TITUS
Rg-Veda: Aitareya-Brahmana
Part No. 97
Previous part

Paragraph: 26 


Sentence: 1    te devā abruvan gāyatrīṃ.
   tvaṃ na imaṃ somaṃ rājānam āhareti.
   sā tatʰety abravīt, tāṃ vai mā sarveṇa svastyayanenānumantrayadʰvam iti.
   tatʰeti. sodapatat, tāṃ devāḥ sarveṇa svastyayanenānvamantrayanta:
   preti ceti cety. etad vai sarvaṃ svastyayanaṃ yat preti ceti ceti.
   tad yo 'sya priyaḥ syāt tam etenānumantrayeta:
   preti ceti ceti, svasty eva gacʰati, svasti punar āgacʰati
Sentence: 2    sā patitvā somapālān bʰīṣayitvā padbʰyāṃ ca mukʰena ca somaṃ rājānaṃ
   samagr̥bʰṇād, yāni cetare cʰandasī akṣarāṇy ajahitāṃ tāni copasamagr̥bʰṇāt
Sentence: 3    tasyā anuvisr̥jya Kr̥śānuḥ somapālaḥ savyasya pado nakʰam acʰidat,
   tac cʰalyako 'bʰavat, tasmāt sa nakʰam iva.
   yad vaśam asravat sā vaśābʰavat,
   tasmāt sā havir ivātʰa yaḥ śalyo yad anīkam āsit sa sarpo nirdaṃśy abʰavat,
   sahasaḥ svājo.
   yāni parṇāni te mantʰāvalā, yāni snāvāni te gaṇḍūpadā,
   yat tejanaṃ so 'ndʰāhiḥ.
   so sā tatʰeṣur abʰavat



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.