TITUS
Rg-Veda: Aitareya-Brahmana
Part No. 199
Previous part

Paragraph: 12 


Sentence: 1    ihopa yāta śavaso napāta iti tr̥tīyasavana unnīyamānebʰyo
   
'nvāha vr̥ṣaṇvatīḥ pītavatīḥ sutavatīr madvatī rūpasamr̥ddʰās.
   
tā aindrārbʰavyo bʰavanti
Sentence: 2    
tad āhur:
   
yan nārbʰavīṣu stuvate, 'tʰa kasmād ārbʰavaḥ pavamāna ity ācakṣata iti
Sentence: 3    
Prajāpatir vai pita R̥bʰūn martyān sato
   
'martyān kr̥tvā tr̥tīyasavana ābʰajat, tasmān nārbʰavīṣu stuvate,
   
'tʰārbʰavaḥ pavamāna ity ācakṣate
Sentence: 4    
'tʰāha:
   
yad yatʰācʰandasam pūrvayoḥ savanayor anvāha gāyatrīḥ
   
prātaḥsavane triṣṭubʰo mādʰyaṃdine,
   
'tʰa kasmāj jāgate sati tr̥tīyasavane triṣṭubʰo 'nvāheti
Sentence: 5    
dʰītarasaṃ vai tr̥tīyasavanam,
   
atʰaitad adʰītarasaṃ śukriyaṃ cʰando
   
yat triṣṭup savanasya sarasatāyā iti brūyād,
   
atʰo Indraṃ evaitat savane 'nvābʰajatīty
Sentence: 6    
atʰāha:
   
yad aindrārbʰavaṃ vai tr̥tīyasavanam,
   
atʰa kasmād eṣa eva tr̥tīyasavane
   
prastʰitānām pratyakṣād aindrārbʰavyā yajatī,ndra
   
r̥bʰubʰir vājavadbʰiḥ samukṣitam iti hotaiva,
   
nānādevatyābʰir itare, katʰaṃ teṣām aindrārbʰavyo bʰavantītī/ndrāvaruṇā
Sentence: 7    
sutapāv imaṃ sutam iti maitrāvaruṇo yajati,
   
yuvo ratʰo adʰvaraṃ devavītaya iti bahūni vaha.
   
tad R̥bʰūṇām rūpam
Sentence: 8    
indraś ca somam pibatam br̥haspata iti brāhmaṇāccʰaṃsī yajaty,
   
ā vāṃ viśantv indavaḥ svābʰuva iti bahūni vāha.
   
tad R̥bʰūṇāṃ rūpam
Sentence: 9    
ā vo vahantu saptayo ragʰuṣyada iti potā yajati,
   
ragʰupatvānaḥ pra jigāta bāhubʰir iti bahūni vaha.
   
tad R̥bʰūṇāṃ rūpam
Sentence: 10    
ameva naḥ suhavā ā hi gantaneti neṣṭā yajati,
   
gantaneti bahūni vāha.
   
tad R̥bʰūṇāṃ rūpam
Sentence: 11    
indrāviṣṇū pibatam madʰvo asyety acʰāvāko yajaty,
   
ā vām andʰāṃsi madirāṇy agmann iti bahūni vāha.
   
tad R̥bʰūṇāṃ rūpam
Sentence: 12    
imaṃ stomam arhate jātavedasa ity āgnīdʰro yajati,
   
ratʰam iva sam mahemā manīṣayeti bahūni vāha.
   
tad R̥bʰūṇāṃ rūpam
Sentence: 13    
evam u haitā aindrārbʰavyo bʰavanti
Sentence: 14    
yan nānādevatyās, tenānyā devatāḥ prīṇāti
Sentence: 15    
yad u jagatprāsāhā, jāgataṃ vai tr̥tīyasavanaṃ,
   
tr̥tīyasavanasyaiva samr̥ddʰyai



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.