TITUS
Rg-Veda: Aitareya-Brahmana
Part No. 102
Previous part

Paragraph: 31 


Sentence: 1    vaiśvadevaṃ śaṃsati
Sentence: 2    yatʰā vai prāja evaṃ vaiśvadevaṃ.
   tad yatʰāntaraṃ janatā evaṃ sūktāni, yatʰāraṇyāny evaṃ dʰāyyās.
   tad ubʰayato dʰāyyām paryāhvayate.
   tasmāt tāny araṇyāni santy anaraṇyāni mr̥gaiś ca vayobʰiś ceti ha smāha
Sentence: 3    yatʰā vai puruṣa evaṃ vaiśvadevaṃ.
   tasya yatʰāvantaram aṅgāny evaṃ sūktāni, yatʰā parvāṇy evaṃ dʰāyyās.
   tad ubʰayato dʰāyyām paryāhvayate.
   tasmāt puruṣasya parvāṇi śitʰirāṇi santi dr̥ḷhāni,
   brahmaṇā hi tāni dʰr̥tāni
Sentence: 4    mūlaṃ vā etad yajñasya yad dʰāyyāś ca yājyāś ca.
   tad yad anyā-anyā dʰāyyāś ca yājyāś ca kuryur,
   unmūlam eva tad yajñaṃ kuryus.
   tasmāt tāḥ samānya eva syuḥ
Sentence: 5    pāñcajanyaṃ vā etad uktʰaṃ yad vaiśvadevaṃ.
   sarveṣāṃ vā etat pañcajanānām uktʰam:
   devamanuṣyāṇāṃ gandʰarvāpsarasāṃ sarpāṇāṃ ca pitr̥̄ṇāṃ caiteṣāṃ
   vā etat pañcajañānām uktʰaṃ
Sentence: 6    sarva enam pañcajanā vidur,
   ainam pañcinyai janatāyai havino gacʰanti ya evaṃ veda
Sentence: 7    sarvadevatyo vā eṣa hotā yo vaiśvadevaṃ śaṃsati.
   sarvā diśo dʰyāyec cʰaṃsiṣyan, sarvāsv eva tad dikṣu rasaṃ dadʰāti
Sentence: 8    yasyām asya diśi dveṣyaḥ syān na tāṃ dʰyāyed,
   anuhāyaivāsya tad vīryam ādatte
Sentence: 9    'ditir dyaur aditir antarikṣam ity
   uttamayā paridadʰātīyaṃ vā Aditir iyaṃ dyaur iyaṃ antarikṣam
Sentence: 10    aditir mātā sa pitā sa putra itīyaṃ vai māteyam piteyam putro
Sentence: 11    viśve devā aditiḥ pañca janā ity, asyāṃ vai Viśve devā asyām pañcajanā
Sentence: 12    aditir jātam aditir janitvam itīyaṃ vai jātam iyaṃ janitvaṃ
Sentence: 13    dviḥ paccʰaḥ paridadʰāti. catuṣpādā vai paśavaḥ, paśūnām avaruddʰyai.
   sakr̥d ardʰarcaśaḥ, pratiṣṭhāyā eva.
   dvipratiṣṭho vai puruṣaś catuṣpādāḥ paśavo,
   yajamānam eva tad dvipratiṣṭhaṃ catuṣpātsu paśuṣu pratiṣṭhāpayati
Sentence: 14    sadaiva pañcajanīyayā paridadʰyāt.
   tad upaspr̥san bʰūmim paridadʰyat.
   tad yasyām eva yajñaṃ sambʰarati,
   tasyām evainaṃ tad antataḥ pratiṣṭhāpayati
Sentence: 15    viśve devāḥ śr̥ṇutemaṃ havam ma iti
   vaiśvadevam uktʰaṃ śastvā vaiśvadevyā yajati,
   yatʰābʰāgaṃ tad devatāḥ prīṇāti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.