TITUS
Divyavadana
Part No. 20
Previous part

Chapter: 20 
********** Avadāna 20 **********

Page of edition: 180 
Line of edition: 1 
20 kanakavarṇāvadānam \


Line of edition: 1    evaṃ mayā śrutam \
Line of edition: 1    ekasmin samaye bʰagavāñ śrāvastyāṃ viharati sma jetavane 'nātʰapiṇḍadadasyārāme mahatā bʰikṣusaṃgʰena sārdʰamardʰatrayodaśabʰirbʰikṣuśataiḥ \
Line of edition: 2    satkr̥to bʰagavān gurukr̥to mānitaḥ pūjito bʰikṣubʰirbʰikṣuṇībʰirupāsakairupāsikābʰī rājabʰī rājamātrair nānātīrtʰikaśramaṇabrāhamaṇacarakaparibrājakairdevair nāgairyakṣairasurairgaruḍairgandʰarvaiḥ kinnarairmahorahaiḥ \
Line of edition: 4    lābʰī bʰagavān prabʰūtānāṃ praṇītānāṃ cīvarapiṇḍapātaśayanāsanaglānapratyayabʰaiṣajyapariṣkārāṇāṃ divyānāṃ mānuṣāṇāṃ ca \
Line of edition: 7    taiśca bʰagavānanupaliptaḥ padmamiva vāriṇā \
Line of edition: 7    bʰagavataścāyamevamrūpo digvidikṣu udārakalyāṇakīrtiśabdaśloko 'bʰyudgataḥ - ityapi sa bʰagavāṃstatʰāgato 'rhan samyakṣambuddʰo vidyācaraṇasampannaḥ sugato lokavidanuttaraḥ puruṣadamyasāratʰiḥ śāstā devamanuṣyāṇāṃ buddʰo bʰagavān \
Line of edition: 9    sa imaṃ sadevakaṃ lokaṃ samārakaṃ sabrahmakaṃ saśramaṇabrāhmaṇīṃ prajāṃ sadevamānuṣīṃ dr̥ṣṭa eva dʰarme svayamabʰijñāya sākṣātkr̥tvopasampadya pravedayate \
Line of edition: 11    sa dʰarmaṃ deśayati ādau kalyāṇaṃ madʰye paryavasāne kalyāṇam \
Line of edition: 12    svartʰaṃ suvyañjanaṃ kevalaṃ paripūrṇaṃ pariśuddʰaṃ paryavadātaṃ brahmacaryaṃ saṃprakāśayati \
Line of edition: 13    tatra bʰagavān bʰikṣūnāmantrayate sma - sacedbʰikṣavaḥ sattvā jānīyurdānasya pʰalaṃ dānasaṃvibʰāgasya ca pʰalavipākam yatʰāhaṃ jānāmi dānasya pʰalaṃ dānasaṃvibʰāgasya ca pʰalavipākam, apīdānīm yo 'sau apaścimaḥ kavalaścarama ālopaḥ, tato 'pyadatvā asaṃvibʰajya na paribʰuñjīran, sacellabʰeran dakṣiṇīyaṃ pratigrāhakam \
Line of edition: 16    na caiṣāmutpannaṃ mātsaryaṃ cittaṃ paryādāya tiṣṭʰet \
Line of edition: 17    yasmāt tarhi bʰikṣavaḥ sattvā na jānante dānasya pʰalaṃ dānasaṃvibʰāgasya ca pʰalavipākam yatʰāhaṃ jānāmi dānasya pʰalaṃ dānasaṃvibʰāgasya ca pʰalavipākam, tasmāddʰetoradattvā asaṃvibʰajya paribʰujyante āgr̥hīteṃś cetasā \
Line of edition: 19    utpannaṃ caiṣāṃ mātsaryaṃ cittaṃ paryādāya tiṣṭʰati \
Line of edition: 20    tatkasya hetoh?
Line of edition: 21    bʰūtapūrvaṃ bʰikṣavo 'tīte 'dʰvani rājābʰūt kanakavarṇo nāma abʰirūpo darśanīyaḥ prāsādikaḥ paramayā suvarṇapuṣkalatayā samanvāgataḥ \
Line of edition: 22    rājā bʰikṣavaḥ kanakavarṇa āḍʰyo mahādʰano mahābʰogaḥ \
Line of edition: 23    prabʰūtasattvasvāpateyaḥ prabʰūvittopakaraṇaḥ prabʰūtadʰanadʰānyahiraṇyasuvarṇamaṇimuktāvaiḍūryaśaṅkʰaśilāpravālarajatajātarūpaḥ prabʰūtahastyaśvagaveḍakaḥ paripūṇakośakoṣṭʰāgāraḥ \
Line of edition: 24    rājñaḥ kanakavarṇasya kʰalu bʰikṣavaḥ kanakāvatī nāma rājadʰānī babʰūva pūrveṇa paścimena ca dvādaśa yojayānyāmena, dakṣiṇenottareṇa ca sapta yojanāni ca vistāreṇa \
Line of edition: 26    r̥ddʰā ca spʰītā ca kṣemā ca subʰikṣā ca ākīrṇabahujanamanuṣyā ca ramaṇīyā ca \
Line of edition: 27    rājñaḥ kanakavarṇasyāśītir nagarasahasrāṇyabʰūvan \
Line of edition: 28    aṣṭādaśa kulakoṭī r̥ddʰāni spʰītāni kṣemāṇi subʰikṣāṇyākīrṇabahujanamanuṣyāṇi \
Line of edition: 29    saptapañcāśadgrāmakoṭya r̥ddʰāḥ spʰītāḥ kṣemāḥ subʰikṣā ramaṇīyā mahājanākīrṇamanuṣyāḥ \
Line of edition: 30    ṣaṣṭiḥ karvaṭasahasrāṇyabʰūvann r̥ddʰāni spʰītāni kṣemāṇi subʰikṣāṇyākīrṇabahujanamanuṣyāṇi \
Line of edition: 31    rājñaḥ kanakavarṇasyāṣṭādaśāmātyasahasrāṇyabʰūvan \
Line of edition: 31    viṃśatistrīsahasrāṇyantaḥpuramabʰūt \
Line of edition: 32    rājā bʰikṣavaḥ kanakavarṇo dʰārmiko babʰūva \
Line of edition: 32    dʰarmeṇa rājyaṃ kārayati \\
Page of edition: 181  Line of edition: 1    atʰāpareṇa samayena rājñaḥ kanakavarṇasya ekākino rahogatasya pratisamlīnasya evaṃ cetasi cetaḥparivitarkamudapādi - yannvahaṃ sarvavaṇijo 'śulkānagulmān muñceyam \
Line of edition: 2    sarvajāmbudvīpakān manuṣyānakārānagulmān muñceyamiti \
Line of edition: 3    atʰa rājā kanakavarṇo gaṇakamahāmātrāmātyadauvārikapariṣadyānāmantrayate - adyāgreṇa vo grāmaṇyaḥ sarvavaṇijo 'śulkān muñcāmi, sarvajāmbudvīpakān manuṣyānakārānaśulkān muñcāmi \
Line of edition: 5    tasyānenopāyena bahūni varṣāṇi rājyaṃ kārayato 'pareṇa samayena nakṣatraṃ viṣamībʰūtam, dvādaśa varṣāṇi devo na varṣati \
Line of edition: 6    atʰa brāhmaṇā lakṣaṇajñā naimittikā bʰūmyantarikṣamantrakuśalā nakṣatraśukragrahacariteṣu tat saṃlakṣayitvā yena rājā kanakavarṇaḥ, tenopasaṃkrāntāḥ \
Line of edition: 8    apasaṃkramya rājānaṃ kanakavarṇamidamavocan - yatkʰalu devo jānīyāt - nakṣatraṃ viṣamībʰūtam, dvādaśa varṣāṇi devo na varṣiṣyati \
Line of edition: 9    atʰa rājā kanakavarṇa idamevamrūpaṃ nirgʰoṣaṃ śrutvā aśrūṇi pravartayati - aho bata me jāmbudvīpakā manuṣyāḥ, aho bata me jambudvīpaḥ r̥ddʰaḥ spʰītaḥ kṣemaḥ subʰikṣo ramaṇīyo bahujanākīrṇamanuṣyo nacirādeva śūnyo bʰaviṣyati rahitamanuṣyaḥ \
Line of edition: 12    atʰa rājñaḥ kanakavarṇasya muhūrtaṃ śocitvā etadabʰavat - ya ime āḍʰyā mahādʰanā mahābʰogāḥ, te śakṣyanti yāpayitum \
Line of edition: 13    ya ime daridrā alpadʰanā alpānnapānabʰogāḥ, te katʰam yāpayiṣyanti? tasyaitadabʰavat - yannvahaṃ jambudvīpādannādyaṃ saṃhareyam, sarvajāmbudvīpān sattvān gaṇayeyam \
Line of edition: 15    atʰa gaṇayitvā māpayeyam, māpayitvā sarvagrāmanagaranigamakarvaṭarājadʰānīṣvekaṃ koṣṭʰāgāraṃ kārayeyam \
Line of edition: 16    ekaṃ koṣṭʰāgāraṃ kārayitvā sarvajāmbudvīpakānāṃ manuṣyāṇāṃ samaṃ bʰaktaṃ pratyarpayeyamiti \
Line of edition: 17    atʰa kanakavarṇo rājā gaṇakamahāmātrāmātyadauvārikapāriṣadyānāmantrayate - gaccʰata yūyaṃ grāmaṇyaḥ, sarvajambudvīpādannādyaṃ saṃhr̥tya gaṇayata, gaṇayitvā māpayata, māpayitvā sarvagrāmanagaranigamakarvaṭarājadʰānīṣvekaṃ koṣṭʰāgāraṃ stʰāpayata \
Line of edition: 19    paraṃ deveti gaṇakamahāmātrāmātyadauvārikapāriṣadyā rājñaḥ kanakavarṇasya pratiśrutya sarvajambudvīpādannādyaṃ gaṇayanti, gaṇayitvā māpayanti, māpayitvā sarvadrāmanagaranigamakarvaṭarājadʰānīṣvekasmin koṣṭʰāgāre stʰāpayanti \

Line of edition: 21    ekasmin koṣṭʰāgāre stʰāpayitvā yena rājā kanakavarṇaḥ, tenopasaṃkrāntāḥ \
Line of edition: 22    upasaṃkramya rājānaṃ kanakavarṇamidamavocat - yat kʰalu deva jānīyāḥ - sarvagrāmanagaranigamakarvaṭarājadʰānīṣvannādyaṃ saṃhr̥tam, saṃhr̥tya gaṇitam, gaṇayitvā māpitam, māpayitvā sarvagrāmanagaranigamarājadʰānīṣvekasmin koṣṭʰāgāre satʰāpitam yasyedānīṃ devaḥ kālaṃ manyate \
Line of edition: 25    atʰa rājā kanakavarṇaḥ saṃkʰyāgaṇakalipikapauruṣeyānāmantrayitvā etadavocat - gaccʰata yūyaṃ grāmaṇyaḥ, sarvajāmbudvīpakān manuṣyān gaṇayata, gaṇayitvā grāmaṇyaḥ sarvajāmbudvīpakānāṃ manuṣyāṇāṃ samaṃ bʰaktaṃ prayaccʰata \
Line of edition: 27    paraṃ deveti saṃkʰyāgaṇakalipikapauruṣeyā rājñaḥ kanakavarṇasya pratiśrutya sarvajāmbudvīpakān manuṣyān gaṇayanti, saṃgaṇya rājānaṃ kanakavarṇamādau kr̥tvā sarvajāmbudvīpakānāṃ manuṣyāṇāṃ samaṃ bʰaktaṃ prajñapayanti \
Line of edition: 30    te yāpayantyekādaśavarṣāṇi, dvādaśavarṣaṃ na yāpayanti \
Line of edition: 30    nirgato dvādaśasya varṣasyaiko māso yāvadbahavaḥ strīpuruṣadārakadārikā jigʰatsitāḥ pipāsitāḥ kālaṃ kurvanti \
Line of edition: 31    ten kʰalu punaḥ samayena sarvajambudvīpādannādyaṃ parikṣīṇamanyatra rājñaḥ kanakavarṇasyaikā mānikā bʰaktasyāvaśiṣṭā \\
Page of edition: 182  Line of edition: 1    tena kʰalu samayena anyatamaścatvāriṃśatkalpasamprastʰito bodʰisattva imāṃ sahālokadʰātumanuprāpto babʰūva \
Line of edition: 2    adrākṣīd bodʰisattvo 'nyatarasmin banaṣaṇḍe putraṃ mātrā sārdʰaṃ vipratipadyamanam \
Line of edition: 3    dr̥ṣṭvā ca punarasyaitadabʰavat - kliśyanti bateme sattvāḥ, saṃkliśyanti bateme sattvāḥ, yatra hi nāma asyāmeva nava māsān kukṣau uṣitvā, asyā eva stanau pītvā, atraiva kālaṃ kariṣyati iti \
Line of edition: 5    alaṃ me īdr̥śaiḥ sattvairadʰārmikairadʰarmarāgaraktairmitʰyādr̥ṣṭakairviṣamalobʰābʰibʰūtairamātr̥rajñaiśrāmaṇyaraibrāhmaṇyairakule jyeṣṭʰāpacāyakaiḥ \
Line of edition: 6    ka utsahata īdr̥śānāṃ sattvānāmartʰāya bodʰisattvacaryāṃ caritum? yannvahaṃ svake kārye pratipadyeyam \
Line of edition: 7    atʰa bohisattvo yenānyataradvr̥kṣamūlaṃ tenopasaṃkrāntaḥ \
Line of edition: 8    upasaṃkramya tasmin vr̥kṣamūle niṣaṇṇaḥ \
Line of edition: 8    paryaṅkamābʰujya r̥jukāyaṃ praṇidʰāya pratimukʰaṃ smr̥timupastʰāpya pañcasūpādānaskandʰeṣūdayavyayānudarśī viharati yadutedaṃ rūpam, ayaṃ rūpasamudayaḥ, ayaṃ rūpasyāstaṃgamaḥ, iyaṃ vedanā, iyaṃ saṃjñā, ime saṃkrārāḥ, idaṃ vijñānam, ayaṃ vijñānasamudayaḥ, ayaṃ vijñānasyāstaṃgama iti \
Line of edition: 11    sa evaṃ pañcasūpādānaskandʰeṣūdayavyayānudarśī viharannacirādeva yatkiṃcit samudayadʰarmakaṃ tat sarvaṃ nirodʰadʰarmakamiti viditvā tatraiva pratyekāṃ bodʰimadʰigatavān \
Line of edition: 13    atʰa bʰagavān pratyekabuddʰo yatʰāprāptānavalokya tasyāṃ velāyāṃ gātʰāṃ bʰāṣate -

Line of edition: 14       saṃsevamānasya bʰavanti snehāḥ snehānvayaṃ saṃbʰavatīha duḥkʰam \
Line of edition: 16       ādīnavaṃ snehagataṃ viditvā ekaścaret kʰaṅgaviṣāṇakalpaḥ \\ 1 \\ iti \

Line of edition: 18    atʰa tasya bʰagavataḥ pratyekabuddʰasyaitadabʰavat - bahūnāṃ me sattvānāmartʰāya duṣkarāṇi cīrṇāni, na ca kasyacit sattvasya hitaṃ kr̥tam \
Line of edition: 19    kamadyāhamanukampeyam, kasyāhamadya piṇḍapātamāhr̥tya paribʰuñjīya? atʰa bʰagavān pratyekabuddʰo divyena cakṣuṣā viśuddʰenātikrāntamānuṣeṇa sarvāvantamimaṃ jambudvīpaṃ samantādanuvilokayannadrākṣīt sa bʰagavān pratyekabuddʰaḥ sarvajambudvīpādannādyaṃ parikṣīṇam, anyatra rājñaḥ kanakavarṇasyaikā mānikā bʰaktasyāvaśiṣṭā \
Line of edition: 22    tasyaitadabʰavat - yannvahaṃ rājānaṃ kanakavarṇamanukampeyam \
Line of edition: 23    yannvahaṃ rājñaḥ kanakavarṇasya niveśanāt piṇḍapātamahr̥tya paribʰuñjīya \
Line of edition: 24    atʰa bʰagavān pratyekabuddʰastat eva r̥ddʰyā vihāyasamabʰyudgamya dr̥śyatā kāyena śakuniriva r̥ddʰyā yena kanakāvatī rājadʰānī tenopasaṃkrāntaḥ \
Line of edition: 25    tena kʰalu samayena rājā kanakavarṇa upariprāsādatalagato 'bʰūt pañcamātrairamātyasahasraiḥ parivr̥taḥ \
Line of edition: 26    adrākṣīdanyatamo mahāmātrastaṃ bʰagavantaṃ pratyekabuddʰaṃ dūrata evāgaccʰantam \
Line of edition: 27    dr̥ṣṭvā ca punarmahāmātrānāmantrayate - paśyata paśyata grāmaṇyaḥ \
Line of edition: 28    dūrata eva lohitapakṣaḥ śakunta ihāgaccʰati \
Line of edition: 28    dvitīyo mahāmātra evamāha - naiṣa grāmaṇyo lohitapakṣaḥ śakuntaḥ, rākṣasa eva ojohāra ihāgaccʰati \
Line of edition: 29    eṣo 'smākaṃ bʰakṣayiṣyati \
Line of edition: 30    atʰa rājā kanakavarṇa ubʰābʰyāṃ pāṇibʰyāṃ mukʰaṃ saṃparimārjya mahāmātrānāmantrayate - naiṣa grāmaṇyo lohitapakṣaḥ śakuntaḥ, na ca rākṣasa ojohāraḥ \
Line of edition: 31    r̥ṣireṣo 'smākamanukampayehāgaccʰati \
Line of edition: 32    atʰa sa bʰagavān pratyekabuddʰo rājñaḥ kanakavarṇasya prāsāde pratyaṣṭʰāt \\
Page of edition: 183  Line of edition: 1    atʰa rājā kanakavarṇastaṃ bʰagavantaṃ pratyekabuddʰamuttʰāyāsanāt pratyudgamya pādau śirasā vanditvā prajñapta evāsane niṣīdayati \
Line of edition: 2    atʰa rājā kanakavarṇastaṃ bʰagavantaṃ pratyekabuddʰamidamavocat - kimartʰam r̥ṣe ihābʰyāgamanam? bʰojanārtʰaṃ mahārāja \
Line of edition: 3    evamukte rājā kanakavarṇaḥ prārodīt \
Line of edition: 4    aśrūṇi pravartayannevamāha - aho me dāridryam, aho dāridryam, yatra hi nāma jambudvīpaiśvaryādʰipatyaṃ kārayitvā ekasyāpi r̥ṣerasamartʰaḥ piṇḍapātaṃ pratipādayitum \
Line of edition: 5    atʰa yā kanakāvatyāṃ rājadʰānyāmadʰyuṣitā devatā, sā rājñaḥ kanakavarṇasya purastādgātʰāṃ bʰāṣate -

Line of edition: 7       kiṃ duḥkʰaṃ dāridryaṃ kiṃ duḥkʰataraṃ tadeva dāridryam \
Line of edition: 8       maraṇasamaṃ dāridryam \\ 2 \\

Line of edition: 9    atʰa rājā kanakavarṇaḥ koṣṭʰāgārikaṃ puruṣamāmantrayate - asti bʰoḥ puruṣa, mama niveśane kiṃcidbʰaktam, yadahamasya r̥ṣeḥ pradāsyāmi? sa evamāha - yat kʰalu deva jānīyāḥ - sarvajambudvīpādannādyaṃ parikṣīṇam, anyatra devasyaikā mānikā bʰaktasyāvaśiṣṭā \
Line of edition: 11    atʰa rājñaḥ kanakavarṇasyaitadabʰavat - sacet paribʰuñje, jīviṣye \
Line of edition: 12    atʰa na paribʰokṣye, mariṣye \
Line of edition: 12    tasyaitadabʰavat - yadi paribʰokṣye, yadi vā na paribʰokṣye, avaśyaṃ mayā kālaḥ kartavyaḥ \
Line of edition: 13    alaṃ me jīvitena \
Line of edition: 13    katʰaṃ nāmehedr̥śa r̥ṣiḥ śīlavān kalyāṇadʰarmā mama niveśane 'dya yatʰādʰautena pātreṇa nirgamiṣyati? atʰa rājā kanakavarṇo gaṇakamahāmātrāmātyadauvārikapāriṣadyān saṃnipātyaivamavocat - anumodata yūyaṃ grāmaṇyaḥ, ayaṃ rājñaḥ kanakavarṇasyāpaścima odanātisargaḥ \
Line of edition: 16    anena kuśalamūlena sarvajāmbudvīpakānāṃ manuṣyāṇāṃ dāridryasamuccʰedaḥ syāt \
Line of edition: 17    atʰa rājā kanakavarṇastasya maharṣestat pātraṃ gr̥hītvā ekāṃ mānikāṃ bʰaktasya pātre prakṣipya ubʰābʰyāṃ pāṇibʰyāṃ pātraṃ gr̥hītvā jānubʰyāṃ nipatya tasya bʰagavataḥ pratyekabuddʰasya dakṣiṇe pāṇau pātraṃ pratiṣṭʰāpayati \
Line of edition: 19    dʰarmatā punarbʰagavatāṃ pratyekabuddʰānāṃ kāyikī dʰarmadeśanā na vācikī \
Line of edition: 20    atʰa bʰagavān pratyekabuddʰo rājñaḥ kanakavarṇasyāntikāt piṇḍapātramādāya tat eva r̥ddʰyā uparivihāyasā prakrāntaḥ \
Line of edition: 22    atʰa rājā kanakavarṇaḥ prāñjalirbʰūtvā tāvadanimiṣaṃ prekṣamāṇo 'stʰāt, yāvaccakṣuṣpatʰādatikrānta iti \
Line of edition: 23    atʰa rājā kanakavarṇo gaṇakamahāmātrāmātyadauvārikapāriṣadyānāmantrayate - gaccʰata grāmaṇyaḥ svakasvakāni niveśanāni \
Line of edition: 24    mā ihaiva prāsāde jigʰatsāpipāsābʰyāṃ sarva eva kālaṃ kariṣyatʰa \
Line of edition: 25    ta evamāhuḥ - yadā devasya śrīsaubʰāgyasampadāsīt, tadā vayaṃ devena sārdʰaṃ krīḍatā ramatā katʰaṃ punarvayamidānīṃ devaṃ paścime kāle paścime samaye parityakṣyāma iti \
Line of edition: 26    atʰa rājā kanakavarṇaḥ prārodīt \
Line of edition: 27    aśrūṇi pravartayati \
Line of edition: 27    aśrūṇi saṃparimārjya gaṇakamahāmātrāmātyadauvārikapāriṣadyānidamavocat - gaccʰata grāmaṇyo yatʰāsvakasvakāni niveśanāni \
Line of edition: 28    mā ihaiva prāsāde jigʰatsāpipāsābʰyāṃ sarva eva kālaṃ kariṣyatʰa \
Line of edition: 29    evamuktā gaṇakamahāmātrāmātyadauvārikapāriṣadyāḥ prarudanto 'śrūṇi pravartayanto 'śrūṇi saṃparimārjya yena rājā kanakavarṇastenopasaṃkrāntāḥ \
Line of edition: 30    upasaṃkramya rājñaḥ kanakavarṇasya pādau śirasā vanditvā añjaliṃ kr̥tvā rājñaḥ kanakavarṇasyaitadūcuḥ - kṣantavyaṃ te yadasmābʰiḥ kiṃcidaparāddʰam \
Line of edition: 32    adyāsmākaṃ devasyāpaścimaṃ darśanam \\
Page of edition: 184  Line of edition: 1    tadyatʰā tena bʰagavatā pratyekabuddʰena sa piṇḍapātraḥ paribʰuktaḥ, atʰa tasminneva kṣaṇe samantāccatasr̥ṣu dikṣu catvāryabʰrapaṭalāni vyuttʰitāni, śītalāśca vāyavo vātumārabdʰāḥ, ye jambudvīpādaśuciṃ vyapanayanti, megʰāśca pravarṣayantaḥ pāṃśūñ śamayanti \
Line of edition: 3    atʰa tasminneva divase dvitīye 'rdʰabʰāge vividʰasya kʰādanīyabʰojanīyasya varṣaṃ pravarṣati \
Line of edition: 4    idamevamrūpaṃ bʰojanamodanasaktavaḥ kulmāṣamatsyamāṃsam, idamevamrūpaṃ kʰādanīyaṃ mūlakʰādanīyaṃ skandʰakʰādanīyaṃ patrakʰādanīyaṃ puṣpakʰādanīyaṃ pʰalakʰādanīyaṃ tilakʰādanīyaṃ kʰaṇḍaśarkaraguḍakʰādanīyaṃ piṣṭakʰādanīyam \
Line of edition: 6    atʰa rājā kanakavarṇo hr̥ṣṭatuṣṭaḥ udagra āttamanāḥ pramuditaḥ prītisaumanasyajāto gaṇakamahāmātrāmātyadauvārikapārṣadyānāmantrayate - paśyatʰa yūyaṃ grāmaṇyaḥ, adyaiva tasyaikapiṇḍapātadānasyāṅkuraḥ prādurbʰūtaḥ \
Line of edition: 9    pʰalamanyadbʰaviṣyati \\
Line of edition: 10    atʰa dvitīye divase saptāhaṃ dʰānyavarṣaṃ pravarṣanti, tadyatʰā - tilataṇḍulā mudgamāṣā yavā godʰūmamasūrāḥ śālayaḥ \
Line of edition: 11    saptāhaṃ sarpivarṣaṃ pravarṣanti, saptāhaṃ karpāsavarṣaṃ pravarṣanti, saptāhaṃ nānāvidʰadūṣyavarṣaṃ pravarṣanti, saptāhaṃ saptaratnānāṃ varṣaṃ pravarṣanti, suvarṇasya rūpyasya vaiḍūryasya spʰaṭikasya lohitamukteraśmagarbʰasya musāragalvasya \
Line of edition: 13    sarvasya rājñaḥ kanakavarṇasyānubʰāvena jāmbudvīpakānāṃ manuṣyāṇāṃ dāridryasamuccʰedo babʰūva \\
Line of edition: 15    syāt kʰalu bʰikṣavo yuṣmākaṃ kāṅkṣā vimatirvā anyaḥ sa tena kālena tena samayena rājā kanakavarṇo babʰūva \
Line of edition: 16    na kʰalvevaṃ draṣṭavyam \
Line of edition: 16    ahaṃ sa tena kālena tena samayena rājā kanakavarṇo babʰūva \
Line of edition: 17    tadanena bʰikṣavaḥ paryāyeṇa veditavyam \
Line of edition: 17    sacedbʰikṣavaḥ sattvā jānīyurdānasya pʰalaṃ dānasaṃvibʰāgasya ca pʰalavipākam - apīdānīm yo 'sau apaścimakaḥ kavalaścarama ālopaḥ, tato 'pyadattvā asaṃvibʰajya na paribʰuñjīran, sacellabʰeran dakṣiṇīyaṃ pratigrāhakam \
Line of edition: 19    na caiṣāmutpannaṃ mātsaryaṃ cittaṃ paryādāya tiṣṭʰati \
Line of edition: 20    yasmāt tarhi bʰikṣavaḥ sattvā na jānate dānasya pʰalaṃ dānasaṃvibʰāgasya ca pʰalavipākam - yatʰā ahaṃ jāne dānasya pʰalaṃ dānasaṃvibʰāgasya ca pʰalavipākam, tasmātte 'dattvā asaṃvibʰajya paribʰuñjate āgr̥hītena cetasā, utpannaṃ caiṣāṃ mātsaryaṃ cittaṃ paryādattaṃ tiṣṭʰati \

Line of edition: 24       na naśyate pūrvakr̥taṃ śubʰāśubʰaṃ na naśyate sevanaṃ piṇḍatānām \
Line of edition: 26       na naśyate āryajaneṣu bʰāṣitaṃ kr̥taṃ kr̥tajñeṣu na jātu naśyati \\ 3 \\

Line of edition: 28       sukr̥taṃ śobʰanaṃ karma duṣkr̥taṃ vāpyaśobʰanam \
Line of edition: 29       asti caitasya vipāko avaśya dāsyate pʰalam \\ 4 \\

Line of edition: 30    idamavocadbʰagavān \
Line of edition: 30    āttamanasaste bʰikṣavo bʰikṣuṇyupāsakopāsikādevanāgayakṣagandʰarvāsuragaruḍakinnaramahoragādayaḥ sarvāvatī ca parṣadbʰagavato bʰāṣitamabʰyanandan \\

Line of edition: 32    iti śrīdivyāvadāne kanakavarṇāvadānaṃ viṃśatimam \




Next part


This text is part of the TITUS edition of Divyavadana.

Copyright TITUS Project, Frankfurt a/M, 5.8.2012. No parts of this document may be republished in any form without prior permission by the copyright holder.