TITUS
Rg-Veda: Aitareya-Brahmana
Part No. 135
Previous part

Paragraph: 14 


Sentence: 1    yad vai caturviṃśaṃ, tan mahāvratam.
   br̥haddivenātra hotā retaḥ siñcati, tad ado mahāvratīyenāhnā prajanayati.
   saṃvatsare-saṃvatsare vai retaḥ siktaṃ jāyate.
   tasmāt samānam br̥haddivo niṣkevalyam bʰavaty.
   eṣa ha vā enam parastāt karmabʰir āptvāvastād upaiti,
   ya evaṃ vidvān etad ahar upaiti
Sentence: 2    svasti saṃvatsarasya pāram aśnute ya evaṃ veda
Sentence: 3    yo vai saṃvatsarasyāvāraṃ ca pāraṃ ca veda,
   sa vai svasti saṃvatsarasya pāram aśnute.
   'tirātro vā asya prāyaṇīyo 'vāram, udayanīyaḥ pāraṃ
Sentence: 4    svasti saṃvatsarasya pāram aśnute ya evaṃ veda
Sentence: 5    yo vai saṃvatsarasyāvarodʰanaṃ codrodʰanaṃ ca veda,
   sa vai svasti samvatsarasya pāram aśnute.
   'tirātro vā asya prāyaṇīyo 'varodʰanam, udayanīya udrodʰanaṃ
Sentence: 6    svasti saṃvatsarasya pāram aśnute ya evaṃ veda
Sentence: 7    yo vai saṃvatsarasya prāṇodānau veda,
   sa vai svasti saṃvatsarasya pāram aśnute.
   'tirātro vā asya prāyaṇīyaḥ prāṇa, udāna udayanīyaḥ
Sentence: 8    svasti saṃvatsarasya pāram aśnute ya evaṃ veda ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.