TITUS
Rg-Veda: Aitareya-Brahmana
Part No. 202
Previous part

Paragraph: 15 


Sentence: 1    atʰāha:
   
yad vaiśvadevaṃ vai tr̥tīyasavanam,
   
atʰa kasmād etāny aindrāṇi jāgatāni sūktani tr̥tīyasavana
   
ārambʰaṇīyāni śasyanta itī,ndram evaitair ārabʰya yantīti brūyād.
   
atʰo yaj jāgataṃ vai tr̥tīyasavanaṃ, taj jagatkāmyaiva.
   
tad yat kiṃcāta ūrdʰvaṃ cʰandaḥ śasyate,
   
tad dʰa sarvaṃ jāgatam bʰavaty etāni ced aindrāṇi jāgatāni
   
sūktāni tr̥tīyasavana ārambʰaṇīyāni śasyante
Sentence: 2    
'tʰa traiṣṭubʰam acʰāvāko 'ntataḥ saṃsati:
   
saṃ vāṃ karmaṇeti.
   
yad eva panāyyaṃ karma, tad etad abʰivadati
Sentence: 3    
sam iṣety.
   
annaṃ vā iṣo, 'nnādyasyāvaruddʰyā
Sentence: 4    
ariṣṭair naḥ patʰibʰiḥ pārayanteti,
   
svastitāyā evaitad aharahaḥ śaṃsaty
Sentence: 5    
atʰāha:
   
yaj jāgataṃ vai tr̥tīyasavanam,
   
atʰa kasmād eṣāṃ triṣṭubʰaḥ paridʰānīyā bʰavantīti.
   
vīryaṃ vai triṣṭub, vīrya eva tad antataḥ pratitiṣṭhanto yantī/yam
Sentence: 6    
indraṃ varuṇam aṣṭa me gīr iti maitravaruṇasya,
   
br̥haspatir naḥ pari pātu paścād iti brāhmaṇāccʰāṃsina,
   
ubʰā jigyatʰur ity acʰāvākasyo
Sentence: 7    
bʰau hi tau jigyatur
Sentence: 8    
na parā jayetʰe na parā jigya iti
Sentence: 9    
na hi tayoḥ kataraś cana parājigya
Sentence: 10    
indraś ca viṣṇo yad apaspr̥dʰetʰāṃ tredʰā
   
sahasraṃ vi tad airayetʰām itīndraś
Sentence: 11    
ca ha vai Viṣṇuś cāsurair yuyudʰāte, tān ha sma jitvocatuḥ:
   
kalpāmahā iti.
   
te ha tatʰety asurā ucuḥ.
   
so 'bravīd Indro:
   
yāvad evāyaṃ Viṣṇus trir vikramate,
   
tāvad asmākam, atʰa yuṣmākam itarad iti.
   
sa imām̐l lokān vicakrame 'tʰo vedān atʰo vācaṃ.
   
tad āhuḥ:
   
kiṃ tat sahasram itī,me lokā ime vedā atʰo vāg iti brūyād
Sentence: 12    
airayetʰām-airayetʰām ity acʰāvāka uktʰye 'bʰyasyati,
   
sa hi tatrāntyo bʰavaty
Sentence: 13    
agniṣṭome hotātirātre ca, sa hi tatrāntyo bʰavaty
Sentence: 14    
abʰyasyet ṣoḷaśinī+m \ nābʰyasye+t iti \ abʰyasyed,
   
ity āhuḥ, katʰam anyeṣv ahassv abʰyasyati katʰam atra nābʰyasyed iti.
   
tasmād abʰyasyet



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.