TITUS Texts: Divyavadana

TITUS
Divyavadana
Part No. 18

Previous part

Chapter: 18
********** Avadāna 18 **********

Page of edition: 142
Line of edition: 1
18 dʰarmarucyavadānam \

Line of edition: 3    evaṃ mayā śrutam \
Line of edition: 3    ekasmin samaye bʰagavāñ śrāvastyāṃ viharati sma jetavane 'nātʰapiṇḍadasyārāme \
Line of edition: 4    tena kʰalu samayena pañcamātrāṇi vaṇikśatāni bʰāṇḍaṃ samudānīya anupūrveṇa grāmanigamapallīpattanarājadʰānīṣu cañcūryamāṇāni mahāsamudrataṭamanuprāptāni \
Line of edition: 5    tair nipuṇataḥ sāmudram yānapātraṃ pratipāditam \
Line of edition: 6    yato vaṇijastaṃ mahāsamudraṃ dr̥ṣṭvā saṃbʰinnamanaso na prasahante samavataritum \
Line of edition: 7    paścāttervaṇigbʰiḥ karṇadʰāra uktaḥ - uddʰoṣaya naḥ puruṣo mahāsamudrasya bʰūtaṃ varṇam \
Line of edition: 8    yato varṇadʰāra uddʰoṣayituṃ pravr̥ttaḥ - śr̥ṇvantu bʰavanto jambudvīpakā manuṣyāḥ, santyasmin mahāsamudre evaṃvidʰāni ratnāni, tadyatʰā - maṇayo muktā vaiḍūryaśaṅkʰaśilā pravālo rajataṃ jātarūpamaśmagarbʰo musāragalvo lohitikā dakṣiṇāvartāḥ \
Line of edition: 10    ya iccʰati evamrūpai ratnairātmānaṃ samyakṣukʰena prīṇayituṃ mātāpitarau putradāraṃ dāsīdāsakarmakarapauruṣeyaṃ mitrāmātyajñātisālohitam, kālena ca kālaṃ dakṣiṇīyebʰyaḥ śramaṇabrāhmaṇebʰyo dakṣiṇāṃ pratiṣṭʰāpayitumūrdʰvagāminīṃ saubʰāgyakarīṃ sukʰavipākāmāyatyāṃ svargasaṃvartanīm, so 'smin mahāsamudre avataratu dʰanahetoḥ \
Line of edition: 14    evamukte ca punaḥ sarva eva sattvāḥ saṃpattikāmā vipattipratikūlāstaṃ śrutvā tasmin mahāsamudre vyavasitāḥ samavataritum \
Line of edition: 15    yatastadvahanamatiprabʰūtairmanuṣyairatibʰāreṇa ca ākrāntatvāt tatraivāvasīdati \
Line of edition: 16    tataḥ karṇadʰāreṇoktam - asahyaṃ vahanam \
Line of edition: 16    yato vaṇijaḥ katʰayanti - kasyedānīṃ vakṣyāmo vahanāt pratyavatarasveti \
Line of edition: 17    tairvaṇigbʰiḥ karṇadʰārasyoktam - mahāsamudrasya bʰūtaṃ varṇamudgʰoṣayata \
Line of edition: 18    tataḥ sa udgʰoṣayituṃ pravr̥ttaḥ - śr̥ṇvantu bʰavanto jambudvīpakā manuṣyāḥ, santyasmin mahāsamudre imāni evamrūpāṇi mahānti mahābʰayāni, tadyatʰā timibʰayaṃ timiṃgilabʰayamūrmibʰayaṃ kūrmabʰayaṃ stʰale utsīdanabʰayaṃ jale saṃsīdanabʰayamantarjalagatānāṃ parvatānāmāgʰaṭṭanabʰayaṃ kālikāvātabʰayam \
Line of edition: 21    caurā api āgaccʰanti nīlavāsaso dʰanahāriṇaḥ \
Line of edition: 21    yena cātmano jīvitaparityāgo vyavāstʰito mātāpitarau putradāraṃ dāsīdāsakarmakarapauruṣeyaṃ mitrāmātyajñātisālohitaṃ citraṃ ca jambudvīpaṃ parityaktum, sa mahāsamudramavataratu \
Line of edition: 23    alpāḥ śūrā bahavaḥ kātarāḥ \
Line of edition: 23    taṃ śrutvā tatʰodgʰuṣya tu tasmādyānapātrādavatīrṇā bahavaḥ, kecidavaśiṣṭāḥ \
Line of edition: 24    tatastairvaṇigbʰirvahanasyaikaṃ varatraṃ cʰinnam \
Line of edition: 25    paścād dvau trayo yāvadanupūrveṇa sarve varatrāścʰinnāḥ \
Line of edition: 25    tāsu ccʰinnāsu tadvahanaṃ mahākarṇadʰārasampreritaṃ gagane mahāvātasamprerito megʰa iva balavadvāyusampreritaṃ kṣiprameva saṃprastʰitam \
Line of edition: 27    yāvadratnadvīpamanuprāptaḥ \
Line of edition: 27    sa taṃ pradeśamanuprāptānāṃ karṇadʰāraḥ katʰayati - santyasmin ratnadvīpe kācamaṇayo ratnasadr̥śāḥ, te bʰavadbʰirupaparīkṣyopaparīkṣya gr̥hītavyāḥ \
Line of edition: 28    mā vaḥ paścājjambudvīpagatānāṃ tāpyaṃ bʰaviṣyati \
Line of edition: 29    tatraiva ca kroñcakumārikā nāma striyo bʰavanti \
Line of edition: 29    tāḥ puruṣaṃ labdʰvā tatʰopalāṃstāḍayanti, yatʰā atraivānayena vyasanamāpadyate \
Line of edition: 30    atraiva ca madanīyāni pʰalāni bʰavanti \
Line of edition: 31    tāni yo bʰakṣayati, sa sapta rātriṃdivasān suptastiṣṭʰati \
Line of edition: 31    asminneva ca ratnadvīpe saptāhāt pareṇa amanuṣyā na sahante, tāvadvidʰān viparītān vāyūnutpādayanti yairvahanamapahriyate yatʰāpi tadakr̥takāryāṇām \
Line of edition: 33    tāni bʰavadbʰirlabdʰāni na bʰakṣayitavyāni \
Page of edition: 143 Line of edition: 1    taccʰrutvā vaṇijo 'vahitamanaso 'pramādenāvastʰitāḥ \
Line of edition: 1    prāpya ca taṃ ratnadvīpaṃ prayatnamāstʰāya ratnānveṣaṇaṃ kr̥tvā anupūrveṇopaparīkṣya ratnānāṃ tadvahanaṃ pūritaṃ tadyatʰā yavānāṃ vā yavasasyānāṃ vā mudgānāṃ vā bʰāṣāṇāṃ vā \
Line of edition: 3    vahanaṃ pūryitvā te 'nukūlaṃ jambudvīpābʰimukʰena vāyunā saṃprastʰitāḥ \
Line of edition: 4    mahāsamudre ca tribʰiḥ skandʰaiḥ prāṇinaḥ saṃmiśritāḥ \
Line of edition: 4    pratʰame yojanaśatikā ātmabʰāvāḥ, dvistriyojanaśatikā ātmabʰāvaḥ \
Line of edition: 5    dvitīye skandʰe 'ṣṭayojanaśatikā ātmabʰāvā navadaśayāvaccaturdaśayojanaśatikā ātmabʰāvāḥ \
Line of edition: 6    tr̥tīye skandʰe pañcadaśayojanaśatikā ātmabʰāvāḥ, ṣoḍaśayojanaśatikā yāvadekaviṃśatikā ātmabʰāvāḥ \
Line of edition: 7    tatra ca mahāsamudre tā matsyajātayaḥ parasparānyonyabʰakṣaṇaparāḥ \
Line of edition: 8    ye pratʰamāyāṃ bʰūmau avastʰitāḥ, te dvitīyabʰūmistʰairbʰakṣyante \
Line of edition: 8    ye dvitīyabʰūmistʰāḥ, te tr̥tīyabʰūmistʰairbʰakṣyante \
Line of edition: 9    tatra timiṃgilo nāma matsyāstr̥tīyādudakaskandadʰādabʰyudgamya uparimandakaskandʰamādāya carati \
Line of edition: 10    sa yasyāṃ velāyāṃ mukʰamāvr̥ṇoti, tasyāṃ velāyāṃ mahāsamudrāt pānīyaṃ mahatā vegenākṣiptaṃ mukʰadvāram yato dʰāvati \
Line of edition: 11    tenaivodakaskandʰenākṣiptā matsyakaccʰapavallabʰakaśuśumāramakarādyā matsyajātayo mukʰadvāreṇodare patanti \
Line of edition: 12    tasyaivaṃ carata ātmabʰāvāccʰira evaṃ lakṣyate dūrata eva, tadyatʰā - parvato nabʰaḥpramāṇaḥ \
Line of edition: 13    akṣīṇi cāsya durata eva saṃlakṣyante nabʰasīvādityau \
Line of edition: 14    yatastairvaṇigbʰirdūrata evopadʰāritam \
Line of edition: 14    tanmahārṇavarūpamupadʰārya cintayituṃ pravr̥ttāḥ - kimetadbʰavanta ādityadvayasyodayanam? teṣāmevaṃ cintayatāṃ tadvahanaṃ tasya mukʰadvāram yato vegenopahartumārabdʰam \
Line of edition: 16    teṣāṃ vahanaṃ vegenāpahriyamāṇaṃ dr̥ṣṭvā ādotuadvayotpādanaṃ ca saṃlakṣya saṃvega utpannaḥ - kiṃ bʰavanto yat taccʰrūyate saptādityāḥ kalpasaṃvartanyāṃ samudāgamiṣyantīti, tadevedānīṃ proditāḥ syuḥ \
Line of edition: 18    yataḥ karṇadʰāreṇa teṣāṃ vimarśajātānāmuktam - yat tadbʰavantaḥ śrūyate timitimiṃgila iti, timitimiṃgilabʰayamidam \
Line of edition: 19    tat paśyantu bʰavantaḥ \
Line of edition: 20    pānīyādabʰyudgataparvatavadālokyate etattasya śiraḥ \
Line of edition: 20    paśyatʰa caiṣā tasya parā dantamālā \
Line of edition: 22    paśyatʰa etau dūrata eva sūryavadavalokyete etau akṣitārakau \
Line of edition: 22    punasasau karṇadʰāro vaṇijāṃ katʰayati - śr̥ṇvantu bʰavantaḥ, nāsmākamidānīṃ jīvitopāyaḥ kaścidyena vayamasmādbʰayāt mucyema \
Line of edition: 24    sarvoṣāmevāsmākaṃ maraṇaṃ pratyupastʰitam \
Line of edition: 24    tadidānīṃ bʰavadbʰiḥ kiṃ karaṇīyam? yasya vo yasmin deve bʰaktiḥ sa tamāyācatu \
Line of edition: 25    yadi tenāpi tāvadāyācanena kāciddevatā asmākamasmānmahābʰayādvimoṣkaṇaṃ kuryāt \
Line of edition: 26    na cānyo 'sti kaścidupāyo jīvitasya \
Line of edition: 27    yatastairvaṇigbʰirmaraṇabʰayabʰītaiḥ śivavaruṇakuberamahendropendrādayo devā jīvitaparitrāṇārtʰamāyācitumārabdʰāḥ \
Line of edition: 28    naiva ca teṣāmāyācatāṃ tasmānmaraṇabʰayāt jīvitaparitrāṇaviśeṣaḥ kaścit \
Line of edition: 29    tatʰaiva tadvahanaṃ salilavegāt bʰikṣiptaṃ timiṃgilamukʰadvāram yato 'pahriyate \
Line of edition: 29    tatra copāsako 'bʰirūḍʰaḥ \
Line of edition: 30    tenoktam - bʰavantaḥ, nāsmākamasmānmaraṇabʰayānmokṣaḥ kaścit \
Line of edition: 30    sarvairevāsmābʰirmartavyam \
Line of edition: 31    kiṃ tu sarva evaikaraveṇa namo buddʰāyeti vadāmaḥ \
Line of edition: 31    sati maraṇe buddʰāvalambanayā smr̥tyā kālaṃ kariṣyāmaḥ \
Line of edition: 32    sugatigamanaṃ bʰaviṣyati \
Line of edition: 32    yatastairvaṇigbʰirekaraveṇa namo buddʰāyeti <144> praṇāmaḥ kr̥taḥ sarvaireva \
Page of edition: 144 Line of edition: 1    bʰagavatā ca jetavanastʰena sa vādaḥ śruto divyena śrotreṇa viśuddʰena atikrāntamānuṣeṇa \
Line of edition: 2    śrutvā ca punarbʰagavatā sa nādastatʰā adʰiṣṭʰito yatʰā tena timiṃgilena śrutam \
Line of edition: 3    tasya taṃ namo buddʰāyeti rāvaṃ śrutvā manaso 'marṣa utpanno viklavībʰūtaśca - buddʰo bata loka utpannaḥ \
Line of edition: 4    na mama pratirūpaṃ syāt yadahaṃ buddʰasya bʰagavato nāmodgʰoṣaṃ śrutvā āhāramāhareyam \
Line of edition: 5    sa cintayituṃ pravr̥ttaḥ - yadyahamidanīṃ sahasaiva mukʰadvāraṃ pidʰāsyāmi, salilavegapratyāhatasya vahanasya vināśo bʰaviṣyati, eteṣāṃ cānekānāṃ jīvitavināśaḥ \
Line of edition: 6    yannvahaṃ mr̥dunopakrameṇa svairaṃ svairaṃ mukʰadvāraṃ saṃpidadʰyām \
Line of edition: 7    tatastena timiṃgilenātmīyaṃ mukʰadvāraṃ mr̥dunopakrameṇa svairaṃ svairaṃ pihitam \
Line of edition: 8    paścāt tadvahanaṃ tasmānmahāgrāhamukʰādvinirmuktamanuguṇaṃ vāyumāsādya tīramanuprāptam \
Line of edition: 9    atʰa te vaṇijastīramāsādya tadbʰāṇḍaṃ śakaṭoṣṭragogardabʰādibʰiḥ purayitvā anupūrveṇa grāmanigamapallīpattanādiṣu cañcūryamāṇāḥ śrāvastīmanuprāptāḥ \
Line of edition: 10    te tatra gatvā saṃlakṣayanti - dʰarmataiṣā yasya nāṃnā vahanaṃ saṃsiddʰayānapātramāgaccʰati, tasyaiva tāni ratnāni gamyāni bʰavanti \
Line of edition: 12    yannu vayametāni ratnāni buddʰasya bʰagavato dadyāmaḥ \
Line of edition: 12    te tāni ratnāni saṃgr̥hya bʰagavataḥ sakāśamupagatāḥ \
Line of edition: 13    anupūrveṇa bʰagavataḥ pādau śirasā vanditvā bʰagavataḥ katʰayanti - bʰagavan, asmākaṃ samudre yānapātreṇāvatīrṇānāṃ timiṃgilagrāheṇa tasmin yānapāre 'pahriyamāṇe jīvitavināśe pratyupastʰite bʰagavataḥ smaraṇaparāyaṇānāṃ nāmagrahaṇaṃ tasmāt mahāgrāhamukʰādvinirmuktam, tato vayaṃ bʰagavan saṃsiddʰayānapārāḥ kṣemasvastinā ihāgatāḥ \
Line of edition: 16    dʰarmatā caiṣā yasya nāṃnā vahanaṃ saṃsiddʰayānapātrā āgaccʰanti, tasya tadgamyaṃ bʰavati \
Line of edition: 17    tadvayaṃ bʰagavato nāmagrahaṇena maraṇabʰayādūttīrṇāḥ \
Line of edition: 18    tadasmākametāni ratnāni bʰagavān gr̥hṇātu \
Line of edition: 18    bʰagavānāha - yena mayendrāya (?) balabodʰyaṅgaratnānyadʰigatāni, kiṃ tatʰāgatasya bʰūyaḥ prākr̥taratnaiḥ karaṇīyam? yadi ceccʰata asmaccʰāsane vatsāḥ pravrajitum, āgaccʰatʰa \
Line of edition: 20    yataste saṃlakṣayanti vaṇijaḥ - yadasmākaṃ kiṃcit jīvitam, tatsarvaṃ buddʰasya bʰagavatastejasā \
Line of edition: 21    yadvayametāni ratnāni tyaktvā bʰagavato 'ntike pravrajema iti \
Line of edition: 22    paścāt te tāni ratnāni mātāpitr̥bʰyaḥ putradāradāsīdāsakarmakaramitrāmātyajñātisālohitebʰyo yatʰānyāyataḥ saṃvibʰajya pravrajitāḥ \
Line of edition: 23    pravrajya tairyujyadbʰirgʰaṭadbʰirvyāyaccʰadbʰiryāvadarhattvaṃ sākṣātkr̥tam \\
Line of edition: 24    yato bʰikṣavaḥ saṃśayajātāḥ sarvasaṃśayaccʰettāraṃ buddʰaṃ bʰagavantaṃ pr̥ccʰanti - kīdr̥śāni karmāṇi bʰagavan, ebʰirvaṇigbʰiḥ kr̥tānyupacitāni, yeṣāṃ karmaṇāṃ vipākena bʰagavānārāgito na virāgitah? bʰagavānāha -
Line of edition: 27    bʰūtapūrvaṃ bʰikṣavaḥ kāśyapaḥ samyakṣambuddʰo loka utpanno 'bʰūt \
Line of edition: 27    tasya ca śāsane eta eva ca pravrajitā abʰūvan \
Line of edition: 28    tatra pravrajya ca na kaścit tadrūpo guṇagaṇo 'dʰigato nānyatra sabrahmacāriṇāmuddiṣṭamadʰītaṃ svādʰyāyitaṃ ca \
Line of edition: 29    maraṇakālasamaye praṇidʰānaṃ kr̥tavantaḥ - yadasmābʰiḥ kāśyapaṃ samyakṣambuddʰamāsādyoddiṣṭamadʰītaṃ svādʰyāyitaṃ ca, na kaścit guṇagaṇo 'dʰigato 'sti, asya karmaṇo vipākena vayam yo 'sau anāgato 'dʰvani kāśyapena samyakṣambuddʰena śākyamuninarmā samyakṣambuddʰo vyākr̥taḥ, taṃ vayamārāgayemo na virāgayemaḥ \\
Page of edition: 145 Line of edition: 1    bʰagavānāha - kiṃ manyadʰve bʰikṣavo yāni tāni pañcabʰikṣuśatānyatīte 'dʰvanyāsan kāśyapasya samyakṣambuddʰasya śāsane pravrajitāni, etāvantyetāni pañcabʰikṣuśatāni \
Line of edition: 2    tadā caiṣāmindriyāṇi paripācitāni, etarhi arhattvaṃ sākṣātkr̥tam \
Line of edition: 3    yaścāsau mahāsamudre timistimiṃgilo nāma matsyo buddʰaśabdaṃ śrutvā anāhāratāyāṃ vyavastʰitaḥ, sa svabʰāvenaiva tīkṣṇāgnitayā kṣudduḥkʰasyāsahatvāccyutaḥ kālagataḥ \
Line of edition: 5    tena śrāvastyāṃ ṣaṭkarmanirate brāhmaṇakule pratisaṃgʰirgr̥hītaḥ \
Line of edition: 6    tasya taccʰarīraṃ kalevaraṃ mahāsamudre utplutam \
Line of edition: 6    nāgaiśca tasya svabʰavanasamīpastʰasya gandʰamasahadbʰiranyato vikṣiptam \
Line of edition: 7    yatra ca vikṣiptaṃ tatrāpi samīpe nāgasyaiva bʰavanam \
Line of edition: 8    tenāpi gandʰamasahatā anyataḥ kṣiptam \
Line of edition: 8    evaṃ kṣiptena pāramparyeṇa tat kalevaraṃ mahāsamudrataṭaṃ samudānītam \
Line of edition: 9    yato 'nantaraṃ smudravelayotsārya stʰale prakṣiptam \
Line of edition: 9    taccānekaiḥ kākagr̥dʰraśvaśr̥gālaśvāpadādyaiḥ pakṣibʰistatsamuccʰritaiśca kr̥mibʰirbʰakṣyamāṇamastʰikaraṅkajīrṇamāsaṃ śvetaṃ śvetaṃ vyavastʰitam \
Line of edition: 11    asyāṃ ca śrāvastyāṃ tasya brāhmaṇasya yadā patnī antarvartinī saṃvr̥ttā, tadeva tasyā garbʰotpādādatīva kṣudduḥkʰena pīḍyamānayā gr̥hasvāmyabʰihitaḥ - āryaputra, kṣuddukʰenātīva bādʰye \
Line of edition: 13    tasyā evaṃ vadantyā gr̥hasvāminoktam - bʰadre, yadasmadgr̥he 'nnapānaṃ tatsarvamabʰyavaharasva \
Line of edition: 14    tayā abʰyavahartumārabdʰam \
Line of edition: 14    sā ca tadannapānaṃ sarvamabʰyavahr̥tya naiva tr̥ptimupayāti \
Line of edition: 15    punarapi gr̥hasvāmin vijñāpayati - āryaputra, naiva tr̥ptimupagaccʰāmi \
Line of edition: 15    yatastena tiraḥprātiveśyasuhr̥tsvajanādibʰyo 'ntikadannapānamanviṣya tasyā anupradattam \
Line of edition: 16    sā tamapyavahr̥tya naiva tr̥ptiṃ gaccʰati \
Line of edition: 17    bʰūyo gr̥hasvāminaḥ katʰayati - āryaputra, naiva tr̥ptimupagaccʰāmi \
Line of edition: 17    yato 'sau brāhmaṇaḥ saṃvignamanāḥ kʰedamāpannaḥ \
Line of edition: 18    kimetadbʰavantaḥ syāt - asyāḥ sattvamudare utpannam yasyotpādānnaiva tr̥ptimupayāti? yataḥ sa brāhmaṇo naimittakānāṃ darśayitvā saṃśayanirṇayanārtʰaṃ vaidyādīn bʰūtatantravidaśca - paśyantu bʰavantaḥ, iyaṃ brāhmaṇī kiṃ mahatā rogeṇābʰibʰūtā syādatʰa bʰūtagrahāviṣṭā syādanyadvā syādrūpaṃ maraṇaliṅgamanenopasaṃkrameṇa pratyupastʰitā syāt \
Line of edition: 21    taiḥ śrutvā tatʰāvidʰa upakramaḥ kr̥taḥ \
Line of edition: 22    tasyā brāhmaṇyāste indriyāṇāmanyatʰātvamupalakṣayanti \
Line of edition: 22    yadā asyā indriyāṇāmanyatʰātvaṃ nopalakṣayanti, tadā tairvaidyanaimittakabʰūtatantravidbʰiścikitsakaiḥ sā brāhmaṇīparyanuyuktā - kasmāt kālādārabʰya tavaivaṃvidʰā dīptāgnitā samutpannā? tayā abʰihitam - garbʰalambʰasamakālameva sa evaṃvidʰa upakramaḥ kr̥taḥ \
Line of edition: 25    yato naimittakavaidyacikitsakairabʰihitam - nāsyāḥ kaścidanyastadrūpo rogo nāpi bʰūtagrahāveśo bādʰākara utpannaḥ \
Line of edition: 27    asyaivaiṣā garbʰasyānubʰāvenaivaṃvidʰā dīptāgnitā \
Line of edition: 27    yato 'sau brāhmaṇa upalabdʰavr̥ttāntaḥ svastʰībʰūtaḥ \
Line of edition: 28    sāpi brāhmaṇī naiva kadācidannapānasya tr̥ptā \
Line of edition: 28    anupūrveṇa samakālameva putro jātaḥ \
Line of edition: 29    tasya dārakasya jātamātrasya sā brāhmaṇī vinītakṣudduḥkʰā saṃvr̥ttā \
Line of edition: 29    sa dārako jātamātra eva atyartʰaṃ bubʰukṣayopapīḍyate \
Line of edition: 30    tasya bubʰukṣayā pīḍyamānasya mātā stanaṃ dātuṃ pravr̥ttā \
Line of edition: 31    sa ca dārakaḥ stanaṃ pītvāpi sarvaṃ naiva tr̥ptimupayāti \
Line of edition: 31    paścāt tena brāhmaṇena tayā ca brāhmaṇyā tiraskr̥taprātiveśyasvajanayuvatyaścābʰyartʰya stanaṃ tasya dārakasya dāpayituṃ pravr̥ttāḥ \
Page of edition: 146 Line of edition: 1    sa ca dārakaḥ sarvāsāmapi stanaṃ pītvā naiva tr̥ptimabʰyupagaccʰate \
Line of edition: 1    paścāt tena brāhmaṇena tayārtʰe cʰagalikā kr̥tvā \
Line of edition: 2    sa dārakastasyā api ccʰagalikāyāḥ kṣīraṃ pītvā janikāyāśca stanaṃ naiva tr̥pyate \
Line of edition: 3    tatra kālena kālaṃ bʰikṣavo bʰikṣuṇyaśca piṇḍapātaṃ praviṣya parikatʰāṃ kurvanti \
Line of edition: 4    sa dārakastāṃ parikatʰāṃ śrutvā tasyāṃ velāyāṃ na roditi, avahitaśrotrastūṣṇībʰūtvā tāṃ dʰarmaśravaṇakatʰāṃ śr̥ṇoti \
Line of edition: 5    pratyavāsr̥teṣu bʰikṣubʰikṣuṇīṣu ca punaḥ pipāsāduḥkʰaṃ pratisaṃvedayamāno rohituṃ pravr̥ttaḥ \
Line of edition: 6    taiḥ saṃlakṣitam - dʰarme vatsāya ruciriti \
Line of edition: 6    tasya dʰarmarucīti nāma pratiṣṭʰāpitam \
Line of edition: 7    sa ca dārako 'nupūrveṇa māsārdʰarmāsādīnāmatyayādbʰuñjāno naiva kadācidannapānasya tr̥pyati \
Line of edition: 8    yadā ca viśiṣṭe vasasi stʰitaḥ, tadā tasya mātāpitr̥bʰyāṃ bʰakṣabʰājanaṃ dattam \
Line of edition: 9    gaccʰa vatsa, idaṃ te bʰaikṣabʰājanam \
Line of edition: 9    gr̥hītvā śrāvastyāṃ bʰikṣāṃ paryaṭitvā āhārakr̥tyaṃ kuru \
Line of edition: 10    yataḥ sa dārako bʰaikṣabʰājanaṃ gr̥hītvā śrāvastyāṃ bʰaikṣaṃ paryaṭati \
Line of edition: 10    paryaṭanneva ca bʰuktvā bʰuktvā atr̥pyamāna eva gr̥hamāgaccʰati \
Line of edition: 11    yato 'sau saṃlakṣayati - kiṃ mayā karma kr̥tam yasya karmaṇo vipākena na kadācit vitr̥pyamāna āhāramārāgayāmi? sa viṣaṇṇacetāścintayituṃ pravr̥ttaḥ - kiṃ tāvadagnipraveśaṃ karomi, uta jalapraveśamatʰa taṭaprapātaṃ karomi? sa evaṃ cintayā stʰitaḥ \
Line of edition: 14    upāsakenopalakṣitaḥ \
Line of edition: 14    tasya tenoktam - kiṃ cintāpara evaṃ tiṣṭʰasi? gaccʰa tvam \
Line of edition: 15    mahāntaṃ buddʰaśāsanaṃ maharddʰikaṃ mahānubʰāvam \
Line of edition: 15    tatra pravraja \
Line of edition: 15    tatra ca tvaṃ pravrajitaḥ kuśalānāṃ dʰarmāṇāṃ saṃcayaṃ kariṣyasi \
Line of edition: 16    akuśalāśca te dʰarmā ye 'sminnapi janmani saṃcitā bʰaviṣyanti, te tanvībʰaviṣyanti \
Line of edition: 17    yadi tāvadguṇagaṇānadʰigamiṣyasi, paryatīkr̥taste saṃsāro bʰaviṣyati \
Line of edition: 18    atʰa sa mahātmā upāsakena codito jetavanaṃ gataḥ \
Line of edition: 18    jetavanaṃ gatvā tatra bʰikṣūn pāṭʰasvādʰyāyamanasikārodyuktān dr̥ṣṭvā atīva prasādajātaḥ \
Line of edition: 19    bʰikṣumupasaṃkramyaivaṃ vadati - arya, pravrajitumiccʰāmi \
Line of edition: 20    yato bʰikṣubʰiruktaḥ - mātāpitr̥bʰyāmanujñāto 'si? sa katʰayati - nāhaṃ mātāpitr̥bʰyāmanujñātaḥ \
Line of edition: 21    tairuktaḥ - gaccʰa vatsa, mātāpitr̥bʰyāmanujñāṃ mārgasva \
Line of edition: 21    yataḥ sa mātāpitr̥bʰyāṃ sakāśādanujñāṃ mārgituṃ pravr̥ttaḥ \
Line of edition: 22    sa mātāpitr̥bʰyāmabʰihitaḥ - gaccʰa vatsa, yatʰābʰipretaṃ kuru \
Line of edition: 23    sa labdʰānujño bʰikṣusakāśaṃ gataḥ \
Line of edition: 23    paścādbʰikṣuṇā pravrājitaḥ \
Line of edition: 24    tatra ca bʰikṣūṇāṃ kadācit piṇḍapāto bʰavati, kadācit nimantraṇaṃ bʰavati \
Line of edition: 24    sa ca yasmin divase piṇḍapāto bʰavati, tatropādʰyāyenocyate - vatsa, kiṃ tr̥pto 'si uta na? sa upādʰyāyasya katʰayati - nāsti tr̥ptiḥ \
Line of edition: 26    yata upādʰyāyenāsya saṃlakṣitaḥ - taruṇavayasā pravrajito dīptāgnitayā na tr̥ptimupayāti \
Line of edition: 27    sa ātmīyādapi piṇḍapatāt tasya saṃvibʰāgaṃ prārabdʰaḥ kartum \
Line of edition: 28    punaśca pr̥ccʰati - vatsa, kimidānīṃ tr̥pto 'si? atʰa sa tamupādʰyāyaṃ vadati - na tr̥pto 'smi \
Line of edition: 29    yata upādʰyāyastaṃ śrutvā sapremān bʰikṣūnanyāṃśca sārdʰavihāriṇaḥ prārabdʰo vaktum \
Line of edition: 30    yataḥ samānopādʰyāyaiḥ samānācāryairanyaiśca sapremakairbʰikṣubʰirupasaṃhāra ārabdʰaḥ kartum \
Line of edition: 31    teṣāmantikāllabʰamāno naiva tr̥ptimupayāti \
Line of edition: 31    yadā ca nimantraṇaṃ bʰavati, tadāpi te tatʰaiva tasyopasaṃhāraṃ kurvanti \
Line of edition: 32    dānapatirapi viditvā yadyadadʰikaṃ tattadasmai datvā āgaccʰati \
Page of edition: 147 Line of edition: 1    atʰa pānakaṃ bʰavati tadapi tatʰaiva yadadʰikaṃ bʰavati tattasyānupradīyate \
Line of edition: 1    tasya ca yataḥ pravrajitasya na kadācidannapānena kukṣiḥ pūṇaḥ \
Line of edition: 2    tena kʰalu samayena anyatamena gr̥hapatinā buddʰapramukʰo bʰikṣusaṃgʰa upanimantritaḥ \
Line of edition: 3    bʰagavān bʰikṣusaṃgʰena sārdʰamantargr̥haṃ praviṣṭaḥ pūrvāhṇe nivāsya pātracīvaramādāya \
Line of edition: 4    dʰarmarucirvihāre upadʰivāriko vyavastʰāpitaḥ \\
Line of edition: 5    tatra ca śrāvastyāmanyatamo gr̥hapatiḥ prativasati \
Line of edition: 5    tena caivamupalabdʰam yo 'saṃviditameva buddʰapramukʰaṃ bʰikṣusaṃgʰaṃ bʰojayati sa sahasaiva bʰogairabʰyudgaccʰati \
Line of edition: 6    yatastena pañcamātrāṇāṃ bʰikṣuśatānāmāhāraḥ samudānītaḥ \
Line of edition: 7    sa tasyāhārasya śakaṭaṃ pūrayitvā praṇītapraṇītasya śucinaḥ sārdʰaṃ sarvarūpairmitrasvajanasahāyo buddʰapramukʰaṃ bʰikṣusaṃgʰaṃ bʰojayiṣyāmīti vihāraṃ nirgataḥ \
Line of edition: 9    sa paśyati tasmiñ jetavane bʰikṣava eva na santi \
Line of edition: 9    tena tatrānvāhiṇḍatā upadʰivāriko dʰarmaruṣirdr̥ṣṭaḥ \
Line of edition: 10    tasya tena gr̥hapatinoktam - ārya, kva gatā bʰikṣavah? sa katʰayati - antargr̥he upanimantritāḥ praviṣṭāḥ \
Line of edition: 11    sa gr̥hapatistaccʰutvā durmanā vyavastʰitaḥ - kaṣṭam, evamasmākaṃ vipʰalaḥ pariśramo jātaḥ \
Line of edition: 12    saṃcintya ca tasya dʰarmaruceḥ katʰayati - ārya, bʰakṣa tvamapi tāvat \
Line of edition: 12    sa katʰayati - yadi te mahātman parityaktaṃ bʰavati \
Line of edition: 13    tatastena gr̥hapatinā saṃlakṣayitvā yenāhāreṇaikasya bʰikṣoḥ paryāptaṃ bʰavati, tāvadannapānaṃ śakaṭaṃ gr̥hītvā taṃ dʰarmaruciṃ pariveṣayituṃ pravr̥ttaḥ \
Line of edition: 14    tena dʰarmarucinā bʰoktumārabdʰaṃ tanniravaśiṣṭam \
Line of edition: 15    naiva tr̥ptaḥ \
Line of edition: 15    gr̥hapatiḥ saṃlakSayati - nāyaṃ tr̥ptaḥ \
Line of edition: 16    tena ucyate - ārya, punarbʰokṣyase? sa katʰayati - mahātman, yadi te parityaktam \
Line of edition: 16    tatastena gr̥hapatinā bʰūyastasmāt śakaṭādyena bʰikṣudvayasyāhāreṇa paryāptaṃ syāt, tāvadannapānaṃ śakaṭaṃ gr̥hītvā bʰojayituṃ pravr̥ttaḥ \
Line of edition: 18    yato dʰarmarucistadapi bʰuktvā naiva tr̥ptaḥ \
Line of edition: 18    gr̥haptinā bʰūyaḥ saṃlakṣitam - nāyaṃ tr̥ptaḥ \
Line of edition: 19    tenoktam - ārya, punarbʰokṣyase? sa katʰayati - mahātman, yadi te parityaktam \
Line of edition: 20    yatastasmāccʰakaṭādannapānaṃ gr̥hītvā trayāṇāṃ bʰikṣūṇāṃ paryāptaṃ syāditi punarbʰojayituṃ pravr̥ttaḥ \
Line of edition: 21    sa dʰarmarucistadapi bʰuktvā naiva tr̥ptaḥ \
Line of edition: 21    pr̥ṣṭaḥ - ārya, punarbʰokṣyase? sa katʰayati - yadi te parityaktam \
Line of edition: 22    yataḥ sa gr̥hapatistasmādannapānaṃ gr̥hītvā yena caturṇāṃ bʰikṣūṇāṃ paryāptaṃ syāditi punarbʰojayituṃ pravr̥ttaḥ \
Line of edition: 23    sa dʰarmarucistadapi bʰuktvā naiva tr̥ptaḥ \
Line of edition: 23    pr̥ṣṭaḥ - ārya, punarbʰokṣyase? bʰūyaḥ sa katʰayati - yadi te parityaktam \
Line of edition: 24    yataḥ punastasmāccʰakaṭādyena pañcabʰikṣūṇāmannapānaistr̥ptiḥ syāt, tāvadgr̥hītvā punarbʰojayituṃ pravr̥ttaḥ \
Line of edition: 25    tadapi cābʰyavahr̥tam \
Line of edition: 25    naiva tr̥ptaḥ \
Line of edition: 26    vistareṇa yāvaddaśānāṃ bʰikṣūṇāmannapānena paryāptaṃ syāt, tāvad bʰuktvā naiva tr̥pyate \
Line of edition: 26    yatastena saṃlakṣitam - nāyaṃ manuṣyo manuṣyavikāraḥ \
Line of edition: 27    yataḥ śrūyate pañcabʰir nīlavāsaso yakṣaśatairjetavanamaśūnyamiti teṣāṃ bʰaviṣyatyeva anyatamaḥ \
Line of edition: 28    iti saṃcintya garbʰarūpāṇi gr̥he 'nupraveśayituṃ pravr̥ttaḥ - gaccʰatʰa yūyaṃ śīgʰraṃ gr̥hameva, ahamevaiko yadi jīvāmi mriye veti \
Line of edition: 29    sa gr̥hajanaṃ visarjya maraṇabʰayabʰītastasmāt śakaṭādannapānaṃ gr̥hītvā pariveṣayitumārabdʰaḥ \
Line of edition: 30    sa ca svairaṃ bʰuñjati \
Line of edition: 31    gr̥hapatinā uktam - ārya, tvaritatvaritaṃ pratīccʰasva \
Line of edition: 31    yatastena dʰarmarucinā kṣipraṃ pratigr̥hītvā bʰiktumārabdʰam \
Line of edition: 32    sa gr̥hapatistvaritatvaritaṃ pariveṣayitvā niravaśeṣatastadannapānaṃ śakaṭaṃ dattvā <148> dakṣiṇādeśanāmapi bʰayagr̥hīto 'śrutvā tvaritatvaritaṃ vandāmyāryeti pr̥ṣṭʰamanavalokayamāno nagaraṃ prastʰitaḥ \
Page of edition: 148 Line of edition: 2    tasmānnagarāt piṇḍapātanirhārako bʰikṣu tasyaiva piṇḍapātaṃ gr̥hītvā gataḥ \
Line of edition: 3    tena tadapi bʰuktam \
Line of edition: 3    tasya dʰarmarucer na kadācidyato jātasya kuṣkiṃ pūrṇaḥ \
Line of edition: 3    taddivasaṃ cāsya tenāhāreṇa tr̥ptirjātā \
Line of edition: 4    tasya ca gr̥hapater nagaraṃ praviśato 'bʰimukʰaṃ bʰagavān bʰikṣusaṃgʰaparivr̥taḥ saṃprāptaḥ \
Line of edition: 5    sa gr̥hapatirbʰagavataḥ katʰayati - bʰagavan, ahaṃ buddʰapramukʰaṃ bʰikṣusaṃgʰamuddiśya pañcānāṃ bʰikṣuśatānāṃ tr̥ptitaḥ śakaṭamannapānasya pūrayitvā jetavanaṃ gato buddʰapramyukʰaṃ bʰikṣusaṃgʰaṃ bʰojayiṣyāmīti \
Line of edition: 7    na ca me tatra bʰikṣavo labdʰāḥ \
Line of edition: 7    eko me bʰikṣurdr̥ṣṭaḥ \
Line of edition: 7    tena samākʰyātaṃ buddʰapramukʰaṃ bʰikṣusaṃgʰamantargr̥ham upanimantraṇaṃ praviṣṭam \
Line of edition: 8    tasya mamaivaṃ cittamutpannam - eṣo 'pi tāvadeko bʰuṅktāmiti \
Line of edition: 9    yatastasya mamānupūrveṇa sarvaṃ tadannapānaṃ śakaṭaṃ dattam \
Line of edition: 9    tena sarvaṃ nipuṇato 'bʰyavahr̥tam \
Line of edition: 10    kiṃ bʰagavan manuṣyo 'tʰa vā amanuṣyah? bʰagavatābʰihitam - gr̥hapate, bʰikṣuḥ sa dʰarmarucir nāṃnā \
Line of edition: 11    prāmodyamutpādaya, adya sa tvadīyenānnapānnena tr̥pto 'rhattvaṃ sākṣātkariṣyati \\
Line of edition: 12    atʰa bʰagavāñ jetavanamabʰyāgataḥ \
Line of edition: 12    bʰagavān saṃlakṣayati - ko 'sau dānapatirbʰaviṣyati yo 'sau dʰarmaruceretāvatā āhāreṇa pratidivasam yogodvahanaṃ kariṣyati? yato 'sya bʰagavatā abʰihitam - dr̥ṣṭastvayā dʰarmaruce mahāsamudraḥ \
Line of edition: 14    sa katʰayati - no bʰagavan \
Line of edition: 14    yato bʰagavānāha - gr̥hāṇa madīyaṃ cīvarakarṇikam, paścāt te 'haṃ mahāsamudraṃ darśayāmi \
Line of edition: 15    yato dʰarmarucinā bʰagavataścīvarakarṇiko 'valambitaḥ, paścādbʰagavān vitatapakṣa iva haṃsarājaḥ sahacittotpādāt r̥ddʰyā dʰarmaruciṃ gr̥hītvā samudrataṭamanuprāptaḥ \
Line of edition: 17    yasmiṃścāsya stʰāne timitimiṃgilabʰūtasyāstʰaśakalā tiṣṭʰati, tatra nītvā stʰāpitaḥ \
Line of edition: 18    uktaṃ cāsya - gaccʰa vatsa, manasikāraṃ cintaya \
Line of edition: 18    yato 'sau dʰramarucistāṃ samīkṣitumārabdʰaḥ \
Line of edition: 19    kimetat kāṣṭʰaṃ syādatʰāstʰiśakalā, atʰa pʰalakinī syāt \
Line of edition: 20    sa tasmād vyaktimalabʰamānaḥ paryantamanveṣituṃ pravr̥ttaḥ \
Line of edition: 20    vyaktiṃ copalabdʰam \
Line of edition: 20    sa itaścāmutaśca tasyā anupārśvanaṃ tāṃ paryeṣamāṇaḥ śramamupagataḥ \
Line of edition: 21    na cāsya paryantamāsādayati \
Line of edition: 22    tasyaitadabʰavat - nāhamasya vyaktiṃ jñāsyāmi kimetaditi, na ca paryantamāsādayiṣye \
Line of edition: 22    gaccʰāmi, asminnartʰe bʰagavantameva pr̥ccʰāmi \
Line of edition: 23    yato 'sau bʰagavato 'ntikaṃ gatvā bʰagavantaṃ pr̥ccʰati - kiṃ tadbʰagavan? nāhaṃ tasya vyaktimupalabʰāmi \
Line of edition: 24    yato 'sya bʰagavānāha - vatsa, astʰiśakalaiṣā \
Line of edition: 25    sa katʰayati - bʰagavan, evaṃvidʰo 'sau sattvo yasyedr̥śī astʰiśakalā? bʰagavatoktam - tr̥pyasva dʰarmaruce bʰavebʰyaḥ, tr̥pyasva bʰavopakaraṇebʰyaḥ \
Line of edition: 26    tavaiṣā astʰiśakalā \
Line of edition: 26    dʰarmarucistaṃ śrutvā bʰagavadvaco vyākulitacetāḥ katʰayati - mamaiṣedr̥śī astʰiśakalā? tasyoktam - eṣā dʰarmaruce tavāstʰiśakalā \
Line of edition: 28    tatʰāvidʰamupaśrutya atīva saṃvignaḥ \
Line of edition: 28    yato 'sya bʰagavatā avavādo dattaḥ - dʰarmaruce, idaṃ cedaṃ manasikuru \
Line of edition: 29    ityuktvā bʰagavān vitatapakṣa iva rājahaṃsa r̥ddʰyā jetavanamanuprāptaḥ \
Line of edition: 30    atʰa dʰarmarucinā cintayatā manasikāramanutiṣṭʰatā uṣmagatānyutpāditāni murdʰānaḥ kṣāntayo laukikā agradʰarmā darśanamārgo bʰāvanāmārgaḥ \
Line of edition: 31    srotāpattipʰalaṃ prāptam \
Line of edition: 32    sakr̥dāgamipʰalamanāgamipʰalamarhattvaṃ prāptam \
Line of edition: 32    arhan saṃvr̥ttastraidʰātukavītarāgaḥ samaloṣṭakāñcana <149> ākāśapāṇitalasamacitto 'nunayapratigʰaprahīṇo vidyāvidāritāṇḍakośo vidyābʰijñāpratisaṃvitprāpto bʰavalābʰalobʰasatkāraparānmukʰo vāsīcandanakalpaḥ \
Page of edition: 149 Line of edition: 2    sendropendrāṇāṃ devānāṃ pūjyo mānyo 'bʰivādyaśca saṃvr̥ttaḥ \
Line of edition: 3    samanvāhartumātmanaḥ pūrvajātiṃ pravr̥ttaḥ - kuto hyahaṃ cyutaḥ, kutropapanna iti \
Line of edition: 14    yataḥ paśyati anekāni jātiśatāni narakatiryakpretacyutaścopapannaśca \
Line of edition: 14    tasyaitadabʰavat - yadahaṃ bʰagavatā na samanvāhr̥to 'bʰaviṣyam, anāgatāsvapi jātiṣu upasr̥to 'bʰaviṣyam \
Line of edition: 5    yataḥ saṃlakṣayati - anāgatāpyātmano jātisaṃtatir nirantaramanuparataprabandʰena narakapretopapattiḥ \
Line of edition: 6    sa evaṃ saṃlakṣya duṣkarakārako bata me bʰagavān \
Line of edition: 7    yadi ca bʰagavatā mamaivaikasyārtʰe 'nuttarā samyakṣambodʰiradʰigatā syāt, tanmahaddʰi upakr̥taṃ syāt, prāgevānekeṣāṃ sattvasahasrāṇāmapāyagatigamanamapanayati \
Line of edition: 9    tato 'sau dʰarmarucirr̥ddʰyā jetavanamanuprāpto bʰagavantaṃ darśanāya \
Line of edition: 9    tena kʰalu samayena bʰagavānanekaśatāyā bʰikṣuparṣadaḥ purastānniṣaṇṇo 'bʰūt \
Line of edition: 10    dʰarmaṃ deśayati \
Line of edition: 10    atʰāsau dʰarmaruciryena bʰagavāṃstenopasaṃkrāntaḥ \
Line of edition: 11    upasaṃkramya bʰagavataḥ pādau śirasā vanditvā ekānte nyaṣīdat \
Line of edition: 12    ekāntaniṣaṇṇo bʰagavatā abʰihitaḥ - cirasya dʰarmaruce? dʰarmaricirāha - cirasya bʰagavan \
Line of edition: 13    bʰagavānāha - sucirasya dʰarmaruce? dʰarmarucirāha - sucirasya bʰagavan \
Line of edition: 13    bʰagavānāha - suciracirasya dʰramaruce? dʰarmarucirasya bʰagavan \\
Line of edition: 15    yato bʰikṣavaḥ saṃśayajātāḥ sarvasaṃśayaccʰettāraṃ buddʰaṃ bʰagavantaṃ pr̥ccʰanti - bʰagavan dʰarmarucirihaiva śrāvastyāṃ jāto 'sminneva jetavane pravrajito na kutaścidāgato na kutracidgataḥ \
Line of edition: 17    ihaiva tiṣṭʰan bʰagavatā dʰarmarucirevamucyate - cirasya dʰarmaruce, sucirasya dʰarmaruce, suciracirasya dʰarmaruce \
Line of edition: 18    kiṃ saṃdʰāya bʰagavān katʰayati? evamukte bʰagavān bʰikṣūnāmantrayate sma - na bʰikṣavaḥ pratyutpannaṃ saṃdʰāya katʰayāmi \
Line of edition: 19    atītaṃ saṃdʰāya katʰayāmi \
Line of edition: 19    atītaṃ saṃdʰāya mayaivamuktam \
Line of edition: 19    iccʰatʰa bʰikṣavo 'sya dʰarmaruceḥ pūrvikāṃ karmaplotimārabʰya dʰārmikatʰāṃ śrotum? etasya bʰagavan kālaḥ, etasya sugata samayo yadbʰagavān dʰarmarucimārabʰya bʰikṣūṇāṃ dʰārmikatʰāṃ kuryāt \
Line of edition: 21    bʰagavataḥ śrutvā bʰikṣavo dʰārayiṣyanti \\
Line of edition: 23    bʰūtapūrvaṃ bʰikṣavo 'tīte 'dʰvani pratʰame 'saṃkʰyeye kṣemaṃkaro nāma tatʰāgato loka utpanno vidyācaraṇasampannaḥ sugato lokavidanuttaraḥ puruṣadamyasāratʰiḥ śāstā devamanuṣyāṇāṃ ca buddʰo bʰagavān \
Line of edition: 25    sa ca kṣemāvatīṃ rājadʰānīmupaniśritya viharati \
Line of edition: 25    tasyāṃ ca kṣemāvatyāṃ kṣemo nāma rājā rājyaṃ kārayati \
Line of edition: 26    tasyāṃ ca kṣemāvatyāṃ rājadʰānyāmanyatamo vaṇikśreṣṭʰī prativasati \
Line of edition: 27    tenāsau kṣemaṃkaraḥ samyakṣambuddʰaḥ ṣaṣṭiṃ traimāsān sārdʰaṃ bʰikṣusaṃgʰena sarvopakaraṇairupastʰitaḥ \
Line of edition: 28    yato 'sau śreṣṭʰī saṃlakṣayati - gaccʰāmi mahāsamudram \
Line of edition: 28    bʰāṇḍaṃ samudānīya tasmācca ratnānyānīya saṃgʰe pañcavārṣikaṃ kariṣyāmīti \
Line of edition: 29    evaṃ saṃcintya bʰāṇḍaṃ samudānīya grāmanigamapallīpattanarājadʰānīṣvanupūrveṇa cañcūryamāṇaḥ samudramanuprāptaḥ \
Line of edition: 30    gʰaṇṭāvagʰoṣaṇaṃ kr̥tvā sāmudreṇa yānapātreṇa mahāsamudramavatīrṇaḥ \
Line of edition: 31    asya tasmin mahāsamudre 'vatīrṇasya kṣemaṃkaraḥ samyakṣambuddʰaḥ sakalambuddʰakāryaṃ kr̥tvā nirupadʰiśeṣe nirvāṇadʰātau parinirvr̥taḥ \
Line of edition: 32    tasya parinirvr̥tasya vaśino bʰikṣavaḥ <150> parinirvr̥tāḥ \
Page of edition: 150 Line of edition: 1    saptāhaparinirvr̥tasya śāsanamantarhitam \
Line of edition: 1    sa ca śreṣṭʰī saṃsiddʰayānapātreṇa devatāmānuṣyaparigr̥hītena tasmānmahāsamudrāt tīrṇaḥ \
Line of edition: 2    uttīrya ca taṃ bʰāṇḍaṃ śakaṭairuṣṭrairgobʰirgardabʰaiśca cotkṣipya anupūrveṇa saṃprastʰitaḥ \
Line of edition: 3    sa ca pantʰānaṃ gaccʰan prātipatʰikān pr̥ccʰati - kiṃ bʰavanto jānīdʰvaṃ kṣemāvatyāṃ rājadʰānyāṃ pravr̥ttih? tairuktam - jānīmaḥ \
Line of edition: 4    sa katʰayati - asti kaścit kṣemāvatyāṃ rājadʰānyāṃ kṣemaṃkaro nāma samyakṣambuddʰah? te katʰayanti - parinirvr̥taḥ sa bʰagavān kṣemaṃkaraḥ samyakṣambuddʰaḥ \
Line of edition: 6    sa ca taccʰrutvā paraṃ kʰedamupagataḥ \
Line of edition: 6    saṃmūrcʰitaśca bʰūmau patitaḥ \
Line of edition: 7    tasmācca jalābʰiṣekeṇa pratyāgataprāṇo jīvita uttʰāya bʰūyaḥ pr̥ccʰati - kiṃ bʰavanto jānīdʰvaṃ śrāvakā api tāvattasya bʰagavatastiṣṭʰanti? tairuktaḥ - te 'pi vaśino bʰikṣavaḥ parinirvr̥tāḥ \
Line of edition: 9    saptāhaparinirvr̥tasya ca buddʰasya bʰagavataḥ kṣemaṃkarasya samyakṣambuddʰasya kṣemeṇa rājñā caityamalpeśākʰyaṃ pratiṣṭʰāpitam \
Line of edition: 10    tena ca gatvā śreṣṭʰinā janapadāḥ pr̥ṣṭāḥ \
Line of edition: 10    asti bʰavantastasya bʰagavato buddʰasya kiṃcit stūpaṃ pratiṣṭʰāpitam \
Line of edition: 11    tairuktam - asti, kṣemeṇa rājñā alpeśākʰyaṃ caityaṃ pratiṣṭʰapitam \
Line of edition: 12    tasya etadabʰavat - etaṃ mayā suvarṇaṃ kṣemaṃkaraṃ samyakṣambuddʰam uddiśyānītam \
Line of edition: 13    sa ca parinirvr̥taḥ \
Line of edition: 13    yannvahametenaiva suvarṇena tasyaiva bʰagavataścaityaṃ maheśākʰyataraṃ kārayeyam \
Line of edition: 14    evaṃ vicintya kṣemaṃ rājānaṃ vijñāpayati - mahārāja, idaṃ mayā suvarṇaṃ kṣemaṃkaraṃ samyakṣambuddʰamuddiśyānītam \
Line of edition: 15    sa ca bʰagavān parinirvr̥taḥ \
Line of edition: 15    idānīṃ mahārāja yadi tvamanujānīyāt, ahametenaiva suvarṇenaitat tasya bʰagavataścaityaṃ maheśākʰyataraṃ kārayeyam \
Line of edition: 16    sa rājñā abʰihitaḥ - yatʰābʰipretaṃ kuru \
Line of edition: 17    tato brāhmaṇā nagaraṃ prati nivāsinaḥ saṃbʰūya sarve tasya mahāśreṣṭʰinaḥ sakāśaṃ gatvā katʰayanti - bʰo mahāśreṣṭʰin, yadā kṣemaṃkaro buddʰo loke 'nutpanna āsīt, tadā vayaṃ lokasya dakṣiṇīyā āsan \
Line of edition: 19    yadā tūtpannaḥ, tadā dakṣiṇīyo jātaḥ \
Line of edition: 19    idānīṃ tu tasya parinirvr̥tasya vayameva dakṣiṇīyāḥ \
Line of edition: 20    etat suvarṇamasmākaṃ gamyam \
Line of edition: 20    sa teṣāṃ katʰayati - nāham yuṣmākametat suvarṇaṃ dāsyāmi \
Line of edition: 21    te katʰayanti - yadyasmākaṃ na dāsyasi, na vayaṃ tava kāmakāraṃ dāsyāmaḥ \
Line of edition: 22    te brāhmaṇā bahavaḥ, śreṣṭʰī cālpaparivāraḥ \
Line of edition: 22    teṣāṃ tatʰā vyutpadyatāṃ na lebʰe taccaityam yatʰepsitaṃ tena suvarṇena kārayitum \
Line of edition: 23    atʰa sa śreṣṭʰī rājñaḥ sakāśaṃ gatvā katʰayati - mahārāja, taccaityaṃ na labʰe brāhmaṇānāṃ sakāśādyatʰābʰipretaṃ kārayitum \
Line of edition: 24    yato 'sya rājñā svapuruṣo dattaḥ sahasrayodʰī \
Line of edition: 25    evaṃ ca rājñā svapuruṣa ājñaptaḥ - yadyasya mahāśreṣṭʰinaḥ stūpamabʰisaṃskurvataḥ kaścidapanayaṃ karoti, sa tvayā mahatā daṇḍena śāsayitavyaḥ \
Line of edition: 26    evaṃ deveti sahasrayodʰī puruṣo rājñaḥ pratiśrutya nirgataḥ \
Line of edition: 27    nirgamya ca tān brāhmaṇānevaṃ vadati - śr̥ṇvantu bʰavantaḥ, ahaṃ rājñāsya mahāśreṣṭʰinaḥ svapuruṣo dattaḥ - yadyasya stūpamabʰisaṃskurvataḥ kaścidvigʰātaṃ kuryāt, sa tvayā mahatā daṇḍena śāsayitavya iti \
Line of edition: 29    yadi yūyamatra kiṃcid vigʰnaṃ kariṣyatʰa, ahaṃ vo mahatā daṇḍenānuśāsayiṣyāmi \
Line of edition: 30    te brāhmaṇāḥ sahasrayodʰinaḥ puruṣasyaivaṃ śrutvā bʰītāḥ \
Line of edition: 30    yatastena mahāśreṣṭʰinā saṃcintya yatʰaitat suvarṇaṃ tatraiva garbʰasaṃstʰaṃ syāt tatʰā kartavyamiti tasya stūpasya sarvaireva caturbʰiḥ pārśvaiḥ pratikaṇṭʰukayā catvāri sopānāni ārabdʰāni kārayitum \
Line of edition: 32    yāvadanupūrveṇa <151> pratʰamā meḍʰī tato 'nupūrveṇa dvitīyā tatastr̥tīyā meḍʰī yāvadanupūrveṇāṇḍam \
Page of edition: 151 Line of edition: 1    tatʰāvidʰaṃ ca stūpasyāṇḍaṃ kr̥tam yatra sā yūpayaṣṭirabʰyantare pratipāditā \
Line of edition: 2    paścāt tasyātinavāṇḍasyopari harmikā kr̥tā \
Line of edition: 3    anupūrveṇa yaṣṭyāropaṇaṃ kr̥tam \
Line of edition: 3    varṣastʰāle mahāmaṇiratnāni tānyāropitāni \
Line of edition: 4    tatra ca kriyamāṇe sahasrayodʰinaḥ puruṣasyaivamutpannam - nātra kaścididānīṃ prahariṣyati \
Line of edition: 5    viśvastamanāḥ kenacitkāryeṇa janapadeṣu gataḥ \
Line of edition: 5    tena ca mahāśreṣṭʰinā tasya stūpasya caturbʰiḥ pārśvaiścatvāro dvārakoṣṭʰakā māpitāḥ, caturbʰiḥ pārśvaiścatvāri mahācaityāni kāritāni, tadyatʰā jātirabʰisambodʰirdʰarmacakrapravartanaṃ parinirvāṇam \
Line of edition: 7    tacca stūpāṅgaṇaṃ ratnaśilābʰiścitam \
Line of edition: 8    catvāraścopāṅgāścaturdiśaṃ māpitāḥ \
Line of edition: 8    puṣkariṇyaścaturdiśamanupārśvena māpitāḥ \
Line of edition: 8    tatra ca vividʰāni jalajāni mālyāni ropitāni tadyatʰā utpalaṃ padmaṃ kumudaṃ puṇḍarīkaṃ sugandʰikaṃ mr̥dugandʰikam \
Line of edition: 10    vividʰāni ca puṣkariṇītīreṣu stʰalajāni mālyāni ropitāni, tadyatʰā atimuktakaṃ campakapāṭalāvārṣikāmallikāsumanāyūtʰikā dʰātuṣkārī \
Line of edition: 12    sarvartukālikāḥ puṣpapʰalāḥ stūpapūjārtʰam \
Line of edition: 12    stʰāvarā vr̥ttiḥ prajñaptāḥ \
Line of edition: 12    stūpadāsā dattāḥ \
Line of edition: 13    śaṅkʰapaṭahavādyāni tūryāṇi dattāni \
Line of edition: 13    ye tasmiṃścaitye gandʰairdʰūpairmālyaiśca cūrṇaiḥ kārāḥ kurvanti \
Line of edition: 14    tasmāccādʰiṣṭʰānādviṣayāccāgamya janapadā gandʰairmālyairdʰūpaiścūrṇaistasmiṃścaitye kāraṃ kurvanti \
Line of edition: 14    yadi ca dakṣiṇo vāyurvāti, dakṣiṇena vāyunā sarvapuṣpajātīnāṃ gandʰena taccaityamaṅgaṇaṃ cāsya spʰuṭaṃ bʰavatyanubʰāvitam \
Line of edition: 16    evaṃ paścimena vāyunā, anupūrveṇāpi ca vāyunā \
Line of edition: 16    vāyatā vāyatā taccaityāṅgaṇaṃ ca tena vividʰena gandʰamālyena spʰuṭaṃ bʰavatyanubʰāvitam \
Line of edition: 17    tasmiṃśca stūpe sarvajātakr̥taniṣṭite sahasrayodʰī abʰyāgataḥ \
Line of edition: 18    sa taṃ stūpaṃ dr̥ṣṭvā sarvajātakr̥taniṣṭʰitaṃ katʰayati - asmiṃścaitye kārāṃ kr̥tvā kimavāpyate? yato 'sau śreṣṭʰī buddʰodāharaṇaṃ pravr̥ttaḥ kartum - evaṃ tribʰirasaṃkʰyeyairvīryeṇa vyāyamatā anuttarā bodʰiravāpyate \
Line of edition: 20    sa taṃ śrutvā viṣādamāpanno hīnotsāhatayā katʰayati - nāhaṃ śakṣyāmi anuttarāṃ samyakṣambodʰiṃ samudānayitum \
Line of edition: 21    tato 'sau śreṣṭʰī pratyekabuddʰodāharaṇaṃ pravr̥ttaḥ kartum - evaṃ sahasrayodʰī tasyāpi varṇodāharaṇaṃ śrutvā viṣaṇṇacetāḥ katʰayati - etāmapyahaṃ pratyekabodʰiṃ na śaktaḥ samudānayitum \
Line of edition: 23    tataḥ sa mahāśreṣṭʰī śrāvakavarṇodāharaṇaṃ kr̥tvā katʰayati - asminnapi tāvat praṇidʰatsva cittam \
Line of edition: 24    yataḥ sahasrayodʰyāha - tvayā punarmahāśreṣṭʰin katamasyāṃ bodʰau praṇidʰānaṃ kr̥tam? tena mahāśreṣṭʰinoktam - anuttarasyāṃ bodʰau cittamutpāditam \
Line of edition: 26    sahasrayodʰyāha - yadi tvayā anuttarasyāṃ bodʰau cittamutpāditam, ahaṃ tavaiva śrāvakaḥ syām \
Line of edition: 27    tvayāhaṃ samanvāhartavyaḥ \
Line of edition: 27    yato 'sya śreṣṭʰī āhabahukilbiṣakārī bata bʰavān \
Line of edition: 28    kiṃ tu loke yadā tvaṃ buddʰotpādaśabdaṃ śrutvā smr̥tiṃ pratilabʰetʰāḥ \
Line of edition: 29    sa ca śreṣṭʰī taṃ caityaṃ kr̥tvā nirīkṣya pādayor nipatya praṇidʰānaṃ karoti -

Line of edition: 30       anena dānena mahadgatena buddʰo bʰaveyaṃ sugataḥ svayambʰūḥ \
Line of edition: 32       tīrṇo 'haṃ tārayeyaṃ janaugʰānatāritā ye paurvakairjinendraiḥ \\ 1 \\

Page of edition: 152 Line of edition: 1    bʰagavānāha - yo 'sau atīte 'dʰvani śreṣṭʰī abʰūt, ahameva sa tasmin samaye bodʰisattvacaryāṃ vartāmi \
Line of edition: 2    yo 'sau sahasrayodʰī, eṣa eva dʰarmarucistena kālena tena samayena \
Line of edition: 3    idaṃ mama pratʰame 'saṃkʰyeye etasya dʰarmarucerdarśanam \
Line of edition: 3    tatsaṃdʰāya katʰayāmi - cirasya dʰarmaruce \
Line of edition: 4    yato dʰarmarucirājñāyāha - cirasya bʰagavan \\
Line of edition: 5    dvitīye dīpaṃkaro nāma samyakṣambuddʰo loka utpanno vidyācaraṇasamyakṣambuddʰaḥ sugato lokavidanuttaraḥ puruṣadamyasāratʰiḥ śāstā devānāṃ ca manuṣyāṇāṃ ca buddʰo bʰagavān \
Line of edition: 6    atʰa dīpamakaraḥ samyakṣambuddʰo janapadeṣu cārikāṃ caran dvīpāvatīṃ rājadʰānīmanuprāptaḥ \
Line of edition: 7    dvīpāvatyāṃ rājadʰānyāṃ dvīpo nāma rājā rājyaṃ kārayati r̥ddʰaṃ ca spʰītaṃ ca kṣemaṃ ca subʰikṣaṃ ca ākīrṇabahujanamanuṣyaṃ ca \
Line of edition: 9    tatra dīpena rājñā dīpaṃkaraḥ samyakṣambuddʰaḥ sābʰisaṃskāreṇa nagarapraveśenopanimantritaḥ \
Line of edition: 10    tasya ca dīpasya rājño vāsavo nāma sāmantarājo 'bʰūt \
Line of edition: 10    tena tasya dūto 'nupreṣitaḥ - āgaccʰa, iha mayā dīpaṃkaraḥ samyakṣambuddʰaḥ sābʰisaṃskāreṇa nagarapraveśenopanimantritaḥ \
Line of edition: 11    tasya pūjāṃ kariṣyāma iti \
Line of edition: 12    tadā ca vāsavena rājñā dvādaśavarṣāṇi yajñamiṣṭvā yajñāvasāne rājñā pañca mahāpradānāni vyavastʰāpitāni, tadyatʰā - sauvarṇakaṃ daṇḍakamaṇḍalu, sauvarṇā sapātrī, catūratnamayī śayyā, pañca kārṣāpaṇaśatāni, kanyā ca sarvālaṃkāravibʰūṣitā \
Line of edition: 14    tena kʰalu samayena anyeṣu janapadeṣu dvau māṇavakau prativasataḥ \
Line of edition: 15    tābʰyāṃ copadʰyāyasakāśādvedādʰyayanaṃ kr̥tam \
Line of edition: 16    dʰarmatā ācāryasyācāryadʰanamupādʰyāyasyopādʰyāyadʰanaṃ pradeyamiti jñātvā cintayataḥ \
Line of edition: 17    tābʰyāṃ ca śrutaṃ vāsavena rājñā pañca mahāpradānāni yajñāvasāne samudānītāni, yo brāhmaṇaḥ svādʰyāyasampanno bʰaviṣyati sa lapsyatīti \
Line of edition: 18    tayoretadabʰavat - gaccʰavastatra, taṃ pradānaṃ pratigr̥hṇīvaḥ \
Line of edition: 19    ko 'smākaṃ tatra bahuśrutatamo vā svādʰyāyatamo bʰaviṣyatīti saṃcintya yena vāsavasya rājño mahānagaraṃ tena saṃprastʰitau \
Line of edition: 20    tasya ca rājño devatayā ārocitam \
Line of edition: 20    yau etau dvau māṇavakau āgaccʰataḥ sumatiśca matiśca, anayordvayoḥ sumateretatpradānaṃ dada \
Line of edition: 21    yadevaṃ dvau māṇakakau āgaccʰataḥ sumitaśca matiśca, anayordvayoḥ sumateretatpradānaṃ dada \
Line of edition: 21    yadevaṃ mahārāja tvayā dvādaśa varṣāṇi yajña iṣṭaḥ, asmāt puṇyapʰalānmahattamapadasya sumatermāṇavakasya mahāpradānaṃ dāsyasi \
Line of edition: 23    sa rājā saṃlakṣayati - nūnametau mahātmānau yeṣāmāmartʰāya devatā apyārocayanti \
Line of edition: 24    yato 'sau rājā paśyati māṇavakau dūrata evāgaccʰantau agrasanamībʰiruhyavastʰitau \
Line of edition: 25    yato rājā vāsavastyau sumatiṃ māṇavaṃ pr̥ccʰati - bʰavān sumati? tenoktam - aham \
Line of edition: 28    yato rājā vāsavaḥ sumatiṃ māṇavamagrāsane bʰojayitvā pañca pradānāni prayaccʰati \
Line of edition: 29    sumatirmāṇavaścatvāri mahāpradānāni gr̥hṇāti daṇḍakamaṇḍaluprabʰr̥tīni, ekaṃ kanyāpradānaṃ na pratigr̥hṇāti \
Line of edition: 30    sa katʰayati - ahaṃ brahmacārī \
Line of edition: 30    yataḥ sā kanyā sumatiṃ māṇavaṃ prāsādikamabʰirūpaṃ dr̥ṣṭvā lubdʰā snehotpannā, taṃ sumatiṃ māṇavamevamāha - pratigr̥hṇa māṃ brāhmaṇa \
Line of edition: 32    sa katʰayati - na śakyaṃ pratigr̥hītum \
Line of edition: 32    yataḥ sā kanyā rājñā pradānabuddʰyā parityaktā <153> na punargr̥hītā, sumatināpi māṇavenāpratigr̥hyamāṇā rājño dīpasya dīpāvatīṃ nagarīṃ gatā \
Page of edition: 153 Line of edition: 2    sā tatra gatvā tadātmīyamalaṃkāraṃ śarīrādavatārya mālākārāyānuprayaccʰati - asyālaṃkārasya mūlyaṃ me pratidivasaṃ devasyārtʰe nīlotpalāni dadasva \
Line of edition: 3    sā tenopakrameṇa tadalaṃkārikaṃ suvarṇaṃ datvā devaśuśraūṣikā saṃvr̥ttā \
Line of edition: 4    sa ca māṇavakaḥ sumatistāni catvāri mahāpradānāni gr̥hya upādʰyāyasakāśaṃ gataḥ \
Line of edition: 5    gatvā copādʰyāyāya tāni catvāri mahāpradānānyanuprayaccʰati \
Line of edition: 6    tebʰyaścopādʰyāyastrīṇi pratigr̥hṇāti, kārṣāpaṇānāṃ tu pañca śatāni tasyaiva sumaterdadāti \
Line of edition: 6    sa ca sumatistasyāmeva rātrau daśa svapnānadrākṣīt - mahāsamudraṃ pibāmi, vaihāyasena gaccʰāmi, imau candrādityau evaṃmaharddʰikau evaṃmahānubʰāvau pāṇinā āmārṣṭi parimārṣṭi, rājño ratʰe yojayāmi r̥ṣīn, śvetān hastinaḥ, haṃsān, siṃhān, mahāśailaṃ parvatāniti \
Line of edition: 9    sa tān dr̥ṣṭvā pratibuddʰaḥ \
Line of edition: 10    pratibuddʰasyaitadabʰavat - ka eṣāṃ svapnānāṃ mama vyākaraṇaṃ kariṣyati? tatra pañcābʰijña r̥ṣir nātidūre prativasati \
Line of edition: 11    atʰa sumatirmāṇavaḥ saṃśayanirṇayanārtʰam r̥ṣeḥ sakāśaṃ gataḥ \
Line of edition: 12    sumatistasya r̥ṣeḥ pratisaṃmodanaṃ kr̥tvā svapnānākʰyāyāha - kuruṣva me eṣāṃ svapnānāṃ nirṇayam \
Line of edition: 13    sa r̥ṣirāha - nāhameṣāṃ svapnānāṃ vyākaraṇaṃ kariṣyāmi \
Line of edition: 13    gaccʰa dīpāvatīṃ rājadʰānīm \
Line of edition: 13    tatra dīpena rājñā dīpaṃkaro nāma samyakṣambuddʰaḥ sābʰisaṃskāreṇa nagarapraveśenopanimantritaḥ \
Line of edition: 14    sa eṣāṃ svapnānāṃ vyākaraṇaṃ kariṣyati \
Line of edition: 15    atʰa vāsavo rājā tasya dīpasya rājñaḥ pratiśrutya aśītyamātyasahasraparivr̥to dīpāvatīṃ rājadʰānīmanuprāptaḥ \
Line of edition: 16    tena ca dīpena rājñā saptamāddivasāddīpaṃkarasya samyakṣambuddʰasya sābʰisaṃskāreṇa nagarapraveśaṃ kariṣyāmīti sarvaviṣayādʰiṣṭʰānāñca sarvapuṣpāṇāṃ saṃgrahaṃ kartumārabdʰaḥ \
Line of edition: 18    tatra ca yasmin divase rājñā dīpena tasya dīpaṃkarasya samyakṣambuddʰasya sābʰisaṃskāreṇa nagarapraveśa ārabdʰaḥ kartum, tasminneva divase sumatirapi tatraivāgataḥ \
Line of edition: 20    tatra rājñā sarvapuṣpāṇāṃ saṃgrahaḥ kāritaḥ \
Line of edition: 20    sā ca devopastʰāyikā dārikā mālākārasakāśaṃ gatā - prayaccʰa me nīlotpalāni, devārcanaṃ kariṣyāmīti \
Line of edition: 22    mālākāra āha - adya rājñā sarvapuṣpāṇi gr̥hītāni dīpaṃkaranagarapraveśasyārtʰe \
Line of edition: 22    sā katʰayati - gaccʰata, punarapi tatra puṣkiriṇyām yadi matpuṇyair nīlotpalapadmamanuddʰr̥tamāsādyeta \
Line of edition: 23    tatra puṣkiriṇyāṃ sumateḥ puṇyānubʰāvāt sapta nīlapadmāni prādurbʰūtāni \
Line of edition: 24    yataḥ sa mālākāro gataḥ, sa tāni paśyati \
Line of edition: 25    dr̥ṣṭvā ca dārikayā mālākārasyoktam - uddʰaraitāni padmāni \
Line of edition: 25    mālākāraḥ katʰayati - nāhamuddʰariṣyāmi \
Line of edition: 26    rājakulānmamopālambʰo bʰaviṣyati \
Line of edition: 26    yataḥ sā katʰayati - na \
Line of edition: 27    tvayā sarvapuṣpāṇyuddʰr̥tya rājñaḥ pūrvaṃ dattānyeva \
Line of edition: 27    mālākāra āha - datāni \
Line of edition: 27    yataḥ sā dārikā katʰayati - madīyaiḥ puṇyairetāni prādurbʰūtāni, prayaccʰoddʰr̥tāni mama \
Line of edition: 28    mālākāraḥ katʰayati - katʰametāni praveśakāni bʰaviṣyantyasaṃviditaṃ rājakulasya? dārikā āha - uddʰaratu bʰavān \
Line of edition: 30    ahamudakakumbʰe prakṣiptaṃ praveśayiṣyāmi \
Line of edition: 30    tena mālākāreṇaivaṃ śrutvā tasyā dārikayāstānyuddʰr̥tya anupradattāni \
Line of edition: 31    sā tāni gr̥hītvā udakakumbʰe prakṣipya tatkumbʰamudakasya pūrayitvā adʰiṣṭʰānaṃ gatā prastʰitā \
Line of edition: 32    sa ca sumatistatstʰānamanusamprāptaḥ \
Line of edition: 32    tasyaitadabʰavat - katʰamahaṃ buddʰaṃ bʰagavantam <154> dr̥ṣṭvā na pūjayāmi? sa mālākāragr̥hāṇyanvāhiṇḍati sarvapuṣpānveṣaṇaparaḥ, na ca kiṃcidekapuṣpamāsādayati \
Page of edition: 154 Line of edition: 2    paścādbāhyenādʰiṣṭʰānānnirgamya ārāmeṇārāmaṃ puṣpāṇi paryeṣamāṇaḥ paryaṭati, na caikapuṣpamāsādayati \
Line of edition: 3    atʰa paryaṭamānastadudyānaṃ saṃprāptaḥ \
Line of edition: 3    sā ca dārikā tasmādudyānāt tasya sumatermāṇavasyābʰimukʰamāgatā \
Line of edition: 4    yataḥ puṇyānubʰāvena tāni nīlapadmāni tasmādudakakumbʰādabʰyudgatāni \
Line of edition: 5    yatastāni sumatirdr̥ṣṭvā tasyā dārikāyāḥ katʰayati - prayaccʰa mamaitāni padmāni \
Line of edition: 6    matsakāśādeṣāṃ niṣkrayaṃ pañcakārṣāpaṇaśataṃ gr̥hāṇa \
Line of edition: 6    sā dārikā tasya sumateḥ katʰayati - tadā neccʰasi māṃ pratigr̥hītum \
Line of edition: 7    idānīṃ māṃ padmāni yācase \
Line of edition: 7    nāhaṃ dāsyāmi \
Line of edition: 8    evamuktvā taṃ sumatiṃ māṇavamuvāca - kimebʰiḥ kariṣyasi? sumatirāha - buddʰaṃ bʰagavantamarcayiṣyāmi \
Line of edition: 9    paścāddārikā katʰayati - kiṃ mama kārṣāpaṇaiḥ kr̥tyam? evamahaṃ buddʰāya dāsye, yadi tvameṣāṃ padmānāṃ pradānapʰalena mamāpi jātyāṃ jātyāṃ patnīmiccʰasi, asya dānasya pradānakāle yadyevaṃ praṇidʰānaṃ karoṣi - jātyāṃ jātyāṃ mama bʰāryā syāditi \
Line of edition: 11    sumatirāha - vayaṃ dānābʰiratāḥ svagarbʰarūpaparityāgaṃ svamāṃsaparityāgaṃ ca kurmaḥ \
Line of edition: 12    tataḥ sā dārikā sumateḥ katʰayati - tvamevaṃ praṇidʰānaṃ kuru, paścādyenābʰyartʰīyase, tasya māmanuprayaccʰetʰāḥ \
Line of edition: 13    evamukte tayā dārikayā tasya sumateḥ pañca padmānyanupradattāni, ātmanā dve gr̥hīte \
Line of edition: 14    gātʰāṃ ca bʰāṣate -

Line of edition: 15       praṇidʰām yatra kuryāstvaṃ buddʰamāsādya nāyakam \
Line of edition: 16       tatra te 'haṃ bʰavet patnī nityaṃ sahadʰarmacāriṇī \\ 2 \\

Line of edition: 17    tena rājñā tatra sarvamapagatapāṣāṇaśarkarakapālaṃ kāritamuccʰritadʰvajapatākātoraṇamāmuktapaṭṭadāmaṃ gandʰodakacūrṇapariṣiktam \
Line of edition: 18    nagaradvārādārabʰya yāvacca vihāro yāvacca nagarametadantaramapagatapāṣāṇaśarkarakapālaṃ kāritamuccʰritadʰvajapatākatoraṇamāmuktapaṭṭadāma gandʰodakacūrṇapariṣiktam \
Line of edition: 20    sa ca rājā śataśalākaṃ cʰatraṃ gr̥hītvā dīpaṃkarasya samyakṣambuddʰasya pratyudgataḥ \
Line of edition: 21    evamevāmātyāḥ \
Line of edition: 21    evameva vāsavo rājā amātyaiḥ saha pratyudgataḥ \
Line of edition: 21    dīpo rājā bʰagavato buddʰasya pādayor nipatya vijñāpayati - bʰagavan, adʰiṣṭʰānaṃ praviśa \
Line of edition: 22    yataḥ sa bʰagavān bʰikṣusaṃgʰapuraskr̥to 'dʰiṣṭʰānapraveśābʰimukʰaḥ saṃprastʰitaḥ \
Line of edition: 23    sa ca rājā dīpaḥ śataśalākaṃ cʰatraṃ dīpaṃkarasya samyakṣambuddʰasya dʰārayati \
Line of edition: 24    tatʰaivāmātyāḥ, vāsavo rājā amātyasahāyaḥ \
Line of edition: 24    bʰagavatā r̥ddʰyā tatʰā adʰiṣṭʰitam yatʰā ekaikaḥ saṃlakṣayati - ahaṃ bʰagavataścʰatraṃ dʰārayāmīti \
Line of edition: 25    atʰa bʰagavāṃstatʰāvidʰayā śobʰayā janamadʰyamanuprāptaḥ \
Line of edition: 26    tatra bʰagavatā sābʰisaṃskāra indrakīle pādo vyavastʰāpitaḥ \
Line of edition: 27    yadaiva bʰagavatā indrakīle pādo vyavatʰāpitaḥ, tadaiva samanantarakālaṃ pr̥tʰivī ṣaḍvikāraṃ prakampitā - calitā pracalitā saṃpracalitā, vedʰitā pravedʰitā saṃpravetʰitā \
Line of edition: 28    dʰarmatā ca buddʰānāṃ bʰagavatām yadendrakīle sābʰisaṃskāreṇa pādau vyavastʰāpayanti, citrāṇyāścaryaṇyadbʰutadʰarmāḥ prādurbʰavanti - unmattāḥ svacittaṃ pratilabʰante, andʰāścakṣūṃṣi pratilabʰante, badʰirāḥ śrotraśravaṇasamartʰā bʰavanti, mūkāḥ pravyāharaṇasamartʰā bʰavanti, paṅgavo gamanasamartʰā bʰavanti, mūḍʰā garbʰiṇīnāṃ strīṇāṃ garbʰā anulomībʰavanti, hiḍinigaḍabaddʰānāṃ ca sattvānāṃ bandʰanāni <155> śitʰilībʰavanti, janmajanmavairānubaddʰāstadanantaraṃ maitracittatāṃ pratilabʰante, vatsā dāmāni ccʰittvā mātr̥bʰiḥ saṃgaccʰanti, krośanti, aśvā hreṣante, r̥ṣabʰā garjanti, śukasārikākokilajīvaṃjīvakā madʰuraṃ nikūjanti, aneritāni vāditrabʰāṇḍāni madʰuraśabdān niścārayanti, peḍākr̥tā alaṃkārā madʰuraśabdānniścaranti, unnatāḥ pr̥tʰivīpradeśā avanamanti, avanatāśconnamanti, apagatapāṣāṇaśarkarakapālāstiṣṭʰanti, antarikṣāddevatā divyānyutpalāni kṣipanti, padmāni kumudāni puṇḍarīkānyagurucūrṇāni candanacūrṇāni tagaracūrṇāni tamālapatrāṇi divyāni mandāravāṇi puṣpāṇi kṣipanti, pūrvo digbʰāga unnamati paścimo 'vanamati, paścima unnamati pūrvo 'vanamati, dikṣiṇa unnamatyuttaro 'vanamati, uttara unnamati dakṣiṇo 'vanamati, madʰya unnamatyanto 'vanamati, anta unnamati madʰyo 'vanamati \
Page of edition: 155 Line of edition: 9    tatra ca dīpāvatyāṃ rājadʰānyāmanekāni prāṇiśatasahasrāṇi puṣpairdʰūpairgandʰaiśca kārāṃ kurvanti \
Line of edition: 10    te 'pi ca sumatiśca dārikā ca yena dīpaṃkaraḥ samyakṣambuddʰastenānugaccʰanti padmāni gr̥hya \
Line of edition: 11    te ca tatra mahājanakāyena pūjārtʰaṃ saṃparivr̥tasya bʰagavata upaśleṣaṃ na labʰante \
Line of edition: 12    bʰagavān saṃlakṣayati - bahutaraṃ sumatirmāṇavo 'smānmahājanakāyāt puṇyaprasavaṃ kariṣyati iti \
Line of edition: 13    matvā mahatīṃ tumulāṃ vātavr̥ṣṭimabʰinirmiṇoti \
Line of edition: 14    yatastena janakāyenāvakāśo dattaḥ \
Line of edition: 14    labdʰāvakāśaśca sumatirmāṇavo bʰagavantamasecanakadarśanaṃ dr̥ṣṭvā atīva prasādajātaḥ \
Line of edition: 15    prasādajātena ca tāni pañca padmāni bʰagavataḥ kṣiptāni \
Line of edition: 16    tāni ca bʰagavatā dīpaṃkareṇa samyakṣambuddʰena tatʰā adʰiṣṭʰitāni, yatʰā śakaṭīcakramātrāṇi vitānaṃ buddʰvā vyavastʰitāni \
Line of edition: 17    gaccʰato 'nugaccʰanti, tiṣṭʰato 'nutiṣṭʰanti \
Line of edition: 18    tatʰā dr̥ṣṭvā tayā dārikayā prasādajātayā dvau padmau bʰagavataḥ kṣiptau \
Line of edition: 18    tau cāpi bʰagavatā tatʰā adʰiṣṭʰitau yatʰā śakaṭīcakramātrau karṇasamīpe vitānaṃ baddʰvā vyavastʰitau \
Line of edition: 19    tatra ca pradeśe tumulena vātavarṣeṇa kardamo jātaḥ \
Line of edition: 20    paścāt sumatirmāṇavo buddʰaṃ bʰagavantaṃ sakardamaṃ pr̥tʰivīpradeśamupagataḥ \
Line of edition: 21    tasmin sakardame pr̥tʰivīpradeśe jātaṃ saṃtīrya bʰagavato bʰagavataḥ purato gātʰāṃ bʰāṣate -

Line of edition: 22       yadi buddʰo bʰaviṣyāmi bodʰāya buddʰavodʰana \
Line of edition: 23       ākramiṣyasi me padbʰyāṃ jaṭāṃ janmajarāntakām \\ 3 \\

Line of edition: 24    tatastena dīpaṃkareṇa samyakṣambuddʰena samyakṣambuddʰena tasya sumatermāṇavasya jaṭāsu pādau vyavastʰāpitau \
Line of edition: 25    tasya ca sumateḥ pr̥ṣṭʰato 'nubuddʰa eva matirmāṇavastiṣṭʰati \
Line of edition: 25    tena kupitenābʰihitaṃ bʰagavato dīpaṃkarasya - paśya tāvadbʰoḥ, anena dīpaṃkareṇa samyakṣambuddʰenāsya sumatermāṇavasya tiraścām yatʰā padbʰyāṃ jaṭā avaṣṭabdʰāḥ \

Line of edition: 27       paścāt dīpaṃkareṇa samyakṣambuddʰena sumatirmāṇavo vyākr̥taḥ - bʰaviṣyasi tvaṃ nr̥bʰavādvimukto mukto vimurlokahitāya śāstā \
Line of edition: 30       śākyātmajaḥ śākyamunīti nāṃnā trilokasāro jagataḥ pradīpaḥ \\ 4 \\

Page of edition: 156 Line of edition: 1    yadā ca sa sumatirmāṇavo dīpaṃkareṇa samyakṣambuddʰena vyākr̥taḥ, tatsamakālameva vaihāyasaṃ saptatālānabʰyudgataḥ \
Line of edition: 2    tāścāsya jaṭāḥ śīrṇāḥ, anyāḥ praviśiṣṭatarā jaṭāḥ prādurbʰūtāḥ \
Line of edition: 3    sa vaihāyasastʰo mahatā janakāyena dr̥ṣṭaḥ \
Line of edition: 3    dr̥ṣṭvā ca praṇidʰānaṃ kr̥tam - yadā anenānuttarajñānamadʰigataṃ tadāsya vayaṃ śrāvakā bʰavema \
Line of edition: 4    sāpi ca dārikā praṇidʰānaṃ karoti -

Line of edition: 5       praṇidʰānam yatra kuryāstvaṃ buddʰamāsādya nāyakam \
Line of edition: 6       tatra te 'haṃ bʰavetpatnī nityaṃ sahadʰarmacāriṇī \\ 5 \\

Line of edition: 7       yadā bʰavasi saṃbuddʰo loke jyeṣṭʰavināyakaḥ \
Line of edition: 8       śrāvikā te bʰaviṣyāmi tasmin kāla upastʰite \\ 6 \\

Line of edition: 9       kʰagastʰaṃ māṇavaṃ dr̥ṣṭvā sahasrāṇi śatāni ca \
Line of edition: 10       śrāvakatvaṃ prārtʰayante sarve tatra hyanāgate \\ 7 \\

Line of edition: 11       yadā bʰavasi saṃbuddʰo loke jyeṣṭʰavināyakaḥ \
Line of edition: 12       śrāvakāste bʰaviṣyāmastasmin kāle hyupastʰite \\ 8 \\

Line of edition: 13    yadā ca sumatirmāṇavo dīpaṃkareṇa samyakṣambuddʰena vyākr̥taḥ, tadāsya dīpena rājñā jaṭā gr̥hītāḥ \
Line of edition: 14    vāsavo rājā katʰayati - mamaitā jaṭā anuprayaccʰa \
Line of edition: 14    tatastasya dīpena rājñā anupradattāḥ \
Line of edition: 15    tena gr̥hītvā gaṇitāḥ aśītirvālasahasrāṇi \
Line of edition: 15    tasya rājño 'mātyāḥ katʰayanti - deva, asmākamekaikaṃ vālamanuprayaccʰa \
Line of edition: 16    vayameṣāṃ caityāni kariṣyāmaḥ \
Line of edition: 16    tena rājñā teṣāṃ bʰr̥tyānāmekaiko vālo dattaḥ \
Line of edition: 17    tairamātyaiḥ svake vijite gatvā caityāni pratiṣṭʰāpitāni \
Line of edition: 17    yadā sumatirmāṇavo 'nuttarāyāṃ samyakṣambuddʰau vyākr̥taḥ, tadā dīpena rājñā vāsavena ca rājñā tairanekaiśca naigamajānapadaiḥ sarvopakaraṇaiḥ pravārito 'nāgataguṇāvekṣatayā \
Line of edition: 19    tataḥ sa matirmāṇava ucyate - ahamanuttarasyāṃ samyakṣambodʰau vyākr̥taḥ - tvayā kutra cittamutpāditam? sa katʰayati - kṣato 'haṃ sumate māṇava \
Line of edition: 21    sa katʰayati - katʰaṃ kr̥tvā kṣato 'si? tataḥ sa katʰayati - yadā tava dīpaṃkareṇa samyakṣambuddʰena padbʰyāṃ jaṭā avaṣṭabdʰāḥ, tadā kupitena vāg niścāritā - dīpaṃkareṇa samyakṣambuddʰena śrotriyasya jaṭā tiraścām yatʰā padbʰyāmavaṣṭabdʰāḥ \
Line of edition: 23    yatastasya sumatiḥ katʰayati - āgaccʰasva, buddʰasya bʰagavato 'ntike pravrajāvaḥ \
Line of edition: 24    tatastau sumatirmatiśca dīpaṃkarasya samyakṣambuddʰasya pravacane pravrajitau \
Line of edition: 25    sumatinā ca pravrajya trīpi piṭakānyadʰītāni, dʰarmeṇa parṣat saṃgr̥hītā \
Line of edition: 26    sa ca sumatirmāṇavaścyutaḥ kālagatastuṣite devanikāye upapannaḥ \
Line of edition: 26    matirmāṇavaścyutaḥ kālagato narakeṣūpapannaḥ \\
Line of edition: 28    bʰagavānāha - yo 'sau vāsavo rājābʰūt tena kālena tena samayena, sa rājā bimbisāraḥ \
Line of edition: 29    yāni tānyaśītiramātyasahasrāṇi tena kālena tena samayena, tānyetarhyaśītirdevatāsahasrāṇi \
Line of edition: 30    yo 'sau dīpāvatīyako janakāyaḥ, yāsau dārikā, eṣaiva sā yaśodʰarā \
Line of edition: 30    yo 'sau sumatiḥ, ahameva tasmin samaye bodʰisattvacaryāyāṃ vartāmi \
Line of edition: 31    yo 'sau matiḥ, eṣa eva sa dʰarmaruciḥ \
Page of edition: 157 Line of edition: 1    etaddvitīye 'saṃkʰyeye asya ca dʰarmarucermama ca darśanam yadahaṃ saṃdʰāya katʰayāmi - cirasya dʰarmaruce, sucirassya dʰarmaruce \\
Line of edition: 3    tasmādapyārvāk tr̥tīye 'saṃkʰyeye krakuccʰando nāma samyakṣambuddʰo loka utpanno vidyācaraṇasampannaḥ sugato lokavidanuttaraḥ puruṣadamyasāratʰiḥ śāstā devamanuṣyāṇāṃ buddʰo bʰagavān \
Line of edition: 5    tasyāṃ ca rājadʰānyāmanyataro mahāśreṣṭʰī prativasati \
Line of edition: 5    tena ca sadr̥śāt kulāt kalatramānītam \
Line of edition: 6    sa ca kalatrasahāyaḥ krīḍati ramate paricārayati \
Line of edition: 6    tasya krīḍato ramamāṇasya paricārayataḥ putro jātaḥ \
Line of edition: 7    sa ca gr̥hapatiḥ śrāddʰaḥ \
Line of edition: 7    tasya cārhan bʰikṣuḥ kulāvavādako 'sti \
Line of edition: 7    sa ca gr̥hapatistāṃ patnīmevamāha - jāto 'smākam r̥ṇadʰaro dʰanaharaḥ \
Line of edition: 8    gaccʰāmyahamidānīṃ bʰadre vaṇigdʰarmāṇāṃ deśāntaraṃ bʰāṇḍamādāya \
Line of edition: 9    sa ca vaṇiglokenāvr̥to dūrataraṃ gato bʰāṇḍamādāya \
Line of edition: 9    yato 'sya na bʰūyaściramapyāgaccʰati \
Line of edition: 10    sa ca dārakaḥ kālāntareṇa mahān saṃvr̥tto 'bʰirūpo darśanīyaḥ prāsādikaḥ \
Line of edition: 11    tato 'sau mātaraṃ pr̥ccʰati - amba, kimasmākaṃ kulārtʰāgataṃ karma? sā katʰayati - vatsa, pitā tava āpaṇaṃ vāhayannāsīt \
Line of edition: 12    tataḥ sa dāraka āpaṇamārabdʰo vāhayitum \
Line of edition: 12    sā ca mātā asya kleśairbādʰyamānā cintayituṃ pravr̥ttā - ka upāyaḥ syāt yadahaṃ kleśān vinodayeyam, na ca me kaścijjānīyāt? tayā saṃcintyaivamadʰyavasitam - evameva putrakāmahetostatʰā paricarāmi, yatʰā anenaiva me sārdʰaṃ rogavinodakaṃ bʰavati, naiva svajanasya śaṅkā bʰaviṣyati \
Line of edition: 16    tatastayā vr̥ddʰayuvatī āhūya bʰojayitvā dvis triḥ paścānnavena paṭenāccʰāditā \
Line of edition: 16    tasyāḥ sā vr̥ddʰā katʰayati - kena kāryeṇaiva mamānuprasādādinā upakrameṇānupravr̥ttiṃ karoṣi? sā tasyā vr̥ddʰāyā viśvastā bʰūtvā evamāha - amba, śr̥ṇu vijñāpyam \
Line of edition: 18    kleśairatīva bādʰye, priyatāṃ mamotpādya manuṣyānveṣaṇaṃ kuru, yo 'bʰyantara eva syānna ca śaṅkanīyo janasya \
Line of edition: 19    vr̥ddʰā katʰayati - neha gr̥he tatʰāvidʰo manuṣyaḥ saṃvidyate, nāpi praṇayavān kaścit praviśati, yo janasyāśaṅkanīyo bʰavet \
Line of edition: 21    katamaḥ sa manuṣyo bʰaviṣyati yasyāhaṃ vakṣyāmi? tataḥ sā vaṇikpatnī tasyā vr̥ddʰāyāḥ katʰayati - yadyanyo manuṣya evaṃvidʰopakramayukto nāsti, eṣa eva me putro bʰavati, naiṣa lokasya śaṅkanīyo bʰaviṣyati \
Line of edition: 23    tasyāstayā vr̥ddʰayā abʰihitam - katʰaṃ nu putreṇa sārdʰaṃ ratikrīḍāṃ gamiṣyasi? yuktaṃ syādanyena manuṣyeṇa sārdʰaṃ ratikrīḍāmanubʰavitum \
Line of edition: 24    tataḥ sā vaṇikpatnī katʰayati - yadyanyo 'bʰyantaro manuṣyo na saṃvidyate, bʰavatu eṣa eva me putraḥ \
Line of edition: 25    tayā vr̥ddʰayā abʰihitam - yatʰepsitaṃ kuru \
Line of edition: 26    tataḥ sā vr̥ddʰayuvatī tasya vaṇijaḥ putrasyaivāgamya pr̥ccʰati - vatsa, taruṇo 'si rūpavāṃśca \
Line of edition: 27    kiṃ pratiṣṭʰito 'syārtʰena? tena tasyā abʰihitam - kimetat? tataḥ sā vr̥ddʰā katʰayati - bʰavānevamabʰirūpaśca yuvā ca asmin vayasi taruṇayuvatyā sārdʰaṃ śobʰetʰāḥ krīḍan raman paricārayan \ kimeva kāmabʰogaparihīnastiṣṭʰasi? vaṇigdārakastaṃ śrutvā lajjāvyapatrāpyasamlīnacetāstasyā vr̥ddʰāyāstadvacanaṃ nādʰivāsayati \
Line of edition: 30    tataḥ sā vr̥ddʰā evaṃ dvirapi trirapi tasya dārakasya katʰayati - taruṇayuvatistavārtʰe kleśairbādʰyate \
Line of edition: 31    sa vaṇigdārako dvirapi trirapyucyamānastasyā vr̥ddʰāyāḥ katʰayati - amba, kiṃ tasyāstaruṇayuvatyāḥ saṃnimitte kiṃcidabʰihitam? tataḥ <158> sā vr̥ddʰā katʰayati - uktaṃ tasyā mayā tannimittam \
Page of edition: 158 Line of edition: 1    tayā mama nimitte na pratijñātam \
Line of edition: 1    sā ca dārikā hīvyapatrāpyagr̥hītā na kiṃcidvakṣyati \
Line of edition: 2    na ca śarīramāvr̥taṃ kariṣyati \
Line of edition: 2    na tvayā tasyā vā anveṣaṇe yatnaḥ karaṇīyaḥ \
Line of edition: 3    tatastena vaṇigdārakeṇa tasyā vr̥ddʰāyā abʰihitam - kutrāsmākaṃ saṃgataṃ bʰaviṣyati? tayā abʰihitam - madīye gr̥he \
Line of edition: 4    tenoktam - kutrāvakāśe tava gr̥ham? tato 'sya tayā vr̥ddʰayā gr̥haṃ vyapadiṣṭam \
Line of edition: 5    sā ca vr̥ddʰā tasyā vaṇikpatnyāḥ sakāśaṃ gatvā katʰayati - iccʰāpitaḥ sa vo 'yaṃ dārakaḥ \
Line of edition: 6    sā katʰayati - kutrāvakāśe saṃgataṃ bʰaviṣyati? madīye gr̥he \
Line of edition: 7    sa ca dārakaḥ kāryāṇi kr̥tvā gataḥ \
Line of edition: 7    anupūrveṇa bʰuktvā tasyā mātuḥ katʰayati - gaccʰāmyaham \
Line of edition: 8    vayasyagr̥he svapsye \
Line of edition: 8    tato 'sya mātrāpyanujñātam - gaccʰa \
Line of edition: 8    sa dārako labdʰānujñastasyā vr̥ddʰāyā gr̥haṃ gataḥ \
Line of edition: 9    tasya dārakasya tasmin gr̥he gatasya ratikrīḍākālamāgamayamānasya tiṣṭʰato niśikālamapratyabʰijñātam \
Line of edition: 10    rūpe kāle sā mātā asya vaṇigdārakasya tasminneva gr̥he ratikrīḍāmanubʰavanārtʰaṃ tatraiva gatā \
Line of edition: 11    gatvā ca tasmin gr̥he vikālamavyaktiṃ vibʰāvyamāne rūpākr̥tau nirgūḍʰenopacārakrameṇa ratikrīḍāṃ putreṇa sārdʰamanubʰavituṃ pravr̥ttā pāpakenāsaddʰarmeṇa \
Line of edition: 13    sā ca parikṣīṇāyāṃ rātrau anubʰūtaratikrīḍā satamondʰakāre kālāyāmeva rajanyāmavibʰāvyamānarūpākr̥tau svagr̥haṃ gaccʰati \
Line of edition: 14    sa cāpi vaṇigdārako ratikrīḍāmanubʰūya prabʰātāyāṃ rajanyāṃ bʰāṇḍāvāriṃ gatvā kuṭumbakāryāṇi karoti \
Line of edition: 15    evaṃ dvirapi trirapi \
Line of edition: 15    tatra vr̥ddʰāyā gr̥he ratikrīḍāmanubʰavaṃśca cirakālamevaṃ vartamānena ratikrīḍākrameṇa tasya dārakasya sā mātā cintayituṃ pravr̥ttā - kiyatkālamabyadgr̥hamahamevamavibʰāvyamānarūpā ratikrīḍāmanubʰaviṣyāmi? yannvahamasyaitat ratikrīḍākramaṃ tatʰāvidʰaṃ krameṇa saṃvedayeyam, yatʰā ihaiva gr̥he ratikrīḍā bʰavet \
Line of edition: 19    iti saṃcintya tatraiva vr̥ddʰāgr̥he gatvā ratikrīḍāṃ putreṇa sārdʰamanubʰūya rajanyāḥ kṣaye satamondʰakārakāle tasya dārakasyoparimaṃ prāvaraṇaṃ nivasyātmanīyāṃ ca śirottarapaṭṭikāṃ tyaktvā svagr̥haṃ gatā \
Line of edition: 21    sa ca dārakaḥ prabʰāakāle tāṃ paṭṭikāṃ śirasi mañcasyāvatiṣṭʰantīṃ saṃpaśyati \
Line of edition: 22    ātmīyāmevopariprāvaraṇapotrīmalabʰamānastatraiva tāṃ paṭṭikāṃ saṃlakṣya tyaktvā bʰāṇḍāvārīṃ gatvā yugalamanyaṃ prāvr̥tya svagr̥haṃ gataḥ \
Line of edition: 23    tatra ca gataḥ saṃpaśyati tamevātmīyaṃ pravaraṇaṃ tasyā mātuḥ śirasi prāvr̥tam \
Line of edition: 24    dr̥ṣṭvā ca tāṃ mātaraṃ pr̥ccʰati - amba, kuto 'yaṃ śirasi prāvaraṇo 'bʰyāgatah? yatastayā abʰihitam - adyāpyahaṃ tavāmbā? evaṃ cirakālaṃ tava mayā sārdʰaṃ kāmān paribʰuñjato 'dyāpyahaṃ tava saivāmbā? yataḥ sa vaṇigdārakastatʰāvidʰaṃ mātr̥vacanamupaśrutya saṃmūḍʰo vihvalacetā bʰūmau nipatitaḥ \
Line of edition: 27    tatastayā sa mātrā gʰaṭajalapariṣekeṇāvasiktaḥ \
Line of edition: 27    sa jalapariṣekāvasikto dārakaścireṇa kālena pratyāgataprāṇastayā mātrā samāśvāsyate - kimevaṃ kʰedamupāgatastvam? asmadīyaṃ vacanamupaśrutya dʰīramanā bʰavasva \
Line of edition: 29    na te viṣādaḥ karaṇīyaḥ \
Line of edition: 29    sa dārakastasyāḥ katʰayati - katʰamahaṃ kʰedaṃ na kariṣyāmi saṃmohaṃ vā, yena mayā evaṃvidʰaṃ pāpakaṃ karma kr̥tam? tataḥ sa tayābʰihitaḥ - na te manaḥśūkaṃsdminnartʰe utpādayitavyam \
Line of edition: 31    pantʰāsamo mātr̥grāmaḥ \
Line of edition: 31    yenaivaṃ hi yatʰā pitā gaccʰati, putro 'pi tenaiva gaccʰati \
Line of edition: 32    na cāsau pantʰā putrasyānugaccʰato doṣakārako <159> bʰavati, evameva mātr̥grāmaḥ \
Page of edition: 159 Line of edition: 1    tīryasamo 'pi ca mātr̥grāmaḥ \
Line of edition: 1    yatraiva hi tīrye pitā snāti, putro 'pi tasmin snāti, na ca tīryaṃ putrasya snāyato doṣakārakaṃ bʰavati \
Line of edition: 2    evameva mātr̥grāmaḥ \
Line of edition: 2    api ca pratyanteṣu janapadeṣu dʰarmataivaiṣā yasyāmeva pitā asaddʰarmeṇābʰigaccʰati, tāmeva putro 'pyadʰigaccʰati \
Line of edition: 4    evamasau vaṇigdārako mātrā bahuvidʰairanunayavacanairvinītaśokastayā mātrā tasmin pātake 'saddʰarme punaḥ punaratīva saṃjātarāgaḥ pravr̥ttaḥ \
Line of edition: 5    tena ca śreṣṭʰinā gr̥he lekʰyo 'nupreṣitaḥ \
Line of edition: 5    bʰadre, dʰīrorjitamahotsāhā bʰavasva \
Line of edition: 6    ahamapi lekʰānupadamevāgamiṣye \
Line of edition: 6    sā vaṇikpatnī tatʰāvidʰaṃ lekʰārtʰaṃ śrutvā vaimanasyajātā cintayituṃ pravr̥ttā - mahāntaṃ kālaṃ mama tasyāgamanamudīkṣamāṇāyāḥ \
Line of edition: 7    tadā nāgataḥ \
Line of edition: 8    idānīṃ mayā evaṃvidʰenopakrameṇa putraṃ ca paricaritvā sa cāgamiṣyati \
Line of edition: 8    ka upāyaḥ syāt yadahaṃ tamihāsamprāptameva jīvitāt vyaparopayeyam? iti saṃcintya taṃ putramāhūya katʰayati - pitrā te lekʰyo 'nupreṣitaḥ āgamiṣyatīti \
Line of edition: 10    jājase 'smābʰiridānīṃ kiṃ karaṇīyamiti? gaccʰasva, pitaramasamprāptameva gʰātaya \
Line of edition: 11    sa katʰayati - katʰamahaṃ pitaraṃ gʰātayiṣye? yadā asau na prasahate pitr̥vadʰaṃ kartum, tadā tayā mātrā bʰūyo 'nuvr̥ttivacanairabʰihitaḥ - tasyānuvr̥ttivacanairucyamānasya kāmeṣu saṃraktasyādʰyavasāyo jātaḥ pitr̥vadʰaṃ prati \
Line of edition: 13    kāmān kʰalu pratisevato na hi kiṃcit pāpakaṃ karmākaraṇīyamiti vadāmi \
Line of edition: 14    tatastenoktam - kenopāyena gʰātayāmi? tayā abʰihitam - ahamevopāyaṃ saṃvidʰāsye \
Line of edition: 15    ityuktvā viṣamādāya samitāyāṃ miśrayitvā maṇḍilakān paktvā anye 'pi ca nirviṣāḥ paktāḥ \
Line of edition: 16    yatastaṃ dārakamāhūya katʰayati - gaccʰasva \
Line of edition: 17    amī saviṣā maṇḍilakā nirviṣāśca \
Line of edition: 17    gr̥hya pitr̥sakāśaṃ gatvā ca tasya viśvastasyaikatra bʰuñjata etān saviṣān maṇḍilakān prayaccʰasva, ātmanā ca nirviṣān bʰakṣaya \
Line of edition: 18    tataḥ sa dārakastena lekʰavāhikamanuṣyeṇa sārdʰaṃ tān maṇḍilakān gr̥hya gataḥ pitr̥sakāśam \
Line of edition: 19    āgamya pitā asya atīva taṃ putraṃ dr̥ṣṭvā abʰirūpaprāsādikaṃ maheśākʰyaṃ prāmodyaṃ prāptaḥ \
Line of edition: 20    sahyāsahyaṃ pr̥ṣṭvā teṣāṃ teṣāṃ vaṇijāmākʰyāti - ayaṃ bʰavanto 'smākaṃ putraḥ \
Line of edition: 21    yadā tena dārakeṇa saṃlakṣitaṃ sarvatra ahamanena pitrā pratisaṃvedita iti, tatastaṃ pitaramāha - tāta, ambayā maṇḍilakāḥ praheṇakamanupreṣitam \
Line of edition: 23    tattātaḥ paribʰuñjatu \
Line of edition: 23    paścāttena pitrā sārdʰamekapʰalāyāṃ bʰuñjatā tasya pituḥ saviṣā maṇḍilakā dattāḥ, ātmanā nirviṣāḥ prabʰakṣitāḥ \
Line of edition: 24    yato 'sya pitā tān saviṣān maṇḍilakān bʰakṣayitvā bʰr̥taḥ \
Line of edition: 25    tasya ca pituḥ kāladʰarmaṇā yuktasya ca dārako na kenacit pāpakaṃ karma kurvāṇo 'bʰiśaṅkito vā pratisaṃvedito vā \
Line of edition: 26    paścāttairiṣṭasnigdʰasuhr̥dbʰirvaṇigbʰiḥ śocayitvā yattattu kiṃcittasya vaṇijo bʰaṇḍamāsīddʰiraṇyasuvarṇaṃ vā, tattasya dārakasya dattam \
Line of edition: 28    sa dārakastaṃ bʰāṇḍaṃ hiraṇyasuvarṇaṃ paitr̥kaṃ gr̥hya svagr̥hamanuprāptaḥ \
Line of edition: 29    tasya ca gatasya svagr̥haṃ sā mātā praccʰannāsaddʰarmeṇa taṃ putraṃ paricaramāṇā ratiṃ nādʰigaccʰati, anabʰiratarūpā ca taṃ putraṃ vadati - kiyatkālaṃ vayamevaṃ praccʰannena krameṇa ratikrīḍāmanubʰaviṣyāmah? yannu vayamasmāddeśādanyadeśāntaraṃ gatvā prakāśakrameṇa niḥśaṅkā bʰūtvā jāyāpatīti vikʰyātadʰarmāṇaḥ sukʰaṃ prativasema \
Line of edition: 32    tatastau gr̥haṃ tyaktvā <160> mitrasvajanasambandʰivargānapahāya purāṇadāsīdāsakarmakarāṃstyaktvā yāvadartʰajātaṃ hiraṇyasuvarṇaṃ ca gr̥hya anyaviṣayāntaraṃ gatau \
Page of edition: 160 Line of edition: 2    tatra gatvā janapadeṣu vikʰyāpayamānau jāyāpatikamiti ratikrīḍāmanubʰavamānau vyavastʰitau \
Line of edition: 3    yāvadarhan bʰikṣuḥ kenacit kālāntareṇa janapadacārikāṃ caraṃs tamadʰiṣṭʰānamanuprāptaḥ \
Line of edition: 4    tena tatra piṇḍapātamanvāhiṇḍatā vītʰyāṃ niṣadya ayaṃ vaṇigdʰarmaṇā saṃvyavahāramāṇaḥ sa dārako dr̥ṣṭaḥ \
Line of edition: 5    dr̥ṣṭvā cārogyayitvā cābʰibʰāṣyoktaḥ - mātuste kuśalam? sa ca dārakastamarhantaṃ tatʰā abʰivadamānamupaśrutya saṃbʰinnacetāḥ svena duścaritena karmaṇā śaṅkitamanāścintayituṃ pravr̥ttaḥ \
Line of edition: 7    sa vicintya mātr̥sakāśaṃ gatvā saṃvedayati - yatirabʰyāgataḥ, yo 'sau asmadgr̥hamupasaṃkrāmati, eṣa sa ihādʰiṣṭʰāne pratisaṃvedayiṣyati eṣā asya dārakasya māteti \
Line of edition: 9    vayaṃ cehaṃ jāyāpatikamiti kʰyātau \
Line of edition: 9    katʰameṣa śakyaṃ gʰātayitum? tatastayoḥ saṃcintya taṃ gr̥hamenamupanimantrayitvā bʰuñjānaṃ gʰātayāmaḥ \
Line of edition: 10    tatastayorevaṃ saṃcintya so 'rhan bʰikṣurantargr̥hamupanimantrayitvā bʰojayitumārabdʰaḥ \
Line of edition: 11    sa dārako gūḍʰaśastro bʰūtvā arhantaṃ bʰojayituṃ mātrā saha nirjanaṃ gr̥haṃ kr̥tvā sa cārhadbʰikṣubʰuktvā tasmādgr̥hādviśrabdʰacārakrameṇa pratinirgataḥ \
Line of edition: 13    tatastena jīvitād vyaparopayati \
Line of edition: 14    kāmāśca lavaṇodakasadr̥śāḥ \
Line of edition: 14    yatʰā yatʰā sevyanti, tatʰā tatʰā tr̥ṣṇā vr̥ddʰimupayāti \
Line of edition: 15    tasya dārakasya sā mātā taṃ putramasaddʰarmeṇānuvartamānā tasminnevādʰiṣṭʰāne śreṣṭʰiputreṇa sārdʰaṃ praccʰannakāmā asaddʰarmeṣu saktacittā jātā \
Line of edition: 16    tasya dārakasya tatʰāvidʰa upakramaḥ pratisaṃviditaḥ \
Line of edition: 17    tasya dārakasya tatʰāvidʰa upakramaḥ pratisaṃviditaḥ \
Line of edition: 17    tatastena tasya māturuktam - amba nivartasvedr̥śāddoṣāt \
Line of edition: 18    sā ca tasmiñ śreṣṭʰiputre saṃraktacittā dvirapi trirapyucyamānā na nirvartate \
Line of edition: 18    tatastena niṣkoṣamāsiṃ kr̥tvā sā mātā jīvitādvyaparopitā \
Line of edition: 19    yadā tasya trīṇyānantaryāṇi paripūrṇāni, tadā devatābʰirjanapadeṣvārocitam - pāpa eṣa pitr̥gʰātako 'rhaddʰātako mātr̥gʰātakaśca \
Line of edition: 21    trīṇyanenānantaryāṇi narakakarmasaṃvartanīyāni karmāṇi kr̥tānyupacitāni \
Line of edition: 21    tatastenādʰiṣṭʰānajanena taccʰrutvā tadadʰiṣṭʰānānnirvāsitaḥ \
Line of edition: 22    sa yadā nirvāsitastasmādadʰiṣṭʰānāt tadā cintayituṃ pravr̥ttaḥ - asti cāsya buddʰaśāsane kaścidevānunayah? evaṃ manasi kr̥tam - gaccʰāmi, idānīṃ pravrajāmīti \
Line of edition: 24    sa ca vihāraṃ gatvā bʰikṣusakāśamupasaṃkramya evaṃ katʰayati - ārya, pravrajeyam \
Line of edition: 25    tatastena bʰikṣuṇā uktam - mā tāvat pitr̥gʰātako 'si? tena bʰikṣurabʰihitaḥ - asti mayā gʰātitaḥ pitā \
Line of edition: 26    tataḥ punaḥ pr̥ṣṭaḥ - mā tāvanmātr̥gʰātako 'si? tenoktam - ārya, gʰātitā mayā mātā \
Line of edition: 27    sa bʰūyaḥ pr̥ṣṭaḥ - mā tāvadarhadvadʰaste kr̥tah? tataḥ sa katʰayati - arhannapi gʰātitaḥ \
Line of edition: 28    tatastena bʰikṣuṇā abʰihitaḥ - ekaikena eṣāṃ karmāṇāmācaraṇānna pravrajyārho bʰavasi, prāgeva samastānām \
Line of edition: 29    gaccʰa vatsa, nāhaṃ pravrājayiṣye \
Line of edition: 30    tataḥ sa puruṣo 'nyasya bʰikṣoḥ sakāśamupasaṃkramya katʰayati - ārya pravrajeyam \
Line of edition: 31    tatastenāpi bʰikṣuṇā anupūrveṇa pr̥ṣṭvā pratyākʰyātaḥ \
Line of edition: 31    tataḥ paścādanyasya bʰikṣoḥ sakāśaṃ gataḥ \
Line of edition: 32    tamapi tatʰaiva pravrajyāmāyācate \
Line of edition: 32    tenāpi tatʰā anupūrvakrameṇa pr̥ṣṭvā pratyākʰyātaḥ \
Line of edition: 32    sa yadā <161> dvirapi trirapi pravrajyāmāyācamāno 'pi bʰikṣubʰir na pravrājitaḥ, tadā amarṣajātaścintayituṃ pravr̥ttaḥ - yā api sarvasādʰāraṇā pravrajyā, tāmahamapyāyācanna labʰāmi \
Page of edition: 161 Line of edition: 2    tatastena tasmin vihāre śayitānāṃ bʰikṣūṇāmagnirdattaḥ \
Line of edition: 3    tasmin vihāre 'gniṃ datvā anyatra vihāraṃ gataḥ \
Line of edition: 3    tatrāpi gatvā bʰikṣūṇāmupasaṃkramya pravrajyāmāyācate \
Line of edition: 4    tairapi tatʰaivānupūrveṇa pr̥ṣṭvā pratyākʰyātaḥ \
Line of edition: 4    tatrāpi tena tatʰaiva pratihatacetasā agnirdattaḥ \
Line of edition: 5    tatrāpi vihāre bahavo bʰikṣavaḥ śaikṣāśaikṣāśca dagdʰāḥ \
Line of edition: 6    evaṃ tasyānekān vihārān dahataḥ sarvatra śabdo visr̥taḥ - evaṃvidʰaścaivaṃvidʰaśca pāpakarmakārī puruṣo bʰikṣubʰyaḥ pravrajyāmalabʰan vihārān bʰikṣūṃśca dahatīti \
Line of edition: 7    sa ca puruṣo 'nyavihāraṃ prastʰitaḥ \
Line of edition: 8    tatra ca vihāre bodʰisattvajātīyo bʰikṣuḥ prativasati tr̥pitaḥ \
Line of edition: 8    tena śrutaṃ sa evaṃ duṣkarakarmakārī puruṣa ihāgaccʰatīti \
Line of edition: 9    yataḥ sa bʰikṣustasya puruṣasyāsamprāptasyaiva tasmin vihāre pratyudgataḥ \
Line of edition: 10    sa taṃ puruṣaṃ sametya katʰayati - bʰadramukʰa, kimetat? yato 'sya puruṣeṇoktam - ārya, pravrajyāṃ na labʰāmi \
Line of edition: 11    tatastena bʰikṣuṇām uktam - āgaccʰa vatsa, ahaṃ te pravrājayāmīti \
Line of edition: 12    paścāt tena bʰikṣuṇā tasya puruṣasya śiro muṇḍāpayitvā kāṣāyāṇi vastrāṇi dattāni \
Line of edition: 13    paścāt sa puruṣaḥ katʰayati - ārya, śikṣāpadāni me 'nuprayaccʰa \
Line of edition: 13    tatastena bʰikṣuṇā uktaḥ - kiṃ te śikṣāpadaiḥ prayojanam? evaṃ sarvakālaṃ vadasva - namo buddʰāya, namo dʰarmāya, namaḥ saṃgʰāyeti \
Line of edition: 15    paścāt sa bʰikṣustasya puruṣasya dʰarmadeśanāmārabdʰaḥ kartum - tvamevaṃvidʰaścaivaṃvidʰaśca pāpakarmakārī sattvo yadi kadācidbuddʰaśabdaṃ śr̥ṇoṣi, smr̥tiṃ pratilabʰetʰāḥ \
Line of edition: 16    atʰāsau tripiṭo bʰikṣuścyutaḥ kālagato deveṣupapannaḥ \
Line of edition: 17    sa cāpi puruṣaścyutaḥ kālagato narakeṣūpapannaḥ \\
Line of edition: 18    yato bʰagavānāha - kiṃ manyadʰve bʰikṣavah? yo 'sau atīte 'dʰvani bʰikṣus tripiṭaḥ āsa, ahameva sa tena kālena tena samayena \
Line of edition: 19    yo 'sau pāpakarmakārī sattvo mātāpitrarhaddʰātakaḥ, eṣa eva dʰarmaruciḥ \
Line of edition: 20    idaṃ mama tr̥tīye 'saṃkʰyeye 'sya dʰarmarucerdarśanam \
Line of edition: 20    tadahaṃ saṃdʰāya katʰayāmi - cirasya dʰarmaruce, sucirasya dʰarmaruce, suciracirasya dʰarmaruce \
Line of edition: 21    yāvacca mayā bʰikṣavastribʰirasaṃkʰyeyaiḥ ṣaḍbʰiḥ pāramitābʰiranyaiśca duṣkaraśatasahasrairanuttarā samyakṣambodʰiḥ samudānītā, tāvadanena dʰarmarucinā yadbʰūyasā narakatiryakṣu kṣipitam \\
Line of edition: 24    idamavocadbʰagavān \ āttamanasaste bʰikṣavo bʰagavato bʰāṣitamabʰyanandan \\

Line of edition: 25    dʰarmarucyavadānamaṣṭādaśam \\

Next part

This text is part of the TITUS edition of Divyavadana.

Copyright TITUS Project, Frankfurt a/M, 5.8.2012. No parts of this document may be republished in any form without prior permission by the copyright holder.