TITUS
Ramayana
Part No. 214
Previous part

Chapter: 26 
Adhyāya 26


Verse: 1 
Halfverse: a    kʰaraṃ tu rāmābʰimukʰaṃ   prayāntaṃ vāhinīpatiḥ
   kʰaraṃ tu rāma_abʰimukʰaṃ   prayāntaṃ vāhinī-patiḥ /
Halfverse: c    rākṣasas triśirā nāma   saṃnipatyedam abravīt
   rākṣasas triśirā nāma   saṃnipatya_idam abravīt /1/

Verse: 2 
Halfverse: a    māṃ niyojaya vikrānta   saṃnivartasva sāhasāt
   māṃ niyojaya vikrānta   saṃnivartasva sāhasāt /
Halfverse: c    paśya rāmaṃ mahābāhuṃ   saṃyuge vinipātitam
   paśya rāmaṃ mahā-bāhuṃ   saṃyuge vinipātitam /2/

Verse: 3 
Halfverse: a    pratijānāmi te satyam   āyudʰaṃ cāham ālabʰe
   pratijānāmi te satyam   āyudʰaṃ ca_aham ālabʰe /
Halfverse: c    yatʰā rāmaṃ vadʰiṣyāmi   vadʰārhaṃ sarvarakṣasām
   yatʰā rāmaṃ vadʰiṣyāmi   vadʰa_arhaṃ sarva-rakṣasām /3/

Verse: 4 
Halfverse: a    ahaṃ vāsya raṇe mr̥tyur   eṣa vā samare mama
   ahaṃ vā_asya raṇe mr̥tyur   eṣa vā samare mama /
Halfverse: c    vinivartya raṇotsāhaṃ   muhūrtaṃ prāśniko bʰava
   vinivartya raṇa_utsāhaṃ   muhūrtaṃ prāśniko bʰava /4/

Verse: 5 
Halfverse: a    prahr̥ṣṭo vā hate rāme   janastʰānaṃ prayāsyasi
   prahr̥ṣṭo vā hate rāme   janastʰānaṃ prayāsyasi /
Halfverse: c    mayi vā nihate rāmaṃ   saṃyugāyopayāsyasi
   mayi vā nihate rāmaṃ   saṃyugāya_upayāsyasi /5/

Verse: 6 
Halfverse: a    kʰaras triśirasā tena   mr̥tyulobʰāt prasāditaḥ
   kʰaras triśirasā tena   mr̥tyu-lobʰāt prasāditaḥ /
Halfverse: c    gaccʰa yudʰyety anujñāto   rāgʰavābʰimukʰo yayau
   gaccʰa yudʰya_ity anujñāto   rāgʰava_abʰimukʰo yayau /6/

Verse: 7 
Halfverse: a    triśirāś ca ratʰenaiva   vājiyuktena bʰāsvatā
   triśirāś ca ratʰena_eva   vāji-yuktena bʰāsvatā /
Halfverse: c    abʰyadravad raṇe rāmaṃ   triśr̥ṅga iva parvataḥ
   abʰyadravad raṇe rāmaṃ   triśr̥ṅga iva parvataḥ /7/

Verse: 8 
Halfverse: a    śaradʰārā samūhān sa   mahāmegʰa ivotsr̥jan
   śara-dʰārā samūhān sa   mahā-megʰa iva_utsr̥jan /
Halfverse: c    vyasr̥jat sadr̥śaṃ nādaṃ   jalārdrasyeva dundubʰeḥ
   vyasr̥jat sadr̥śaṃ nādaṃ   jala_ārdrasya_iva dundubʰeḥ /8/

Verse: 9 
Halfverse: a    āgaccʰantaṃ triśirasaṃ   rākṣasaṃ prekṣya rāgʰavaḥ
   āgaccʰantaṃ triśirasaṃ   rākṣasaṃ prekṣya rāgʰavaḥ /
Halfverse: c    dʰanuṣā pratijagrāha   vidʰunvan sāyakāñ śitān
   dʰanuṣā pratijagrāha   vidʰunvan sāyakān śitān /9/

Verse: 10 
Halfverse: a    sa saṃprahāras tumulo   rāma triśirasor mahān
   sa saṃprahāras tumulo   rāma triśirasor mahān /
Halfverse: c    babʰūvātīva balinoḥ   siṃhakuñjarayor iva
   babʰūva_atīva balinoḥ   siṃha-kuñjarayor iva /10/

Verse: 11 
Halfverse: a    tatas triśirasā bāṇair   lalāṭe tāḍitas tribʰiḥ
   tatas triśirasā bāṇair   lalāṭe tāḍitas tribʰiḥ /
Halfverse: c    amarṣī kupito rāmaḥ   saṃrabdʰam idam abravīt
   amarṣī kupito rāmaḥ   saṃrabdʰam idam abravīt /11/

Verse: 12 
Halfverse: a    aho vikramaśūrasya   rākṣasasyedr̥śaṃ balam
   aho vikrama-śūrasya   rākṣasasya_īdr̥śaṃ balam /
Halfverse: c    puṣpair iva śarair yasya   lalāṭe 'smi parikṣataḥ
   puṣpair iva śarair yasya   lalāṭe_asmi parikṣataḥ /
Halfverse: e    mamāpi pratigr̥hṇīṣva   śarāṃś cāpaguṇacyutān
   mama_api pratigr̥hṇīṣva   śarāṃś cāpa-guṇa-cyutān /12/

Verse: 13 
Halfverse: a    evam uktvā tu saṃrabdʰaḥ   śarān āśīviṣopamān
   evam uktvā tu saṃrabdʰaḥ   śarān āśī-viṣa_upamān /
Halfverse: c    triśiro vakṣasi kruddʰo   nijagʰāna caturdaśa
   triśiro vakṣasi kruddʰo   nijagʰāna caturdaśa /13/

Verse: 14 
Halfverse: a    caturbʰis turagān asya   śaraiḥ saṃnataparvabʰiḥ
   caturbʰis turagān asya   śaraiḥ saṃnata-parvabʰiḥ /
Halfverse: c    nyapātayata tejasvī   caturas tasya vājinaḥ
   nyapātayata tejasvī   caturas tasya vājinaḥ /14/

Verse: 15 
Halfverse: a    aṣṭabʰiḥ sāyakaiḥ sūtaṃ   ratʰopastʰe nyapātayat
   aṣṭabʰiḥ sāyakaiḥ sūtaṃ   ratʰa_upastʰe nyapātayat /
Halfverse: c    rāmaś ciccʰeda bāṇena   dʰvajaṃ cāsya samuccʰritam
   rāmaś ciccʰeda bāṇena   dʰvajaṃ ca_asya samuccʰritam /15/

Verse: 16 
Halfverse: a    tato hataratʰāt tasmād   utpatantaṃ niśācaram
   tato hata-ratʰāt tasmād   utpatantaṃ niśā-caram /
Halfverse: c    bibʰeda rāmas taṃ bāṇair   hr̥daye so 'bʰavaj jaḍaḥ
   bibʰeda rāmas taṃ bāṇair   hr̥daye so_abʰavaj jaḍaḥ /16/

Verse: 17 
Halfverse: a    sāyakaiś cāprameyātmā   sāmarṣas tasya rakṣasaḥ
   sāyakaiś ca_aprameya_ātmā   sāmarṣas tasya rakṣasaḥ /
Halfverse: c    śirāṃsy apātayat trīṇi   vegavadbʰis tribʰiḥ śataiḥ
   śirāṃsy apātayat trīṇi   vegavadbʰis tribʰiḥ śataiḥ /17/

Verse: 18 
Halfverse: a    sa bʰūmau śoṇitodgārī   rāmabāṇābʰipīḍitaḥ
   sa bʰūmau śoṇita_udgārī   rāma-bāṇa_abʰipīḍitaḥ /
Halfverse: c    nyapatat patitaiḥ pūrvaṃ   svaśirobʰir niśācaraḥ
   nyapatat patitaiḥ pūrvaṃ   sva-śirobʰir niśā-caraḥ /18/

Verse: 19 
Halfverse: a    hataśeṣās tato bʰagnā   rākṣasāḥ kʰarasaṃśrayāḥ
   hata-śeṣās tato bʰagnā   rākṣasāḥ kʰara-saṃśrayāḥ /
Halfverse: c    dravanti sma na tiṣṭʰanti   vyāgʰratrastā mr̥gā iva
   dravanti sma na tiṣṭʰanti   vyāgʰra-trastā mr̥gā iva /19/

Verse: 20 
Halfverse: a    tān kʰaro dravato dr̥ṣṭvā   nivartya ruṣitaḥ svayam
   tān kʰaro dravato dr̥ṣṭvā   nivartya ruṣitaḥ svayam /
Halfverse: c    rāmam evābʰidudrāva   rāhuś candramasaṃ yatʰā
   rāmam eva_abʰidudrāva   rāhuś candramasaṃ yatʰā /20/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.