TITUS
Rg-Veda: Rg-Veda-Samhita
Part No. 723
Previous part

Hymn: 103_(712) 
Verse: 1 
Halfverse: a    ádarśi gātuvíttamo yásmin vratā́ny ādadʰúḥ /
   ádarśi gātuvíttamo
   ádarśi gātuvíttamaḥ
   ádarśi gātuvíttamo

Halfverse: b    yásmin vratā́ny ādadʰúḥ /
   yásmin vratā́ni ādadʰúḥ /
   yásmin vratā́ni ādadʰúḥ /

Halfverse: c    úpo ṣú jātám ā́ryasya várdʰanam agníṃ nakṣanta no gíraḥ //
   úpo ṣú jātám ā́ryasya várdʰanam
   úpa u sú jātám ā́ryasya várdʰanam
   úpo ṣú jātám ā́riyasya várdʰanam

Halfverse: d    agníṃ nakṣanta no gíraḥ //
   agním nakṣanta naḥ gíraḥ //
   agníṃ nakṣanta no gíraḥ //


Verse: 2 
Halfverse: a    prá daívodāso agnír devā́m̐ ácʰā ná majmánā /
   prá daívodāso agnír
   prá daívodāsaḥ agníḥ
   prá daívodāso agnír

Halfverse: b    devā́m̐ ácʰā ná majmánā /
   devā́n ácʰa+ ná majmánā /
   devā́m̐ ácʰā ná majmánā /

Halfverse: c    ánu mātáram pr̥tʰivī́ṃ ví vāvr̥te tastʰaú nā́kasya sā́navi //
   ánu mātáram pr̥tʰivī́ṃ ví vāvr̥te
   ánu mātáram pr̥tʰivī́m ví vāvr̥te
   ánu mātáram pr̥tʰivī́ṃ ví vāvr̥te

Halfverse: d    tastʰaú nā́kasya sā́navi //
   tastʰaú nā́kasya sā́navi //
   tastʰaú nā́kasya sā́navi //


Verse: 3 
Halfverse: a    yásmād réjanta kr̥ṣṭáyaś carkŕ̥tyāni kr̥ṇvatáḥ /
   yásmād réjanta kr̥ṣṭáyaś
   yásmāt réjanta kr̥ṣṭáyaḥ
   yásmād réjanta kr̥ṣṭáyaś

Halfverse: b    carkŕ̥tyāni kr̥ṇvatáḥ /
   carkŕ̥tyāni kr̥ṇvatáḥ /
   carkŕ̥tiyāni kr̥ṇvatáḥ /

Halfverse: c    sahasrasā́m medʰásātāv iva tmánāgníṃ dʰībʰíḥ saparyata //
   sahasrasā́m medʰásātāv iva tmánā_
   sahasrasā́m medʰásātau iva tmánā
   sahasrasā́m medʰásātāv iva tmánā

Halfverse: d    _agníṃ dʰībʰíḥ saparyata //
   agním dʰībʰíḥ saparyata //
   agníṃ dʰībʰíḥ saparyata //


Verse: 4 
Halfverse: a    prá yáṃ rāyé nínīṣasi márto yás te vaso dā́śat /
   prá yáṃ rāyé nínīṣasi
   prá yám rāyé nínīṣasi
   prá yáṃ rāyé nínīṣasi

Halfverse: b    márto yás te vaso dā́śat /
   mártaḥ yáḥ te vaso dā́śat /
   márto yás te vaso dā́śat /

Halfverse: c    sá vīráṃ dʰatte agna uktʰaśaṃsínaṃ tmánā sahasrapoṣíṇam //
   sá vīráṃ dʰatte agna uktʰaśaṃsínaṃ
   sá vīrám dʰatte agne uktʰaśaṃsínam
   sá vīráṃ dʰatte agna uktʰaśaṃsínaṃ

Halfverse: d    tmánā sahasrapoṣíṇam //
   tmánā sahasrapoṣíṇam //
   tmánā sahasrapoṣíṇam //


Verse: 5 
Halfverse: a    sá dr̥ḷʰé cid abʰí tr̥ṇatti vā́jam árvatā sá dʰatte ákṣiti śrávaḥ /
   sá dr̥ḷʰé cid abʰí tr̥ṇatti vā́jam árvatā
   sá dr̥ḷʰé cit abʰí tr̥ṇatti vā́jam árvatā
   sá dr̥ḷʰé cid abʰí tr̥ṇatti vā́jam árvatā

Halfverse: b    sá dʰatte ákṣiti śrávaḥ /
   sá dʰatte ákṣiti śrávaḥ /
   sá dʰatte ákṣiti śrávaḥ /

Halfverse: c    tvé devatrā́ sádā purūvaso víśvā vāmā́ni dʰīmahi //
   tvé devatrā́ sádā purūvaso
   tvé devatrā́ sádā purūvaso
   tuvé devatrā́ sádā purūvaso

Halfverse: d    víśvā vāmā́ni dʰīmahi //
   víśvā vāmā́ni dʰīmahi //
   víśvā vāmā́ni dʰīmahi //


Verse: 6 
Halfverse: a    yó víśvā dáyate vásu hótā mandró jánānām /
   yó víśvā dáyate vásu
   yáḥ víśvā dáyate vásu
   yó víśvā dáyate vásu

Halfverse: b    hótā mandró jánānām /
   hótā mandráḥ jánānām /
   hótā mandró jánānãam /

Halfverse: c    mádʰor ná pā́trā pratʰamā́ny asmai prá stómā yanty agnáye //
   mádʰor ná pā́trā pratʰamā́ny asmai
   mádʰoḥ ná pā́trā pratʰamā́ni asmai
   mádʰor ná pā́trā pratʰamā́ni asmai

Halfverse: d    prá stómā yanty agnáye //
   prá stómāḥ yanti agnáye //
   prá stómā yanti agnáye //


Verse: 7 
Halfverse: a    áśvaṃ ná gīrbʰī́ ratʰyàṃ sudā́navo marmr̥jyánte devayávaḥ /
   áśvaṃ ná gīrbʰī́ ratʰyàṃ sudā́navo
   áśvam ná gīrbʰíḥ ratʰyàm sudā́navaḥ
   áśvaṃ ná gīrbʰī́ ratʰíyaṃ sudā́navo

Halfverse: b    marmr̥jyánte devayávaḥ /
   marmr̥jyánte devayávaḥ /
   marmr̥jyánte devayávaḥ /

Halfverse: c    ubʰé toké tánaye dasma viśpate párṣi rā́dʰo magʰónām //
   ubʰé toké tánaye dasma viśpate
   ubʰé toké tánaye dasma viśpate
   ubʰé toké tánaye dasma viśpate

Halfverse: d    párṣi rā́dʰo magʰónām //
   párṣi rā́dʰaḥ magʰónām //
   párṣi rā́dʰo magʰónãam //


Verse: 8 
Halfverse: a    prá máṃhiṣṭʰāya gāyata r̥tā́vne br̥haté śukráśociṣe /
   prá máṃhiṣṭʰāya gāyata r̥tā́vne
   prá máṃhiṣṭʰāya gāyata r̥tā́vne
   prá máṃhiṣṭʰāya gāyata r̥tā́vane

Halfverse: b    br̥haté śukráśociṣe /
   br̥haté śukráśociṣe /
   br̥haté śukráśociṣe /

Halfverse: c    úpastutāso agnáye //
   úpastutāso agnáye //
   úpastutāsaḥ agnáye //
   úpastutāso agnáye //


Verse: 9 
Halfverse: a    ā́ vaṃsate magʰávā vīrávad yáśaḥ sámiddʰo dyumny ā́hutaḥ /
   ā́ vaṃsate magʰávā vīrávad yáśaḥ
   ā́ vaṃsate magʰávā vīrávat yáśaḥ
   ā́ vaṃsate magʰávā vīrávad yáśaḥ

Halfverse: b    sámiddʰo dyumny ā́hutaḥ /
   sámiddʰaḥ dyumnī́ ā́hutaḥ /
   sámiddʰo dyumnī́ ā́hutaḥ /

Halfverse: c    kuvín no asya sumatír návīyasy ácʰā vā́jebʰir āgámat //
   kuvín no asya sumatír návīyasy
   kuvít naḥ asya sumatíḥ návīyasī
   kuvín no asya sumatír návīyasī

Halfverse: d    ácʰā vā́jebʰir āgámat //
   ácʰa+ vā́jebʰiḥ āgámat //
   ácʰā vā́jebʰir āgámat //


Verse: 10 
Halfverse: a    préṣṭʰam u priyā́ṇāṃ stuhy ā̀sāvā́titʰim /
   préṣṭʰam u priyā́ṇāṃ
   préṣṭʰam u priyā́ṇām
   práyiṣṭʰam u priyā́ṇãaṃ

Halfverse: b    stuhy ā̀sāvā́titʰim /
   stuhí āsāva átitʰim /
   stuhí āsāva átitʰim /

Halfverse: c    agníṃ rátʰānāṃ yámam //
   agníṃ rátʰānāṃ yámam //
   agním rátʰānām yámam //
   agníṃ rátʰānãaṃ yámam //


Verse: 11 
Halfverse: a    úditā yó níditā véditā vásv ā́ yajñíyo vavártati /
   úditā yó níditā véditā vásv
   úditā yáḥ níditā véditā vásu
   úditā yó níditā véditā vásu

Halfverse: b    ā́ yajñíyo vavártati /
   ā́ yajñíyaḥ vavártati /
   ā́ yajñíyo vavártati /

Halfverse: c    duṣṭárā yásya pravaṇé nórmáyo dʰiyā́ vā́jaṃ síṣāsataḥ //
   duṣṭárā yásya pravaṇé nórmáyo
   duṣṭárāḥ yásya pravaṇé ná ūrmáyaḥ
   duṣṭárā yásya pravaṇé ná ūrmáyo

Halfverse: d    dʰiyā́ vā́jaṃ síṣāsataḥ //
   dʰiyā́ vā́jam síṣāsataḥ //
   dʰiyā́ vā́jaṃ síṣāsataḥ //


Verse: 12 
Halfverse: a    mā́ no hr̥ṇītām átitʰir vásur agníḥ purupraśastá eṣáḥ /
   mā́ no hr̥ṇītām átitʰir
   mā́ naḥ hr̥ṇītām átitʰiḥ
   mā́ no hr̥ṇītām átitʰir

Halfverse: b    vásur agníḥ purupraśastá eṣáḥ /
   vásuḥ agníḥ purupraśastáḥ eṣáḥ /
   vásur agníḥ purupraśastá eṣáḥ /

Halfverse: c    yáḥ suhótā svadʰvaráḥ //
   yáḥ suhótā svadʰvaráḥ //
   yáḥ suhótā svadʰvaráḥ //
   yáḥ suhótā suadʰvaráḥ //


Verse: 13 
Halfverse: a    mó té riṣan yé ácʰoktibʰir vasó 'gne kébʰiś cid évaiḥ /
   mó té riṣan yé ácʰoktibʰir vasó
   mā́ u té riṣan yé ácʰoktibʰiḥ vaso
   mó té riṣan yé ácʰaüktibʰir vaso

Halfverse: b    'gne kébʰiś cid évaiḥ /
   ágne kébʰiḥ cit évaiḥ /
   ágne kébʰiś cid évaiḥ /

Halfverse: c    kīríś cid dʰí tvā́m ī́ṭṭe dūtyā̀ya rātáhavyaḥ svadʰvaráḥ //
   kīríś cid dʰí tvā́m ī́ṭṭe dūtyā̀ya
   kīríḥ cit hí tvā́m ī́ṭṭe dūtyā̀ya
   kīríś cid dʰí tvā́m ī́ṭṭe dūtíyāya

Halfverse: d    rātáhavyaḥ svadʰvaráḥ //
   rātáhavyaḥ svadʰvaráḥ //
   rātáhavyaḥ suadʰvaráḥ //


Verse: 14 
Halfverse: a    ā́gne yāhi marútsakʰā rudrébʰiḥ sómapītaye /
   ā́gne yāhi marútsakʰā
   ā́ agne yāhi marútsakʰā
   ā́gne yāhi marútsakʰā

Halfverse: b    rudrébʰiḥ sómapītaye /
   rudrébʰiḥ sómapītaye /
   rudrébʰiḥ sómapītaye /

Halfverse: c    sóbʰaryā úpa suṣṭutím mādáyasva svàrṇare //
   sóbʰaryā úpa suṣṭutím
   sóbʰaryāḥ úpa suṣṭutím
   sóbʰaryā úpa suṣṭutím

Halfverse: d    mādáyasva svàrṇare //
   mādáyasva svàrṇare //
   mādáyasva súvarṇare //





Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.