TITUS
Rg-Veda: Aitareya-Brahmana
Part No. 50
Previous part

Paragraph: 20 


Sentence: 1    tā etā navānantarāyam anvāha
Sentence: 2    hinotā no adʰvaraṃ devayajyeti daśamīm
Sentence: 3    āvarvr̥tatīr adʰa nu dvidʰārā ity avr̥ttāsv ekadʰanāsu
Sentence: 4    prati yad āpo adr̥śram āyatīr iti pratidr̥śyamānāsv
Sentence: 5    ā dʰenavaḥ payasā tūrṇyartʰā ity upāyatīṣu
Sentence: 6    sam anyā yanty upa yanty anyā iti samāyatīṣv
Sentence: 7    āpo vā aspardʰanta:
   vayam pūrvaṃ yajñaṃ vakṣyāmo vayam iti
   yāś cemāḥ pūrvedyur vasatīvaryo gr̥hyante yāś ca prātar ekadʰanās.
   tā Bʰr̥gur apaśyad: āpo vai spardʰanta iti. tā etayarcā samajñapayat:
   sam anyā yanty upa yanty anyā iti. tāḥ samajānata
Sentence: 8    saṃjānānā hāsyāpo yajñaṃ vahanti ya evaṃ vedā/po
Sentence: 9    na devīr upa yanti hotriyam iti
   hotr̥camase samavanīyamānāsv anvāha vasatīvarīṣv ekadʰanāsu cā/ver
Sentence: 10    apo 'dʰvaryā+u iti hotādʰvaryum pr̥cʰaty
Sentence: 11    āpo vai yajño, 'vido yajnā+m= ity eva tad āho/tem
Sentence: 12    anannamur ity adʰvaryuḥ pratyāho/temāḥ
Sentence: 13    paśyety eva tad āha
Sentence: 14    tāsv adʰvaryo īndrāya somaṃ sotā madʰumantam \
   vr̥ṣṭivaniṃ tīvrāntam bahuramadʰyaṃ vasumate rudravata ādityavata
   r̥bʰumate vibʰumate vājavate br̥haspativate viśvadevyāvate \
   yasyendraḥ pītvā vr̥trāṇi jaṅgʰanat pra sa janyāni tāriṣo+m iti
   pratyuttiṣṭhati
Sentence: 15    pratyuttʰeyā vā āpaḥ, prati vai śreyāṃsām āyantam uttiṣṭhanti,
   tasmāt pratyuttʰeyā
Sentence: 16    anuparyāvr̥tyā
Sentence: 17    ānu vai śreyāṃsam paryāvartante, tasnād anuparyāvr̥tyā.
   anubruvataivānuprapattavyam
Sentence: 18    īśvaro ha yady apy anyo yajetātʰa hotāraṃ yaśo 'rtos,
   tasmād anubruvataivānuprapattavyam
Sentence: 19    ambayo yanty adʰvabʰir ity etām anubruvann anuprapadyeta
Sentence: 20    jāmayo adʰvarīyatām pr̥ñcatīr madʰunā paya iti
Sentence: 21    yo 'madʰavyo yaśo 'rtor bubʰūṣed
Sentence: 22    amūr yā upa sūrye yābʰir vā sūryaḥ saheti tejaskāmo brahmavarcasakāmo
Sentence: 23    'po devīr upa hvaye yatra gāvaḥ pibanti na iti paśukāmas
Sentence: 24    tā etāḥ sarvā evānubruvann anuprapadyetaiteṣāṃ kāmānām avaruddʰyā
Sentence: 25    etān kāmān avarunddʰe ya evaṃ vedai/mā
Sentence: 26    agman revatīr jīvadʰanyā iti
   sādyamānāsv anvāha vasatīvarīṣv ekadʰanāsu cā/gmann
Sentence: 27    āpa uśātīr barhir edam iti sannāsu. sa etayā paridadʰāti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.