TITUS
Rg-Veda: Aitareya-Brahmana
Part No. 93
Previous part

Paragraph: 22 


Sentence: 1    te devā abruvann:
   iyaṃ vā Indrasya priyā jāvā vāvātā Prāsahā nāmāsyām evecʰāmahā iti.
   tatʰeti. tasyām aicʰanta. sainān abravīt:
   prātar vaḥ prativaktāsmīti.
   tasmāt striyaḥ patyāv icʰante, tasmād u stry anurātram patyāv icʰate.
   tām prātar upāyan, saitad eva pratyapadyata:
Sentence: 2    yad vāvāna purutamam purāṣāḷ ā vr̥trahendro nāmāny aprāḥ \
   aceti prāsahas patis tuviṣmān itī/ndro
Sentence: 3    vai prāsahas patis tuviṣmān
Sentence: 4    yadīm uśmāsi kartave karat tad iti.
   yad evaitad avocāmākarat tad ity evaināṃs tad abravīt
Sentence: 5    te devā abruvann:
   apy asyā ihāstu, yā no 'smin na vai kam avidad iti. tatʰeti.
   tasyā apy atrākurvaṃs
Sentence: 6    tasmād eṣātrāpi śasyate: yad vāvāna purutamam purāṣāḷ iti
Sentence: 7    senā vā Indrasya priyā jāyā vāvātā Prāsahā nāma,
   Ko nāma Prajāpatiḥ śvaśuras.
   tad yāsya kāme senā jayet,
   tasyā ardʰāt tiṣṭhaṃs tr̥ṇam ubʰayataḥ paricʰidyetarāṃ senām abʰy asyet:
   Prāsahe Kas tvā paśyatīti.
   tad yatʰaivādaḥ snuṣā śvaśurāḷ lajjamānā nilīyamānaity,
   evam eva sā senā bʰajyamānā nilīyamānaiti yatraivaṃ vidvāṃs
   tr̥ṇam ubʰayataḥ paricʰidyetarāṃ senaṃ abʰy asyati:
   Prāsahe Kas tvā paśyatīti
Sentence: 8    tān Indra uvācāpi vo 'trāstv iti. te devā abruvan:
   virāḍ yājyāstu niṣkevalyasya yā trayastriṃśadakṣarā
Sentence: 9    trayastriṃśad vai devā:
   aṣṭau Vasava, ekādaśa Rudrā, dvādaśādityāḥ, Prajāpatiś ca Vaṣaṭkāraś ca.
   devatā akṣarabʰājaḥ karoty,
   akṣaram-akṣaram eva tad devatā anuprapibanti,
   devapātreṇaiva tad devatās tr̥pyanti
Sentence: 10    yaṃ kāmayetānāyatanavān syād ity,
   avirājāsya yajed gāyatryā vā tr̥ṣṭubʰā vānyena vā cʰandasā, vaṣaṭkuryād:
   anāyatanavantam evainaṃ tat karoti
Sentence: 11    yaṃ kāmayetāyatanavān syād iti, virājāsya yajet:
   pibā somam indra mandatu tvety etayāyatanavantam evainaṃ tat karoti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.