TITUS
Rg-Veda: Aitareya-Brahmana
Part No. 144
Previous part

Paragraph: 23 
{adʰyāya 19, kʰaṇḍaḥ 1-6}


Sentence: 1    Prajāpatir akāmayata:
   prajāyeya bʰūyān syām iti.
   sa tapo 'tapyata,
   sa tapas taptvemaṃ dvādaśāham apśyad ātmana evāṅgeṣu ca prāṇeṣu ca.
   tam ātmana evāṅgebʰyaś ca prāṇebʰyaś ca dvādaśadʰā niramimīta,
   tam āharat, tenāyajata.
   tato vai so 'bʰavad ātmanā, pra prajayā paśubʰir ajāyata
Sentence: 2    bʰavaty ātmanā, pra prajayā paśubʰir jāyate ya evaṃ veda
Sentence: 3    so 'kāmayata:
   katʰaṃ nu gāyatryā sarvato dvādaśāham paribʰūya sarvām r̥ddʰim r̥dʰnuyām iti.
   taṃ vai tejasaiva purastāt paryabʰavac
   cʰandobʰir madʰyato 'kṣarair upariṣṭād.
   gāyatryā sarvato dvādaśāham paribʰūya sarvām r̥ddʰim ārdʰnot
Sentence: 4    sarvām r̥ddʰim r̥dʰnoti ya evaṃ veda
Sentence: 5    yo vai gāyatrīṃ pakṣiṇīṃ cakṣuṣmatīṃ jyotiṣmatīm bʰāsvatīṃ veda,
   gāyatryā pakṣiṇyā cakṣuṣmatyā jyotiṣmatyā bʰāsvatyā svargaṃ lokam ety.
   eṣā vai gāyatrī pakṣiṇī cakṣuṣmatī jyotiṣmatī bʰāsvatī yad dvādaśāhas.
   tasya yāv abʰito 'tirātrau tau pakṣau, yāv antarāgniṣṭomau te cakṣuṣī,
   ye 'ṣṭau madʰya uktʰyāḥ sa ātmā
Sentence: 6    gāyatryā pakṣiṇyā cakṣuṣmatyā jyotiṣmatyā bʰāsvatyā svargaṃ lokam eti
   ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.