Line of edition: 23    te 'nyonyaṃ pr̥ccʰanti - bʰavantaḥ, vayaṃ pūrve yatra yatra gaccʰāmastataḥ pūrṇahastāḥ pūrṇamallakā āgaccʰāmaḥ \
Line of edition: 24    idānīṃ ko yogo yena vayaṃ riktahastakā riktamallakā nairāśyamāpannā ihāgatā iti? tatraike katʰayanti - nūnaṃ ko 'pi mandabʰāgyo 'smākaṃ madʰye praviṣṭo yena vayaṃ riktahastā riktamallakā ihāgatā iti \
Line of edition: 27    apare katʰayanti - gatametat \
Line of edition: 27    dvidʰā bʰūtvā praviśāma iti \
Line of edition: 27    te parasmin divase dvidʰā praviṣṭāḥ \
Line of edition: 28    tatra yeṣāṃ madʰye svāgataste tatʰaiva nirbʰartsitā niṣkāsitāśca nairāśyamāpannā riktahastā riktamallāśca yatʰānilayamāgatāḥ \
Line of edition: 29    te tvanye pūrṇahastā pūrṇamallakā āgatāḥ \
Line of edition: 30    ye te riktahastakā riktapātrā āgatāste bʰūyo dvidʰā bʰūtvā praviṣṭāḥ \
Line of edition: 30    tatra teṣāmapi yeṣāṃ madʰye svāgataste tatʰaiva riktahastā riktamallakāścāgatāḥ \
Line of edition: 31    te bʰūyo dvidʰā bʰūtā evam yāvat svāgatakroḍamallakau praviṣṭau riktahastau riktamallakau āgatau \
Line of edition: 32    te tvanye pūrṇahastāḥ <107> pūrṇamallakā āgatāḥ \
Page of edition: 107  Line of edition: 1    tataste kroḍamallakāḥ sarve saṃbʰūya saṃkalpaṃ kartumārabdʰāḥ - bʰavantaḥ, ayaṃ mandabʰāgyo 'smākaṃ madʰye praviṣṭʰo yena vayaṃ riktahastā rikmallakāścāgatāḥ \
Line of edition: 2    niṣkāsayāma enamiti \
Line of edition: 3    sa taiḥ prabʰūtān prahārān dattvā śirasi ca mallakaṃ bʰaṅktvā niṣkāsitaḥ \\
Line of edition: 4    atrāntare yāvaccʰrāvasteyo vaṇijo bodʰasya gr̥hapatervayasyaḥ paṇyamādāya śiśumāragirimanuprāptaḥ \
Line of edition: 5    tena svāgato mallakena hastagatena pīṭʰīṃ gato mukʰabimbakena pratyabʰijñāta uktaśca - putra tvaṃ bodʰagr̥hapateḥ putra iti? sa katʰayati - tāta, ahaṃ tasya putro durāgata iti \
Line of edition: 6    sa muhūrtaṃ tūṣṇīṃ stʰitvā aśruparyākulekṣaṇaḥ katʰayati - putra, tau tava mātāpitarau kālagatau? te jñātayah? sa āha - teṣāmapi kecit kālagatāḥ kecidihaiva tiṣṭʰanto vācamapi na prayaccʰanti \
Line of edition: 8    te dāsīdāskarmakarapauruṣeyāh? teṣāmapi kecit kālagatāḥ, kecinniṣpalāyitāḥ, kecidihaivānyānāśrityāvastʰitā vācamapi na prayaccʰanti \
Line of edition: 10    yadavaśiṣṭaṃ dʰanaṃ tadapi kiṃcidagninā dagdʰam \
Line of edition: 11    ye vaṇikpauruṣeyāḥ paṇyaṃ gr̥hītvā dʰanārtʰino deśāntaraṃ mahāsamudraṃ cāvatīrṇāḥ, tatrāpi keṣāṃcit paṇyamapaṇyībʰūtam, kecit tatraivānayena vyasanamāpannāḥ, keṣāṃcit kāntāramadʰyagatānāṃ taskairadravyamapahr̥tam, keṣāṃcinnagarasamīpamanuprāptānāṃ śaulkikaśaulkikairdravyaṃ vicārayadbʰiḥ sāro gr̥hītaḥ, keṣāṃcit pattanamanuprāptānāṃ rājño viniyuktairdoṣamutpādya sarvasvamapahr̥tam \
Line of edition: 15    kecit tasya prāṇaviyogaṃ śrutvā tatraivāvastʰitāḥ \
Line of edition: 15    sa dīrgʰamuṣṇaṃ ca niśvasya katʰayati - putra śrāvastīṃ kiṃ na gaccʰasi? tāta, kiṃ tatragatasya bʰaviṣyati? putra, tatrānātʰapiṇḍado gr̥hapatiḥ, tasya putreṇa tava bʰaginī pariṇītā \
Line of edition: 17    sā tava yogodvahanaṃ kariṣyatīti \
Line of edition: 17    sa katʰayati - tāta, yadyevaṃ gaccʰāmīti \
Line of edition: 18    tena tasya dvau kārṣāpaṇau dattau, uktaśca - putra, ābʰyāṃ tāvadātmānaṃ saṃdʰāraya, yāvadahaṃ paṇyaṃ visarjayāmi \
Line of edition: 19    mayā sārdʰaṃ gamiṣyasi \
Line of edition: 19    tena tau kārṣāpaṇau kʰustavastrānte baddʰvā stʰāpitau, karmavipākena vismr̥tau \
Line of edition: 20    tatʰaivāsau kutaścit kiṃcidārāgayati kiṃcinnārāgāyati \
Line of edition: 21    kṣudʰayā pīḍyamāno 'vastʰitaḥ \
Line of edition: 21    yāvadasau vaṇik paṇyaṃ visarjayitvā pratipaṇyamādāya svāgataṃ vaismr̥tya saṃprastʰitaḥ \
Line of edition: 22    svāgato 'pi tena sārdʰaṃ saṃprastʰitaḥ \
Line of edition: 23    yāvat te sārtʰakāḥ kaliṃ kartumārabdʰāḥ, balīvardā yoddʰumārabdʰāḥ \
Line of edition: 23    sārtʰikāḥ katʰayanti - bʰavantaḥ, pratyavekṣata sārtʰam \
Line of edition: 24    mā asau durāgato 'trāgataḥ syāditi \
Line of edition: 24    taiḥ pratyavekṣamāṇairasau dr̥ṣṭaḥ \
Line of edition: 24    te taṃ kʰaṭucapeṭādibʰistāḍayitvā ardʰacandrakāreṇa grīvāyāṃ gr̥hītvā niṣkāsitumārabdʰāḥ \
Line of edition: 25    sa niṣkāsitaḥ \
Line of edition: 26    niṣkramyamāṇo vikroṣṭumārabdʰaḥ \
Line of edition: 26    sārtʰavāhastaṃ kolāhalaśabdaṃ śrutvā nirīkṣitumārabdʰaḥ, yāvat paśyati taṃ niṣkāsyamānam \
Line of edition: 27    sa katʰayati - bʰavantaḥ, mā enaṃ niṣkāsayata, mamaiṣa vayasyaputro bʰavatīti \
Line of edition: 28    te katʰayanti - sārtʰavāha, yamāgamya bodʰasya gr̥hapateranekadʰanasamuditaṃ sasuhr̥tsambandʰibāndʰavaṃ gr̥haṃ vinaṣṭam, katʰaṃ tena sārdʰaṃ gaccʰāmah? sarvatʰā tvaṃ sārtʰasya svāmī \
Line of edition: 29    yadyeṣa gaccʰati, vayaṃ na gaccʰāma iti \
Line of edition: 30    sārtʰavāhastaṃ katʰayati - putra, mahājanavirodʰo 'tra bʰavati \
Line of edition: 30    sārtʰakāḥ kṣubʰitāḥ \
Line of edition: 31    tvaṃ paścādvāsoddʰātikayā gaccʰa, ahaṃ tavārtʰe āhāraṃ stʰāpayāmīti \
Line of edition: 31    sa mātāpitr̥viyogapratispardʰinā pūrvakarmāparādʰaprabʰāveṇa duḥkʰadaurmanasyena saṃtāpitamanāḥ sāśrukaṇṭʰastūṣṇīmavastʰitaḥ \
Page of edition: 108  Line of edition: 1    sārtʰaḥ saṃprastʰitaḥ \
Line of edition: 1    so 'pi vāsoddʰātikayā gantumārabdʰaḥ \
Line of edition: 1    sa sārtʰavāhastasyāhāraṃ patrapuṭake baddʰvā kiṃcidbʰūmau pāṃśunā praticcʰādya stʰāpayati, kiṃcidvr̥kṣaśākʰāpatrairavaccʰādya \
Line of edition: 2    tatra yaṃ bʰūmau stʰāpayati, sa śr̥gālairanyaiścatuṣpādaurbʰakṣyate \
Line of edition: 3    yaṃ vr̥kṣaśākʰāsu, sa pakṣibʰiḥ śākʰāmr̥gaiśca bʰakṣyate \
Line of edition: 4    tataḥ kiṃcidārāgayati kiṃcinnārāgayati \
Line of edition: 4    astʰānamanavakāśo yaccaramabʰavikaḥ sattvo 'samprāpte viśeṣādʰigame so 'ntarā kālaṃ kuryāt \
Line of edition: 5    sa kr̥ccʰreṇa śrāvastīmanuprāptaḥ \
Line of edition: 5    bahiḥ śrāvastyāmudapānopakaṇṭʰake viśrāntaḥ \
Line of edition: 6    yāvat tasya bʰaginyāḥ santikā preṣyadārikā udakārtʰinī kumbʰamādāya gatā \
Line of edition: 7    sa tayā mukʰabimbakena pratyabʰijñātaḥ \
Line of edition: 7    sā ciraṃ nirīkṣya hīnadīnavadanā katʰayati - dāraka, tvaṃ bodʰasya gr̥hapateḥ śuśumāragirīyakasya putra iti? sa katʰayati - evaṃ māṃ bʰaginījanaḥ saṃjānīta iti \
Line of edition: 9    sā aśruparyākulekṣaṇā bāṣpoparudʰyamānakaṇṭʰā urasi prahāraṃ dattvā karuṇādīnavilambitākṣaraṃ praṣṭumārabdʰā \
Line of edition: 10    tau tava mātāpitarau kālagatau? kālagatau \
Line of edition: 11    te jñātayah? sa katʰayati - teṣāmapi kecit kālagatāḥ, kecinniṣpalāyitāḥ, kecit tatraiva tiṣṭʰanto vācamapi na prayaccʰanti \
Line of edition: 12    te dāsīdāsakarmakarapauruṣeyāh? teṣāmapi kecit kālagatāḥ, kecinniṣpalāyitāḥ, kecit tatraivānyānāśrityāvastʰitā vācamapi na prayaccʰanti \
Line of edition: 14    yadapi dʰanajātaṃ tadapi kiṃcidagninā dagdʰam, kiṃcidanyapauruṣeyā gr̥hītvā dʰanārtʰino deśāntaraṃ mahāsamudraṃ cāvatīrṇāḥ \
Line of edition: 15    tatrāpi keṣāṃcidyānapātraṃ vipannam, keṣāṃcit paṇyamapaṇyībʰūtam, kecit tatraivānayena vyasanamāpannāḥ, keṣāṃcit kāntāramadʰyagatānāṃ taskarairdravyamapahr̥tam, keṣāṃcinnagarasamīpamanuprāptānāṃ śaulkikaśaulkikairdravyaṃ vicārayadbʰiḥ sāro gr̥hītaḥ, keṣāṃcit pattanamanuprāptānāṃ rājaniyuktairdoṣamutpādya sarvasvamapahr̥tam, kecittasya prāṇaviyogaṃ śrutvā tatraivāvastʰitāḥ \
Line of edition: 19    sā dīrgʰamuṣṇaṃ ca niśvasya katʰayati - ihaiva tiṣṭʰa yāvatte bʰaginyāḥ katʰayāmīti \
Line of edition: 20    tayā gatvā tasyāḥ prayaccʰannaṃ katʰitam \
Line of edition: 20    kīdr̥śena paṇyeneti? sā katʰayati - kuto 'sya paṇyam? daṇḍamasya haste mallakaśceti \
Line of edition: 21    tayā tasyārtʰaṃ mahārhāṇi vastrāṇi dattāni \
Line of edition: 21    kārṣāpaṇāṃśca dattvā uktā ca - sa vaktavyo yadi te bʰāgineyo vā bʰāgineyikā vā upasaṃkrāmati, tasyaiva kārṣāpaṇān dadyāḥ \
Line of edition: 23    mā jñātīnāṃ pratarkyo bʰaviṣyatīti \
Line of edition: 23    sā vastrāṇyādāya kārṣāpaṇāṃśca tasya sakāśaṃ gatā katʰayati - imāni te vastrāṇi kārṣāpaṇāśca bʰaginyā preṣitāni, katʰayati ca - yadi te bʰāgineyo vā bʰāgineyikā vā upasaṃkrāmati, tasyaitatkārṣāpaṇān dadyāḥ \
Line of edition: 25    mā jñātīnāṃ pratarkyo bʰaviṣyasi \
Line of edition: 26    sa katʰayati - śobʰanameva bʰavati \
Line of edition: 26    ityuktvā tūṣṇīmavastʰitaḥ \
Line of edition: 27    dārikā prakrāntā \
Line of edition: 27    sa saṃlakṣayati - anātʰapiṇḍado gr̥hapatirvistīrṇasvajanaparivāraḥ \
Line of edition: 27    asmākamapi pitā vistīrṇaparivāraḥ \
Line of edition: 28    teṣāmamekaikaśo vārtāṃ pratyavekṣate \
Line of edition: 28    bʰaginyā ciramālāpo bʰaviṣyati \
Line of edition: 29    sa ca mārgapariśramakʰinnena kṣudʰārtena na śakyate kartum \
Line of edition: 29    purobʰakṣikāṃ tāvat karomi \
Line of edition: 30    tr̥ptaḥ sukʰālāpam udyānaṃ gatvā śayitaḥ \
Line of edition: 31    ācaritaṃ śrāvastyāmudyānamoṣakāḥ puruṣāḥ pratidinamanvāhiṇḍyante \
Line of edition: 32    te yadi suptaṃ puruṣaṃ paśyanti, pādena gʰaṭṭayanti \
Line of edition: 32    sa yadi prativibudʰyate <109> , tamevaṃ vadanti - bʰoḥ puruṣa, na tvayā śrutam yatʰā śrāvastyāmudyānamoṣakāḥ puruṣāḥ pratidinamanvāhiṇḍyante? te yadi suptaṃ puruṣaṃ paśyanti, vadanti - uttiṣṭʰa gaccʰeti \
Page of edition: 109  Line of edition: 2    yadi na prativibudʰyate, muṣitvā gaccʰanti \
Line of edition: 3    taiḥ pādena gʰaṭṭito na prativibudʰyate \
Line of edition: 3    muṣitvā prakrāntāḥ \
Line of edition: 3    sa vigatamadyamadaḥ pratibuddʰo yāvat paśyati tānyevānantakāni (?) prāvr̥tyāvastʰitaḥ \
Line of edition: 4    tato 'sya bʰaginī saṃlakṣayati - aticirayatyasau \
Line of edition: 5    nūnamatra kāraṇena bʰavitavyamiti \
Line of edition: 5    tasyāsau dārikā punaḥ preṣitā - dārike gaccʰa, cirayatyasau, paśya kimartʰaṃ nāgaccʰatīti \
Line of edition: 6    sā gatā yāvat paśyati muṣitakaṃ tenaiva veṣeṇāvastʰitam \
Line of edition: 7    sā tvaritatvaritaṃ gatā tasyāḥ katʰayati - ārye, muṣitastenaiva veṣeṇa tiṣṭʰatīti \
Line of edition: 8    sā saṃlakṣayati - yamāgamya bodʰasya gr̥hapateranekadʰanasamuditaṃ sasuhr̥tsambandʰibāndʰavaṃ gr̥haṃ vinaṣṭam, yadi tamiha praveśayāmi, stʰānametadvidyate yanmayāpi śvaśuragr̥hamanayena vyasanamāpatsyate \
Line of edition: 10    nāsāviha praveśayitavyaḥ \
Line of edition: 10    iti viditvā tayāpyupekṣitaḥ \\
Line of edition: 11    tasyāpi pūrvakarmāparādʰādvismr̥tam \
Line of edition: 11    sa kroḍamallakānāṃ madʰye praviṣṭaḥ \
Line of edition: 11    te yatra yatra bʰaikṣārtʰinaḥ praviśanti, tatra tatra nirbʰatsyante ca niṣkāsyante ca \
Line of edition: 12    nairāśyamāpannā riktahastā riktamallakāḥ śūnyadevakulamaṇḍapavr̥kṣamūlānyāgatāḥ \
Line of edition: 13    te 'nyonyaṃ pr̥ccʰanti - bʰavantaḥ, vayaṃ pūrvam yatra yatra gaccʰāmastataḥ pūrṇahastāḥ pūrṇamallakā gaccʰāmaḥ \
Line of edition: 14    idānīṃ ko yogo yena vayaṃ riktahastā riktamallakā nairāśyamāpannā ihāgatā iti? tatraike katʰayanti - nūnaṃ ko 'pi mandabʰāgyo 'smākaṃ madʰye praviṣṭo yena vayaṃ riktahastā riktamallakā ihāgatā iti \
Line of edition: 16    apare katʰayanti - dvidʰā bʰūtvā praviśāma iti \
Line of edition: 17    te 'parasmin divase dvidʰā bʰūtvā praviṣṭāḥ \
Line of edition: 17    tatra yeṣāṃ madʰye svāgataḥ, te tatʰaiva nirbʰartsitā niṣkāsitāśca nairāśyamāpannā riktahastā riktamallakāścāgatāḥ \
Line of edition: 18    te tvanye pūrṇahastāḥ pūrṇamallakā āgatā \
Line of edition: 19    ye riktahastā riktamallakā āgatāḥ, te bʰūyo dvidʰā bʰūtvā praviṣṭāḥ \
Line of edition: 20    teṣāmapi yeṣāṃ madʰye svāgataḥ, te tatʰaiva riktahastā riktamallakāścāgatāḥ \
Line of edition: 20    te bʰūyo dvidʰā bʰūtā evam yāvat svāgato 'nyaśca kroḍamallakaḥ praviṣṭaḥ \
Line of edition: 21    tau riktahastau riktamallakau āgatau, te tvanye pūrṇahastāḥ pūrṇamallakā āgatāḥ \
Line of edition: 22    te kroḍamallakāḥ sarve saṃbʰūya saṃjalpaṃ kartumārabdʰāḥ - bʰavantaḥ, ayaṃ mandabʰāgyasattvo 'smākaṃ madʰye praviṣṭo yena vayaṃ riktahastā riktamallakāścāgatāḥ \
Line of edition: 24    niṣkāsayāma enamiti \
Line of edition: 24    sa taiḥ prabʰūtān prahārān dattvā śirasi ca mallakaṃ bʰaṅktvā niṣkāsitaḥ \\
Line of edition: 25    atrāntare 'nātʰapiṇḍadena gr̥hapatinā buddʰapramukʰo bʰikṣusaṃgʰo 'ntargr̥he bʰaktenopanimantritaḥ \
Line of edition: 26    tena dauvārikāṇāmājñā dattā - na tāvat kasyacit kroḍamallakasya praveśo dātavyo yāvadbuddʰapramukʰena bʰikṣusaṃgʰena bʰuktam \
Line of edition: 27    paścāt tān bʰojayiṣyāmīti \
Line of edition: 27    kroḍamallakā ye tasya gr̥haṃ pratiśaraṇabʰūtāste sarve saṃnipatitāḥ praveṣṭumārabdʰāḥ \
Line of edition: 28    dauvārikeṇa virodʰitāḥ \
Line of edition: 29    katʰayanti - bʰoḥ puruṣa, asmākameva nāṃnā ayaṃ gr̥hapatiḥ prajñāyate anātʰapiṇḍado gr̥hapatiriti \
Line of edition: 30    tat kimidamiti kr̥tvā asmān vidʰārayasīti? sa katʰayati - gr̥hapatinā ājñādattā - na tāvat kasyacit kroḍamallakasya praveśo dātavyo yāvadbuddʰapramukʰena bʰikṣusaṃgʰena bʰuktam \
Line of edition: 32    paścāt tān bʰojayiṣyāmīti \
Line of edition: 32    te katʰayanti - bʰavantaḥ, na kadācidvayaṃ vidʰāryamāṇāḥ <110> \
Page of edition: 110  Line of edition: 1    taṃ paśyata mā atrāryā durāgata āgato bʰavediti \
Line of edition: 1    te samanveṣṭitumārabdʰā yāvat paśyantyekasmin pradeśe nilīyāvastʰitam \
Line of edition: 2    tatastaiḥ kolāhalaśabdaḥ kr̥taḥ - ayaṃ bʰavantaḥ sa durāgato nilīnastiṣṭʰatīti \
Line of edition: 3    sa taiḥ prabʰūtān prahārān datvā niṣkāsitastīvreṇa ca paryavastʰānena śirasi mallakena prahāro dattaḥ \
Line of edition: 4    tasya śiro bʰagnam \
Line of edition: 4    sa nivartya vipralapitumārabdʰaḥ \
Line of edition: 5    tatastairhastapādeṣu gr̥hītvā saṃkārakūṭe kṣiptaḥ - durāgata atra tiṣṭʰeti \
Line of edition: 5    sa rudʰireṇa pragʰaratā tasmin saṃkārakūṭe 'vastʰitaḥ \
Line of edition: 6    yāvadbʰagavān pūrvāhṇe nivāsya pātracīvaramādāya bʰikṣugaṇaparivr̥to bʰikṣusaṃgʰapuraskr̥to yenānātʰapiṇḍadasya gr̥hapater niveśanaṃ tenopasaṃkrāntaḥ \
Line of edition: 8    adrākṣīdbʰagavān svāgataṃ paruṣarūkṣāṅgulidīrgʰakeśaṃ rajasāvacūrṇitagātraṃ kr̥śamalpastʰānaṃ malinajīrṇavāsonivasitaṃ śirasā bʰagnena rudʰireṇa pragʰaratā anyaiśca vraṇaiścākīrṇaiḥ, makṣikābʰirupadrutaiḥ saṃkārakūṭe nipatitam \

Line of edition: 10    dr̥ṣṭvā ca punarbʰikṣūnāmantrayate sma - tr̥pyata bʰikṣavaḥ sarvabʰavopapattibʰyaḥ \
Line of edition: 11    tr̥pyata sarvabʰavopapattyupakaraṇebʰyaḥ, yatra nāma caramabʰavikasya sattvasyeyamavastʰā \
Line of edition: 11    tatra bʰagavāṃs taṃ svāgatamāmantrayate - ākāṅkṣase vatsa pātraśeṣam? bʰagavan \
Line of edition: 12    tatra bʰagavānāyuṣmantamānandamāmantrayate - svāgatasya te ānanda pātraśeṣaḥ stʰāpayitavyamiti \
Line of edition: 13    evaṃ bʰadantetyāyuṣmānānando bʰagavataḥ pratyaśrauṣīt \\
Line of edition: 15    atʰa bʰagavān yenānātʰapiṇḍadasya gr̥hapaterbʰaktābʰisārastenopasaṃkrāntaḥ \
Line of edition: 15    upasaṃkramya purastādbʰikṣusaṃgʰasya prajñapta evāsane niṣaṇṇaḥ \
Line of edition: 16    anātʰapiṇḍado gr̥hapatiḥ sukʰopaniṣaṇṇaṃ buddʰapramukʰaṃ bʰikṣusaṃgʰaṃ viditvā praṇītena kʰādanīyabʰojanīyena svahastena saṃtarpya saṃpravārya bʰagavantaṃ bʰuktavantaṃ viditvā dʰautahastamapanītapātraṃ nīcataramāsanaṃ gr̥hītvā bʰagavataḥ purastānniṣaṇṇo dʰarmaśravaṇāya \
Line of edition: 19    āyuṣmata ānandasya tatpātraśeṣaṃ svāgatāya vismr̥tam \
Line of edition: 19    asaṃmoṣadʰarmāṇo buddʰā bʰagavantaḥ \
Line of edition: 20    bʰagavatā uttʰāpitam \
Line of edition: 20    āyuṣmānānando bʰagavataḥ pātraṃ gr̥hītumārabdʰo yāvat paśyati tatra pātraśeṣaṃ na saṃstʰāpitam \
Line of edition: 21    dr̥ṣṭvā ca smr̥tirutpannā \
Line of edition: 21    sa dʰarmatattvo vacasā (?) atʰa roditumārabdʰaḥ \
Line of edition: 22    bʰagavānāha - kasmāt tvamānanda rodiṣīti \
Line of edition: 22    sa katʰayati - na mayā bʰadanta bʰagavataḥ kadācidājñā pratyūḍʰapūrveti \
Line of edition: 23    kiṃ kr̥tam? svāgatasya pātraśeṣaṃ na stʰāpitamiti \
Line of edition: 24    bʰagavānāha - na tvayā ānanda mamājñā pratismr̥tā, api tu svāgatasyaiva tāni karmāṇi labdʰasambʰārāṇi pariṇatapratyayānyogʰavatpratyupastʰitānyavaśyabʰāvīni yena tava vismr̥tam \
Line of edition: 26    alaṃ viṣādena \
Line of edition: 26    gaccʰa, taṃ śabdāpayeti \
Line of edition: 26    sa gatvā śabdāpayitumārabdʰaḥ \
Line of edition: 26    anekaiḥ prativacanaṃ dattam \
Line of edition: 27    svāgatasya tadapi vismr̥tam yadbʰagavatā pratijñātam - tava pātraśeṣaṃ stʰāpayiṣyāmīti \
Line of edition: 28    sa saṃlakṣayati - ko 'pyayaṃ puṇyakarmā bʰagavatā trailokyaguruṇā samanvāhr̥taḥ śabdata iti \
Line of edition: 28    āyuṣmatā ānandena gatvā bʰagavata ārocitam \
Line of edition: 29    bʰagavan svāgata ityuktvā anekaiḥ prativacanaṃ dattam \
Line of edition: 30    na jāne kaṃ śabdāpayāmīti \
Line of edition: 30    bʰagavānāha - gaccʰa ānanda, gatvā katʰaya - yo bodʰasya gr̥hapateḥ śuśumāragirīyasya putraḥ svāgataḥ, sa āgaccʰatu iti \
Line of edition: 31    āyuṣmatā ānandena gatvoccaiḥ śabdairuktaḥ - yo bodʰasya gr̥hapateḥ śuśumāragirīyakasya putraḥ svāgataḥ, sa āgaccʰatu iti \
Line of edition: 32    tena putur nāmaśravaṇādātmano nāma smr̥tam \
Line of edition: 32    sa śanairdaṇḍaviṣṭambʰanayogāduttʰāya gātʰāṃ bʰāṣate -

Page of edition: 111  Line of edition: 1       bʰraṣṭaḥ svāgataśabdo 'yaṃ kutaḥ punarihāgataḥ \
Line of edition: 2       nūnaṃśreyaso nāśaḥ śreyasaśca samudbʰavaḥ \\ 1 \\

Line of edition: 3       teṣāṃ sarvajña nātʰo 'si ye hi tvāṃ śaraṇaṃ gatāḥ \
Line of edition: 4       teṣāṃ svāgatamāryāṇām ye ca te śāsane ratāḥ \\ 2 \\

Line of edition: 5       ahaṃ tu bʰāgyarahitaḥ sarvabandʰuvivarjitaḥ \
Line of edition: 6       śocyaḥ kaṣṭāṃ daśāṃ prāptaḥ śokaśalyasamarpitaḥ \\ 3 \\ iti \

Line of edition: 7    atʰāyuṣmānānandastamādāya yena bʰagavāṃstenopasaṃkrāntaḥ \
Line of edition: 7    upasaṃkramya bʰagavantamidamavocat - ayaṃ bʰadanta svāgata iti \
Line of edition: 8    sa bʰagavatā kṣudʰāsaṃjanitadaurmanasyaḥ samāśvāsitaḥ, uktaśca - putra, imaṃ pātraśeṣaṃ paribʰuṅkṣveti \
Line of edition: 9    sa taṃ dr̥ṣṭvā saṃlakṣayati - yadyapyahaṃ bʰagavatā trailokyaguruṇā daivāt samanvāhr̥taḥ, tadapi stokaḥ pātraśeṣaḥ stʰāpitaḥ \
Line of edition: 10    kimatra bʰokṣya iti \
Line of edition: 11    bʰagavāṃstasya cetasā cittamājñāya katʰayati - vatsa, yadi tvaṃ sumerumātraiḥ piṇḍaiḥ samudrasadr̥śena kuṣkiṇā paribʰokṣyase, tatʰāpyavyayaṃ tanna parikṣayaṃ gamiṣyati, yāvattr̥ptaḥ paribʰuṅkṣva yatʰāsukʰamiti \
Line of edition: 13    tena tāvad bʰuktam yāvat tr̥pta iti \
Line of edition: 13    tatsaṃtarpitendriyo bʰagavato mukʰaṃ vyavalokayitumārabdʰaḥ \
Line of edition: 14    bʰagavānāha - vatsa svāgata, tr̥pto 'si? tr̥pto 'smi bʰagavan \
Line of edition: 14    vatsa, yadyevamapaścimaṃ kavalaṃ gr̥hāṇa, antardʰāsyatyeṣa pātra iti \
Line of edition: 15    tenāpaścimakavalo gr̥hītaḥ, so 'ntarhitaḥ \
Line of edition: 15    bʰagavān dakṣiṇādeśanāṃ kr̥tvā prakrāntaḥ \
Line of edition: 16    caramabʰavikaḥ sa sattvo bʰagavantaṃ pr̥ṣṭataḥ pr̥ṣṭataḥ samanubaddʰaḥ \
Line of edition: 17    yāvadbʰagavān vihāraṃ gatvā purastādbʰikṣusaṃgʰasya prajñapta evāsane niṣaṇṇaḥ \
Line of edition: 17    so 'pi bʰagavataḥ pādau śirasā vanditvā ekānte niṣaṇṇaḥ \
Line of edition: 18    bʰagavān saṃlakṣayati - puṣpāṇāmenaṃ preṣayāmi, karmāpanayo 'sya kartavya \
Line of edition: 19    iti viditvā svāgatamāmantrayate - vatsa sbāgata, santi te kārṣāpaṇāh? na santi bʰagavan \
Line of edition: 20    vatsa svāgata, vastrāntaṃ nirīkṣasva \
Line of edition: 20    vastrāntaṃ nirīkṣitumārabdʰo yāvat paśyati dvau kārṣāpaṇau \
Line of edition: 21    sa katʰayati - bʰagavan, dvau kārṣāpaṇau \
Line of edition: 21    vatsa gaccʰa, gaṇḍakasyārāmikasya sakāśānnīlotpalāni gr̥hītvā āgaccʰeti \
Line of edition: 22    svāgatastasya sakāśaṃ gataḥ \
Line of edition: 22    sa taṃ dūrādeva dr̥ṣṭvā paryavastʰitaḥ \
Line of edition: 23    sa saṃlakṣayati - āgato 'yaṃ dūrāgataḥ \
Line of edition: 23    niyataṃ mamānartʰo bʰavati \
Line of edition: 23    iti viditvā saparuṣaṃ katʰayati - durāgata, kimartʰaṃ rvamihāgaccʰasīti \
Line of edition: 24    sa gātʰāṃ bʰāṣate -

Line of edition: 25       nīlotpalairasti kāryaṃ me tatʰānyair nāpi paṅkajaiḥ \
Line of edition: 26       munīndrasya tu dūto 'haṃ sarvajñasya yaśasvinaḥ \\ 4 \\

Line of edition: 27    ityuktvā pratinivartitumārabdʰaḥ \
Line of edition: 27    so 'pi gātʰāṃ bʰāṣate -

Line of edition: 28       ehyehi yadi dūto 'si tasya śāntātmano muneḥ \
Line of edition: 29       pūjyaḥ sa naradevānāṃ pūjyaḥ pūjyatamairapi \\ 5 \\

Line of edition: 30    ityuktvā sa katʰayati - buddʰadūtastvam? buddʰadūtaḥ \
Line of edition: 30    kimartʰamāgatah? puṣpārtʰam \
Line of edition: 30    yadi buddʰadūtastvam, gr̥hāṇa yatʰepsitam \
Line of edition: 31    nīlotpalānāṃ bʰāramādāya bʰagavataḥ sakāśamāgataḥ \
Page of edition: 112  Line of edition: 1    bʰagavānāha - vatsa, bʰikṣūṇāṃ cāraya \
Line of edition: 1    sa bʰikṣūṇāṃ cārayitumārabdʰaḥ \
Line of edition: 1    bʰikṣavo na pratigr̥hṇanti \
Line of edition: 2    bʰagavānāha - gr̥hṇīdʰvaṃ bʰikṣavaḥ sarvasaugandʰam \
Line of edition: 2    cakṣurbʰyāṃ karmāpanayo 'sya kartavya iti \
Line of edition: 3    bʰikṣubʰirgr̥hītāni \
Line of edition: 3    gr̥hītvā puṣpitāni \
Line of edition: 3    tenāpūrvaṃ nīlakr̥tsnamutpāditaṃ pūrvam \
Line of edition: 3    sa vr̥ddʰānte stʰitvā tāni puṣpāṇi dr̥ṣṭvā sutarāṃ nirīkṣitumārabdʰaḥ \
Line of edition: 4    tasya tannīlakr̥tsnamāmukʰībʰūtam \
Line of edition: 5    tatastaṃ bʰagavānāha - vatsa, kiṃ na pravrajasīti? sa katʰayati - pravrajāmi bʰagavanniti \
Line of edition: 5    bʰagavatā pravrajita upasampādito manasikāraśca dattaḥ \
Line of edition: 6    tena yujyamānena gʰaṭamānena vyāyaccʰamānena idameva pañcagaṇḍakaṃ saṃsāracakraṃ calācalaṃ viditvā sarvasaṃskāragatīḥ śatanapatanavikiraṇavidʰvaṃsanadʰarmatayā parāhatya sarvakleśaprahāṇādarhattvaṃ sākṣātkr̥tam \
Line of edition: 8    arhan saṃvr̥ttastraidʰātukavītarāgaḥ samaloṣṭakāñcana ākāśapāṇitalasamacitto vāsīcandanakalpo vidyāvidāritāṇḍakośo vidyābʰijñāpratisaṃvitprāpto bʰavalābʰalobʰasatkāraparānmukʰaḥ \
Line of edition: 10    sendropendrāṇāṃ pūjyo mānyo 'bʰivādyaśca saṃvr̥ttaḥ \
Line of edition: 11    so 'rhattvaṃ prāpto vimuktisukʰapratisaṃvedī tasyāṃ velāyāṃ gātʰāṃ bʰāṣate -

Line of edition: 12       upāyapāśairvīreṇa baddʰvāhaṃ tattvadarśinā \
Line of edition: 13       kāruṇyāduddʰr̥to duḥkʰājjīrṇaḥ paṅkādiva dvipaḥ \\ 6 \\

Line of edition: 14       svāgato 'hamabʰūvaṃ prāktataḥ paścāddurāgataḥ \
Line of edition: 15       āgato 'smi purā nātʰa śrutvā vākyaṃ tavottamam \\ 7 \\

Line of edition: 16       sāmprataṃ svāgato vyaktam {saṃvr̥tto na durāgatah} \
Line of edition: 17       sāmprataṃ kāñcanaṃ dehaṃ dʰārayāmi nirāśravam \\ 8 \\

Line of edition: 18       ratnāni pratilebʰe hi svargaṃ mokṣaṃ ca kāṅkṣatām \
Line of edition: 19       śreṣṭʰā kalyāṇamitrāṇāṃ sadā sevā hitaiṣiṇām \\ 9 \\ iti \

Line of edition: 20    yadā āyuṣmān svāgataḥ svākʰyāte dʰarmavinaye pravrajitaḥ, tadā sāmantakena śabdo visr̥taḥ - śramaṇena gautamenāsau durāgataḥ kroḍamallakaḥ pravrajitaḥ \
Line of edition: 21    tīrtʰyaiḥ śrutam \
Line of edition: 21    te 'vadʰyāyanti kṣipanti vivādayanti - śramaṇo bʰavanto gautama evamāha - sāmantaprāsādikaṃ me śāsanamiti \
Line of edition: 23    atra kiṃ sāmantaprāsādikamityasya yatredānīṃ durāgataprabʰr̥tayo 'pi kroḍamallakāḥ pravrajantīti? atrāntare nāsti kiṃcidbuddʰānāṃ bʰagavatāmajñātamadr̥ṣṭamaviditamavijñātam \
Line of edition: 24    bʰagavān saṃlakṣayati - sumeruprakʰyo mahāśrāvake mahājanakāyaḥ prasādaṃ pravedayate \
Line of edition: 25    tadguṇodbʰāvanamasya kartavyam, kutra kartavyam? yatraiva patitaḥ \
Line of edition: 26    iti jñātvā ānandamāmantrayate sma - gaccʰa ānanda bʰikṣūṇāmārocaya - tatʰāgato bʰikṣavo bʰargeṣu janapadeṣu cārikāṃ cariṣyati \
Line of edition: 27    yo yuṣmākamutsahate tatʰāgatena sārdʰaṃ bʰargeṣu cārikāṃ cartum, sa cīvarakāṇi gr̥hṇātu iti \
Line of edition: 28    evaṃ bʰadantetyāyuṣmānānando bʰagavataḥ pratiśrutya bʰikṣūṇāmārocayati - bʰagavānāyuṣmanto bʰargeṣu janapadeṣu cārikāṃ cariṣyati \
Line of edition: 29    yo yuṣmākamutsahate bʰagavatā sārdʰaṃ bʰargeṣu janapadeṣu cārikāṃ caritum, sa cīvarakāṇi gr̥hṇātu iti \
Line of edition: 31    atʰa bʰagavān dānto dāntaparivāraḥ śāntaḥ śāntaparivāro mukto muktaparivāra āśvasta āśvastaparivāro vinīto vinītaparivāro 'rhannarhatparivāro vītarāgo vītarāgaparivāraḥ prāsādikaḥ <113> prasādikaparivāro vr̥ṣabʰa iva gogaṇaparivr̥to gaja iva kalabʰaparivr̥taḥ siṃha iva daṃṣṭr̥gaṇaparivr̥to haṃsarāja iva haṃsagaṇaparivr̥taḥ suparṇīva pakṣigaṇaparivr̥to vipra iva śiṣyagaṇaparivr̥taḥ suvaidya ivāturagaṇaparivr̥taḥ śūra iva yodʰagaṇaparivr̥to deśika ivādʰvagagaṇaparivr̥taḥ sārtʰavāha iva vaṇiggaṇaparivr̥taḥ śreṣṭʰīva pauragaṇaparivr̥taḥ koṭṭarāja iva mantrigaṇaparivr̥taścakravartīva putrasahasraparivr̥taścandra iva nakṣatragaṇaparivr̥taḥ sūrya iva raśmisahasraparivr̥to dʰr̥tarāṣṭra iva gandʰarvagaṇaparivr̥to virūḍʰaka iva kumbʰāṇḍagaṇaparivr̥to virūpakṣa iva nāgagaṇaparivr̥to dʰanada iva yakṣagaṇaparivr̥to vemacitrīvāsuragaṇaparivr̥taḥ śakra iva tridaśagaṇaparivr̥to brahmeva brahmakāyikagaṇaparivr̥taḥ stimati iva jalanidʰiḥ sajala iva jaladʰaro vimada iva gajapariḥ sudāntendriyairasaṃkṣobʰiteryāpatʰapracāro dvātriṃśatā mahāpuruṣalakṣaṇaiḥ samalaṃkr̥to 'śītyānuvyañjanairvirājitagātro vyāmaprabʰālaṃkr̥tamūrtiḥ sūryasahasrātirekaprabʰo jaṅgama iva ratnaparvataḥ samantato bʰadrako daśabʰirbalaiścaturbʰir vaiśāradyaistribʰirāveṇikaiḥ smr̥tyupastʰānairmahākaruṇayā ca samanvāgata ājñātakauṇḍinyabāṣpamahānāmāniruddʰaśāriputramaudgalyāyanakāśyapānandaraivataprabʰr̥tibʰirmahāśrāvakaiḥ parivr̥to 'nyena ca mahatā bʰikṣusaṃgʰena yena śuśumāragiristenopasaṃkrāntaḥ \
Page of edition: 113  Line of edition: 13    anupūrveṇa cārikāṃ carañ śuśumāragirimanuprāptaḥ \
Line of edition: 14    śuśumāragirau viharati bʰīṣaṇikāvane mr̥gadāve \
Line of edition: 14    aśrauṣuḥ śuśumāragirīyakā brāhmaṇagr̥hapatayaḥ - bʰagavān bʰargeṣu janapadeṣu cārikāṃ carañ śuśumāragirimanuprāptaḥ śuśumāragirau viharati bʰīṣaṇikāvane mr̥gadāva iti \
Line of edition: 16    śrutvā ca punaḥ saṃgʰāt saṃgʰaṃ pūgātpūgaṃ saṃgamya śuśumāragirer niṣkramya yena bʰagavāṃstenopasaṃkrāntāḥ \
Line of edition: 17    upasaṃkramya bʰagavataḥ pādau śirasā vanditvā ekānte niṣaṇṇāḥ \
Line of edition: 18    śuśumāragirīyakān brāhamaṇagr̥hapatīn dʰarmyayā katʰayā saṃdarśayati samādāpayati samuttejayati saṃpraharṣayati \
Line of edition: 19    anekaparyāyeṇa dʰarmyayā katʰayā saṃdarśya samādāpayati samuttejayati saṃpraharṣya tūṣṇīm \
Line of edition: 20    atʰa śuśumāragirīyakā brāhmaṇagr̥hapataya uttʰāyāsanādekāṃsamuttarāsaṅgaṃ kr̥tvā yena bʰagavāṃstenāñjaliṃ praṇamya bʰagavantamidamavocan - adʰivāsayatvasmākaṃ bʰagavāñ śvo 'ntargr̥he bʰaktena sārdʰaṃ bʰikṣusaṃgʰena \
Line of edition: 22    adʰivāsayati bʰagavāñ śuśumāragirīyakānāṃ brāhmaṇagr̥hapatīnāṃ tūṣṇībʰāvena \
Line of edition: 23    atʰa śuśumāragirīyakā brāhmaṇagr̥hapatayo bʰagavatastūṣṇībʰāvenādʰivāsanāṃ viditvā bʰagavato bʰāṣitamabʰinandyānumodya bʰagavataḥ pādau śirasā vanditvā bʰagavato 'ntikāt prakrāntāḥ \
Line of edition: 25    atʰa śuśumāragirīyakā brāhmaṇagr̥hapatayastāmeva rātriṃ śuci praṇītaṃ kʰādanīyabʰojanīyaṃ samudānīya kālyamevottʰāya āsanakāni prajñapya udakamaṇīn pratiṣṭʰāpya bʰagavato dūtena kālamārocayanti - samayo bʰadanta, sajjaṃ bʰaktam yasyedānīṃ bʰagavān kālaṃ manyata iti \
Line of edition: 28    atʰa bʰagavān pūrvāhṇe nivāsya pātracīvaramādāya bʰikṣugaṇaparivr̥to bʰikṣusaṃgʰapuraskr̥to yena śuśumāragirīyakānāṃ brāhmaṇagr̥hapatīnāṃ bʰaktābʰisārastenopasaṃkrāntaḥ \
Line of edition: 30    upasaṃkramya prajñapta evāsane niṣaṇṇaḥ \
Line of edition: 30    śuśumāragirīyakā brāhmaṇagr̥hapatayaḥ sukʰopaniṣaṇṇaṃ buddʰapramukʰaṃ bʰikṣusaṃgʰaṃ viditvā śucinā praṇītena kʰādanīyabʰojanīyena svahastena saṃtarpayanti saṃpravārayanti \
Line of edition: 32    anekaparyāyeṇa śucinā praṇītena kʰādanīyena <114> bʰojanīyena svahastaṃ saṃtarpya saṃpravārya bʰagavantaṃ bʰuktavantaṃ viditvā dʰautahastamapanītapātraṃ nīcataramāsanaṃ gr̥hītvā bʰagavataḥ purastānniṣaṇṇā dʰarmaśravaṇāya \
Page of edition: 114  Line of edition: 2    atʰa bʰagavāñ śuśumāragirīyakān brāhmaṇagr̥hapatīn dʰarmyayā katʰayā saṃdarśayati samādāpayati samuttejayati saṃpraharṣayati \
Line of edition: 4    anekaparyāyeṇa dʰarmyayā katʰayā saṃdarśya samādāpya samuttejya saṃpraharṣya tūṣṇīm \\
Line of edition: 5    atʰa śuśumāragirīyakā brāhmaṇagr̥hapatayo bʰagavantamidamavocat - bʰagavatā bʰadanta nānādeśeṣu nānādʰiṣṭʰāneṣu te te duṣṭanāgā duṣṭayakṣāśca vinītāḥ \
Line of edition: 6    ayaṃ bʰadanta aśvatīrtʰiko nāgo 'smākamavairāṇāṃ vairī asapatnānāṃ sapatno 'drugdʰānāṃ drugdʰaḥ \
Line of edition: 7    nityamasmākaṃ jātāni jātāni śasyāni vināśayati, strīpuruṣadārakadārikāgomahiṣānajaiḍakāṃśca \
Line of edition: 8    aho bata bʰagavāṃstaṃ vinayedanukampāmupādāyeti \
Line of edition: 9    adʰivāsayati bʰagavāñ śuśumāragirīyakānāṃ brāhmaṇagr̥hapatīnām \
Line of edition: 10    tūṣṇībʰāvenādʰivāsayati \
Line of edition: 10    atʰa bʰagavāñ śuśumāragirīyakānāṃ brāhmaṇagr̥hapatīnāṃ tūṣṇībʰāvenādʰivāsya uttʰāyāsanāt prakrāntaḥ \
Line of edition: 11    atʰa bʰagavān vihāraṃ gatvā purastādbʰikṣusaṃgʰasya prajñapta evāsane niṣaṇṇaḥ \
Line of edition: 12    niṣadya bʰagavānāyuṣmantamānandamāmantrayate - gaccʰa ānanda, bʰikṣūṇāmevamārocaya, śalākāṃ cāraya - yo yuṣmākamutsahate aśvatīrtʰikaṃ nāgaṃ vinetum, sa śalākāṃ gr̥hṇātu iti \
Line of edition: 14    evaṃ bʰadantetyāyuṣmānānando bʰagavataḥ pratiśrutya bʰikṣusaṃgʰasyārocayitvā buddʰapramukʰe bʰikṣusaṃgʰe śalākāṃ cārayitumārabdʰaḥ \
Line of edition: 15    bʰagavatā śalākā na gr̥hītā \
Line of edition: 15    stʰavirā bʰikṣavaḥ samanvāhartuṃ saṃvr̥ttāḥ - kimartʰaṃ bʰagavatā śalākā na gr̥hītā iti? paśyantyāyuṣmataḥ svāgatasya guṇodbʰāvanāṃ kartukāmaḥ \
Line of edition: 17    tairapi na gr̥hītā \
Line of edition: 17    āyuṣmān svāgataḥ samanvāhartuṃ pravr̥ttaḥ - kiṃ kāraṇaṃ bʰagavatā śalākā na gr̥hītā stʰavirastʰaviraiśca bʰikṣubʰiriti? paśyati mama guṇodbʰāvanāṃ kartukāmaḥ \
Line of edition: 19    taccʰāsturmanoratʰaṃ pūrayāmi, gr̥hṇāmi śalākāmiti \
Line of edition: 19    tenārdʰāsanaṃ muktvā gajabʰujasadr̥śaṃ bāhumabʰiprasārya śalākā gr̥hītā \
Line of edition: 20    jānakāḥ pr̥ccʰakā buddʰā bʰagavantaḥ \
Line of edition: 21    pr̥ccʰati buddʰo bʰagavānāyuṣmantamānandam - katareṇānanda bʰikṣuṇā śalākā gr̥hīteti? sa katʰayati - svāgatena bʰadanteti \
Line of edition: 22    bʰagavānāha - gaccʰa ānanda, svāgataṃ bʰikṣumevaṃ vada - duṣṭanāgo 'sau, kāyendriyaṃ te rakṣitavyamiti \
Line of edition: 23    evaṃ bʰadantetyāyuṣmānānando bʰagavataḥ pratiśrutya yenāyuṣmān svāgatastenopasaṃkrāntaḥ \
Line of edition: 24    upasaṃkramyāyuṣmantaṃ svāgatamidamavocat - āyuṣman svāgata, bʰagavānevamāha - duṣṭanāgo 'sau, kāyendriyaṃ te rakṣitavyamiti \
Line of edition: 25    sa katʰayati - āyuṣmannānanda akopyā śāsturājñā \
Line of edition: 26    api tu yādr̥śo 'śvatīrtʰiko nāgaḥ, īdr̥śānāṃ nāgānāmikṣuveṇunaḍavadyadi pūrṇo jambudvīpaḥ syāt, tatʰāpi me te romāpi neñjayituṃ samartʰāḥ syuḥ, prāgevāśvatīrtʰiko nāgaḥ kāyendriyasyoparodʰaṃ kariṣyatīti \
Line of edition: 28    āyuṣmānānanda ārogyamityuktvā prakrāntaḥ \\
Line of edition: 29    atʰāyuṣmān svāgatastasyā eva rātreratyayātpūrvāhṇe nivāsya pātracīvaramādāya śuśumāragiriṃ piṇḍāya prāvikṣat \
Line of edition: 30    śuśumāragiriṃ piṇḍāya caritvā yenāśvatīrtʰikasya nāgasya bʰavanaṃ tenopasaṃkrāntaḥ \
Line of edition: 31    adrākṣīdaśvatīrtʰiko nāga āyuṣmantaṃ svāgataṃ dūrādeva \
Line of edition: 31    dr̥ṣṭvā ca punaḥ saṃlakṣayati - kimanene śramaṇakena mama mr̥tipravr̥ttir yena me bʰavanamāgaccʰatīti? punaḥ saṃlakṣayati - āganturayam, <115> āgaccʰatu tāvaditi \
Page of edition: 115  Line of edition: 1    atʰāyuṣmān svāgatastasya hradaṃ gatvā pātracīvaramekāntamupasaṃkṣipya pādau prakṣālya hastau nirmādya pānīyaṃ parisrāvya jīrṇaparṇakāni samudānīya niṣadya bʰaktakr̥tyaṃ kartumārabdʰaḥ \
Line of edition: 3    aśvatīrtʰikena nāgenāsāvatitʰiriti kr̥tvādʰyupekṣitaḥ \
Line of edition: 3    āyuṣmān svāgataḥ saṃlakṣayati - nāsaṃkṣobʰitā duṣṭanāgā damatʰamāgaccʰanti \
Line of edition: 4    saṃkṣobʰayāmyenamiti \
Line of edition: 4    tena pātraṃ pakṣālya tatpātrodakaṃ tasmin hrade prakṣiptam \
Line of edition: 5    sa saṃkṣubdʰaḥ \
Line of edition: 5    sa saṃlakṣayati - ayaṃ mayā śramaṇa āgaccʰannadʰyupekṣitaḥ, bʰuñjāno 'pyupekṣitaḥ, anena mama bʰavane uccʰiṣṭodakaṃ cʰoritam \
Line of edition: 7    nāmāvaśeṣamenaṃ karomīti tīvreṇa paryavastʰānena paryavastʰitaḥ \
Line of edition: 7    uparivihāyasamabʰyudgamya āyuṣmataḥ svāgatasyopari cakrakaṇapaparaśubʰindipālādīni praharaṇāni kṣeptumārabdʰaḥ \
Line of edition: 8    āyuṣmān svāgato maitrīsamāpannaḥ \
Line of edition: 9    tānyasya divyānyutpalapadmakumudapuṇḍarīkamandārakāṇi puṣpāṇi bʰūtvā kāye nipatanti \
Line of edition: 10    aśvatīrtʰiko nāgo 'ṅgāravarṣamutsraṣṭumārabdʰaḥ \
Line of edition: 10    tadapi divyāni puṣpāṇi māndārakāṇi bʰūtvā kāye nipatitumārabdʰam \
Line of edition: 11    aśvatīrtʰiko nāgaḥ pāṃsu varṣitumārabdʰaḥ \
Line of edition: 12    tadapi divyānyagurucūrṇāni tamālapatracūrṇāni bʰūtvā nipatitumārabdʰam \
Line of edition: 13    aśvatīrtʰiko nāgaḥ krodʰaparyavastʰānānubʰāvāddʰūmayitumārabdʰaḥ \
Line of edition: 13    āyuṣmānapi svāgata r̥ddʰyanubʰāvāddʰūmayitumārabdʰaḥ \
Line of edition: 14    aśvatīrtʰiko nāgaḥ krodʰaparyavastʰānānubʰāvāt prajvalitaḥ \
Line of edition: 15    āyuṣmānapi svāgatastejodʰātuṃ samāpannaḥ \
Line of edition: 15    iti tatrāśvatīrtʰikasya nāgasya krodʰasyānubʰāvenāyuṣmataḥ svāgatasya r̥ddʰyanubʰāvena mahānavabʰāsaḥ prādurbʰūto yaṃ dr̥ṣṭvā śuśumāragirīyakā brāhmaṇagr̥hapatayaḥ saṃbʰrāntāḥ itaścāmutaśca nirīkṣitumārabdʰāḥ \
Line of edition: 17    katʰayanti - eṣa bʰavanto bʰagavānaśvatīrtʰikaṃ nāgaṃ vinayati, āgaccʰata paśyāma iti \
Line of edition: 18    anekāni prāṇaśatasahasrāṇi nirgatāni \
Line of edition: 19    bʰikṣavo 'pi tamudārāvabʰāsaṃ tatrastʰā eva nirīkṣitumārabdʰāḥ \
Line of edition: 19    tatra bʰagavān bʰikṣūnāmantrayate sma - eṣo 'gro me bʰikṣavo bʰikṣūṇāṃ mama śrāvakāṇāmabʰīkṣṇaṃ tejodʰātuṃ samāpadyamānānām yaduta svāgato bʰikṣuriti \
Line of edition: 21    yadāśvatīrtʰiko nāgo vigatamadadarpaḥ kṣīṇapraharaṇaśca saṃvr̥ttaḥ, tadā niṣpalāyitumārabdʰaḥ \
Line of edition: 22    āyuṣmatā svāgatena samantato 'gnir nirmitaḥ \
Line of edition: 22    aśvatīrtʰako nāgo yām yāṃ diśaṃ gaccʰati, tāṃ tāṃ diśamādīptāṃ pradīptāṃ saṃprajvalitāmekajvālībʰūtāṃ paśyati \
Line of edition: 23    sa itaścāmutaśca nairmāṇikenāgninā paryākulīkr̥to 'trāṇaḥ sarvamaśāntaṃ paśyati nānyatrāyuṣmata eva svāgatasya samīpaṃ śāntaṃ śītibʰūtam \
Line of edition: 25    sa yenāyuṣmān svāgatastenopasaṃkrāntaḥ \
Line of edition: 25    upasaṃkramya āyuṣmantaṃ svāgatamidamavocat - ahaṃ bʰadanta svāgata \
Line of edition: 26    kiṃ māṃ viheṭʰayasīti? sa katʰayati - jarādʰarmā nāhaṃ tvāṃ viheṭʰayāmi, api tu tvameva māṃ viheṭʰayasi \
Line of edition: 27    yadi mayā evaṃvidʰā guṇagaṇā nādʰigatā abʰaviṣyan, adyāhaṃ tvayā nāmāvaśeṣaḥ kr̥to 'bʰaviṣyamiti \
Line of edition: 28    sa katʰayati - bʰadanta svāgata, ājñāpayatu, kiṃ mayā karaṇīyam? bʰadramukʰa, bʰagavato 'ntikaṃ gatvā śaraṇagamanaśikṣāpadāni gr̥hāṇeti \
Line of edition: 30    sa katʰayati - bʰadanta svāgata, śobʰanam, evaṃ karomīti \
Line of edition: 30    atʰāyuṣmān svāgato 'śvatīrtʰanāgamādāya yena bʰagavāṃstenopasaṃkrāntaḥ \
Line of edition: 31    upasaṃkramya bʰagavataḥ pādau śirasā vanditvā ekānte niṣaṇṇaḥ \
Line of edition: 32    ekāntaniṣaṇṇa āyuṣmān svāgato bʰagavantamidamavocat - ayaṃ so 'śvatīrtʰiko <116> nāga iti \
Page of edition: 116  Line of edition: 1    tatra bʰagavānaśvatīrtʰikaṃ nāgamāmantrayate - tvaṃ tāvadbʰadramukʰa, pūrvakeṇa duścaritena pratyavarāyāṃ tiryagyonau upapannaḥ \
Line of edition: 2    sa tvametarhi hataprahataniviṣṭaḥ paraprāṇaharaḥ paraprāṇoparodʰena jīvikāṃ kalpayasi \
Line of edition: 3    itaścyutasya te kā gatirbʰaviṣyati, kā upapattiḥ, ko 'bʰisamparāyah? iti \
Line of edition: 4    sa katʰayati - bʰagavan, ājñāpaya, kiṃ mayā karaṇīyamiti \
Line of edition: 5    bʰagavānāha - mamāntikāccʰaraṇaśikṣāpadāni gr̥hāṇa, śuśumāragirīyakānāṃ ca brāhmaṇagr̥hapatīnāmabʰayamanuprayaccʰeti \
Line of edition: 6    sa katʰayati - eṣo 'haṃ bʰagavantaṃ śaraṇaṃ gaccʰāmi, śikṣāpadāni ca gr̥hṇāmi, adyāgreṇa ca śuśumāragirīyakānāṃ ca brāhmaṇagr̥hapatīnāmabʰayamanuprayaccʰāmīti \
Line of edition: 8    atʰa śuśumāragirīyakā brāhmaṇagr̥hapatayaḥ prabʰūtamabʰisāraṃ gr̥hītvā yena bʰagavāṃstenopasaṃkrāntāḥ \
Line of edition: 9    upasaṃkramya bʰagavataḥ pādau śirasā vanditvā ekānte niṣaṇṇāḥ \
Line of edition: 9    ekāntaniṣaṇṇāḥ śuśumāragirīyakā brāhmaṇagr̥hapatayo bʰagavantamidamavocat - bʰagavatā bʰadanta aśvatīrtʰiko nāgo vinītah? bʰagavānāha - na mayā brāhmaṇagr̥hapatayo 'śvatīrtʰako nāgo vinītaḥ, api tu svāgatena bʰikṣuṇā \
Line of edition: 12    katamena bʰadanta? ihanivāsinaiva bodʰasya gr̥hapateḥ putreṇa \
Line of edition: 12    saṃpattikāmo loko vipattipratikūlaḥ \
Line of edition: 13    tatraike katʰayanti - asmākamasau bʰrātuḥ putro bʰavati \
Line of edition: 13    apare katʰayanti - asmākaṃ bʰagineya iti \
Line of edition: 14    apare katʰayanti - asmākaṃ vayasyaputra iti \
Line of edition: 14    atʰa śuśumāragirīyakā brāhmaṇagr̥hapataya uttʰāyāsanādekāṃsamuttarāsaṅgaṃ kr̥tvā yena bʰagavāṃstenāñjaliṃ praṇamya bʰagavantamidamavocan - adʰivāsayatvasmākaṃ bʰagavān bʰadantasvāgatamāgamya bʰaktaṃ saptāhena sārdʰaṃ bʰikṣusaṃgʰeneti \
Line of edition: 17    adʰivāsayati bʰagavāñ śuśumāragirīyakānāṃ brāhmaṇagr̥hapatīnāṃ tūṣṇībʰāvena \
Line of edition: 18    atʰa śuśumāragirīyakā brāhmaṇagr̥hapatayo bʰagavatastūṣṇībʰāvenādʰivāsanāṃ viditvā bʰagavataḥ pādau śirasā vanditvā bʰagavato 'ntikāt prakrāntāḥ \\
Line of edition: 20    śuśumāragirau anyatamo brāhmaṇa ahituṇḍiko bodʰasya gr̥hapatervayasyaḥ \
Line of edition: 20    so 'śvatīrtʰikasya nāgasya bʰayānniṣpalāyya śrāvastīṃ gataḥ \
Line of edition: 21    sa rājñā prasenajitā kauśalena hastimadʰyasyopari viśvāsikaḥ stʰāpitaḥ \
Line of edition: 22    sa kenacideva karaṇīyena śuśumāragirimanuprāptaḥ \
Line of edition: 22    tena śrutam yatʰā svāgatena bʰikṣuṇā bodʰasya gr̥hapateḥ putreṇāśvatīrtʰiko nāgo vinīta iti \
Line of edition: 23    śrutvā ca punaryenāyuṣmān svāgatastenopasaṃkrāntaḥ \
Line of edition: 24    upasaṃkramyāyuṣmataḥ svāgatasya pādau śirasā vanditvā ekānte niṣaṇṇaḥ \
Line of edition: 25    sa brāhmaṇa āyuṣmantaṃ svāgatamidamavocat - adʰivāsayatu me āryasvāgata śvo 'ntargr̥he bʰakteneti \
Line of edition: 26    āyuṣmāan svāgataḥ katʰayati - brāhmaṇa, māmāgamya śuśumāragirīyakairbrāhmaṇagr̥hapatibʰirbuddʰapramukʰo bʰikṣusaṃgʰo bʰaktena saptāhenopanimantritaḥ \
Line of edition: 27    nāhamadʰivāsayāmi \
Line of edition: 28    brāhmaṇaḥ katʰayati - ārya, yadi sāmprataṃ nādʰivāsayasi, yadā śrāvastīgato bʰavasi, tadā mama gr̥he tatpratʰamataḥ piṇḍapātaḥ paribʰoktavya iti \
Line of edition: 29    katʰayati - evamastu iti \
Line of edition: 29    brāhmaṇaḥ pādābʰivandanaṃ kr̥tvā prakrāntaḥ \
Line of edition: 30    atʰa bʰagavān yatʰābʰiramyaṃ śuśumāragirau vihr̥tya yena śrāvastī tena cārikāṃ prakrāntaḥ \
Line of edition: 31    anupūrveṇa cārikāṃ carañ śrāvastīmanuprāptaḥ \
Line of edition: 31    śrāvastyāṃ viharati jetavane 'nātʰapiṇḍadasyārāme \
Line of edition: 32    aśrauṣīdanātʰapiṇḍado gr̥hapatirbʰagavān bʰargeṣu janapadacārikām <117> carañ śrāvastīmanuprāptaḥ, ihaiva viharatyasmākamevārāma iti \
Page of edition: 117  Line of edition: 1    śrutvā ca punaḥ śrāvastyā niṣkramya yena bʰagavāṃstenopasaṃkrāntaḥ \
Line of edition: 2    upasaṃkramya bʰagavataḥ pādau śirasā vanditvā ekānte niṣaṇṇaḥ \
Line of edition: 3    ekāntaniṣaṇṇamanātʰapiṇḍadaṃ gr̥hapatiṃ bʰagavān dʰarmyayā katʰayā saṃdarśayati samādāpayati samuttejayati saṃpraharṣayati \
Line of edition: 4    anekaparyāyeṇa dʰarmyayā katʰayā saṃdarśya samādāpya samuttejya saṃpraharṣya tūṣṇīm \
Line of edition: 5    anātʰapiṇḍado gr̥hapatiruttʰāyāsanādekāṃsamuttarāsaṅgaṃ kr̥tvā yena bʰagavāṃstenāñjaliṃ praṇamya bʰagavantamidamavocat - adʰivāsayatu me bʰagavāñ śvo 'ntargr̥he bʰaktena sārdʰaṃ bʰikṣusaṃgʰeneti \
Line of edition: 7    adʰivāsayati bʰagavānanātʰapiṇḍadasya gr̥hapatestūṣṇībʰāvena \
Line of edition: 8    atʰānātʰapiṇḍado gr̥hapatirbʰagavatastūṣṇībʰāvenādʰivāsanāṃ viditvā bʰagavato bʰāṣitamabʰinandyānumodya bʰagavataḥ pādau śirasā vanditvā bʰagavato 'ntikāt prakrāntaḥ \
Line of edition: 10    aśrauṣīt sa brāhmaṇo bʰagavān bʰargeṣu janapadacārikāṃ carannihānuprāpta ihaiva viharati jetavane 'nātʰapiṇḍadasyārāma iti \
Line of edition: 11    śrutvā ca punaryenāyuṣmān svāgatastenopasaṃkrāntaḥ \
Line of edition: 11    upasaṃkramyāyuṣmantaṃ svāgatamidamavocat - adʰivāsayatu me āryaḥ śvo 'ntargr̥he bʰakteneti \
Line of edition: 12    adʰivāsayatyāyuṣmān svāgatastasya brāhmaṇasya tūṣṇībʰāvena \
Line of edition: 13    atʰa sa brāhmaṇa āyuṣmantaḥ svāgatasya tūṣṇībʰāvenādʰivāsanāṃ viditvā uttʰāyāsanāt prakrāntaḥ \
Line of edition: 14    atʰānātʰapiṇḍado gr̥hapatistāmeva rātriṃ śuci praṇītaṃ kʰādanīyabʰojanīyaṃ samudānīya kālyamevottʰāya āsanāni prajñapya udakamaṇīn pratiṣṭʰāpya bʰagavato dūtena kālamārocayati - samayo bʰadanta, sajjaṃ bʰaktam yasyedānīṃ bʰagavān kālaṃ manyata iti \
Line of edition: 17    atʰa bʰagavān pūrvāhṇe nivāsya pātracīvaramādāya bʰikṣugaṇaparivr̥to bʰikṣusaṃgʰapuraskr̥to yenānātʰapiṇḍadasya niveśanaṃ tenopasaṃkrāntaḥ \
Line of edition: 18    tenāpi brāhmaṇenāyuṣmataḥ svāgatasya praṇīta āhāraḥ sajjīkr̥taḥ \
Line of edition: 19    āyuṣmānapi svāgataḥ pūrvāhṇe nivāsya pātracīvaramādāya yena tasya brāhmaṇasya niveśanaṃ tenopasaṃkrāntaḥ \
Line of edition: 20    upasaṃkramya prajñapta evāsane niṣaṇṇaḥ \
Line of edition: 21    ekāntaniṣaṇṇa āyuṣmān svāgatastena brāhmaṇena praṇītenāhāreṇa saṃtarpitaḥ \
Line of edition: 21    sa brāhmaṇaḥ saṃlakṣayati - āryeṇa svāgatena praṇīta āhāraḥ paribʰuktaḥ, no jarayiṣyati, pānakamasmai prayaccʰāmi \
Line of edition: 23    iti viditvā āyuṣmantaṃ svāgatamidamavocat - ārya, praṇītaste āhāraḥ paribʰuktaḥ \
Line of edition: 24    pānakaṃ piba \
Line of edition: 24    pānaṃ jarayiṣyatīti \
Line of edition: 24    sa katʰayati - śobʰanam \
Line of edition: 24    evaṃ karomīti \
Line of edition: 24    tena pānakaṃ sajjīkr̥tya hastimadādaṅguliḥ prakṣiptā \
Line of edition: 25    asamanvāhr̥tyārhatāṃ jñānadarśanaṃ na pravartate \
Line of edition: 25    āyuṣmatā svāgatena tatpānakaṃ pītam \
Line of edition: 26    tato dakṣiṇādeśanāṃ kr̥tvā prakrāntaḥ śrāvastīvītʰīṃ kiliñjaccʰannām \
Line of edition: 27    sa tāmatikrānta ātapena spr̥ṣṭo madyakṣiptaḥ pr̥tʰivyāṃ nipatitaḥ \
Line of edition: 27    asaṃmoṣadʰarmaṇo buddʰā bʰagavantaḥ \
Line of edition: 28    bʰagavatā suparṇikā kuṭir nirmitā - maitaṃ kaścid dr̥ṣṭvā śāsane 'prasādaṃ pravedayiṣyatīti \
Line of edition: 29    anātʰapiṇḍadaḥ sukʰopaniṣaṇṇaṃ buddʰapramukʰaṃ bʰikṣusaṃgʰaṃ viditvā śucinā praṇītena kʰādanīyena svahastena saṃtarpayati saṃpravārayati \
Line of edition: 30    anekaparyāyeṇa svahastaṃ saṃtarpya saṃpravārya bʰagavantaṃ bʰuktavantaṃ viditvā dʰautahastamapanītapātraṃ nīcataramāsanaṃ gr̥hītvā bʰagavataḥ purastānniṣaṇṇo dʰarmaśravaṇāya \
Line of edition: 32    atʰa bʰagavānanātʰapiṇḍadaṃ gr̥hapatiṃ dʰarmyayā katʰayā <118> saṃdarśya samādāpya samuttejya saṃpraharṣyottʰāyāsanāt prakrāntaḥ \
Page of edition: 118  Line of edition: 1    anupūrveṇa tatpradeśanuprāptaḥ \
Line of edition: 2    atʰa bʰagavāṃstān r̥ddʰyabʰisaṃskārān pratiprasrabʰya bʰikṣūnāmantrayate sma - ayaṃ sa bʰikṣavaḥ svāgato bʰikṣuryenāśvatrīrtʰiko nāgastāvaccaṇḍo vinītaḥ \
Line of edition: 3    kimidānīmeṣa śakto durbʰuktasyāpi viṣamapanetum? no bʰadanta iti \
Line of edition: 4    bʰikṣavaḥ, ime cānye cādīnavā madyapāne \
Line of edition: 4    tasmānna bʰikṣuṇā madyaṃ pātavyaṃ dātavyaṃ vā \
Line of edition: 5    atʰa bʰagavānāyuṣmantaṃ svāgataṃ madyavaśāt suptamuttʰāpyedamavocat - svāgata, kimidam? asamanvāhāro bʰagavan, asamanvāhāraḥ sugata \
Line of edition: 6    tato bʰagavānāyuṣmantaṃ svāgatamādāya vihāraṃ gatvā purastādbʰikṣusaṃgʰasya prajñapta evāsane niṣaṇṇaḥ \
Line of edition: 7    niṣadya bʰikṣūnāmantrayate sma - māṃ bʰo bʰikṣavaḥ śāstāramuddiśya bʰavadbʰirmadyamapeyamadeyamantataḥ kuśāgreṇāpi \\
Line of edition: 9    bʰikṣavaḥ saṃśayajātāḥ sarvasaṃśayaccʰettāraṃ buddʰaṃ bʰagavantaṃ papraccʰuḥ - kiṃ bʰadanta āyuṣmatā svāgatena karma kr̥tam yenāḍʰye kule mahādʰane mahābʰoge jātah? kiṃ karma kr̥tam yena kroḍamallako jātaḥ, durāgata iti ca saṃjñā saṃvr̥ttā? kiṃ karma kr̥tam yena bʰagavataḥ śāsane pravrajya sarvakleśaprahāṇādarhattvaṃ sākṣātkr̥tam, tejodʰātuṃ samāpadyamānānāṃ cāgratāyāṃ nirdiṣṭah? bʰagavānāha - svāgatenaiva bʰikṣavo bʰikṣuṇā karmāṇi kr̥tānyupacitāni labdʰasambʰārāṇi pariṇatapratyayāni ogʰavatpratyupastʰitānyavaśyabʰāvīni \
Line of edition: 14    svāgatena karmāṇi kr̥tānyupacitāni \
Line of edition: 15    ko 'nyaḥ pratyanubʰaviṣyati? na bʰikṣavaḥ karmāṇi kr̥tānyupacitāni bāhye pr̥tʰivīdʰātau vipacyante, nābdʰātau, na tejodʰātau, na vāyudʰātau, api tu upātteṣveva skandʰadʰātvāyataneṣu karmāṇi kr̥tānyupacitāni vipacyante śubʰānyaśubʰāni ca \

Line of edition: 18       na praṇaśyanti karmāṇi kalpakoṭiśatairapi \
Line of edition: 19       sāmagrīṃ prāpya kālaṃ ca pʰalanti kʰalu dehinām \\ 10 \\

Line of edition: 20    bʰūtapūrvaṃ bʰikṣavo 'nyatamasmin karvaṭake gr̥hapatiḥ prativasati āḍʰyo mahādʰano mahābʰogo vistīrṇaviśālaparigraho vaiśravaṇadʰanapratispardʰī \
Line of edition: 21    so 'pareṇa samayena suhr̥tsambandʰibāndʰavaparivr̥to 'ntarjanaparivr̥taścodyānabʰūmiṃ nirgataḥ \
Line of edition: 22    asati buddʰānāmutpāde pratyekabuddʰā loka utpadyante hīnadīnānukampakāḥ prāntaśayanāsanabʰaktā ekadakṣiṇīyā lokasya \
Line of edition: 23    yāvadanyatamaḥ pratyekabuddʰo janapadacārikāṃ caraṃstaṃ karvaṭakamanuprāptaḥ \
Line of edition: 24    so 'dʰvapariśramāddʰātuvaiṣamyāśca glānaḥ piṇḍārtʰī tadudyānaṃ praviṣṭaḥ \
Line of edition: 25    sa gr̥hapatistaṃ dr̥ṣṭvā paryavastʰitaḥ \
Line of edition: 25    tena pauruṣeyāṇāmājñā dattā - bʰavantaḥ, niṣkāsayatainaṃ pravrajitamiti \
Line of edition: 26    teṣāṃ na kaścidutsahate niṣkāsayitum \
Line of edition: 27    tena gr̥hapatinā bʰūyasā paryavastʰitena sa mahātmāa svayameva grīvāyāṃ gr̥hītvā niṣkāsitaḥ, uktaśca - kroḍamallakānāṃ madʰye prativaseti \
Line of edition: 28    sa durbalaprāṇo bʰūmau nipatitaḥ \
Line of edition: 28    sa saṃlakṣayati - hato 'yaṃ tapasvī gr̥hapatirupahataśca \
Line of edition: 29    abʰyuddʰāro 'sya kartavyaḥ \
Line of edition: 29    iti viditvā uparivihāyasamabʰyudgamya jvalanatapanavarṣaṇavidyotanaprātihāryāṇi kartumārabdʰaḥ \
Line of edition: 30    āśu pr̥tʰagjanasya riddʰirāvarjanakarī \
Line of edition: 31    sa mūlanikr̥tta iva drumaḥ pādayor nipatya katʰayati - avatarāvatara mahādakṣiṇīya, mama duścaritapaṅkanimagnasya hastoddʰāramanuprayaccʰeti \
Line of edition: 32    sa tasyānugrahārtʰamavatīrṇaḥ \
Line of edition: 32    tena tasya <119> pūjāsatkāraṃ kr̥tvā praṇidʰānaṃ kr̥tam - yanmayā evaṃvidʰe sadbʰūtadakṣiṇīye 'pakāraḥ kr̥taḥ, mā asya karmaṇo bʰāgī syām \
Page of edition: 119  Line of edition: 2    yattūpakāraḥ kr̥taḥ, anenāhaṃ kuśalamūlena āḍʰye mahādʰane mahābʰoge kule jāyeyam, evaṃvidʰānāṃ ca dʰarmāṇāṃ lābʰī syām, prativiśiṣṭataraṃ cātaḥ śāstāramārāgayeyaṃ mā virāgayeyamiti \\
Line of edition: 5    bʰagavānāha - kiṃ kiṃ manyadʰve bʰikṣavo yo 'sau gr̥hapatireva, asau svāgato bʰikṣustena kālena tena samayena \
Line of edition: 6    yadanena pratyekabuddʰe kārāḥ kr̥tāḥ, tenāḍʰye mahādʰane mahābʰoge kule jātaḥ \
Line of edition: 7    yadapakāraḥ kr̥taḥ, tena pañcajanmaśatāni kroḍamallako jātaḥ \
Line of edition: 7    yāvadetarhyapi caramabʰaviko 'pi tatkroḍamallaka eva jātaḥ \
Line of edition: 8    yatpraṇidʰānaṃ kr̥tam, tena mama śāsane pravrajya sarvakleśaprahāṇādarhattvaṃ sākṣātkr̥tam \
Line of edition: 9    ahamanena pratyekabuddʰakoṭiśatasahasrebʰyaḥ prativiśiṣṭataraḥ śāstā ārāgito na virāgitaḥ \
Line of edition: 10    bʰūyo 'pi kāśyape bʰagavati samyakṣambuddʰe pravrajito babʰūva \
Line of edition: 11    yasya bʰikṣorantike pravrajitaḥ, sa bʰagavatā kāśyapena samyakṣambuddʰenābʰīkṣṇaṃ tejodʰātuṃ samāpadyamānānāmagro nirdiṣṭaḥ \
Line of edition: 12    tatrānena yāvadāyurbrahmacaryaṃ cāritam, na ca kaścidguṇagaṇo 'dʰigataḥ \
Line of edition: 13    sa maraṇasamaye praṇidʰānaṃ kartumārabdʰaḥ - yanmayā bʰagavati kāśyape samyakṣambuddʰe 'nuttare dakṣiṇīye yādavāyurbrahmacaryaṃ caritam, na ca kaścidguṇaguṇo 'dʰigataḥ, anenāhaṃ kuśalamūlena yo 'sau bʰagavatā kāśyapena samyakṣambuddʰenottaro māṇavo vyākr̥taḥ - bʰaviṣyasi tvaṃ māṇava varṣaśatāyuṣi prajāyāṃ śākyamunirnāma tatʰāgato 'rhan samyakṣambuddʰa iti, tasyāhaṃ śāsane pravrajya sarvakleśaprahāṇādarhattvaṃ sākṣātkuryām \
Line of edition: 17    yatʰā mām upādʰyāyo bʰagavatā kāśyapena samyakṣambuddʰenābʰīkṣṇaṃ tejodʰātuṃ samāpadyamānānāmagro nirdiṣṭaḥ, evaṃ māmapi sa bʰagavāñ śākyamuniḥ śākyādʰirājo 'bʰīkṣṇaṃ tejodʰātuṃ samāpadyamānānāmagraṃ nirdiśediti \
Line of edition: 19    tatpraṇidʰānavaśādetarhi tatʰāgatenābʰīkṣṇaṃ tejodʰātuṃ samāpadyamānānāmagro nirdiṣṭaḥ \
Line of edition: 20    iti hi bʰikṣava ekāntakr̥ṣṇānāṃ karmaṇāmekāntakr̥ṣṇo vipākaḥ, ekāntaśuklānāmekāntaśuklaḥ, vyatimiśrāṇāṃ vyatimiśraḥ \
Line of edition: 22    tasmāttarhi bʰikṣava ekāntakr̥ṣṇāni karmaṇyapāsya vyatimiśrāṇi ca, ekāntaśukleṣveva karmasvābʰogaḥ karaṇīyaḥ \
Line of edition: 23    ityevaṃ bʰo bʰikṣavaḥ śikṣitavyam \\
Line of edition: 24    ityavocadbʰagavān \
Line of edition: 24    āttamanasaste bʰikṣavo bʰagavato bʰāṣitamabʰyanandan \\

Line of edition: 25    iti śrīdivyāvadāne svāgāvadānaṃ nāma trayodaśamam \\




Next part


This text is part of the TITUS edition of Divyavadana.

Copyright TITUS Project, Frankfurt a/M, 5.8.2012. No parts of this document may be republished in any form without prior permission by the copyright holder.