TITUS
Rg-Veda: Rg-Veda-Samhita
Part No. 735
Previous part

Hymn: 12_(724) 
Verse: 1 
Halfverse: a    sómā asr̥gram índavaḥ sutā́ r̥tásya sā́dane /
   sómā asr̥gram índavaḥ
   sómāḥ asr̥gram índavaḥ
   sómā asr̥gram índavaḥ

Halfverse: b    sutā́ r̥tásya sā́dane /
   sutā́ḥ r̥tásya sā́dane /
   sutā́ r̥tásya sā́dane /

Halfverse: c    índrāya mádʰumattamāḥ //
   índrāya mádʰumattamāḥ //
   índrāya mádʰumattamāḥ //
   índrāya mádʰumattamāḥ //


Verse: 2 
Halfverse: a    abʰí víprā anūṣata gā́vo vatsáṃ ná mātáraḥ /
   abʰí víprā anūṣata
   abʰí víprāḥ anūṣata
   abʰí víprā anūṣata

Halfverse: b    gā́vo vatsáṃ ná mātáraḥ /
   gā́vaḥ vatsám ná mātáraḥ /
   gā́vo vatsáṃ ná mātáraḥ /

Halfverse: c    índraṃ sómasya pītáye //
   índraṃ sómasya pītáye //
   índram sómasya pītáye //
   índraṃ sómasya pītáye //


Verse: 3 
Halfverse: a    madacyút kṣeti sā́dane síndʰor ūrmā́ vipaścít /
   madacyút kṣeti sā́dane
   madacyút kṣeti sā́dane
   madacyút kṣeti sā́dane

Halfverse: b    síndʰor ūrmā́ vipaścít /
   síndʰoḥ ūrmā́ vipaścít /
   síndʰor ūrmā́ vipaścít /

Halfverse: c    sómo gaurī́ ádʰi śritáḥ //
   sómo gaurī́ ádʰi śritáḥ //
   sómaḥ gaurī́ ádʰi śritáḥ //
   sómo gaurī́ ádʰi śritáḥ //


Verse: 4 
Halfverse: a    divó nā́bʰā vicakṣaṇó 'vyo vā́re mahīyate /
   divó nā́bʰā vicakṣaṇó
   diváḥ nā́bʰā vicakṣaṇáḥ
   divó nā́bʰā vicakṣaṇó

Halfverse: b    'vyo vā́re mahīyate /
   ávyaḥ vā́re mahīyate /
   ávyo vā́re mahīyate /

Halfverse: c    sómo yáḥ sukrátuḥ kavíḥ //
   sómo yáḥ sukrátuḥ kavíḥ //
   sómaḥ yáḥ sukrátuḥ kavíḥ //
   sómo yáḥ sukrátuḥ kavíḥ //


Verse: 5 
Halfverse: a    yáḥ sómaḥ kaláśeṣv ā́m̐ antáḥ pavítra ā́hitaḥ /
   yáḥ sómaḥ kaláśeṣv ā́m̐
   yáḥ sómaḥ kaláśeṣu ā́
   yáḥ sómaḥ kaláśeṣu ā́m̐

Halfverse: b    antáḥ pavítra ā́hitaḥ /
   antár pavítre ā́hitaḥ /
   antáḥ pavítra ā́hitaḥ /

Halfverse: c    tám índuḥ pári ṣasvaje //
   tám índuḥ pári ṣasvaje //
   tám índuḥ pári sasvaje //
   tám índuḥ pári ṣasvaje //


Verse: 6 
Halfverse: a    prá vā́cam índur iṣyati samudrásyā́dʰi viṣṭápi /
   prá vā́cam índur iṣyati
   prá vā́cam índuḥ iṣyati
   prá vā́cam índur iṣyati

Halfverse: b    samudrásyā́dʰi viṣṭápi /
   samudrásya ádʰi viṣṭápi /
   samudrásyā́dʰi viṣṭápi /

Halfverse: c    jínvan kóśam madʰuścútam //
   jínvan kóśam madʰuścútam //
   jínvan kóśam madʰuścútam //
   jínvan kóśam madʰuścútam //


Verse: 7 
Halfverse: a    nítyastotro vánaspátir dʰīnā́m antáḥ sabardúgʰaḥ /
   nítyastotro vánaspátir
   nítyastotraḥ vánaspátiḥ
   nítyastotro vánaspátir

Halfverse: b    dʰīnā́m antáḥ sabardúgʰaḥ /
   dʰīnā́m antár sabardúgʰaḥ /
   dʰīnā́m antáḥ sabardúgʰaḥ /

Halfverse: c    hinvānó mā́nuṣā yugā́ //
   hinvānó mā́nuṣā yugā́ //
   hinvānáḥ mā́nuṣā yugā́ //
   hinvānó mā́nuṣā yugā́ //


Verse: 8 
Halfverse: a    abʰí priyā́ divás padā́ sómo hinvānó arṣati /
   abʰí priyā́ divás padā́
   abʰí priyā́ diváḥ padā́
   abʰí priyā́ divás padā́

Halfverse: b    sómo hinvānó arṣati /
   sómaḥ hinvānáḥ arṣati /
   sómo hinvānó arṣati /

Halfverse: c    víprasya dʰā́rayā kavíḥ //
   víprasya dʰā́rayā kavíḥ //
   víprasya dʰā́rayā kavíḥ //
   víprasya dʰā́rayā kavíḥ //


Verse: 9 
Halfverse: a    ā́ pavamāna dʰāraya rayíṃ sahásravarcasam /
   ā́ pavamāna dʰāraya
   ā́ pavamāna dʰāraya
   ā́ pavamāna dʰāraya

Halfverse: b    rayíṃ sahásravarcasam /
   rayím sahásravarcasam /
   rayíṃ sahásravarcasam /

Halfverse: c    asmé indo svābʰúvam //
   asmé indo svābʰúvam //
   asmé indo svābʰúvam //
   asmé indo suābʰúvam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.