TITUS
Rg-Veda: Aitareya-Brahmana
Part No. 139
Previous part

Paragraph: 18 


Sentence: 1    ekaviṃśam etad ahar upayanti viṣuvantam madʰye saṃvatsarasyai/tena
Sentence: 2    vai devā ekaviṃśenādityaṃ svārgaya lokāyodayacʰan
Sentence: 3    sa eṣa ita ekaviṃśas
Sentence: 4    tasya daśāvastād ahāni divākīrtyasya bʰavanti daśa parastān,
   madʰya eṣa ekaviṃśa ubʰayato virāji pratiṣṭhita,
   ubʰayato hi vā eṣa virāji pratiṣṭhitas.
   tasmād eṣo 'ntaremām̐l lokān yan na vyatʰate
Sentence: 5    tasya vai devā Ādityasya svargāl lokād avapātād abibʰayus,
   taṃ tribʰiḥ svargair lokair avastāt pratyuttabʰnuvan.
   stomā vai trayaḥ svargā lokās.
   tasya parāco 'tipātād abibʰayus,
   taṃ tribʰiḥ svargair lokaiḥ parastāt pratyastabʰnuvan.
   stomā vai trayaḥ svargā lokās.
   tat trayo 'vastāt saptadaśā bʰavanti trayāḥ parastān,
   madʰya eṣa ekaviṃśa ubʰayataḥ svarasāmabʰir dʰr̥ta,
   ubʰayato hi vā eṣa svarasāmabʰir dʰr̥tas.
   tasmād eṣo 'ntaremām̐l lokān yan na vyatʰate
Sentence: 6    tasya vai devā Ādityasya svargāl lokād avapātād abibʰayus,
   tam paramaiḥ svargair lokair avastāt pratyuttabʰnuvan.
   stomā vai paramāḥ svargā lokās.
   tasya parāco 'tipātād abibʰayus,
   tam paramaiḥ svargair lokaiḥ parastāt pratyastabʰnuvan.
   stomā vai paramāḥ svargā lokās.
   tat trayo 'vastāt saptadaśā bʰavanti trayaḥ parastāt,
   te dvau-dvau sampadya trayaś catustriṇśā bʰavanti.
   catustriṃśo vai stomānām uttamas.
   teṣu vā eṣa etad adʰyāhitas tapati,
   teṣu hi vā eṣa etad adʰyāhitas tapati
Sentence: 7    sa vā eṣa uttaro 'smāt sarvasmād bʰūtād bʰaviṣyataḥ,
   sarvam evedam atirocate yad idaṃ kiṃcottaro bʰavati
Sentence: 8    yasmād uttaro bubʰūṣati tasmād uttaro bʰavati ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.