TITUS
Rg-Veda: Aitareya-Brahmana
Part No. 213
Previous part

Paragraph: 26 


Sentence: 1    tad āhuḥ:
   
saṃśaṃset ṣaṣṭhe 'hā+n \ na samśaṃse+t iti \
Sentence: 2    
saṃśaṃsed ity āhuḥ
Sentence: 3    
katʰam anyeṣv ahassu saṃśaṃsati, katʰam atra na saṃśaṃsed ity
Sentence: 4    
atʰo kʰalv āhur:
   
naiva saṃśaṃset
Sentence: 5    
svargo vai lokaḥ ṣaṣṭham ahar, asamāyī vai svargo lokaḥ,
   
kaścid vai svarge loke sametīti.
   
sa yat saṃśaṃset, samānaṃ tat kuryād.
   
atʰa yan na saṃśaṃsatī+m̐ \ tat svargasya lokasya rūpaṃ.
   
tasmān na saṃśaṃsed.
   
yad eva na saṃśaṃsatī3m̐ \
Sentence: 6    
ātmā vai stotriyaḥ prāṇā vālakʰilyāḥ.
   
sa yat saṃśaṃsed, etābʰyāṃ devatābʰyāṃ yajamānasya prāṇān vīyād.
   
ya enaṃ tatra brūyād:
   
etābʰyāṃ devatābʰyāṃ yajamānasya prāṇān vyāgāt,
   
prāṇa enaṃ hāsyātiti, śaśvat tatʰā syāt.
   
tasmān na saṃśaṃset
Sentence: 7    
sa yad īkṣetāśaṃsiṣaṃ vālakʰilyā hanta purastād dūrohaṇasya saṃśaṃsānīti,
   
no eva tasyāśām iyāt
Sentence: 8    
taṃ yadi darpa eva vinded, upariṣṭād dūrohaṇasyāpi bahūni śatāni śaṃsed.
   
yasyo tat kāmāya tatʰā kuryād, atraiva tad upāptam
Sentence: 9    
aindryo vālakʰilyās, tāsāṃ dvādaśākṣarāṇi padāni,
   
tatra sa kāma upāpto ya aindre jāgate.
   
'tʰedam aindrāvaruṇaṃ sūktam, aindrāvaruṇī paridʰānīyā.
   
tasmān na saṃśaṃset
Sentence: 10    
tad āhur:
   
yatʰā vāva stotram evaṃ śastraṃ.
   
vihr̥tā vālakʰilyāḥ śasyante, vihr̥tāṃ stotrā+m \ avihr̥tā+m iti \
Sentence: 11    
vihr̥tam iti brūyād, aṣṭākṣareṇa dvādaśākṣaram iti
Sentence: 12    
tad āhur:
   
yatʰā vāva śastram evaṃ yājyā.
   
tisro devatāḥ śasyante 'gnir Indro Varuṇa ity atʰaindrāvaruṇyā yajati,
   
katʰam Agnir anantarita iti
Sentence: 13    
yo vā Agniḥ sa Varuṇas.
   
tad apy etad r̥ṣiṇoktaṃ:
   
tvam agne varuṇo jāyase yad iti.
   
tad yad evaindrāvaruṇyā yajati, tenāgnir anantarito 'nantaritaḥ



Next part



This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.