TITUS
Rg-Veda: Aitareya-Brahmana
Part No. 185
Previous part

Paragraph: 32 


Sentence: 1    Prajāpatir akāmayata:
   
prajāyeya bʰūyān syām iti.
   
sa tāpo 'tapyata, sa tapas taptvemām̐l lokān asr̥jata:
   
pr̥tʰivīm antarikṣaṃ divaṃ.
   
tām̐l lokān abʰyatapat,
   
tebʰyo 'bʰitaptebʰyas trīṇi jyotīṃṣy ajāyantāgnir eva pr̥tʰivyā ajāyata,
   
Vāyur antarikṣād, Ādityo divas.
   
tāni jyotīṃṣy abʰyatapat, tebʰyo 'bʰitaptebʰyas trayo vedā ajāyanta:
   
r̥gveda evāgner ajāyata, yajurvedo Vāyoḥ sāmaveda Ādityāt.
   
tān vedān abʰyatapat, tebʰyo 'bʰitaptebʰyas trīṇi śukrāṇy ajāyanta:
   
bʰūr ity eva r̥gvedād ajāyata, bʰuva iti yajurvedāt, svar iti sāmavedāt
Sentence: 2    
tāni śukrāṇy abʰyatapat,
   
tebʰyo 'bʰitaptebʰyas trayo varṇā ajāyantākāra ukāro makāra iti.
   
tān ekadʰā samabʰarat, tad etad o+m iti.
   
tasmād om-om iti praṇauty.
   
om iti vai svargo loka, om ity asau yo 'sau tapati
Sentence: 3    
sa Prajāpatir yajñam atanuta, tam āharat, tenāyajata.
   
sa r̥caiva hautram akarod, yajuṣādʰvaryavaṃ sāmnodgītʰaṃ.
   
yad etat trayyai vidyāyai śukraṃ, tena brahmatvam akarot
Sentence: 4    
sa Prajāpatir yajñaṃ devebʰyaḥ samprāyacʰat,
   
te devā yajñam atanvata, tam āharanta, tenāyajanta.
   
ta r̥caiva hautram akurvan, yajuṣādʰvaryavaṃ, sāmnodgītʰaṃ.
   
yad evaitat trayyai vidyāyai śukraṃ, tena brahmatvam akurvaṃs
Sentence: 5    
te devā abruvan Prajāpatiṃ:
   
yadi no yajña r̥kta ārtiḥ syād yadi yajuṣṭo yadi sāmato yady
   
avijñātā sarvavyāpad vā, kā prāyaścittir iti.
   
sa Prajāpatir abravīd devān:
   
yadi vo yajña r̥kta ārtir bʰavati, bʰūr iti gārhapatye juhavātʰa;
   
yadi yajuṣṭo, bʰuva ity āgnīdʰrīye 'nvāhāryapacane vā haviryajñeṣu;
   
yadi sāmataḥ, svar ity āhavanīye;
   
yady avijñātā sarvavyāpad vā,
   
bʰūr bʰuvaḥ svar iti sarvā anudrutyāhavanīya eva juhavātʰety
Sentence: 6    
etāni ha vai vedānām antaḥśleṣaṇāni yad etā vyāhr̥tayas.
   
tad yatʰātmanātmānaṃ saṃdadʰyād,
   
yatʰā parvaṇā parva yatʰā śleṣmaṇā carmaṇyaṃ vānyad
   
vā viśliṣṭam saṃśleṣayed:
   
evam evaitābʰir yajñasya viśliṣṭaṃ saṃdadʰāti.
   
saiṣā sarvaprāyaścittir yad etā vyāhr̥tayas,
   
tasmād eṣaiva yajñe prāyaścittiḥ kartavyā



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.