TITUS
Rg-Veda: Rg-Veda-Samhita
Part No. 423
Previous part

Hymn: 69_(423) 
Verse: 1 
Halfverse: a    trī́ rocanā́ varuṇa trī́m̐r utá dyū́n trī́ṇi mitra dʰārayatʰo rájām̐si /
   trī́ rocanā́ varuṇa trī́m̐r utá dyū́n
   trī́ rocanā́ varuṇa trī́n utá dyū́n
   trī́ rocanā́ varuṇa trī́m̐r utá dyū́n

Halfverse: b    trī́ṇi mitra dʰārayatʰo rájām̐si /
   trī́ṇi mitra dʰārayatʰaḥ rájāṃsi /
   trī́ṇi mitra dʰārayatʰo rájāṃsi /

Halfverse: c    vāvr̥dʰānā́v amátiṃ kṣatríyasyā́nu vratáṃ rákṣamāṇāv ajuryám //
   vāvr̥dʰānā́v amátiṃ kṣatríyasya_
   vāvr̥dʰānaú amátim kṣatríyasya
   vāvr̥dʰānā́v amátiṃ kṣatríyasya

Halfverse: d    _ánu vratáṃ rákṣamāṇāv ajuryám //
   ánu vratám rákṣamāṇau ajuryám //
   ánu vratáṃ rákṣamāṇāv ajuryám //


Verse: 2 
Halfverse: a    írāvatīr varuṇa dʰenávo vām mádʰumad vāṃ síndʰavo mitra duhre /
   írāvatīr varuṇa dʰenávo vām
   írāvatīḥ varuṇa dʰenávaḥ vām
   írāvatīr varuṇa dʰenávo vām

Halfverse: b    mádʰumad vāṃ síndʰavo mitra duhre /
   mádʰumat vām síndʰavaḥ mitra duhre /
   mádʰumad vāṃ síndʰavo mitra duhre /

Halfverse: c    tráyas tastʰur vr̥ṣabʰā́sas tisr̥ṇā́ṃ dʰiṣáṇānāṃ retodʰā́ ví dyumántaḥ //
   tráyas tastʰur vr̥ṣabʰā́sas tisr̥ṇā́ṃ
   tráyaḥ tastʰuḥ vr̥ṣabʰā́saḥ tisr̥ṇā́m
   tráyas tastʰur vr̥ṣabʰā́sas tisr̥̄ṇā́ṃ

Halfverse: d    dʰiṣáṇānāṃ retodʰā́ ví dyumántaḥ //
   dʰiṣáṇānām retodʰā́ḥ ví dyumántaḥ //
   dʰiṣáṇānāṃ retodʰā́ ví dyumántaḥ //


Verse: 3 
Halfverse: a    prātár devī́m áditiṃ johavīmi madʰyáṃdina úditā sū́ryasya /
   prātár devī́m áditiṃ johavīmi
   prātár devī́m áditim johavīmi
   prātár devī́m áditiṃ johavīmi

Halfverse: b    madʰyáṃdina úditā sū́ryasya /
   madʰyáṃdine úditā sū́ryasya /
   madʰyáṃdina úditā sū́riyasya /

Halfverse: c    rāyé mitrāvaruṇā sarvátātéḷe tokā́ya tánayāya śáṃ yóḥ //
   rāyé mitrāvaruṇā sarvátātā_
   rāyé mitrāvaruṇā sarvátātā
   rāyé mitrāvaruṇā sarvátātā

Halfverse: d    _ī́ḷe tokā́ya tánayāya śáṃ yóḥ //
   ī́ḷe tokā́ya tánayāya śám yóḥ //
   ī́ḷe tokā́ya tánayāya śáṃ yóḥ //


Verse: 4 
Halfverse: a    yā́ dʰartā́rā rájaso rocanásyotā́dityā́ divyā́ pā́rtʰivasya /
   yā́ dʰartā́rā rájaso rocanásya_
   yā́ dʰartā́rā rájasaḥ rocanásya
   yā́ dʰartā́rā rájaso rocanásya

Halfverse: b    _utā́dityā́ divyā́ pā́rtʰivasya /
   utá ādityā́ divyā́ pā́rtʰivasya /
   utā́dityā́ diviyā́ pā́rtʰivasya /

Halfverse: c    ná vāṃ devā́ amŕ̥tā ā́ minanti vratā́ni mitrāvaruṇā dʰruvā́ṇi //
   ná vāṃ devā́ amŕ̥tā ā́ minanti
   ná vām devā́ḥ amŕ̥tāḥ ā́ minanti
   ná vāṃ devā́ amŕ̥tā ā́ minanti

Halfverse: d    vratā́ni mitrāvaruṇā dʰruvā́ṇi //
   vratā́ni mitrāvaruṇā dʰruvā́ṇi //
   vratā́ni mitrāvaruṇā dʰruvā́ṇi //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.