TITUS
Rg-Veda: Rg-Veda-Samhita
Part No. 736
Previous part

Hymn: 13_(725) 
Verse: 1 
Halfverse: a    sómaḥ punānó arṣati sahásradʰāro átyaviḥ /
   sómaḥ punānó arṣati
   sómaḥ punānáḥ arṣati
   sómaḥ punānó arṣati

Halfverse: b    sahásradʰāro átyaviḥ /
   sahásradʰāraḥ átyaviḥ /
   sahásradʰāro átyaviḥ /

Halfverse: c    vāyór índrasya niṣkr̥tám //
   vāyór índrasya niṣkr̥tám //
   vāyóḥ índrasya niṣkr̥tám //
   vāyór índrasya niṣkr̥tám //


Verse: 2 
Halfverse: a    pávamānam avasyavo vípram abʰí prá gāyata /
   pávamānam avasyavo
   pávamānam avasyavaḥ
   pávamānam avasyavo

Halfverse: b    vípram abʰí prá gāyata /
   vípram abʰí prá gāyata /
   vípram abʰí prá gāyata /

Halfverse: c    suṣvāṇáṃ devávītaye //
   suṣvāṇáṃ devávītaye //
   suṣvāṇám devávītaye //
   suṣvāṇáṃ devávītaye //


Verse: 3 
Halfverse: a    pávante vā́jasātaye sómāḥ sahásrapājasaḥ /
   pávante vā́jasātaye
   pávante vā́jasātaye
   pávante vā́jasātaye

Halfverse: b    sómāḥ sahásrapājasaḥ /
   sómāḥ sahásrapājasaḥ /
   sómāḥ sahásrapājasaḥ /

Halfverse: c    gr̥ṇānā́ devávītaye //
   gr̥ṇānā́ devávītaye //
   gr̥ṇānā́ḥ devávītaye //
   gr̥ṇānā́ devávītaye //


Verse: 4 
Halfverse: a    utá no vā́jasātaye pávasva br̥hatī́r íṣaḥ /
   utá no vā́jasātaye
   utá naḥ vā́jasātaye
   utá no vā́jasātaye

Halfverse: b    pávasva br̥hatī́r íṣaḥ /
   pávasva br̥hatī́ḥ íṣaḥ /
   pávasva br̥hatī́r íṣaḥ /

Halfverse: c    dyumád indo suvī́ryam //
   dyumád indo suvī́ryam //
   dyumát indo suvī́ryam //
   dyumád indo suvī́riyam //


Verse: 5 
Halfverse: a    té naḥ sahasríṇaṃ rayím pávantām ā́ suvī́ryam /
   té naḥ sahasríṇaṃ rayím
   té naḥ sahasríṇam rayím
   té naḥ sahasríṇaṃ rayím

Halfverse: b    pávantām ā́ suvī́ryam /
   pávantām ā́ suvī́ryam /
   pávantām ā́ suvī́riyam /

Halfverse: c    suvānā́ devā́sa índavaḥ //
   suvānā́ devā́sa índavaḥ //
   suvānā́ḥ devā́saḥ índavaḥ //
   svānā́ ՙ devā́sa índavaḥ //


Verse: 6 
Halfverse: a    átyā hiyānā́ ná hetŕ̥bʰir ásr̥graṃ vā́jasātaye /
   átyā hiyānā́ ná hetŕ̥bʰir
   átyāḥ hiyānā́ḥ ná hetŕ̥bʰiḥ
   átyā hyānā́ ՙ ná hetŕ̥bʰir

Halfverse: b    ásr̥graṃ vā́jasātaye /
   ásr̥gram vā́jasātaye /
   ásr̥graṃ vā́jasātaye /

Halfverse: c    ví vā́ram ávyam āśávaḥ //
   ví vā́ram ávyam āśávaḥ //
   ví vā́ram ávyam āśávaḥ //
   ví vā́ram ávyam āśávaḥ //


Verse: 7 
Halfverse: a    vāśrā́ arṣantī́ndavo 'bʰí vatsáṃ ná dʰenávaḥ /
   vāśrā́ arṣantī́ndavo
   vāśrā́ḥ arṣanti índavaḥ
   vāśrā́ arṣanti índavo

Halfverse: b    'bʰí vatsáṃ ná dʰenávaḥ /
   abʰí vatsám ná dʰenávaḥ /
   abʰí vatsáṃ ná dʰenávaḥ /

Halfverse: c    dadʰanviré gábʰastyoḥ //
   dadʰanviré gábʰastyoḥ //
   dadʰanviré gábʰastyoḥ //
   dadʰanviré gábʰastiyoḥ //


Verse: 8 
Halfverse: a    júṣṭa índrāya matsaráḥ pávamāna kánikradat /
   júṣṭa índrāya matsaráḥ
   júṣṭaḥ índrāya matsaráḥ
   júṣṭa índrāya matsaráḥ

Halfverse: b    pávamāna kánikradat /
   pávamāna kánikradat /
   pávamāna kánikradat /

Halfverse: c    víśvā ápa dvíṣo jahi //
   víśvā ápa dvíṣo jahi //
   víśvāḥ ápa dvíṣaḥ jahi //
   víśvā ápa dvíṣo jahi //


Verse: 9 
Halfverse: a    apagʰnánto árāvṇaḥ pávamānāḥ svardŕ̥śaḥ /
   apagʰnánto árāvṇaḥ
   apagʰnántaḥ árāvṇaḥ
   apagʰnánto árāvaṇaḥ

Halfverse: b    pávamānāḥ svardŕ̥śaḥ /
   pávamānāḥ svardŕ̥śaḥ /
   pávamānāḥ suvardŕ̥śaḥ /

Halfverse: c    yónāv r̥tásya sīdata //
   yónāv r̥tásya sīdata //
   yónau r̥tásya sīdata //
   yónāv r̥tásya sīdata //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.