TITUS
Rg-Veda: Aitareya-Brahmana
Part No. 180
Previous part

Paragraph: 27 


Sentence: 1    yasyāgnihotry upāvasr̥ṣṭā duhyamānopaviśet, kā tatra prāyaścittir iti.
   
tām abʰimantrayeta
Sentence: 2    
yasmād bʰīṣā niṣīdasi tato no abʰayaṃ kridʰi \
   
paśūn naḥ sarvān gopāya namo rudrāya mīḷhuṣa iti
Sentence: 3    
tām uttʰāpayed
Sentence: 4    
ud astʰād devy aditir āyur yajñapatāv adʰāt \
   
indrāya kriṇvatī bʰāgam mitrāya varuṇaya cety
Sentence: 5    
atʰāsyā udapātram ūdʰasi ca mukʰe copagr̥hṇīyād,
   
atʰainām brāhmaṇāya dadyāt.
   
sā tatra prāyaścittir
Sentence: 6    
yasyāgnihotry upāvasr̥ṣṭā duhyamānā vāśyeta,
   
kā tatra prāyaścittir ity.
   
aśanāyāṃ ha vā eṣa yajamānasya pratikʰyāya vāśyate.
   
tām annam apy ādayec cʰāntyai, śāntir vā annaṃ.
   
sūyavasād bʰagavatī hi bʰūyā iti.
   
sā tatra prāyaścittir
Sentence: 7    
yasyāgnihotry upāvasr̥ṣṭā duhyamānā ՚7 spandeta, kā tatra prāyaścittir iti.
   
sā yat tatra skandayet, tad abʰimr̥śya japed
Sentence: 8    
yad adya dugdʰam pr̥tʰivīm asr̥pta yad oṣadʰīr atyasr̥pad yad āpaḥ \
   
payo gr̥heṣu payo agʰnyāyām payo vatseṣu payo astu tan māyiti.
Sentence: 9    
tatra yat pariśiṣṭaṃ syāt, tena juhuyād yad alaṃ homāya syād
Sentence: 10    
yady u vai sarvaṃ siktaṃ syād,
   
atʰānyām āhūya tāṃ dugdʰvā tena juhuyād,
   
ā tv eva śraddʰāyai hotavyāṃ.
   
sā tatra prāyaścittiḥ
Sentence: 11    
sarvaṃ vā asya barhiṣyaṃ sarvam parigr̥hītaṃ
   
ya evaṃ vidvān agnihotraṃ juhoti



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.