TITUS
Rg-Veda: Aitareya-Brahmana
Part No. 44
Previous part

Paragraph: 14 


Sentence: 1    sā vā eṣāmr̥tāhutir eva yad vapāhutir,
   amr̥tāhutir agnyāhutir, amr̥tāhutir ājyāhutir, amr̥tāhutiḥ somāhutir.
   etā vā aśarīrā ahutayo. yā vai kāścāśarīra āhutayo,
   'mr̥tatvam eva tābʰir yajamāno jayati
Sentence: 2    sā vā eṣā reta eva yad vapā. preva vai reto līyate preva vapā līyate,
   śuklaṃ vai retaḥ śukla vapāśarīraṃ vai reto 'śarīrā vapā.
   yad vai lohitaṃ yan māṃsaṃ, tac cʰarīraṃ.
   tasmād brūyāḍ: yāvad alohitaṃ tāvat parivāsayeti
Sentence: 3    sā pañcāvattā bʰavati. yady api caturavattī yajamānaḥ syād,
   atʰa pañcāvattaiva vapā/jyasyopastr̥ṇāti,
Sentence: 4    hiraṇyaśalko,
   vapā, hiraṇyaśalka, ājyasyopariṣṭād abʰigʰārayati
Sentence: 5    tad āhur: yad dʰiraṇyaṃ na vidyeta katʰaṃ syad iti.
   dvir ājyasyopastīrya vapām avadāya dvir upariṣṭād abʰigʰārayaty
Sentence: 6    amr̥taṃ vā ājyam, amr̥taṃ hiraṇyaṃ. tatra sa kāma upāpto ya ājye,
   tatra sa kāma upāpto yo hiraṇye. tat pañca sampadyante
Sentence: 7    pāṅkto 'yam puruṣaḥ pañcadʰā vihito: lomāni tvaṅ māṃsam astʰi majjā.
   sa yāvān eva puruṣas tāvantaṃ yajamānaṃ saṃskr̥tyāgnau devayonyāṃ juhoty.
   Agnir vai devayoniḥ. so 'gner devayonyā āhutibʰyaḥ sambʰūya
   hiraṇyaśarīra ūrdʰvaḥ svargaṃ lokam eti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.