TITUS
Ramayana
Part No. 566
Previous part

Chapter: 59 
Adhyāya 59


Verse: 1 
Halfverse: a    atʰa rātryāṃ pravr̥ttāyāṃ   śatrugʰno bʰr̥gunandanam
   atʰa rātryāṃ pravr̥ttāyāṃ   śatrugʰno bʰr̥gu-nandanam /
Halfverse: c    papraccʰa cyavanaṃ vipraṃ   lavaṇasya balābalam
   papraccʰa cyavanaṃ vipraṃ   lavaṇasya bala_abalam /1/

Verse: 2 
Halfverse: a    śūlasya ca balaṃ brahman   ke ca pūrvaṃ nipātitāḥ
   śūlasya ca balaṃ brahman   ke ca pūrvaṃ nipātitāḥ /
Halfverse: c    anena śūlamukʰena   dvandvayuddʰam upāgatāḥ
   anena śūla-mukʰena   dvandva-yuddʰam upāgatāḥ /2/

Verse: 3 
Halfverse: a    tasya tadbʰāṣitaṃ śrutvā   śatrugʰnasya mahātmanaḥ
   tasya tad-bʰāṣitaṃ śrutvā   śatrugʰnasya mahātmanaḥ /
Halfverse: c    pratyuvāca mahātejāś   cyavano ragʰunandanam
   pratyuvāca mahā-tejāś   cyavano ragʰu-nandanam /3/

Verse: 4 
Halfverse: a    asaṃkʰyeyāni karmāṇi   yāny asya puruṣarṣabʰa
   asaṃkʰyeyāni karmāṇi   yāny asya puruṣa-r̥ṣabʰa /
Halfverse: c    ikṣvākuvaṃśaprabʰave   yad vr̥ttaṃ tac cʰr̥ṇuṣva me
   ikṣvāku-vaṃśa-prabʰave   yad vr̥ttaṃ tat śr̥ṇuṣva me /4/ {!}

Verse: 5 
Halfverse: a    ayodʰyāyāṃ purā rājā   yuvanāśvasuto balī
   ayodʰyāyāṃ purā rājā   yuvanāśva-suto balī /
Halfverse: c    māndʰatā iti vikʰyātas   triṣu lokeṣu vīryavān
   māndʰatā iti vikʰyātas   triṣu lokeṣu vīryavān /5/ {Hiatus}

Verse: 6 
Halfverse: a    sa kr̥tvā pr̥tʰivīṃ kr̥tsnāṃ   śāsane pr̥tʰivīpatiḥ
   sa kr̥tvā pr̥tʰivīṃ kr̥tsnāṃ   śāsane pr̥tʰivī-patiḥ /
Halfverse: c    suralokam atʰo jetum   udyogam akaron nr̥paḥ
   sura-lokam atʰo jetum   udyogam akaron nr̥paḥ /6/

Verse: 7 
Halfverse: a    indrasya tu bʰayaṃ tīvraṃ   surāṇāṃ ca mahātmanām
   indrasya tu bʰayaṃ tīvraṃ   surāṇāṃ ca mahātmanām /
Halfverse: c    māndʰātari kr̥todyoge   devalokajigīṣayā
   māndʰātari kr̥ta_udyoge   deva-loka-jigīṣayā /7/

Verse: 8 
Halfverse: a    ardʰāsanena śakrasya   rājyārdʰena ca pārtʰivaḥ
   ardʰa_āsanena śakrasya   rājya_ardʰena ca pārtʰivaḥ /
Halfverse: c    vandyamānaḥ suragaṇaiḥ   pratijñām adʰyarohata
   vandyamānaḥ sura-gaṇaiḥ   pratijñām adʰyarohata /8/

Verse: 9 
Halfverse: a    tasya pāpam abʰiprāyaṃ   viditvā pākaśāsanaḥ
   tasya pāpam abʰiprāyaṃ   viditvā pāka-śāsanaḥ /
Halfverse: c    sāntvapūrvam idaṃ vākyam   uvāca yuvanāśvajam
   sāntva-pūrvam idaṃ vākyam   uvāca yuvanāśvajam /9/

Verse: 10 
Halfverse: a    rājā tvaṃ mānuṣaṃ loke   na tāvat puruṣarṣabʰa
   rājā tvaṃ mānuṣaṃ loke   na tāvat puruṣa-r̥ṣabʰa /10/
Halfverse: c    akr̥tvā pr̥tʰivīṃ vaśyāṃ   devarājyam iheccʰasi
   akr̥tvā pr̥tʰivīṃ vaśyāṃ   deva-rājyam iha_iccʰasi /10/

Verse: 11 
Halfverse: a    yadi vīra samagrā te   medinī nikʰilā vaśe
   yadi vīra samagrā te   medinī nikʰilā vaśe /
Halfverse: c    devarājyaṃ kuruṣveha   sabʰr̥tyabalavāhanaḥ
   deva-rājyaṃ kuruṣva_iha   sabʰr̥tya-bala-vāhanaḥ /11/

Verse: 12 
Halfverse: a    indram evaṃ bruvāṇaṃ tu   māndʰātā vākyam abravīt
   indram evaṃ bruvāṇaṃ tu   māndʰātā vākyam abravīt /
Halfverse: c    kva me śakrapratihataṃ   śāsanaṃ pr̥tʰivītale
   kva me śakra-pratihataṃ   śāsanaṃ pr̥tʰivī-tale /12/

Verse: 13 
Halfverse: a    tam uvāca sahasrākṣo   lavaṇo nāma rākṣasaḥ
   tam uvāca sahasra_akṣo   lavaṇo nāma rākṣasaḥ /
Halfverse: c    madʰuputro madʰuvane   nājñāṃ te kurute 'nagʰa
   madʰu-putro madʰu-vane   na_ājñāṃ te kurute_anagʰa /13/

Verse: 14 
Halfverse: a    tac cʰrutvā vipriyaṃ gʰoraṃ   sahasrākṣeṇa bʰāṣitam
   tat śrutvā vipriyaṃ gʰoraṃ   sahasra_akṣeṇa bʰāṣitam /
Halfverse: c    vrīḍito 'vāṅmukʰo rājā   vyāhartuṃ na śaśāka ha
   vrīḍito_avāṅ-mukʰo rājā   vyāhartuṃ na śaśāka ha /14/

Verse: 15 
Halfverse: a    āmantrya tu sahasrākṣaṃ   hriyā kiṃ cid avāṅmukʰaḥ
   āmantrya tu sahasra_akṣaṃ   hriyā kiṃcid avāṅ-mukʰaḥ /
Halfverse: c    punar evāgamac cʰrīmān   imaṃ lokaṃ nareśvaraḥ
   punar eva_agamat śrīmān   imaṃ lokaṃ nara_īśvaraḥ /15/

Verse: 16 
Halfverse: a    sa kr̥tvā hr̥daye 'marṣaṃ   sabʰr̥tyabalavāhanaḥ
   sa kr̥tvā hr̥daye_amarṣaṃ   sabʰr̥tya-bala-vāhanaḥ /
Halfverse: c    ājagāma madʰoḥ putraṃ   vaśe kartum aninditaḥ
   ājagāma madʰoḥ putraṃ   vaśe kartum aninditaḥ /16/

Verse: 17 
Halfverse: a    sa kāṅkṣamāṇo lavaṇaṃ   yuddʰāya puruṣarṣabʰaḥ
   sa kāṅkṣamāṇo lavaṇaṃ   yuddʰāya puruṣa-r̥ṣabʰaḥ /
Halfverse: c    dūtaṃ saṃpreṣayām āsa   sakāśaṃ lavaṇasya saḥ
   dūtaṃ saṃpreṣayām āsa   sakāśaṃ lavaṇasya saḥ /17/

Verse: 18 
Halfverse: a    sa gatvā vipriyāṇy āha   bahūni madʰunaḥ sutam
   sa gatvā vipriyāṇy āha   bahūni madʰunaḥ sutam /
Halfverse: c    vadantam evaṃ taṃ dūtaṃ   bʰakṣayām āsa rākṣasaḥ
   vadantam evaṃ taṃ dūtaṃ   bʰakṣayām āsa rākṣasaḥ /18/

Verse: 19 
Halfverse: a    cirāyamāṇe dūte tu   rājā krodʰasamanvitaḥ
   cirāyamāṇe dūte tu   rājā krodʰa-samanvitaḥ /
Halfverse: c    ardayām āsa tad rakṣaḥ   śaravr̥ṣṭyā samantataḥ
   ardayām āsa tad rakṣaḥ   śara-vr̥ṣṭyā samantataḥ /19/

Verse: 20 
Halfverse: a    tataḥ prahasya lavaṇaḥ   śūlaṃ jagrāha pāṇinā
   tataḥ prahasya lavaṇaḥ   śūlaṃ jagrāha pāṇinā /
Halfverse: c    vadʰāya sānubandʰasya   mumocāyudʰam uttamam
   vadʰāya sānubandʰasya   mumoca_āyudʰam uttamam /20/

Verse: 21 
Halfverse: a    tac cʰūlaṃ dīpyamānaṃ tu   sabʰr̥tyabalavāhanam
   tat śūlaṃ dīpyamānaṃ tu   sabʰr̥tya-bala-vāhanam /
Halfverse: c    bʰasmīkr̥tya nr̥paṃ bʰūyo   lavaṇasyāgamat karam
   bʰasmī-kr̥tya nr̥paṃ bʰūyo   lavaṇasya_agamat karam /21/

Verse: 22 
Halfverse: a    evaṃ sa rājā sumahān   hataḥ sabalavāhanaḥ
   evaṃ sa rājā sumahān   hataḥ sabala-vāhanaḥ /
Halfverse: c    śūlasya ca balaṃ vīra   aprameyam anuttamam
   śūlasya ca balaṃ vīra   aprameyam anuttamam /22/

Verse: 23 
Halfverse: a    śvaḥ prabʰāte tu lavaṇaṃ   vadʰiṣyasi na saṃśayaḥ
   śvaḥ prabʰāte tu lavaṇaṃ   vadʰiṣyasi na saṃśayaḥ /
Halfverse: c    agr̥hītāyudʰaṃ kṣipraṃ   dʰruvo hi vijayas tava
   agr̥hīta_āyudʰaṃ kṣipraṃ   dʰruvo hi vijayas tava /23/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.