TITUS
Ramayana
Part No. 574
Previous part

Chapter: 67 
Adhyāya 67


Verse: 1 
Halfverse: a    tasya tadvacanaṃ śrutvā   rāmasyākliṣṭakarmaṇaḥ
   tasya tad-vacanaṃ śrutvā   rāmasya_akliṣṭa-karmaṇaḥ /
Halfverse: c    avākśirās tatʰābʰūto   vākyam etad uvāca ha
   avāk-śirās tatʰā-bʰūto   vākyam etad uvāca ha /1/

Verse: 2 
Halfverse: a    śūdrayonyāṃ prasūto 'smi   tapa ugraṃ samāstʰitaḥ
   śūdra-yonyāṃ prasūto_asmi   tapa ugraṃ samāstʰitaḥ /
Halfverse: c    devatvaṃ prārtʰaye rāma   saśarīro mahāyaśaḥ
   devatvaṃ prārtʰaye rāma   saśarīro mahā-yaśaḥ /2/

Verse: 3 
Halfverse: a    na mitʰyāhaṃ vade rājan   devalokajigīṣayā
   na mitʰyā_ahaṃ vade rājan   devaloka-jigīṣayā /
Halfverse: c    śūdraṃ māṃ viddʰi kākutstʰa   śambūkaṃ nāma nāmataḥ
   śūdraṃ māṃ viddʰi kākutstʰa   śambūkaṃ nāma nāmataḥ /3/

Verse: 4 
Halfverse: a    bʰāṣatas tasya śūdrasya   kʰaḍgaṃ suruciraprabʰam
   bʰāṣatas tasya śūdrasya   kʰaḍgaṃ surucira-prabʰam /
Halfverse: c    niṣkr̥ṣya kośād vimalaṃ   śiraś ciccʰeda rāgʰavaḥ
   niṣkr̥ṣya kośād vimalaṃ   śiraś ciccʰeda rāgʰavaḥ /4/

Verse: 5 
Halfverse: a    tasmin muhūrte bālo 'sau   jīvena samayujyata
   tasmin muhūrte bālo_asau   jīvena samayujyata /5/ {ab only}

Verse: 6 
Halfverse: a    tato 'gastyāśramapadaṃ   rāmaḥ kamalalocanaḥ
   tato_agastya_āśrama-padaṃ   rāmaḥ kamala-locanaḥ /
Halfverse: c    sa gatvā vinayenaiva   taṃ natvā mumude sukʰī
   sa gatvā vinayena_eva   taṃ natvā mumude sukʰī /6/

Verse: 7 
Halfverse: a    so 'bʰivādya mahātmānaṃ   jvalantam iva tejasā
   so_abʰivādya mahātmānaṃ   jvalantam iva tejasā /
Halfverse: c    ātitʰyaṃ paramaṃ prāpya   niṣasāda narādʰipaḥ
   ātitʰyaṃ paramaṃ prāpya   niṣasāda nara_adʰipaḥ /7/

Verse: 8 
Halfverse: a    tam uvāca mahātejāḥ   kumbʰayonir mahātapāḥ
   tam uvāca mahā-tejāḥ   kumbʰa-yonir mahā-tapāḥ /
Halfverse: c    svāgataṃ te naraśreṣṭʰa   diṣṭyā prāpto 'si rāgʰava
   svāgataṃ te nara-śreṣṭʰa   diṣṭyā prāpto_asi rāgʰava /8/

Verse: 9 
Halfverse: a    tvaṃ me bahumato rāma   guṇair bahubʰir uttamaiḥ
   tvaṃ me bahu-mato rāma   guṇair bahubʰir uttamaiḥ /
Halfverse: c    atitʰiḥ pūjanīyaś ca   māma rājan hr̥di stʰitaḥ
   atitʰiḥ pūjanīyaś ca   māma rājan hr̥di stʰitaḥ /9/

Verse: 10 
Halfverse: a    surā hi katʰayanti tvām   āgataṃ śūdragʰātinam
   surā hi katʰayanti tvām   āgataṃ śūdra-gʰātinam /
Halfverse: c    brāhmaṇasya tu dʰarmeṇa   tvayā jīvāpitaḥ sutaḥ
   brāhmaṇasya tu dʰarmeṇa   tvayā jīvāpitaḥ sutaḥ /10/

Verse: 11 
Halfverse: a    uṣyatāṃ ceha rajanīṃ   sakāśe mama rāgʰava
   uṣyatāṃ ca_iha rajanīṃ   sakāśe mama rāgʰava /
Halfverse: c    prabʰāte puṣpakeṇa tvaṃ   gantā svapuram eva hi
   prabʰāte puṣpakeṇa tvaṃ   gantā sva-puram eva hi /11/

Verse: 12 
Halfverse: a    idaṃ cābʰaraṇaṃ saumya   nirmitaṃ viśvakarmaṇā
   idaṃ ca_ābʰaraṇaṃ saumya   nirmitaṃ viśva-karmaṇā /
Halfverse: c    divyaṃ divyena vapuṣā   dīpyamānaṃ svatejasā
   divyaṃ divyena vapuṣā   dīpyamānaṃ sva-tejasā /
Halfverse: e    pratigr̥hṇīṣva kākutstʰa   matpriyaṃ kuru rāgʰava
   pratigr̥hṇīṣva kākutstʰa   mat-priyaṃ kuru rāgʰava /12/

Verse: 13 
Halfverse: a    dattasya hi punar dānaṃ   sumahat pʰalam ucyate
   dattasya hi punar dānaṃ   sumahat pʰalam ucyate /
Halfverse: c    tasmāt pradāsye vidʰivat   tat pratīccʰa nararṣabʰa
   tasmāt pradāsye vidʰivat   tat pratīccʰa nara-r̥ṣabʰa /13/

Verse: 14 
Halfverse: a    tad rāmaḥ pratijagrāha   munes tasya mahātmanaḥ
   tad rāmaḥ pratijagrāha   munes tasya mahātmanaḥ /
Halfverse: c    divyam ābʰaraṇaṃ citraṃ   pradīptam iva bʰāskaram
   divyam ābʰaraṇaṃ citraṃ   pradīptam iva bʰāskaram /14/

Verse: 15 
Halfverse: a    pratigr̥hya tato rāmas   tad ābʰaraṇam uttamam
   pratigr̥hya tato rāmas   tad ābʰaraṇam uttamam /
Halfverse: c    āgamaṃ tasya divyasya   praṣṭum evopacakrame
   āgamaṃ tasya divyasya   praṣṭum eva_upacakrame /15/

Verse: 16 
Halfverse: a    atyadbʰutam idaṃ brahman   vapuṣā yuktam uttamam
   atyadbʰutam idaṃ brahman   vapuṣā yuktam uttamam /
Halfverse: c    katʰaṃ bʰagavatā prāptaṃ   kuto vā kena vāhr̥tam
   katʰaṃ bʰagavatā prāptaṃ   kuto vā kena vā_āhr̥tam /16/

Verse: 17 
Halfverse: a    kutūhalatayā brahman   pr̥ccʰāmi tvāṃ mahāyaśaḥ
   kutūhalatayā brahman   pr̥ccʰāmi tvāṃ mahā-yaśaḥ /
Halfverse: c    āścaryāṇāṃ bahūnāṃ hi   nidʰiḥ paramako bʰavān
   āścaryāṇāṃ bahūnāṃ hi   nidʰiḥ paramako bʰavān /17/

Verse: 18 
Halfverse: a    evaṃ bruvati kākutstʰe   munir vākyam atʰābravīt
   evaṃ bruvati kākutstʰe   munir vākyam atʰa_abravīt /
Halfverse: c    śr̥ṇu rāma yatʰāvr̥ttaṃ   purā tretāyuge gate
   śr̥ṇu rāma yatʰā-vr̥ttaṃ   purā tretā-yuge gate /18/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.