TITUS
Rg-Veda: Rg-Veda-Samhita
Part No. 400
Previous part

Hymn: 46_(400) 
Verse: 1 
Halfverse: a    háyo ná vidvā́m̐ ayuji svayáṃ dʰurí tā́ṃ vahāmi pratáraṇīm avasyúvam /
   háyo ná vidvā́m̐ ayuji svayáṃ dʰurí
   háyaḥ ná vidvā́n ayuji svayám dʰurí
   háyo ná vidvā́m̐ ayuji svayáṃ dʰurí

Halfverse: b    tā́ṃ vahāmi pratáraṇīm avasyúvam /
   tā́m vahāmi pratáraṇīm avasyúvam /
   tā́ṃ vahāmi pratáraṇīm avasyúvam /

Halfverse: c    nā́syā vaśmi vimúcaṃ nā́vŕ̥tam púnar vidvā́n patʰáḥ puraetá r̥jú neṣati //
   nā́syā vaśmi vimúcaṃ nā́vŕ̥tam púnar
   ná asyāḥ vaśmi vimúcam ná āvŕ̥tam púnar
   nā́syā vaśmi vimúcaṃ nā́vŕ̥tam púnar

Halfverse: d    vidvā́n patʰáḥ puraetá r̥jú neṣati //
   vidvā́n patʰáḥ puraetā́ r̥jú neṣati //
   vidvā́n patʰáḥ puraetá rjú neṣati //


Verse: 2 
Halfverse: a    ágna índra váruṇa mítra dévāḥ śárdʰaḥ prá yanta mā́rutotá viṣṇo /
   ágna índra váruṇa mítra dévāḥ
   ágne índra váruṇa mítra dévāḥ
   ágna índra váruṇa mítra dévāḥ

Halfverse: b    śárdʰaḥ prá yanta mā́rutotá viṣṇo /
   śárdʰaḥ prá yanta mā́ruta utá viṣṇo /
   śárdʰaḥ prá yanta mā́rutotá viṣṇo /

Halfverse: c    ubʰā́ nā́satyā rudró ádʰa gnā́ḥ pūṣā́ bʰágaḥ sárasvatī juṣanta //
   ubʰā́ nā́satyā rudró ádʰa gnā́ḥ
   ubʰā́ nā́satyā rudráḥ ádʰa gnā́ḥ
   ubʰā́ nā́satyā rudaró ádʰa gnā́ḥ

Halfverse: d    pūṣā́ bʰágaḥ sárasvatī juṣanta //
   pūṣā́ bʰágaḥ sárasvati juṣanta //
   pūṣā́ bʰágaḥ sárasvatī juṣanta //


Verse: 3 
Halfverse: a    indrāgnī́ mitrā́váruṇā́ditiṃ svàḥ pr̥tʰivī́ṃ dyā́m marútaḥ párvatām̐ apáḥ /
   indrāgnī́ mitrā́váruṇā́ditiṃ svàḥ
   indrāgnī́ mitrā́váruṇā áditim svàr
   indrāgnī́ mitrā́váruṇā́ditiṃ súvaḥ

Halfverse: b    pr̥tʰivī́ṃ dyā́m marútaḥ párvatām̐ apáḥ /
   pr̥tʰivī́m dyā́m marútaḥ párvatān apáḥ /
   pr̥tʰivī́ṃ dyā́m marútaḥ párvatām̐ apáḥ /

Halfverse: c    huvé víṣṇum pūṣáṇam bráhmaṇas pátim bʰágaṃ nú śám̐saṃ savitā́ram ūtáye //
   huvé víṣṇum pūṣáṇam bráhmaṇas pátim
   huvé víṣṇum pūṣáṇam bráhmaṇaḥ pátim
   huvé víṣṇum pūṣáṇam bráhmaṇas pátim

Halfverse: d    bʰágaṃ nú śám̐saṃ savitā́ram ūtáye //
   bʰágam nú śáṃsam savitā́ram ūtáye //
   bʰágaṃ nú śáṃsaṃ savitā́ram ūtáye //


Verse: 4 
Halfverse: a    utá no víṣṇur utá vā́to asrídʰo draviṇodā́ utá sómo máyas karat /
   utá no víṣṇur utá vā́to asrídʰo
   utá naḥ víṣṇuḥ utá vā́taḥ asrídʰaḥ
   utá no víṣṇur utá vā́to asrídʰo

Halfverse: b    draviṇodā́ utá sómo máyas karat /
   draviṇodā́ḥ utá sómaḥ máyaḥ karat /
   draviṇodā́ utá sómo máyas karat /

Halfverse: c    utá r̥bʰáva utá rāyé no aśvínotá tváṣṭotá víbʰvā́nu mam̐sate //
   utá r̥bʰáva utá rāyé no aśvínā_
   utá r̥bʰávaḥ utá rāyé naḥ aśvínā
   uta rbʰáva utá rāyé no aśvínā

Halfverse: d    _utá tváṣṭotá víbʰvā́nu mam̐sate //
   utá tváṣṭā utá víbʰvā ánu maṃsate //
   utá tváṣṭā utá víbʰvā́nu maṃsate //


Verse: 5 
Halfverse: a    utá tyán no mā́rutaṃ śárdʰa ā́ gamad divikṣayáṃ yajatám barhír āsáde /
   utá tyán no mā́rutaṃ śárdʰa ā́ gamad
   utá tyát naḥ mā́rutam śárdʰaḥ ā́ gamat
   utá tyán no mā́rutaṃ śárdʰa ā́ gamad

Halfverse: b    divikṣayáṃ yajatám barhír āsáde /
   divikṣayám yajatám barhíḥ āsáde /
   divikṣayáṃ yajatám barhír āsáde /

Halfverse: c    bŕ̥haspátiḥ śárma pūṣótá no yamad varūtʰyàṃ váruṇo mitró aryamā́ //
   bŕ̥haspátiḥ śárma pūṣótá no yamad
   bŕ̥haspátiḥ śárma pūṣā́ utá naḥ yamat
   bŕ̥haspátiḥ śárma pūṣótá no yamad

Halfverse: d    varūtʰyàṃ váruṇo mitró aryamā́ //
   varūtʰyàm váruṇaḥ mitráḥ aryamā́ //
   varūtʰíyaṃ váruṇo mitró aryamā́ //


Verse: 6 
Halfverse: a    utá tyé naḥ párvatāsaḥ suśastáyaḥ sudītáyo nadyàs trā́maṇe bʰuvan /
   utá tyé naḥ párvatāsaḥ suśastáyaḥ
   utá tyé naḥ párvatāsaḥ suśastáyaḥ
   utá tyé naḥ párvatāsaḥ suśastáyaḥ

Halfverse: b    sudītáyo nadyàs trā́maṇe bʰuvan /
   sudītáyaḥ nadyàḥ trā́maṇe bʰuvan /
   sudītáyo nadíyas trā́maṇe bʰuvan /

Halfverse: c    bʰágo vibʰaktā́ śávasā́vasā́ gamad uruvyácā áditiḥ śrotu me hávam //
   bʰágo vibʰaktā́ śávasā́vasā́ gamad
   bʰágaḥ vibʰaktā́ śávasā ávasā ā́ gamat
   bʰágo vibʰaktā́ śávasā́vasā́ gamad

Halfverse: d    uruvyácā áditiḥ śrotu me hávam //
   uruvyácāḥ áditiḥ śrotu me hávam //
   uruvyácā áditiḥ śrotu me hávam //


Verse: 7 
Halfverse: a    devā́nām pátnīr uśatī́r avantu naḥ prā́vantu nas tujáye vā́jasātaye /
   devā́nām pátnīr uśatī́r avantu naḥ
   devā́nām pátnīḥ uśatī́ḥ avantu naḥ
   devā́nām pátnīr uśatī́r avantu naḥ

Halfverse: b    prā́vantu nas tujáye vā́jasātaye /
   prá avantu naḥ tujáye vā́jasātaye /
   prā́vantu nas tujáye vā́jasātaye /

Halfverse: c    yā́ḥ pā́rtʰivāso yā́ apā́m ápi vraté tā́ no devīḥ suhavāḥ śárma yacʰata //
   yā́ḥ pā́rtʰivāso yā́ apā́m ápi vraté
   yā́ḥ pā́rtʰivāsaḥ yā́ḥ apā́m ápi vraté
   yā́ḥ pā́rtʰivāso yā́ apā́m ápi vraté

Halfverse: d    tā́ no devīḥ suhavāḥ śárma yacʰata //
   tā́ naḥ devīḥ suhavāḥ śárma yacʰata //
   tā́ no devīḥ suhavāḥ śárma yacʰata //


Verse: 8 
Halfverse: a    utá gnā́ vyantu devápatnīr indrāṇy àgnā́yy aśvínī rā́ṭ /
   utá gnā́ vyantu devápatnīr
   utá gnā́ḥ vyantu devápatnīḥ
   utá gnâá viyantu devápatnīr

Halfverse: b    indrāṇy àgnā́yy aśvínī rā́ṭ /
   indrāṇī́ agnā́yī aśvínī rā́ṭ /
   indrāṇī́ ? agnā́yī aśvínī rā́ṭ /

Halfverse: c    ā́ ródasī varuṇānī́ śr̥ṇotu vyántu devī́r yá r̥túr jánīnām //
   ā́ ródasī varuṇānī́ śr̥ṇotu
   ā́ ródasī varuṇānī́ śr̥ṇotu
   ā́ ródasī varuṇānī́ śr̥ṇotu

Halfverse: d    vyántu devī́r yá r̥túr jánīnām //
   vyántu devī́ḥ yáḥ r̥túḥ jánīnām //
   viántu devī́r yá r̥túr jánīnām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.