TITUS
Rg-Veda: Aitareya-Brahmana
Part No. 146
Previous part

Paragraph: 25 


Sentence: 1    Prājāpatiyajño vā eṣa yad dvādaśāhaḥ,
   Prajāpatir vā etenāgre 'yajata dvādaśāhena.
   so 'bravīd r̥tūṃś ca māsāṃś ca:
   yājayata mā dvādaśāheneti.
   taṃ dīkṣayitvānapakramaṃ gamayitvābruvan:
   dehi nu no 'tʰa tvā yājayiṣyāma iti.
   tebʰya iṣam ūrjam prāyacʰat, saiṣorg r̥tuṣu ca māseṣu ca nihitā.
   dadataṃ vai te tam ayājayaṃs, tasmād dadad yājyaḥ.
   pratigr̥hṇanto vai te tam ayājayaṃs, tasmāt pratigr̥hṇatā yājyam
Sentence: 2    ubʰaye rādʰnuvanti ya evaṃ vidvāṃso yajante ca yājayanti ca
Sentence: 3    te vā ima r̥tavaś ca māsāś ca gurava ivāmanyanta dvādaśāhe pratigr̥hya,
   te 'bruvan Prajāpatiṃ:
   yājaya no dvādaśāheneti.
   sa tatʰety abravīt, te vai dīkṣadʰvam iti te pūrvapakṣāḥ pūrve dīkṣanta,
   te pāpmānam apāhata.
   tasmāt te diveva, diveva hy apahatapāpmāno.
   'parapakṣā apare 'dīkṣanta, te natarām pāpmānam apāhata.
   tasmāt te tama iva, tama iva hy anapahatapāpmānas.
   tasmād evaṃ vidvān dīkṣamāṇeṣu pūrvaḥ-pūrva eva didīkṣiṣetā
Sentence: 4    =pa pāpmānaṃ hate ya evaṃ veda
Sentence: 5    sa vā ayam Prajāpatiḥ saṃvatsara r̥tuṣu ca māseṣu ca pratyatiṣṭhat,
   te vā ima r̥tavaś ca māsāś ca Prajāpatāv eva saṃvatsare pratyatiṣṭhaṃs,
   ta ete 'nyonyasmin pratiṣṭhitā.
   evaṃ ha vāva sa r̥tviji pratitiṣṭhati yo dvādaśāhena yajate.
   tasmād āhur:
   na pāpaḥ puruṣo yājyo dvādaśāhena, ned ayam mayi pratitiṣṭhād iti
Sentence: 6    jyeṣvhayajño vā eṣa yad dvādaśāhaḥ,
   sa vai devānāṃ jyeṣṭho ya etenāgre 'yajata.
   śreṣṭhayajño vā eṣa yad dvādaśāhaḥ,
   sa vai devānāṃ śreṣṭho ya etenāgre 'yajata
Sentence: 7    jyeṣṭhaḥ śreṣṭho yajeta, kalyāṇīha samā bʰavati.
   na pāpaḥ puruṣo yājyo dvādaśāhena, ned ayam mayi pratitiṣṭhad itī/ndrāya
Sentence: 8    vai deva jyaiṣṭhyāya śraiṣṭhyāya nātiṣṭhanta,
   so 'bravīd Br̥haspatiṃ:
   yājaya mā dvādaśāheneti.
   tam ayājayat, talo vai tasmai devā jyaiṣṭhyāya śraiṣṭhyāyātiṣṭhanta
Sentence: 9    tiṣṭhante 'smai svā jyaiṣṭhyāya śraiṣṭhyāya,
   sam asmin svāḥ śreṣṭhatāyāṃ jānate ya evaṃ vedo/rdʰvo
Sentence: 10    vai pratʰamas tryahas, tiryaṅ madʰyamo, 'rvāṅ uttamaḥ.
   sa yad ūrdʰvaḥ pratʰamas tryahas, tasmād ayam agnir ūrdʰva uddīpyata,
   ūrdʰvā hy etasya dig.
   yat tiryaṅ madʰyamas, tasmād ayaṃ vāyus tiryaṅ pavate,
   tiraścīr āpo vahanti;
   tiraścī hy etasya dig.
   yad arvāṅ uttamas, tasmād asāv arvāṅ tapaty, arvāṅ varṣaty,
   arvāñci nakṣatrāṇy;
   ārvāci hy etasya dik.
   samyañco vā ime lokāḥ, samyañca ete tryahāḥ
Sentence: 11    samyañco 'smā ime lokāḥ śriyai dīdyati ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.