TITUS
Rg-Veda: Aitareya-Brahmana
Part No. 211
Previous part

Paragraph: 24 


Sentence: 1    devā vai vale gāḥ paryapaśyaṃs, tā yajñenaivepsaṃs,
   
tāḥ ṣaṣṭhenāhnāpnuvaṃs.
   
te prātaḥsavane Nabʰākena valam anabʰayaṃs.
   
taṃ yad anabʰayā+n \ aśratʰayann evainaṃ tat.
   
ta u tr̥tīyasavane vajreṇa vālakʰilyābʰir vācaḥ
   
kūṭenaikapadayā valaṃ virujya gā udājaṃs
Sentence: 2    
tatʰaivaitad yajamānāḥ prātaḥsavane Nabʰākena valaṃ nabʰayanti.
   
taṃ yan nabʰayantī+m̐ \ śratʰayanty evainaṃ tat.
   
tasmād dʰotrakāḥ prātaḥsavane nābʰākāṃs tr̥cāñ cʰaṃsanti
Sentence: 3    
yaḥ kakubʰo nidʰāraya iti maitrāvaruṇaḥ,
   
pūrvīṣ ṭa indropamātaya iti brāhmaṇāccʰaṃsī,
   
tā hi madʰyam bʰarāṇām ity acʰāvākas
Sentence: 4    
ta u tr̥ṭīyasavane vajreṇa vālakʰilyābʰir vācaḥ
   
kūṭenaikapadayā valaṃ virujya gā āpnuvanti
Sentence: 5    
paccʰaḥ pratʰamaṃ ṣaḍ vālakʰilyānāṃ sūktāni viharaty,
   
ardʰarcaśo dvitīyam, r̥kśas tr̥tīyaṃ.
   
sa paccʰo viharan pragātʰe-pragātʰa evaikapadāṃ dadʰyāt, sa vācaḥ kūṭas
Sentence: 6    
tā etāḥ pañcaikapadāś.
   
catasro daśamād ahna, ekā mahāvratād
Sentence: 7    
atʰāṣṭākṣarāṇi māhānāmanāni padāni.
   
teṣāṃ yāvadbʰiḥ sampadyeta tāvanti śansen,
   
netarāṇy ādriyetā/tʰārdʰarcaśo
Sentence: 8    
viharaṃs tāś caivaikapadāḥ śaṃset
   
tāni caivāṣṭākṣarāṇi māhānāmanāni padāny
Sentence: 9    
atʰa r̥kśo viharaṃs tāś caivaikapadāḥ śaṃset
   
tāni caivāṣṭākṣarāṇi māhānāmanāni padāni
Sentence: 10    
sa yat pratʰamaṃ ṣaḍ vālakʰilyānāṃ sūktāni viharati,
   
prāṇaṃ ca tad vācaṃ ca viharati.
   
yad dvitīyaṃ, cakṣuś ca tan manaś ca viharati.
   
yat tr̥tīyaṃ, śrotraṃ ca tad ātmānaṃ ca viharati.
   
tad upāpto vihāre kāma,
   
upāpto vajre vālakʰilyāsūpāpto vācaḥ kūṭa ekapadāyām, upāptaḥ prāṇakḷptyām
Sentence: 11    
avihr̥tān eva caturtʰam pragātʰāñ cʰaṃsati.
   
paśavo vai pragātʰāḥ, paśūnām avaruddʰyai
Sentence: 12    
nātraikapadāṃ vyavadadʰyād
Sentence: 13    
yad atraikapadāṃ vyavadadʰyād, vācaḥ kūṭena yajamānāt paśūn nirhaṇyād.
   
ya enaṃ tatra brūyād:
   
vācaḥ kūṭena yajamānāt paśūn niravadʰīr,
   
apaśum enam akar iti, śaśvat tatʰā syāt
Sentence: 14    
tasmāt tatraikapadāṃ na vyavadadʰyād
Sentence: 15    
vy evottame sūkte paryasyati, sa eva tayor vihāras
Sentence: 16    
tad etat Saubalāya Sarpir Vātsiḥ śaśaṃsa.
   
sa hovāca:
   
bʰūyiṣṭhān ahaṃ yajamāne paśūn paryagrahaiṣam,
   
akaniṣṭhā u mām āgamiṣyantīti.
   
tasmai ha yatʰā mahadbʰya r̥tvigbʰya evaṃ nināya.
   
tad etat paśavyaṃ ca svargyaṃ ca śastraṃ, tasmād etac cʰaṃsati



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.