TITUS
Atharva-Veda-Samhita (Saunaka)
Part No. 494
Previous part

Hymn: 10 
Verse: 1 
Halfverse: a    tád yásyaiváṃ vidvā́n vrā́tyo rā́jñó 'titʰir gr̥hā́n āgácʰet //1//

Verse: 2 
Halfverse: a    śréyāṃsam enam ātmáno mānayet tátʰā kṣatrā́ya nā́ vr̥ścate tátʰā rāṣṭrā́ya nā́ vr̥ścate //2//

Verse: 3 
Halfverse: a    áto vaí bráhma ca kṣatráṃ cód atiṣṭʰatāṃ té abrūtāṃ káṃ prá viśāvéti //3//

Verse: 4 
Halfverse: a    áto vaí bŕ̥haspátim evá bráhma prá viśatv índraṃ kṣatráṃ tátʰā vā́ íti //4//

Verse: 5 
Halfverse: a    áto vaí bŕ̥haspátim evá brahma prā́viśad índraṃ kṣatráṃ //5//

Verse: 6 
Halfverse: a    iyáṃ vā́ u pr̥tʰivī́ bŕ̥haspátir dyaúr evéndraḥ //6//

Verse: 7 
Halfverse: a    ayáṃ vā́ u agnír bráhmāsā́v ādityáḥ kṣatrám //7//

Verse: 8 
Halfverse: a    aínaṃ bráhma gacʰati brahmavarcasī́ bʰavati //8//

Verse: 9 
Halfverse: a    yáḥ pr̥tʰivī́ṃ bŕ̥haspátim agníṃ brahma véda //9//

Verse: 10 
Halfverse: a    aínam indriyáṃ gacʰatīndriyávān bʰavati //10//

Verse: 11 
Halfverse: a    yá ādityáṃ kṣatráṃ dívam índraṃ véda //11//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.