TITUS
Rg-Veda: Aitareya-Brahmana
Part No. 91
Previous part

Paragraph: 20 


Sentence: 1    Indro vai Vr̥traṃ haniṣyan sarvā devatā abravīd:
   anu mopatiṣṭhadʰvam, upa mā hvayadʰvam iti. tatʰeti.
   taṃ haniṣyanta ādravan. so 'ven:
   māṃ vai haniṣyanta ādravanti, hantemān bʰīṣayā iti.
   tān abʰi prāśvasīt, tasya śvasatʰād īṣamāṇā viśve devā adravan.
   Maruto hainaṃ nājahuḥ:
   prahara bʰagavo jahi vīrayasvety evainam etāṃ vācaṃ vadanta upātiṣṭhanta.
   tad etad r̥ṣiḥ paśyann abʰyanūvāca:
   vr̥trasya tvā śvasatʰād īṣamāṇā viśve devā ājahur ye sakʰāyaḥ \
   marudbʰir indra sakʰyaṃ te astv atʰemā viśvāḥ pr̥tanā jayāsīti.
   so 'ved: ime vai kila me sacivā, ime mākāmayanta,
   hantemān asminn uktʰa ābʰajā iti.
   tān etasminn uktʰa ābʰajad,
   atʰa haite tarhy ubʰe eva niṣkevalye uktʰe āsatur
Sentence: 2    marutvatīyaṃ grahaṃ gr̥hṇāti, marutvatīyam pragātʰaṃ śaṃsati,
   marutvatīyaṃ sūktaṃ śaṃsati, marutvatīyām nividaṃ dadʰāti:
   Marutāṃ sā bʰaktir
Sentence: 3    marutvatīyam uktʰaṃ śastvā marutvatīyayā yajati,
   yatʰābʰāgaṃ tad devatāḥ prīṇāti
Sentence: 4    ye tvāhihatye magʰavann avardʰan ye śāmbare harivo ye gaviṣṭau \
   ye tvā nūnam anumadanti viprāḥ pibendra somaṃ sagaṇo marudbʰir iti
Sentence: 5    yatra-yatraivaibʰir vyajayata yatra-yatra vīryam akarot,
   tad evaitat samanuvedyendreṇainān sasomapītʰān karoti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.