TITUS
Mahabharata
Part No. 1934
Previous part

Chapter: 3 
Adhyāya 3


Verse: 1  {Vaiśaṃpāyana uvāca}
Halfverse: a    sa rājā sumahātejā   vr̥ddʰaḥ kurukulodvahaḥ
   sa rājā sumahā-tejā   vr̥ddʰaḥ kuru-kula_udvahaḥ /
Halfverse: c    nāpaśyata tadā kiṃ cid   apriyaṃ pāṇḍunandane
   na_apaśyata tadā kiṃcid   apriyaṃ pāṇḍu-nandane /1/

Verse: 2 
Halfverse: a    vartamāneṣu sadvr̥ttiṃ   pāṇḍaveṣu mahātmasu
   vartamāneṣu sad-vr̥ttiṃ   pāṇḍaveṣu mahātmasu /
Halfverse: c    prītimān abʰavad rājā   dʰr̥tarāṣṭro 'mbikā sutaḥ
   prītimān abʰavad rājā   dʰr̥tarāṣṭro_ambikā sutaḥ /2/

Verse: 3 
Halfverse: a    saubaleyī ca gāndʰārī   putraśokam apāsya tam
   saubaleyī ca gāndʰārī   putra-śokam apāsya tam /
Halfverse: c    sadaiva prītim atyāsīt   tanayeṣu nijeṣv iva
   sadā_eva prītim atyāsīt   tanayeṣu nijeṣv iva /3/

Verse: 4 
Halfverse: a    priyāṇy eva tu kauravyo   nāpriyāṇi kurūdvaha
   priyāṇy eva tu kauravyo   na_apriyāṇi kuru_udvaha /
Halfverse: c    vaicitravīrye nr̥patau   samācarati nityadā
   vaicitravīrye nr̥patau   samācarati nityadā /4/

Verse: 5 
Halfverse: a    yad yad brūte ca kiṃ cit sā   dʰr̥tarāṣṭro narādʰipaḥ
   yad yad brūte ca kiṃcit sā   dʰr̥tarāṣṭro nara_adʰipaḥ /
Halfverse: c    guru vā lagʰu vā kāryaṃ   gāndʰārī ca yaśasvinī
   guru vā lagʰu vā kāryaṃ   gāndʰārī ca yaśasvinī /5/

Verse: 6 
Halfverse: a    tat sa rājā mahārāja   pāṇṇḍavānāṃ dʰuraṃdʰaraḥ
   tat sa rājā mahā-rāja   pāṇṇḍavānāṃ dʰuraṃ-dʰaraḥ /
Halfverse: c    pūjayitvā vacas tat tad   akārṣīt paravīrahā
   pūjayitvā vacas tat tad   akārṣīt para-vīrahā /6/

Verse: 7 
Halfverse: a    tena tasyābʰavat prīto   vr̥ttena sa narādʰipaḥ
   tena tasya_abʰavat prīto   vr̥ttena sa nara_adʰipaḥ /
Halfverse: c    anvatapyac ca saṃsmr̥tya   putraṃ mandam acetasam
   anvatapyac ca saṃsmr̥tya   putraṃ mandam acetasam /7/

Verse: 8 
Halfverse: a    sadā ca prātar uttʰāya   kr̥tajapyaḥ śucir nr̥paḥ
   sadā ca prātar uttʰāya   kr̥ta-japyaḥ śucir nr̥paḥ /
Halfverse: c    āśāste pāṇḍuputrāṇāṃ   samareṣv aparājayam
   āśāste pāṇḍu-putrāṇāṃ   samareṣv aparājayam /8/

Verse: 9 
Halfverse: a    brāhmaṇān vācayitvā ca   hutvā caiva hutāśanam
   brāhmaṇān vācayitvā ca   hutvā caiva huta_aśanam /
Halfverse: c    āyuṣyaṃ pāṇḍuputrāṇām   āśāste sa narādʰipaḥ
   āyuṣyaṃ pāṇḍu-putrāṇām   āśāste sa nara_adʰipaḥ /9/

Verse: 10 
Halfverse: a    na tāṃ prītiṃ marām āpa   putrebʰyaḥ sa mahīpatiḥ
   na tāṃ prītiṃ marām āpa   putrebʰyaḥ sa mahī-patiḥ /
Halfverse: c    yāṃ prītiṃ pāṇḍuputrebʰyaḥ   samavāpa tadā nr̥paḥ
   yāṃ prītiṃ pāṇḍu-putrebʰyaḥ   samavāpa tadā nr̥paḥ /10/ 10

Verse: 11 
Halfverse: a    brāhmaṇānāṃ ca vr̥ddʰānāṃ   kṣatriyāṇāṃ ca bʰārata
   brāhmaṇānāṃ ca vr̥ddʰānāṃ   kṣatriyāṇāṃ ca bʰārata /
Halfverse: c    tatʰā viṭ śūdra saṃgʰānām   abʰavat supriyas tadā
   tatʰā viṭ śūdra saṃgʰānām   abʰavat supriyas tadā /11/

Verse: 12 
Halfverse: a    yac ca kiṃ cit purā pāpaṃ   dʰr̥tarāṣṭra sutaiḥ kr̥tam
   yac ca kiṃcit purā pāpaṃ   dʰr̥tarāṣṭra sutaiḥ kr̥tam /
Halfverse: c    akr̥tvā hr̥di tad rājā   taṃ nr̥paṃ so 'nvavartata
   akr̥tvā hr̥di tad rājā   taṃ nr̥paṃ so_anvavartata /12/

Verse: 13 
Halfverse: a    yaś ca kaś cin naraḥ kiṃ cid   apriyaṃ cāmbikā sute
   yaś ca kaścin naraḥ kiṃcid   apriyaṃ ca_ambikā sute /
Halfverse: c    kurute dveṣyatām eti   sa kaunteyasya dʰīmataḥ
   kurute dveṣyatām eti   sa kaunteyasya dʰīmataḥ /13/

Verse: 14 
Halfverse: a    na rājño dʰr̥tarāṣṭrasya   na ca duryodʰanasya vai
   na rājño dʰr̥tarāṣṭrasya   na ca duryodʰanasya vai /
Halfverse: c    uvāca duṣkr̥taṃ kiṃ cid   yudʰiṣṭʰira bʰayān naraḥ
   uvāca duṣkr̥taṃ kiṃcid   yudʰiṣṭʰira bʰayān naraḥ /14/

Verse: 15 
Halfverse: a    dʰr̥tyā tuṣṭo narendrasya   gāndʰārī viduras tatʰā
   dʰr̥tyā tuṣṭo nara_indrasya   gāndʰārī viduras tatʰā /
Halfverse: c    śaucena cājāta śatror   na tu bʰīmasya śatruhan
   śaucena ca_ajāta śatror   na tu bʰīmasya śatruhan /15/

Verse: 16 
Halfverse: a    anvavartata bʰīmo 'pi   niṣṭanan dʰarmajaṃ nr̥pam
   anvavartata bʰīmo_api   niṣṭanan dʰarmajaṃ nr̥pam /
Halfverse: c    dʰr̥tarāṣṭraṃ ca saṃprekṣya   sadā bʰavati durmanāḥ
   dʰr̥tarāṣṭraṃ ca saṃprekṣya   sadā bʰavati durmanāḥ /16/

Verse: 17 
Halfverse: a    rājānam anuvartantaṃ   dʰarmaputraṃ mahāmatim
   rājānam anuvartantaṃ   dʰarma-putraṃ mahā-matim /
Halfverse: c    anvavartata kauravyo   hr̥dayena parāṅmukʰaḥ
   anvavartata kauravyo   hr̥dayena parāṅ-mukʰaḥ /17/ (E)17



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.