TITUS
Rg-Veda: Aitareya-Brahmana
Part No. 95
Previous part

Paragraph: 24 


Sentence: 1    stotriyaṃ śaṃsaty, ātmā vai stotriyas
Sentence: 2    tam madʰyamayā vācā śaṃsaty, ātmānam eva tat saṃskurute
Sentence: 3    'nurūpaṃ śaṃsati, prajā vā anurūpaḥ
Sentence: 4    sa uccaistarām ivānurūpaḥ śaṃstavyaḥ,
   prajām eva tac cʰreyasīm ātmanaḥ kurute
Sentence: 5    dʰāyyāṃ śaṃsati, patnī vai dʰāyyā
Sentence: 6    sā nīcaistarām iva dʰāyyā śaṃstavyā
Sentence: 7    prativādinī hāsya gr̥heṣu patnī bʰavati yatraivaṃ vidvān
   nīcaistarāṃ dʰāyyāṃ śaṃsati
Sentence: 8    pragātʰaṃ śaṃsati
Sentence: 9    sa svaravatyā vācā śaṃstavyaḥ.
   paśavo vai svaraḥ, paśavaḥ pragātʰaḥ, paśūnām avaruddʰyā
Sentence: 10    indrasya nu vīryāṇī pra vocam iti sūktāṃ śaṃsati
Sentence: 11    tad vā etat priyam Indrasya sūktaṃ niṣkevalyaṃ hairaṇyastūpam.
   etena vai sūktena Hiraṇyastūpa Āṅgirasa Indrasya priyaṃ dʰāmopāgacʰat,
   sa paramaṃ lokam ajayad
Sentence: 12    upendrasya priyaṃ dʰāma gacʰati, jayati paramaṃ lokaṃ ya evaṃ veda
Sentence: 13    gr̥hā vai pratiṣṭhā sūktaṃ.
   tat pratiṣṭhitatamayā vācā śaṃstavyaṃ.
   tasmād yady api dūra iva paśūm̐l labʰate, gr̥hān evainān ājigamiṣati;
   gr̥hā hi paśūnām pratiṣṭhā pratiṣṭhā



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.