TITUS
Rg-Veda: Aitareya-Brahmana
Part No. 47
Previous part

Paragraph: 17 


Sentence: 1    śatam anūcyam āyuṣkāmasya. śatāyur vai puruṣaḥ śatavīryaḥ śatendriya,
   āyuṣy evainaṃ tad vīrya indriye dadʰāti
Sentence: 2    trīṇi ca śatāni ṣaṣṭiś cānūcyāni yajñakāmasya.
   trīṇi ca vai śatāni ṣaṣṭiś ca saṃvatsarasyāhāni, tāvān saṃvatsaraḥ,
   saṃvatsaraḥ Prajāpatiḥ, Prajāpatir yajña
Sentence: 3    upainaṃ yajño namati yasyaivaṃ vidvāṃs trīṇi ca śatāni ṣaṣṭiṃ cānvāha
Sentence: 4    sapta ca śatāni viṃśatiś cānūcyāni prajāpaśukāmasya.
   sapta ca vai śatāni viṃśatiś ca saṃvatsarasyāhorātrās, tāvān saṃvatsaraḥ,
   saṃvatsaraḥ Prajāpatir yam prajāyamānaṃ viśvaṃ rūpam idaṃ anuprajāyate.
   Prajāpatim eva tat prajāyamānam prajayā paśubʰir anuprajāyate prajātyai
Sentence: 5    prajāyate prajayā paśubʰir ya evaṃ vedā/ṣṭau
Sentence: 6    śatāny anūcyāny abrāhmaṇoktasya,
   yo vā ՚6 duruktoktaḥ śamalagr̥hīto yajetāṣṭākṣarā vai gāyatrī,
   gāyatryā vai devāḥ pāpmānaṃ śamalam apāgʰnata.
   gāyatryaivāsya tat pāpmānaṃ śamalam apahanty
Sentence: 7    apa pāpmānaṃ hate ya evaṃ veda
Sentence: 8    sahasram anūcyaṃ svargakāmasya. sahasrāśvīne vā itaḥ svargo lokaḥ,
   svargasya lokasya samaṣṭyai sampattyai saṃgatyā
Sentence: 9    aparimitam anūcyam. aparimito vai Prajāpatiḥ.
   Prajāpater vā etad uktʰaṃ yat prātaranuvākas,
   tasmin sarve kāmā avarudʰyante.
   sa yad aparimitam anvāha, sarveṣāṃ kāmānām avaruddʰyai
Sentence: 10    sarvān kāmān avarunddʰe ya evaṃ veda
Sentence: 11    tasmād aparimitam evānūcyaṃ
Sentence: 12    saptāgneyāni cʰandāṃsy anvāha. sapta vai devalokāḥ
Sentence: 13    sarveṣu devalokeṣu rādʰnoti ya evaṃ veda
Sentence: 14    saptoṣasyāni cʰandāṃsy anvāha. sapta vai grāmyāḥ paśavo
Sentence: 15    'va grāmyān paśūn runddʰe ya evaṃ veda
Sentence: 16    saptāśvināni cʰandāṃsy anvāha.
   saptadʰā vai vāg avadat, tāvad vai vāg avadat,
   sarvasyai vācaḥ sarvasya brahmaṇaḥ parigr̥hītyai
Sentence: 17    tisro devatā anvāha.
   trayo vā ime trivr̥to lokā, eṣām eva lokānām abʰijityai



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.